News

POST TYPE

EDITOR PICK POST

ဒေါ်အောင်ဆန်းစုကြည်အပေါ် ကျရောက်နေသည့် ရခိုင်ပြဿနာနှင့် ဖိအားများ
23-May-2018



မြန်မာနိုင်ငံမှ အရပ်ဘက်အစိုးရသည် ကဏ္ဍအားလုံးတွင် တိုးမြင့်လာသော ဖိအားများအောက်တွင် ရောက်နေသည်။ မြန်မာနိုင်ငံသည် အနောက်ပိုင်း ရခိုင်ပြည်နယ်မှ အကြမ်းဖက်ဖြစ်စဉ်များကြောင့် ဘင်္ဂလားဒေ့ရ်ှနိုင်ငံဘက်သို့ ထွက်ပြေးတိမ်းရှောင်သွားကြသော မွတ်ဆလင်ဒုက္ခသည် တစ်သန်းနီးပါး ပြန်လာနိုင်ရေးအတွက် စီစဉ်ရန် ကြိုးစားရုန်းကန်နေသည့်အလျောက် မြန်မာအစိုးရအပေါ်တွင် အထူးသဖြင့် ကုလသမဂ္ဂနှင့် အမေရိကန်ပြည်ထောင်စုထံမှ ဖိအားများ မြင့်တက်နေသည်။

ထို့အပြင် မကြာသေးမီ သီတင်းပတ်များအတွင်း ကချင်ပြည်နယ်တွင် တိုက်ပွဲပြန်လည်ဖြစ်ပွားမှုကြောင့် အရပ်သားများ အရေအတွက် ထောင်နှင့်ချီ၍ ထွက်ပြေးတိမ်းရှောင်မှု ဖြစ်ပွားခဲ့သည့်အပြင် ရှမ်းပြည်နယ်နှင့် ကရင်ပြည်နယ်တွင် ပစ်ခတ်တိုက်ခိုက်မှုများကြောင့် ရပ်ဆိုင်းနေသော ငြိမ်းချမ်းရေးလုပ်ငန်းစဉ်အပေါ် ထိခိုက်မှု ပိုမိုကြီးမားလာခဲ့သည်။

ကိစ္စများကို ပိုဆိုးစေသောအချက်မှာ မြန်မာနိုင်ငံ၏ ခေါင်းဆောင်နှစ်ဦးသဖွယ် ဖြစ်နေသော နိုင်ငံတော်အတိုင်ပင်ခံပုဂ္ဂိုလ်နှင့် ကာကွယ်ရေးဦးစီးချုပ်တို့အကြား ဆက်ဆံရေးမှာ အနိမ့်ဆုံးသို့ ရောက်ရှိနေခြင်းဖြစ်သည်။ ယခုအခါ ကိစ္စများကို ပို၍ပင်ဆိုးစေသော အရာမှာ စက်တင်ဘာလမတိုင်မီ အာဏာအပြောင်းအလဲဖြစ်မည်ဟု ဗေဒင်ဆရာများက ခန့်မှန်းနေသော အချက်ပင်ဖြစ်သည်။

မြန်မာနိုင်ငံတွင် ၁၉၅၈ ခုနှစ်က ဝန်ကြီးချုပ်ဦးနုထံမှ ဗိုလ်ချုပ်နေဝင်းထံ အာဏာလွှဲပြောင်းခဲ့ခြင်းနှင့် ၁၉၈၈ ဒီမိုကရေစီအရေးတော်ပုံတွင် စစ်တပ်က အာဏာသိမ်းခဲ့ခြင်းတို့ကဲ့သို့သော နှစ်သုံးဆယ်လျှင်တစ်ကြိမ် ဘေးသင့်မှုသည် ၂၀၁၈ တွင် ထပ်မံကျရောက်လာနိုင်သည်ဟု ဗေဒင်ဆရာများက ဆိုသည်။ အကြိမ်ကြိမ် လှုပ်ခတ်ခဲ့သော မြေငလျင်များကလည်း အစိုးရပြုတ်ကျနိုင်သည့်နိမိတ်ဟု အဓိပ္ပာယ်ဖွင့်ကြသည်။

သို့ရာတွင် အဆိုပါဗေဒင်ဟောကိန်းများသည် မြန်မာနိုင်ငံ၏ လက်ရှိအမှန်တရားကို တင်ပြနေကြပြီး တိုင်းပြည်သည် အရေးကြီးသည့်အဆင့်သို့ ရောက်ရှိနေကာ မြင့်တက်လာသောကွဲလွဲမှုများ၊ စိတ်ပျက်မှုများ၊ အနာဂတ်အတွက် ကောင်းစွာလမ်းမပေါက်မှုကြောင့် အားမရမှုများနှင့်အတူ အန္တရာယ်ကြီးမားပြီး မရေရာသော အချိန်ကာလတစ်ခုသို့ ဝင်ရောက်နေသည်။ တိုင်းပြည်၏အခြေအနေသည် မကြာမီအတောအတွင်း ပြောင်းလဲသွားနိုင်သည့်လက္ခဏာ အနည်းငယ်ရှိနေသည်။

အစိုးရက များစွာမျှော်မှန်းထားသော ငြိမ်းချမ်းရေးလုပ်ငန်းစဉ်မှာ အားလျော့ပျက်ပြယ်နေပြီး ကချင် လက်နက်ကိုင်အုပ်စုအပေါ် စစ်တပ်၏ ထိုးစစ်မြှင့်မှုကြောင့် အခြေအနေ ပိုဆိုးလာခြင်းဖြစ်သော်လည်း အစိုးရ၏ အမြင်ချို့တဲ့မှုနှင့် တိုင်းရင်းသားလက်နက်ကိုင်အုပ်စုများ၏ မကျေနပ်မှု မြင့်တက်လာခြင်းကိုလည်း ထင်ဟပ်နေသည်။ ယခုနှစ်အတွင်း တစ်ကြိမ် ဆိုင်းငံ့ခဲ့ပြီး လာမည့်သီတင်းပတ်များအတွင်း စည်းဝေးနိုင်ရန် စမ်းတဝါးဝါး စီစဉ်နေရသော လာမည့် ၂၁ ပင်လုံ ညီလာခံကို တိုင်းရင်းသားလက်နက်ကိုင် အဖွဲ့အစည်းအများစုက (တစ်မျိုးသားလုံး အပစ်ရပ်စဲရေး သဘောတူ စာချုပ် NCA ကို လက်မှတ်ထိုးထားသူများနှင့် လက်မှတ်မထိုးသူများ နှစ်မျိုးစလုံးက) တက်ရောက်ခြင်းမပြုရန် အလေးအနက် စဉ်းစားနေကြပြီဖြစ်သည်။

“စစ်တပ်က ကျွန်တော်တို့ကို လာတိုက်နေပြီး အရပ်သားတွေက အသက်ဘေးလွတ်ရာကို ထွက်ပြေးနေရတဲ့အချိန်မျိုးမှာ ငြိမ်းချမ်းရေးညီလာခံကို ဘယ်လိုလုပ်တက်နိုင်ပါ့မလဲ” ဟု အမည်မဖော်လိုသော ကချင်တိုင်းရင်းသားခေါင်းဆောင်တစ်ဦးက ပြောကြားသည်။

အဆိုပါ လှည့်ဖြားမှုမျိုး (ထိုးစစ်ဆင်မှု) သည် တိုင်းရင်းသားခေါင်းဆောင်များစွာကို သတိပေးတပ်လှန့်လိုက်သောကြောင့် လတ်တလော စစ်တပ်၏ထိုးစစ်ဒဏ်မှ လွတ်ကင်းနေသူများကပင် သတိထားလာကြပြီး ပူပန်စရာ အကြောင်းရင်းတစ်ခု ဖြစ်လာခဲ့သည်။ ဧပြီလအစောပိုင်း နောက်ပိုင်းတွင် ကချင်ပြည်နယ်၌ ဒေသခံ ၇၄၀၀ ခန့်သည် တပ်မတော် ထိုးစစ်ကြောင့် နေရပ်စွန့်ခွာ ထွက်ပြေးနေကြရပြီး တပ်မတော်က သွားလာခွင့်ပိတ်ပင်မှုကြောင့် ကုလသမဂ္ဂ၏ လူသားချင်းစာနာမှု အကူအညီမရနိုင်သော ကချင်ပြည်နယ်တွင် ယခင်ကတည်းက ထွက်ပြေးနေရသော စစ်ဘေးရှောင်ဒုက္ခသည် ၁၀၀,၀၀၀ အပြင် အရေအတွက် ပိုများလာခဲ့သည်။

မကြာသေးမီကပင် ရှမ်းပြည်နယ်တွင် လက်နက်ကိုင်အုပ်စုများ၏ တိုက်ခိုက်မှုကြောင့် အရပ်သား ၂၀ ခန့် သေဆုံးခဲ့ပြီး ထိခိုက်ဒဏ်ရာရသူ ၂၀ ခန့်ရှိသည်ဟု ကြားသိရသည်။ အပြန်အလှန် ပစ်ခတ်မှုများအတွင်း တရုတ်နိုင်ငံသားသုံးဦး သေဆုံးခဲ့မှုကြောင့် တရုတ်နယ်စပ်တစ်လျှောက် တိုက်ခိုက်မှုများကို ရပ်ဆိုင်းရန် ဘေဂျင်းထံမှ တောင်းဆိုမှု ထွက်ပေါ်လာခဲ့သည်။

ရှမ်းပြည်နယ် တိုက်ခိုက်မှုတွင် ပါဝင်ပတ်သက်သည်ဟု စွပ်စွဲခံရသော မြောက်ပိုင်းမဟာမိတ်အဖွဲ့ တိုင်းရင်းသားလက်နက်ကိုင်များနှင့် ယခင်အပတ်က တရုတ်နိုင်ငံတွင် တွေ့ဆုံခဲ့သူ တရုတ်အထူးကိုယ်စားလှယ် ဆန်ဂိုရှန်သည် နယ်စပ်တစ်လျှောက်ပြဿနာ ပြေလည်ရေးအတွက် ဘေဂျင်းက လုပ်ဆောင်ပေးနိုင်မည့် အရာများကို ဆွေးနွေးရန်အတွက် ယခုသီတင်းပတ်အတွင်း နေပြည်တော်သို့ လာရောက်မည်ဖြစ်ပြီး နိုင်ငံတော်အတိုင်ပင်ခံပုဂ္ဂိုလ် တပ်မတော်ကာကွယ်ရေး ဦးစီးချုပ်တို့နှင့် တွေ့ဆုံရန် စီစဉ်ထားသည်။

အဆိုပါ တိုက်ခိုက်မှုနှင့် အရပ်သားများအပေါ် တပ်မတော်၏ မလေးစားမှုတို့သည် အရပ်ဘက်သင်း ပင်းအဖွဲ့များနှင့် ရပ်ရွာအသိုင်းအဝိုင်းများကို အမျက်ထွက်စေခဲ့ပြီး မြစ်ကြီးနားမြို့နှင့် ရန်ကုန်မြို့တွင် ငြိမ်းချမ်းရေးအတွက် စစ်ပွဲများရပ်ရန် ဆန္ဒပြမှုများ အသစ်ဖြစ်ပေါ်လာခဲ့သည်။ အထူးသဖြင့် ရန်ကုန်မြို့တွင် လုံခြုံရေးတပ်ဖွဲ့များ၏ ကြမ်းကြမ်းတမ်းတမ်း တုံ့ပြန်သောအပြုအမူသည် ဆန္ဒပြလှုပ်ရှားမှုကို ပိုမိုကြီးထွား စေရုံသာရှိသည်။ အန္တရာယ်ရှိသောအခြေအနေတွင် အရပ်သား အမြောက်အမြားပိတ်မိနေသရွေ့ ငြိမ်းချမ်းရေးလိုလားသောဆန္ဒပြမှုများ လျော့ပါးသွားမည့် အလားအလာမရှိနိုင်ပါ။ ဆန္ဒပြမှုများကို ဦးဆောင်သော ကချင်လှုပ်ရှားသူများက အဆိုပါ ဆန္ဒပြမှုများသည် ပိုမိုကြီးထွားလာပြီး နိုင်ငံတစ်ဝန်း ငြိမ်းချမ်းရေး လှုပ်ရှားမှုအဖြစ်သို့ ကူးပြောင်းသွားလိမ့်မည်ဟု ခန့်မှန်းပြောကြားသည်။

အစိုးရသည် အဆိုပါဆန္ဒပြမှုများနှင့် ပို၍အရေးကြီးသော မြောက်ပိုင်းဒေသမှ လက်တွေ့အခြေအနေများကို တုံ့ပြန်ရန် နှေးကွေးလျက်ရှိသည်။ စစ်တပ်၏ ထိုးစစ်ကြောင့် ဖြစ်ပေါ်လာသော လူသားချင်းစာနာမှု ဆိုင်ရာပြဿနာများကို အစိုးရက ကိုင်တွယ်ကာ စစ်တပ်ကို ဟန့်တားသည့်အချိန်အထိ တိုင်းရင်းသားအုပ်စုများ အထူးသဖြင့် ကချင်လူထု၏ အမျက်ထွက်မှုများ ရှိနေဦးမည်ဖြစ်သည်။ ယခုပြဿနာတွင် စစ်တပ်သည် အဓိက လက်သည်တရားခံဖြစ်ကြောင်းကို တိုင်းရင်းသားအသိုင်းအဝိုင်းက နားလည်သဘောပေါက်သော်လည်း ကြားထဲမှ နာမည်ပျက်ရသော ဒေါ်အောင်ဆန်းစုကြည်၏ ဂုဏ်သတင်းမှာ တိုင်းရင်းသားဒေသများတွင် ဆိုးဆိုးဝါးဝါး ထိခိုက်နေပြီဖြစ်သည်။

ကချင်အရေး လှုပ်ရှားသူတစ်ဦးက ဒေါ်အောင်ဆန်းစုကြည်နှင့် ပတ်သက်၍ “သူနဲ့ ကျွန်တော်တို့နဲ့ လုံးဝ ပတ်သက်မှုမရှိတော့ဘူး။ ဘာမှမဆိုင်တော့ဘူး” ဟု ဘန်ကောက်တွင် ပြောကြားသည်။ ဤသဘောထားသည် တိုင်းရင်းသားတို့၏ ဆန္ဒမဲများ အရေးပါလာမည့် ၂၀၂၀ ရွေးကောက်ပွဲအတွက် ကောင်းသောအရာတစ်ခု မဟုတ်ပေ။ NLD ပါတီအနေနှင့် တိုင်းရင်းသားပါတီများထံ ဦးလှည့်သွားကြမည့် မဲဆန္ဒရှင်များ၏ ထောက်ခံမှုကို ပြန်မရနိုင်တော့မည့်အချက်ကို သံသယရှိစရာ မလိုပါ။

ဒေါ်အောင်ဆန်းစုကြည်သည် ကဏ္ဍနယ်ပယ်အားလုံး၌ ဘေးရန်နှင့် အနှောင့်အယှက်များ ဝိုင်းပတ်ခံရမှုကြောင့် လှုပ်ရှားနိုင်ပုံမရဘဲ ၂၀၁၅ ခုနှစ်က တစ်နိုင်ငံလုံး၏ စိတ်နှလုံးကို သိမ်းကြုံးဆွဲငင်ယူခဲ့သော ပြောင်းလဲချိန်တန်ပြီဟူသော အဆိုကိုလည်း လက်တွေ့ဆောင်ကြဉ်းပေးရန် မတတ်နိုင်ဘဲ ဖြစ်နေသည်။

အစိုးရသည် ကုလသမဂ္ဂ အစီရင်ခံစာအဆိုအရ လူမျိုးတုံးသန့်စင်ခြင်းနှင့် မျိုးဖြုတ်ခြင်းပြုလုပ်သော အတိုင်းအတာနှင့် ညီမျှသည်ဟုဆိုသော လူ့အခွင့်အရေး ညှဉ်းပန်းနှိပ်စက်မှုစွပ်စွဲချက်များမှ တိုင်းပြည်ကို အကာအကွယ်ပေးနေရပြီး မွတ်ဆလင်ဒုက္ခသည်များ နေရပ်ပြန်ရေးနှင့် နေရာချထားရေးအစီအစဉ်များကို လုပ်ဆောင်နေရသည့်အပြင် စီးပွားရေးအင်ဂျင်ကို နှိုးရန်အတွက် ကြိုးစားနေရသည်။

နိုင်ငံတကာ အသိုင်းအဝိုင်းက တစ်ချိန်က ၎င်းတို့ချီးမြှောက်ခဲ့သော အမျိုးသမီး သူရဲကောင်းအပေါ် ထောက်ခံအားပေးမှုများကို ပြန်လည်ရုပ်သိမ်းသွားမှုကြောင့် မြန်မာအစိုးရသည် စီးပွားရေးထူမတ်ရေး လုပ်ငန်းများကို တစ်ကိုယ်တည်း လုပ်ဆောင်နေရသည်။ မြန်မာနိုင်ငံသည် အာဆီယံ၊ တရုတ်၊ အိန္ဒိယ၊ ရုရှားတို့၏ ထောက်ခံမှုရှိနေခြင်းကြောင့် မိတ်ဆွေမရှိတော့သည့် အခြေအနေ မဟုတ်သည့်တိုင်အောင် အဆိုပါထောက်ခံမှုများသည် ကောင်းကျိုးလိုလားသော စိတ်ရင်းမှန်ဖြစ်ကြောင်း သက်သေပြရန် လိုအပ်နေသေးသည်။

လတ်တလော ချက်ချင်းလက်ငင်း လိုအပ်နေသောအရာမှာ နိုင်ငံတကာအသိုင်းအဝိုင်း၏ စိုးရိမ်မှု တစ်ခုဖြစ်သည့် ရခိုင်ပြည်နယ်အရေးကဲ့သို့သော ဖိအားအမြင့်ဆုံး ပြဿနာများကို ကိုင်တွယ်နိုင်မည့် ကျယ်ပြန့်သော မဟာဗျူဟာနှင့် အစီအစဉ်ဖြစ်သည်။ တစ်ချိန်တည်းတွင် တစ်နိုင်ငံလုံးအတွက် အရေးကြီးပြီး စစ်တပ်က လက်တွေ့ထောက်ခံမည့် ထိရောက်သော ငြိမ်းချမ်းရေး အစီအစဉ်ကိုလည်း ဖော်ထုတ်ရန် လိုအပ်နေသည်။ သေချာသောအချက်မှာ အစိုးရတွင် ရခိုင်ပြည်နယ်အတွက် အာနန်ကော်မရှင်၏ အကြံပြုချက်များအပေါ် အခြေခံထားသော အကြမ်းဖျင်း အခြေခံစီမံချက်တစ်ခုသာရှိပြီး ရခိုင်ပြည်နယ်အတွက် လူသားချင်းစာနာကူညီရေး၊ နေရာချထားရေးနှင့် ဖွံ့ဖြိုးရေး အစီအစဉ်များတွင် အမြော်အမြင်နှင့် ခိုင်မာမှုမရှိဟု အနောက်အုပ်စုသံတမန်များ၏ အဆိုအရ သိရှိရသည်။

သို့ရာတွင် အတွေ့အကြုံရင့် ဆွစ်ဇ် သံတမန် ခရစ်စတင်း ရှရန်နာဘာဂနာကို ကုလအထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်အဖြစ် မကြာသေးမီက ခန့်အပ်မှုသည် မြန်မာနိုင်ငံ လက်ရှိရင်ဆိုင်နေရသောပြဿနာများကို ဖြေရှင်းရာတွင် ကုလသမဂ္ဂနှင့် မြန်မာအစိုးရအကြား ပူးပေါင်းဆောင်ရွက်မှု တိုးမြှင့်ရေးအတွက် အရေးကြီး သော အလေးထားအာရုံစိုက်မှုကို ဖြည့်ဆည်းပေးနိုင်မည့်အပြင် နိုင်ငံတကာ ပြစ်တင်ဝေဖန်ခံရမှုကို ရှောင်လွှဲရန် ကူညီပေးနိုင်မည်ဟု ယုံကြည်ရသည်။

သူမသည် ယခင်အပတ်က နယူးယောက်သို့ ရောက်ရှိလာပြီး တာဝန်အသစ်ကို လက်ခံခဲ့သည်။ သူမသည် အလွန်များပြားသော အစီအစဉ်များကို ရင်ဆိုင်နေရသည်ဟု သံတမန်များ၏ အဆိုအရ သိရှိ ရပြီး လတ်တလော သူမ၏ တာဝန်တွင် ရခိုင်ပြဿနာ၊ ငြိမ်းချမ်းရေးလုပ်ငန်းစဉ်၊ ၂၀၂၀ ရွေးကောက်ပွဲ မတိုင်မီ အစိုးရကို ကူညီပံ့ပိုးရေး၊ ဆင်းရဲနွမ်းပါးမှုနှင့် မညီမျှမှု တိုက်ဖျက်ရေး စသည့် အစီအစဉ်များ ပါဝင်သည်။

သူမသည် လာမည့်သီတင်းပတ် အနည်းငယ်အတွင်း မြန်မာနိုင်ငံသို့ ပထမဆုံး တရားဝင်ခရီးစဉ် လာရောက်မည်ဟု မျှော်လင့်ရသည်။

ယခုအခါ မြန်မာနိုင်ငံ ရင်ဆိုင်နေရသော ပြဿနာပေါင်းစုံကို ဖြေရှင်းရန်ကြိုးစားမှုများတွင် ကိုင်တွယ်နိုင်စွမ်းနှင့် မြော်မြင်နိုင်စွမ်း ရှိလာစေရေးအတွက် မြန်မာအစိုးရကို စည်းရုံးကူညီရေးသည် သူမ၏ပခုံးပေါ်သို့ ကျရောက်လာပြီဖြစ်သည်။

သူမအား အလုပ်တာဝန် အပ်နှင်းရာတွင် ကုလလုံခြုံရေးကောင်စီက “မြန်မာနိုင်ငံမှ ပြဿနာကို ဖြေရှင်းရန်နှင့် ဒုက္ခသည်များ ရခိုင်ပြည်နယ်သို့ ဘေးရန် ကင်းစွာ၊ ဆန္ဒအလျောက်၊ သိက္ခာရှိရှိ ပြန်ခွင့်ရမည့် အခြေအနေမျိုးကို ဖန်တီးရန်” သူမက ကူညီပေးနိုင်မည်ဟု မျှော်လင့်ကြောင်း ပြောကြားခဲ့သည်။

အဆိုပါကိစ္စနှင့်ပတ်သက်၍ သိသာထင်ရှားသည့် တိုးတက်မှုမှန်သမျှသည် အနှောင့်အယှက် အမျိုးမျိုး ပတ်လည်ဝိုင်းနေသော မြန်မာနိုင်ငံနှင့် နိုင်ငံခေါင်းဆောင် ဒေါ်အောင်ဆန်းစုကြည်တို့ အတွက် များစွာလိုအပ်နေသော အသက်ဝဝရှူခွင့်ကို ရရှိစေရန် ကူညီပေးနိုင်ပါလိမ့်မည်။

Larry Jagan ရေးသားပြီး NLM ဘာသာပြန်သည်။