News

POST TYPE

EDITOR PICK POST

ရခိုင်ပြဿနာ၊ လုံခြုံရေးကောင်စီ သံတမန်အဖွဲ့နှင့်ပီအာ (Daily, Vol-6/No-19)
02-May-2018 tagged as ရခိုင် ပြဿနာ

ရခိုင်ပြဿနာနှင့်ပတ်သက်၍ ကုလသမဂ္ဂလုံခြုံရေးကောင်စီဝင်နိုင်ငံများမှ သံအမတ်များ ပါဝင်သောအဖွဲ့ မြန်မာနိုင်ငံသို့ရောက်ရှိကာ စုံစမ်းလေ့လာပြီးနောက် ရခိုင်အထူးစုံစမ်းရေး ကော်မရှင်နှင့် သက်ဆိုင်ရာ တာဝန်ရှိသူများ၏ ရှင်းလင်းပြောဆိုမှုကို ဆုံးအောင်နားမထောင်ဘဲ ထပြန်သွားသည်ဟုဆိုကာ ၎င်းတို့အား မောက်မာ၊ ရိုင်းပြ၊ စော်ကားသူများအဖြစ် အွန်လိုင်း လူမှုကွန်ရက်ပေါ်တွင် ဝေဖန်ပြစ်တင်မှုများဖြင့် ပွဲဆူသွားခဲ့သည်။

အကယ်၍သာ ထိုသတင်းအတိုင်း အဆိုပါ သံတမန်များ ပြုမူသွားသည်ဆိုပါက သံတမနဆိုသော် ဂုဏ်အင်္ဂါနှင့်မလျော်ညီစွာ အလွန်အမင်း မယဉ်ကျေးသည့်အပြုအမူဖြစ်ပြီး တစ်ဖက်မှဇာတ်နာသည့် တင်ပြချက်များကိုသာ အလေးကဲကာ မြန်မာနိုင်ငံအပေါ် မလေးမစားပြုမူခြင်းဟု ဆိုနိုင်သည်။

သို့ရာတွင် ကုလသမဂ္ဂလုံခြုံရေးကောင်စီကဲ့သို့ များစွာ အရေးပါသော နေရာတွင် သက်ဆိုင်ရာ နိုင်ငံအသီးသီးက အထူးအာဏာကုန်တာဝန် လွှဲအပ်ထားသော ဝါရင့် သံတမန်များ ဖြစ်သည့်အတွက် ထိုကဲ့သို့ သံတမန် မဆန်လွန်းသော အပြုအမူမျိုးဖြင့် တုံ့ပြန်လာစေရန် မည်သို့သော အကြောင်းအရင်းများ ရှိခဲ့သနည်းဆိုသော မေးခွန်းမေးရန်လည်း လိုအပ်မည်ဖြစ်သည်။

၎င်းတို့သိလို၍ မေးသော မေးခွန်းအပေါ် မြန်မာဘက်က တာဝန်ရှိသူများ၏ အဖြေများက လိုရင်းမရောက်ခြင်း သို့မဟုတ် မေးခွန်းနှင့်မဆီလျော်သော အဖြေများဖြစ်နေခြင်း သို့မဟုတ် ထပ်ချည်းတလဲလဲဖြစ်နေသော ရှင်းလင်းချက်ကို ပြန်လည် နားထောင်ရခြင်းကဲ့သို့ အခြေအနေမျိုးများ ကြုံခဲ့၍လောဟု စဉ်းစားစရာ ရှိပေသည်။

မည်သို့ပင် ဖြစ်စေကာမူ နိုင်ငံတကာ သံတမန်များ ဖြစ်သည့်အားလျော်စွာ ထိုကဲ့သို့ အပြုအမူမျိုးဖြင့် တုံ့ပြန်ခြင်းမှာ ၎င်းတို့တစ်ဦးချင်းစီ သာမက ၎င်းတို့ ကိုယ်စားပြုသောနိုင်ငံ အပါအဝင် ကုလသမဂ္ဂ လုံခြုံရေးကောင်စီ၏ အဆင့်အတန်းနှင့် ဂုဏ်သိက္ခာကိုပါ အရုပ်ဆိုးသွားစေခဲ့သည်။

အခြားတစ်ဖက်တွင်လည်း မြန်မာနိုင်ငံမှ တာဝန်ရှိသူများ၏ ပီအာခေါ် လူထုဆက်သွယ်ရေး နည်းနာ၊ အတတ်ပညာ လိုအပ်ချက် ကွက်လပ်ကိုလည်း ဤအဖြစ်အပျက်က မီးမောင်းထိုးပြလိုက်သကဲ့သို့ ရှိသည်။ ကုလသမဂ္ဂ အပါအဝင် နိုင်ငံတကာက အထူးအာရုံစိုက်စောင့်ကြည့်နေသော အချိန်မျိုးတွင် လုံခြုံရေး ကောင်စီမှ တာဝန်ပေးလိုက်သော သံတမန်များကို မည်သို့ ဆက်ဆံစည်းရုံးရမည်၊ မိမိနိုင်ငံဘက်မှ အခြေအနေမှန်များကို နားဝင်သွားစေရန်မည်သို့ ဆွဲဆောင်မှုရှိရှိ တင်ပြမည်၊ ကျေနပ်လက်ခံသွားစေရန် မည်သို့လက်တွေ့ ဆောင်ရွက်လုပ်ကိုင်နေကြောင်း ပြသမည်ဆိုသော သံတမန်ဆန်ဆန် ဆက်ဆံပြောဆိုစည်းရုံးသည့် နည်းပရိယာယ် မည်မျှ အရေးကြီးကြောင်း သတိပေးခြင်းဟုလည်း ဆိုနိုင်သည်။

လက်ရှိ မြန်မာနိုင်ငံ ရင်ဆိုင်နေရသည့် ရခိုင်ပြဿနာသည် အွန်လိုင်း လူမှုကွန်ရက်ပေါ်တွင် မိမိတို့နှင့်အမြင်၊ အယူအဆမတူသူများကိုအိုအိုင်စီ၊ ဘင်္ဂလားဒေ့ရ်ှဘက်တော်သားများအဖြစ်တံဆိပ်ကပ်၊ အပြစ်တင်၊ အဆိုးပြော၊ ရန်ထောင်၊ ဆဲဆိုနေရုံဖြင့် ပြေလည်သွားမည့်ကိစ္စ မဟုတ်ဘဲ မိမိတို့ဘက်က မည်မျှ ရိုးဖြောင့်မှုရှိရှိ ပြဿနာကို ချဉ်းကပ်ဖြေရှင်းနေကြောင်း လက်တွေ့ လုပ်ရပ်များဖြင့် ပြသရမည့်အချိန်ဖြစ်သည်။

ထိုအတွက်မိမိတို့ဘက်က မှားယွင်းခဲ့သော သို့မဟုတ် စီမံခန့်ခွဲမှု အလွဲအချော်ဖြစ်ခဲ့သော ကိစ္စရပ်များကိုလည်း အမှန်အတိုင်း သိရှိရန်နှင့် တာဝန်ယူ၊ တာဝန်ခံရန်၊ တာဝန်ရှိသူများကို ထိုက်သင့်သည့် အပြစ်ဒဏ်များ စီရင်ချမှတ် ရန်၊ ပြဿနာအပေါ် မိမိတို့ ကိုင်တွယ်ဖြေရှင်းမှု အားလုံးကို ပွင့်လင်း မြင်သာမှုရှိရှိ ထုတ်ပြန်ကြေညာရန်၊ ယင်းပြဿနာနှင့် ဆက်စပ်နေသော အမှုကိစ္စများကိုလည်း တရားဥပဒေနှင့်အညီ တရားမျှတမှုရှိရှိ ကိုင်တွယ်စီရင်ရန် လိုပေသည်။

အထူးသဖြင့် ပြဿနာ၏ ရင်းမြစ်အကြောင်းအရင်းများ၊ ဖြစ်စဉ်ဖြစ်ရပ်များ၏ လက်တွေ့မြေပြင်မှ ပကတိ အခြေအနေမှန်များကို နိုင်ငံတကာက သိရှိရန် တစ်နည်းအားဖြင့်တစ်ဖက်က တင်ပြထားသော ဇာတ်လမ်းများကို ချေဖျက်နိုင်သည့် ကိုယ်ပိုင် အမှန်အကန်ဇာတ်လမ်းတစ်ခု အသင့်ရှိနေရန်လိုပေသည်။

သို့မဟုတ်ပါဘဲ အွန်လိုင်းလူမှုကွန်ရက်ပေါ်မှလည်းကောင်း၊ ပြင်ပတွင်လည်းကောင်း ကုလလုံခြုံရေးကောင်စီမှ သံတမန်အဖွဲ့အား အမုန်းစကား ခေါင်းစဉ်အောက်တွင် အကျုံးဝင်နေသော မယဉ်မကျေး စကားလုံးများဖြင့် ဆဲဆို၊ ပြစ်တင်၊ ရန်တွေ့နေပါက ၎င်းတို့ သိရှိထားသော တစ်ဖက်စောင်းနင်း သတင်းစကား၊ အချက်အလက်များအတိုင်း မြန်မာပြည်သူလူထုသည် အမုန်းတရားကိုသာ လက်ကိုင်ပြုနေသူများအဖြစ် သတ်မှတ်သွားနိုင်သဖြင့် လိမ္မာပါးနပ် ထက်မြက်စွာ တုံ့ပြန်ကြပါမည့်အကြောင်း အကြံပြု တိုက်တွန်းအပ်ပေသည်။

အယ်ဒီတာ (၂-၅-၂၀၁၈)