News

POST TYPE

EDITOR PICK POST

အစ္စရေးမယ်နဲ့ တွဲရိုက်မိတဲ့ အီရတ်မယ် ဘာဖြစ်သွားသလဲ
15-Jun-2018 tagged as အီရတ် အစ္စရေး



ပြီးခဲ့တဲ့ ခြောက်လလောက်က ရိုက်ကူးခဲ့တဲ့ အလှမယ်နှစ်ဦးရဲ့ Selfie ဓာတ်ပုံတစ်ပုံကြောင့် တစ်ဦးဟာ တိုင်းပြည်ကို စွန့်ခွာတိမ်းရှောင်ရသလို နောက်ဆက်တွဲတွေ အများကြီးဖြစ်ကုန်ပါရော။ ဆာရာအီဒန်ဟာ ၂၀၁၇ ခုနှစ် မယ်စကြဝဠာပြိုင်ပွဲအတွက် အီရတ်နိုင်ငံကို ကိုယ်စားပြုပြီး လက်စ်ဗီးဂတ်စ်ကို သွားခဲ့ပါတယ်။ အဲဒီမှာ အစ္စရေးမယ် အဒါဂန်ဒယ်စ်မန်းနဲ့တွေ့ဆုံခဲ့ပြီးတော့ ဓာတ်ပုံအတူရိုက်ကာ အွန်လိုင်းတင်ခဲ့ပါတယ်။ မစ္စအီရတ်နဲ့ မစ္စအစ္စရေးတို့ထံကဖြန့်ဝေတဲ့ ငြိမ်းချမ်းရေးနဲ့ချစ်ခြင်းတရား ဆိုတဲ့စာသားကိုပါ ပုံနဲ့အတူတွဲ တင်လိုက်ပါတယ်။ ဒါပေမဲ့ အီရတ်တချို့က သူမကို သစ္စာဖောက်လို့မြင်ပြီး အသက်အန္တရာယ်ကို ခြိမ်းခြောက်တာတွေပါ ရှိလာပါတယ်။ ယခုအခါ အီရတ်မယ်ဟာ မိသားစုနဲ့အတူ အမေရိကန်ပြည်ထောင်စုကို ပြောင်းရွှေ့ခဲ့ရပြီး အစ္စရေးမယ်နဲ့ ပြန်တွေ့ကာ မဂ္ဂဇင်းဓာတ်ပုံကာဗာတွေတောင် အတူတွဲပြီး ရိုက်ကူးနေပါပြီ။ 

F-02