News

POST TYPE

EDITOR PICK POST

စီမံ/ ဘဏ္ဍာဝန်ကြီး၏ အခန်းကဏ္ဍနှင့် မှားနေသော အစိုးရအဖွဲ့၏ ဝါစဉ်
06-Jun-2018

လတ်တလော အဂတိလိုက်စားမှုတိုက်ဖျက်ရေးကော်မရှင်နှင့် မရှင်းမလင်းဖြစ်နေသော စီမံ/ဘဏ္ဍာဝန်ကြီး ဦးကျော်ဝင်း နုတ်ထွက်သွားပြီးနောက် ဝန်ကြီးအသစ်အဖြစ် အသက် ၈၀ အရွယ်ရှိ ဦးစိုးဝင်းဆိုသူအား ခန့်အပ်မည်ဟုသိရပါသည်။ ဦးစိုးဝင်းအား ခန့်အပ်မှုကို သုံးသပ်သော် NLD အစိုးရ၏ရွေးချယ်ရေးစံနှုန်းကို အောက်ပါအတိုင်း မှန်းဆနိုင်ပါသည်။

(က) လုပ်ငန်းရှင်သူဌေးတစ်ဦးဖြစ်၍ ငွေကြေးဓနဥစ္စာကြွယ်ဝခြင်း၊ (လာဘ်စားရန်မလိုဟု ယူဆနိုင်ခြင်း)

(ခ) အသက် ၈၀ ရှိပြီး လုပ်ငန်းအတွေ့အကြုံများပြားခြင်း၊

(ဂ) အစိုးရဝန်ထမ်းအဖြစ် မြန်မာ့နိုင်ငံခြားကုန်သွယ်မှုဘဏ်တွင် တာဝန်ယူဖူးသူဖြစ်ခြင်း၊

သို့ပါ၍ သုံးသပ်ရသော် လာဘ်ပေးလာဘ်ယူရန်မလိုတော့သော ငွေကြေးပြည့်စုံမှုနှင့် ကျွမ်းကျင်မှုတို့ကို အဓိကစံထား၍ရွေးချယ်သည်ဟု ပြောရတော့မည်ဖြစ်ပါသည်။ ဦးစိုးဝင်း၏ စွမ်းဆောင်ရည်ကြောင့် မြန်မာနိုင်ငံကြီးအရှိန်အဟုန်ဖြင့် ပြောင်းလဲသွားမှု ရှိ/မရှိကို ဦးစိုးဝင်းတာဝန်ယူပြီးမှသာ သိရတော့မည်။ စာရေးသူ၏အမြင်အရဆိုသော် တာဝန်ရှိသူ ပုဂ္ဂိုလ်တစ်ဦး၏ အပြောင်းအလဲသက်သက်ကြောင့် မြန်မာနိုင်ငံ၏ စီးပွားရေး ရုတ်ခြည်းတိုးတက်ပြောင်းလဲသွားမည်ဟု မယူဆပါ။

ဥပမာပြုရသော် အမေရိကန်ပြည်ထောင်စုအစိုးရ အုပ်ချုပ်ရေး ယန္တရားကြီးနှင့် ပမာပြုလိုပါသည်။ အမေရိကန်တွင် သမ္မတအသစ်တက်တိုင်း မူဝါဒအနည်းငယ်ပြောင်းလဲတတ်ပါသည်။ သို့သော် အမေရိကန် ပြည်ထောင်စုမှ ထားရှိသည့် နိုင်ငံရေးနှင့် လူသားရေးရာစံနှုန်းများ မပြောင်းလဲ၊ အထူးသဖြင့် အမေရိကန်နိုင်ငံတွင် သမ္မတတစ်ဦး အဘယ်မျှဆိုးပါစေ တိုင်းပြည်တွင် အထိန်းအကွပ်များ၊ သမ္မတ၏အာဏာကို ဟန်ချက်ညှိမည့်အဖွဲ့အစည်းများရှိခြင်းကြောင့် နိုင်ငံအနေနှင့် လမ်းဆိုးလမ်းမှားသို့ မရောက်ရှိနိုင်ပေ။ ယနေ့ပင်လျှင် သမ္မတထရမ့်အနေနှင့် မည်သို့သောကြွေးကြော်သံဖြင့် တက်လာသည်ဖြစ်စေ သူထင်သလိုလုပ်ရန် အခက်အခဲရှိနေသည်။

ထိုနည်းတူစွာပင် လူပုဂ္ဂိုလ်တစ်ဦးအနေနှင့် အဘယ်မျှပင်ထူးချွန်ပါစေ ၎င်းအားအပ်နှင်းထားသောအာဏာ၊ လုပ်ပိုင်ခွင့်တို့မှာ ကန့်သတ်ချက်ရှိနေလျှင် ထင်သလောက်လုပ်နိုင်မည်မဟုတ်ပေ။ ယခုလည်းဝန်ကြီး အသစ်ဖြစ်လာမည့် ဦးစိုးဝင်းအပေါ် မျှော်လင့်ချက်များက ကြိုဆိုနေသည်။ အကောင်းမြင်စိတ်များကလည်း လွှမ်းမိုးနေပေသည်။

သို့ပါ၍ ယနေ့အမျိုးသားဒီမိုကရေစီအဖွဲ့ချုပ်အစိုးရထဲတွင် ဦးစိုးဝင်းအပေါ် မျှော်လင့်အားကိုးကြီးစွာရှိသည့်တိုင် အချို့သောမီဒီယာများ၊ ပုဂ္ဂိုလ်များက ဤမျှအသက် ၈၀ အရွယ်တည်းဟူသော ပုဂ္ဂိုလ်ကြီးကို စီမံ/ဘဏ္ဍာ ဝန်ကြီးဌာနကဲ့သို့ အရေးကြီးလှသော (အရေးကြီးလှသော) ဝန်ကြီးဌာနတွင် ခန့်အပ်သင့်ပါသလားဟူ၍ မေးခွန်းထုတ်နေပြန်ပါသည်။ စီမံ/ဘဏ္ဍာ ဝန်ကြီးဌာနသည် အရေးကြီးလှသည်ဟု မီဒီယာများအပါအဝင် အားလုံးက လက်ခံကြသော် အစိုးရအနေနှင့်လည်း ထိုဝန်ကြီးဌာနသည် အရေးကြီးသည်ဟု လက်ခံပါသလားဟု စာရေးသူက မေးလိုလှပါသည်။ 

လိုတိုရှင်းပြောရသော် ဤမျှအရေးကြီးလှသော စီမံ/ဘဏ္ဍာဝန်ကြီးဌာနသည် အစိုးရအဖွဲ့၏ အင်္ဂါစဉ်  (Protocol) တွင် ဝန်ကြီးဌာနအားဖြင့် နိုင်ငံခြားရေးမှစကာ အောက်ဆုံးတွင်ရှိသော အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးအထိ ၂၄ နေရာတွင် နံပါတ် ၁၉ ၌ ရှိနေပေသည်။ [(www.president-office.gov.mm) ကို ညွှန်းပါသည်။] 

ထိုအင်္ဂါစဉ်ကြီးအား NLD အစိုးရတက်စဉ် ဘယ်သူအကြံပေးသလဲဟု စဉ်းစားမိပါသည်။ အစိုးရအဖွဲ့တစ်ဖွဲ့၏ ဝန်ကြီးဌာနများကို သုံးသပ်သော်စာရေးသူ၏ ၁၃ နှစ်တာကာလတည်းဟူသော ညွှန်/ချုပ် လုပ်သက်အရသမ္မတ (သို့မဟုတ်) အစိုးရအဖွဲ့အားကိုယ်စားပြုသော ဝန်ကြီးဌာနများ (ဥပမာအားဖြင့် နိုင်ငံတော်သမ္မတရုံးဝန်ကြီးဌာန၊ နိုင်ငံတော်အတိုင်ပင်ခံရုံးဝန်ကြီးဌာန စသည်)၊ ဒုတိယအားဖြင့် ဝန်ကြီးဌာနအားလုံးကို ပေါင်းစပ်ရသောဝန်ကြီးဌာနများ (Inter Ministerial Ministry)(ဥပမာအားဖြင့် စီမံ/ဘဏ္ဍာဝန်ကြီးဌာန)၊ ကဏ္ဍအလိုက် တာဝန်ယူသောဝန်ကြီးဌာန (မွေး/ကု၊ လယ်/ဆည်၊ ပြန်ကြားရေး၊ ဟိုတယ်နှင့်ခရီး စသည်) ဟူ၍ ၃ မျိုးခန့် ကွဲပြားပါသည်။

သို့ပါ၍ ဝန်ကြီးဌာနများ၏အင်္ဂါစဉ်တွင် နိုင်ငံတော်အား ကမ္ဘာ့အလယ်တွင် ကိုယ်စားပြုရသော နိုင်ငံခြားရေးဝန်ကြီးဌာန၊ လက်နက်ကိုင်တပ်ဖွဲ့များကို တာဝန်ယူရသော ကာကွယ်ရေးဝန်ကြီးဌာနတို့မှာ ထိပ်ဆုံးတွင်နေသည်ဆိုက သင့်တော်ပါသည်။ ပြည်ထဲရေးဝန်ကြီးဌာနဆိုသည်မှာ အရေးပါသည်ဟုထင်ရသော်လည်း Federal ပုံစံဖြင့် ဒေသန္တရအစိုးရများ ရှိလာသော် အရေးပါမှု လျော့နည်းသွားရပေသည်။ ရှေ့နေချုပ်နှင့်စာရင်း စစ်ချုပ်တို့မှာ ထိန်းညှိသော၊ အကြံပေးသော၊ ကိုယ်စားပြုရသော (Monitoring, Consulting and Representing) လုပ်ငန်းများသာ လုပ်ရသည်။ သို့ပါ၍ နိုင်ငံခြားရေးနှင့် ကာကွယ်ရေးပြီးလျှင် အရေးအပါဆုံးမှာ အစိုးရ၏ ဘဏ္ဍာရေးတာဝန်ခံဖြစ်သော အနာဂတ်စီမံကိန်းများကို ရေးဆွဲရသောစီမံကိန်းနှင့် ဘဏ္ဍာရေးဝန်ကြီးသာ ဖြစ်ပေသည်။ ယခင် မြန်မာ့ဆိုရှယ်လစ်လမ်းစဉ်ပါတီခေတ် အစိုးရများတွင် သူရဦးထွန်းတင်ကဲ့သို့ စီမံကိန်းနှင့်ဘဏ္ဍာရေးဝန်ကြီးမှာ ဒုတိယဝန်ကြီးချုပ်လည်း ဖြစ်ပေသည်။ စီးပွားရေးရှုထောင့်မှကြည့်သော် နိုင်ငံခြားရေးနှင့် ကာကွယ်ရေးတို့၏ရှေ့တွင်ပင် ရှိရမည်ဖြစ်သော ဝန်ကြီးဌာနကြီးဖြစ်သည်။

စီမံ/ဘဏ္ဍာဝန်ကြီးသည် အခွန်ဘဏ္ဍာများကို စုစည်းသူ၊ ဝန်ကြီးဌာနများသို့ဖြန့်ဝေသူ၊ တိုင်းပြည်၏ဘဏ္ဍာတိုက်သော့ကြီးကို ကိုင်ထားသော “ဝန်ကြီးဌာနများဆိုင်ရာဝန်ကြီး”  (Inter Ministerial Minister) ဖြစ်ပေရာ ၂၀၁၆ ခုနှစ် ဧပြီလဆန်းမှစပြီး ယခုရှိနေသောဝန်ကြီးဌာန အင်္ဂါစဉ်ကြီးအား စာရေးသူက ထောက်ပြဝေဖန်လိုခဲ့ပါသည်။ ထိုစဉ်က ခန့်ထားခံရသော ဘဏ္ဍာ/အခွန်ဝန်ကြီး ဦးကျော်ဝင်းမှာ ဒေါက်တာဘွဲ့နှင့် ပတ်သက်၍ ဝေဖန်ခံရလျက်ရှိရာ ထိုကိစ္စကြောင့် ဦးကျော်ဝင်းအားမူတည်၍ ဝန်ကြီးဌာန၏ အင်္ဂါစဉ်ရပ်တည်ချက်ကို အောက်ဘက်သို့ပို့ခဲ့သော် ပုဂ္ဂိုလ်ရေး (Personal) အရ လုပ်ဆောင်ခြင်းဖြစ်ပါလိမ့်မည်။ ဤသို့ ဆိုသော်စည်းမျဉ်းဥပဒေအတိုင်းသွားခြင်း (According to Principle) မဟုတ်ဟု ပညာရှိတို့က ဝေဖန်ကြပါလိမ့်မည်။ အဘယ့်ကြောင့်ဆိုသော် ဦးကျော်ဝင်းဟုမစဉ်းစားဘဲ စီမံကိန်းနှင့် ဘဏ္ဍာရေးဝန်ကြီးဟုသာ စဉ်းစားရပါလိမ့်မည်။

ယခုမူ အတွေ့အကြုံများရှိ၍ ပင်ကိုကြွယ်ဝချမ်းသာသော ပညာရှင် ဦးစိုးဝင်းအား စီမံ/ဘဏ္ဍာဝန်ကြီးအဖြစ် ခန့်အပ်ရတော့မည်ဖြစ်ရာ ဦးစိုးဝင်းသည်အရေးပါသောဝန်ကြီးအဖြစ် အားလုံးသိရှိစေရန်၊ စွမ်းဆောင်ရည်အား ထုတ်ပြနိုင်ရန် နိုင်ငံတော်သမ္မတကြီးအနေနှင့် ဝန်ကြီးဌာနအင်္ဂါစဉ်အား ပြန်လည်မြှင့်တင်ပြောင်းလဲပေးရပါမည်။ 

နိုင်ငံတော်သမ္မတရုံး၊ အစိုးရအဖွဲ့တို့ထံတွင် တာဝန်ထမ်းဆောင်နေသော ဝန်ထမ်းကြီး/ငယ် အားလုံးမှာ အစိုးရ၏ အုပ်ချုပ်မှုယန္တရား (Governance) ကို နားလည်သဘောပေါက်ရပါမည်။ ယခင် တပ်မတော် အစိုးရလက်ထက် တရားသူကြီးချုပ် ဦးအောင်တိုး၊ ရှေ့နေချုပ် ဦးအေးမောင်တို့မှာ (B.C.S) ဝန်ထမ်းများအဖြစ် ကျင့်သားရခဲ့ပါသည်။ ထို့ပြင်အထွေထွေအုပ်ချုပ်ရေးဦးစီးဌာနမှ ညွှန်ကြားရေးမှူး (ငြိမ်း) ဦးကျော်မှာ အုပ်ချုပ်ရေးအကြံပေးနိုင်သူဖြစ်သည်။ ထိုခါးဆက်ကြီးပြတ်သွားရာ ယခုတာဝန်ရှိသူ ဝန်ထမ်းအကြီးအကဲများမှာ လေ့လာဖတ်ရှုရပါမည်။ ၂၀၁၁ ခုနှစ် ဧပြီလတွင် သမ္မတဦးသိန်းစိန်အစိုးရအဖြစ် ဒီမိုကရေစီအစိုးရ ပြန်လည်ပေါ်ပေါက်လာသော် ထိုစဉ်က ပုဂ္ဂလိကပိုင်ပြုလုပ်ရေးကော်မရှင်ကို ပြန်လည်ဖွဲ့စည်းခဲ့ပါသည်။ တပ်မတော်အစိုးရခေတ် ဖွဲ့စည်းပုံတွင် နိုင်ငံတော်တရား ရုံးချုပ်တရားသူကြီးတစ်ဦးပါဝင်ခဲ့ရာ အစိုးရအဖွဲ့ရုံးမှလည်း ပြည်ထောင်စု တရားလွှတ်တော်ချုပ် တရားသူကြီးတစ်ဦးဟု အဖွဲ့ဝင်စာရင်း ထုတ်ပြန်ခဲ့သည်။ ထိုအချိန်တွင် စာရေးသူမှာ ပုဂ္ဂလိကပိုင်ပြုလုပ်ရေးကော်မရှင်၏ ရုံးအဖွဲ့မှူးနှင့် တွဲဖက်အတွင်းရေးမှူးတစ်ဦးအဖြစ်ပါဝင်ရာ ထိုစာရင်းကိုတွေ့သော် အစိုးရအဖွဲ့ရုံးသို့ ဖုန်းဆက်ကာ ၂၀၀၈ ခုနှစ် ဖွဲ့စည်းပုံအခြေခံဥပဒေအရ ပြည်ထောင်စုတရားလွှတ်တော်ချုပ်သည် တရားစီရင်ရေးအာဏာကို ရယူထားသည့် သီးခြားအဖွဲ့အစည်း (Separate Body) ဖြစ်၍ ကော်မရှင်တွင် ပြည်ထောင်စုတရားလွှတ်တော်ချုပ် တရားသူကြီးတစ်ဦး ပါဝင်နေမှုသည် ဖွဲ့စည်းပုံအခြေခံဥပဒေနှင့် ဆန့်ကျင်နေပါသည်ဟု ပြောလိုက်ရသည်။ ထိုအခါမှပင် တရားလွှတ်တော်ချုပ် တရားသူကြီးတစ်ဦးကို ကော်မရှင်အဖွဲ့ဝင်စာရင်းမှ အစိုးရအဖွဲ့ရုံးမှ ပြန်လည်ဖြုတ်ပေးလိုက်ပါသည်။ 

လုပ်ငန်းတစ်ခုလုပ်ဆောင်ရာတွင်ဖြစ်စေ၊ စစ်ပွဲတစ်ခုတိုက်ခိုက်သည်ဖြစ်စေပါဝင်သူများကို အဖွဲ့များအဖြစ် စုဖွဲ့ရပေသည်။ ထိုစုဖွဲ့မှု မှန်ကန်မှသာ အောင်မြင်မှုရရှိပါမည်။ ယခုလက်ရှိဝန်ကြီးဌာနများ၏ အင်္ဂါစဉ် (Protocol) မှာ မှားယွင်းနေသဖြင့် စီမံ/ဘဏ္ဍာအား ရှေ့သို့တိုးကာ ဖွဲ့စည်းပေးရမည်ဖြစ်ပါသည်။ ဝန်ကြီးအသစ်စွမ်းဆောင်ရည်အပေါ် မှတ်ကျောက်တင်ရမည့်နောက်ဆုံးအချက်မှာ တိုင်းပြည်၏ ဖွံ့ဖြိုးတိုးတက်မှုဆိုင်ရာမူဝါဒများကို မည်သို့ပြောင်းလဲနိုင်မည်၊ အကောင်အထည်ဖော်နိုင်မည် ဆိုသည့်ကိစ္စဖြစ်သည်။ အခြားအခြားသော ဝန်ကြီးဌာနများကို မည်သို့ဦးဆောင်မှုပေးနိုင်သည် ဆိုသည့်အချက်ဖြစ်သည်။

အမေရိကန်သမိုင်းတွင် သမ္မတရီဂင်သည် ပြည်သူကြားမှပေါက်ဖွားလာသော ယန်းကီးသူရဲကောင်း (American Cowboy) ဟု ဆိုသကဲ့သို့ သမ္မတဂျော့ဘွတ်ရှ် (အကြီး) မှာ အတွေ့အကြုံရင့် အရာရှိကြီးတစ်ဦး ဖြစ်ပါသည်။ ဦးစိုးဝင်း၏ ရပ်တည်ချက်မှာ သမ္မတဂျော့ဘွတ်ရှ် (အကြီး) ၏ ပုံစံအတိုင်း ဝင်လာဖို့ရန်မျှော်လင့်ပါသည်။ NLD အနေနှင့် အတိုက်အခံ ပါတီဘဝတွင် စီးပွားရေးဦးဆောင်ကော်မတီမှာ မှန်းဆချက်များ၊ ဝေဖန်ချက်များသာ ပြုခဲ့ရမည်ဖြစ်ပါသည်။ အာဏာရပါတီဘဝရောက်ရှိသော် ယခုကာလရောက်သည်အထိ စီးပွားရေးအောင်မြင်မှု မရှိသေးကြောင်း ဝန်ခံရမည်သာဖြစ်သည်။ စီးပွားရေးပညာရှင်တိုင်းသာ တိုင်းပြည်၏စီးပွားရေးကောင်းအောင် ဆောင်ရွက်နိုင်ခဲ့လျှင် ကမ္ဘာပေါ်တွင် ဘောဂဗေဒ ပါမောက္ခများကသာ ယနေ့ခေတ် နိုင်ငံ့ခေါင်းဆောင်ဖြစ်ကြပါလိမ့်မည်။ အမေရိကန်ပြည်တွင်းစစ်ကာလအတွင်း စီးပွားရေးမကျသည်သာမက တိုးတက်အောင်စွမ်းဆောင်နိုင်ခဲ့သူမှာ သမ္မတဖြစ်ရန် ရည်မှန်းချက်ကြီးခဲ့သည့် ဥပဒေပညာရှင်ရှေ့နေ၊ နိုင်ငံရေးသမားနှင့် စီးပွားရေးအခြေခံ စည်းမျဉ်းများအားသိသူ (Salmon Chase) ဖြစ်ပါသည်။ နောင်အချိန်တွင် ဘဏ္ဍာရေးဝန်ကြီးဘဝမှသည် အမေရိကန်တရားလွှတ်တော်ချုပ်၏ တရားသူကြီးချုပ်ဖြစ်ခဲ့ပါသည်။

စီမံ/ဘဏ္ဍာဝန်ကြီးအနေနှင့် စီးပွားရေးပညာရှင်တစ်ဦး၏ ပြီးပြည့်စုံသော နည်းပညာဆိုင်ရာကျွမ်းကျင်မှု မလိုပေ။ ထိုကျွမ်းကျင်မှုအား ဖြည့်ဆည်းပေးမည့် ညွှန်ကြားရေးမှူးချုပ်များ၊ ညွှန်ကြားရေးမှူးများက အသင့်ရှိ၍ နေသည်သာဖြစ်သည်။

ယနေ့မြန်မာနိုင်ငံ၏ စီးပွားရေးနှင့်ပတ်သက်၍ ဒေါ်အောင်ဆန်းစုကြည်၏အနီးတွင် အကြံပေးနေသည့် အနောက်တိုင်းသားပုဂ္ဂိုလ်တစ်ဦးမှ တိုးတက်သည်ဟုပြောသကဲ့သို့ ၎င်းကပင် ပြည်သူများကိုမေးလျှင် တိုးတက်ခြင်းမရှိဟု ဖြေကြမည်ဖြစ်ကြောင်း မရေရာသော နှစ်ခွအဖြေကို ပေးခဲ့ပါသည်ဟု Facebook တွင် ဖတ်ရှုရသည်။ စီးပွားရေးအခြေအနေ ကောင်းမကောင်း ကိန်းဂဏန်းများနှင့် တိုင်းတာပြနေသည်ထက် လူထုအနေဖြင့် အဆင်ပြေသည်ဟု ခံစားရသည် (သို့မဟုတ်) အဆင်မပြေဆိုသော လူထု၏ခံစားချက်အား နိုင်ငံရေးသမားဝန်ကြီးများကသာ ခံစားသိရှိနိုင်သည်။

စီမံ/ဘဏ္ဍာဝန်ကြီးအနေနှင့် တိုင်းပြည်၏ စီးပွားရေးတိုးတက်ရေးအတွက် အဓိက တာဝန်အရှိဆုံးပုဂ္ဂိုလ်တစ်ဦးအနေနှင့် ၎င်းဝန်ကြီးဌာန တစ်ခုတည်းသာမဟုတ်၊ အခြားသော ဝန်ကြီးဌာနများ၏ ဥပဒေများ၊ မြေယာမူဝါဒများ၊ ဒေသန္တရအစိုးရများ၏ လုပ်ဆောင်ချက်များကိုပါ အခါမလင့်စောင့်ကြည့်နားစွင့်နေရသည် ဖြစ်ပါသည်။ တိုင်းပြည်၏ စီးပွားရေးနှင့် ကုန်ထုတ်လုပ်မှုများ ထိခိုက်မည့်အရေးတွင် အခြားဌာနများသို့ ဝင်ရောက်စွက်ဖက်ရမည်သာ ဖြစ်ပါသည်။ ဝင်ရောက်စွက်ဖက်နိုင်အောင်လည်း အခွင့်ဩဇာမှာ အခြားဝန်ကြီးဌာနများထက် ကြီးမားပေးရပါမည်။

စာရေးသူကြုံသမျှ တပ်မတော်အစိုးရမှသည် ယခုအထိ မြန်မာအစိုးရများ၏ ဖွံ့ဖြိုးမှုပုံစံနှင့်သီအိုရီ၊ ဘတ်ဂျက်ခေါ် ရငွေနှင့် သုံးငွေပေါ်လစီမူဝါဒများမှာ မှားယွင်းလျက်ရှိသည်ဟု ယူဆမိသည်။ သို့ပါ၍ သာမန်စီးပွားရေး ပညာရှင်တစ်ဦး၏ ကျွမ်းကျင်မှုနှင့်မရ၊ မှန်သည်ထင်လျှင် တိုက်တွန်းပြောဆိုရဲသည့် နိုင်ငံရေးသမားတစ်ဦး၏ သတ္တိနှင့်ဗျတ္တိလည်း လိုအပ်ပေသည်။

သို့ပါ၍ အစိုးရ၏ စီးပွားရေးပေါ်လစီမူဝါဒများဖြစ်သော ဖွံ့ဖြိုးတိုးတက်ရေးမူဝါဒ၊ ဘတ်ဂျက်မူဝါဒတို့ကိုပါပြုပြင်ပြောင်းလဲ၍ စည်းရုံးသိမ်းသွင်းရမည်ဖြစ်သော နိုင်ငံရေးသမားတစ်ဦး၏ စွမ်းဆောင်ရည်ကိုလည်း စီမံ/ဘဏ္ဍာဝန်ကြီးအနေနှင့် ပြသရမည်ဖြစ်ပါကြောင်း၊ ပြသနိုင်အောင်လည်း အခွင့်အာဏာ အင်နှင်းရမည်ဖြစ်ပါကြောင်း အကျိုးမျှော်၍ ရေးသားတင်ပြအပ်ပါသည်။

ဒေါက်တာအောင်မျိုး