News

POST TYPE

EDITOR PICK POST

လေးနိုင်ငံပညာရေစနစ် ဆန်းစစ်ချက်

ဟောင်ကောင်ပညာရေးစနစ်သည် စင်ကာပူ၊ တောင်ကိုရီးယားနှင့် ထိုင်ဝမ်တို့နောက်ကို ရောက်နေသေးသည်ဟု ဆိုရမည်။ ယင်းကလည်း Economist Intelligence Unit Index အရ ပိုင်းဖြတ်ကြည့်ခြင်း ဖြစ်သည်။ ထိုလေးနိုင်ငံစလုံးတွင် တူညီသည့် အချက်တစ်ခုမှာ (စာမေးပွဲစနစ်) ကို ကျင့်သုံးနေကြသေးခြင်းဖြစ်သည်။

စင်ကာပူ၊ တောင်ကိုရီးယားနှင့် ထိုင်ဝမ်တို့၏ ပညာရေးစနစ်တွင် တီထွင်ဖန်တီးမှုကို အားပေးသည့်စနစ်များ ပါဝင်နေသည်။ သို့သော် ဟောင်ကောင်ရှိ ကျောင်းသားများကို သူတို့ပညာရေးစနစ်က တီထွင်ဖန်တီးမှုများကို အားမပေးထားပေ။ တစ်နည်းဆိုရလျှင် ဟောင်ကောင်ပညာရေးစနစ်ကို သူတို့ကျောင်းသားတွေကို စွန့်စားခိုင်းရန် မဝံ့မရဲ ဖြစ်နေခြင်းပင်။

“ကျွန်တော်တို့ ပညာရေးစနစ်က ကျောင်းတွေမှာ ကလေးတွေကို သိပ်ပြီးတော့ စိတ်လွတ် ကိုယ်လွတ် တီထွင်မှုတွေကို အားပေးဖို့ အဆင်သင့် မဖြစ်သေးဘူး။ ဒါပေမဲ့ သင်ယူမှုမှာ ကိုယ်နဲ့ လိုက်လျောညီထွေဖြစ်အောင်၊ သင်ရိုးပြင်ပလေ့လာနိုင်အောင်တွေတော့ စီစဉ်ပေးနေပါတယ်”ဟု ပညာရေးတက္ကသိုလ် သင်ရိုးဌာနမှ ပါမောက္ခ ဂျွန်လီချီကင် ကပြောကြားသည်။ 

လီကင်ချီ၏ အပြောကို ပညာရေး သုတေသီ ဂျနီဖာ မာယင်းဝေကလည်း ထောက်ခံ ပြောဆိုထားသည်။

“စင်ကာပူနဲ့ ကိုရီးယားနိုင်ငံတွေ ပညာရေးမှာ အလွန် အောင်မြင်နေတယ်ဆိုတာ သူတို့ရဲ့ ပညာရေးစနစ်မှာ အနုပညာနဲ့ အသက် မွေးဝမ်းကျောင်းလိုင်းတွေကို ထည့်ပေးထားနိုင်လို့ပဲ။ ပြောရရင် အလုပ်အကိုင် အခွင့်အလမ်းတွေကိုပါ ဖန်တီးပေးထားတဲ့ ပညာရေးလို့ ပြောရမယ်။ လူ့အဖွဲ့အစည်းတစ်ခုလုံး အကျိုးကို တွက်ပြီးတော့ စီစဉ်ထားတဲ့ ပညာရေးလို့ ဆိုနိုင်တယ်”ဟုဆိုသည်။

ဟောင်ကောင်ရှိ ကျောင်းသားများသည် ပညာတတ်လာပြီးလျှင် ဟောင်ကောင်ထက် ကမ္ဘာပတ်ပြီး အလုပ်ရှာရန် ကြိုးစားနေကြသည်။ ၂၁ ရာစုသည် ဂလိုဘယ်လိုက်ဇေးရှင်းခေတ် ဖြစ်လာသည်မှာ မှန်ပါသည်။ ကမ္ဘာပြားလာပြီး နယ်စည်းမခြား သွားလာ လှုပ်ရှားခွင့်များ ပိုမို ရရှိလာကြသည်။ လူငယ်တွေက ကိုယ့်ကြမ္မာ ကိုယ်ဖန်တီးပြီး ကိုယ့်ဘဝအတွက် စွန့်စားလှုပ်ရှားရန် အဆင်သင့် ဖြစ်နေကြသည်။ 

စင်ကာပူနိုင်ငံ ပညာရေးဝန်ကြီးက မိမိတို့ပညာရေးကို ပိုပြီးကျောင်းသားများနှင့် လိုက်လျော ညီထွေရှိမည့် ပညာရေး၊ အဆင့်ကွာဟချက် နည်းပါးပြီး အားလုံး လေ့လာသင်ယူနိုင်မည့် ပညာရေးမျိုး ဖြစ်လာစေရန် ဦးတည် ဆောင်ရွက်သွားမည်ဟု ဆိုထားသည်။ တစ်နည်းပြောရလျှင် နိုင်ငံ၏ ကုန်ထုတ်လုပ်မှုနှင့် လုပ်ငန်း လိုအပ်ချက်အရ ပညာတတ်များကို မွေးထုတ်ပေးသွားရေးနှင့် သင်ယူလိုစိတ် ရှိသလောက် သင်ယူခွင့်ရနိုင်မည့် ပညာရေးစနစ်မျိုးကို အကောင်အထည် ဖော်နိုင်ရန် ကြိုးစားမည်ဟုဆိုထားသည်။

ထိုင်ဝမ်ကလည်း အစိုးရကိုယ်တိုင် အနာဂတ်ကို လှမ်းမျှော်ခြင်းဆိုသည့် စိတ်ကူးကို အကောင်အထည်ဖော်နေသည်။ ၂၀၁၁ ခုနှစ်တွင် ပညာရေးဝန်ကြီးဌာနက ပညာရေး လေးနှစ်စီမံကိန်းကို  ချမှတ် အကောင်အထည်ဖော် ဆောင်ရွက်နေခဲ့သည်။  အနာဂတ်ကို စိတ်ကူးပုံဖော်မည့် ဖန်တီးတီထွင်လို စိတ်ရှိသော ပညာရေးမျိုး ဖြစ်စေရန် လုပ်ဆောင်သွားမည်ဟုဆိုထားသည်။ ပညာရေးတွင် အတန်းတိုင်း အဆင့်တိုင်းကို (Creative) နှင့် (Imagining) ဖြစ်လာစေရန် သင်ကြားပေးရမည်ဆိုသည့် အစီအစဉ်လည်းဖြစ်သည်။ ပညာရေးဝန်ကြီးဌာနက (My Little Wild Campus) ဆိုသည့် ပရိုဂရမ်ကိုလည်း ပူးတွဲ အကောင်အထည် ဖော်နေသည်။ တက္ကသိုလ်နှင့် ကောလိပ်ကျောင်းသားများကို တီထွင် ဖန်တီးလိုစိတ်များ ရှိစေမည့် ပညာရေးလမ်းကြောင်းကို တော်လှန်ပြောင်းလဲပေးရန်ဖြစ်သည်။ 

တောင်ကိုရီးယားနိုင်ငံ ပညာရေးဝန်ကြီးကလည်း ၂၀၁၅ ခုနှစ်ကတည်းက စက္ကူဖြူ စီမံကိန်းကို စတင် လုပ်ဆောင်နေသည်။ တောင်ကိုရီးယားနိုင်ငံ သုတေသနနှင့် သတင်း အချက်အလက် စင်တာကြီးတစ်ခုကို ထူထောင်ပြီး ဆော့ဖ်ဝဲပညာရေးစနစ် တစ်ခုဆီ ရောက်အောင် လမ်းကြောင်း ပြောင်းနေသည်။ အခြေခံ အဆင့်မြင့် ကျောင်းတိုင်း အတန်းတိုင်းတွင် ကွန်ပျူတာ ပရိုဂရမ်းမင်း ပညာရပ်များကို သင်ကြားပေးပြီး ပညာရေးစနစ် ပြောင်းလဲရန် ပြင်ဆင်နေကြခြင်းဖြစ်သည်။ ၂၀၁၉ ခုနှစ်က စတင်ပြီး အလယ်တန်းကျောင်းအဆင့်က စတင်ကာ ဆော့ဖ်ဝဲရေးနည်းသင်ပညာရေးစနစ်ကို ထည့်သွင်းတော့မည် ဖြစ်သည်။ 

ဟောင်ကောင်ပညာရေးစနစ်က လက်တွေ့ ကျွမ်းကျင်သူများ မွေးထုတ်ရေးထက် ပညာရေးတွင် ထူးချွန်ထက်မြက်သူများ မွေးထုတ်ရေးလမ်းကြောင်းပေါ်တွင်သာ ရှိနေသေးသည်။ အနာဂတ် ပညာရေးသည် (Skill for the Future) ဆိုသည့် ကျွမ်းကျင်သူများ မွေးထုတ်နိုင်ရေးကို ဦးမတည်ထားလျှင် ကျဆုံးရပေလိမ့်မည်။ ကျောင်းစာကို ကျက်မှတ်ပြီး စာတော်သည်နှင့် ထူးချွန်မှုကို တိုင်းတာသည့် နိုင်ငံဖြစ်နေသေးသည်မှာ ရင်လေးစရာဖြစ်သည်။ 

နိုင်ငံတကာပညာရေးသည် ပြောင်းလဲနေပြီဖြစ်သည်။ ဘာသာစုံ ဂုဏ်ထူးထွက်ပြီး ဆရာဝန်လိုင်း လိုက်မှဆိုသည့် သဘောတရားထက် ဈေးကွက်က လိုအပ်သည့် ပညာရှင် မွေးထုတ်နိုင်ရေး လမ်းကြောင်းဆီကို လိုက်နေကြသည်။ အမေရိကနှင့် ဥရောပဈေးကွက်ကြီးများတွင် (Skill) ဆိုသည့်စကားတွေ ပြောလာသည်။ ပညာရေးကလည်း Skill လမ်းကြောင်းဘက်နှင့် ကွန်ပျူတာ ပရိုဂရမ်းမင်းဘက်ဆီ ဦးတည်လာသည်။ 

အနာဂတ် လုပ်ငန်းတွေက ချုံ့လာကြသည်။ လူများနေရာတွင် စက်ရုပ်တွေကို အစားထိုးလာကြသည်။ လူကို လူချင်း ထိန်းချုပ်နိုင်သည့် စီမံခန့်ခွဲရေးကောင်းသည့် CEO များထက်၊ စက်ရုပ်များကို နိုင်နင်းစွာ ကိုင်တွယ် ထိန်းကျောင်းနိုင်သည့် AI ပညာရှင်တွေလိုအပ်လာသည်။ အနာဂတ်ကို အမြော်အမြင်ကြီးစွာဖြင့် လူသားရင်းမြစ်များကို ကြိုတင် မွေးထုတ်ထားနိုင်သည့် နိုင်ငံသည် ချမ်းသာတိုးတက်သည့် နိုင်ငံဖြစ်လာမည်။ ရုရှားသမ္မတ ပူတင်ကိုယ်တိုင်က အနာဂတ်တွင် AI ခေါ် ဉာဏ်ရည်တုဖြင့် လုပ်ဆောင်နိုင်မှုကို အမြင့်ဆုံး အကောင်းဆုံး ဖန်တီးနိုင်သူများသည် ကမ္ဘာကြီးကို လွှမ်းမိုးလိမ့်မည်ဟု နိမိတ်ဖတ်ထားသည်။

E-01 (Ref: South China Morning Post)