POST TYPE

CRIME & ACCIDENT

မူးယစ်ဆေးဝါး ကုန်သွယ်မှုများမှ သံသယဖြစ်ဖွယ် ငွေကြေး လွှဲပြောင်းမှု ၉၀ ကျော်ကို ရဲတပ်ဖွဲ့စိစစ်
18-May-2017 tagged as မူးယစ်ဆေးဝါး


ရန်ကုန်၊ မေ ၁၈

မြန်မာနိုင်ငံအတွင်း မူးယစ်ဆေးဝါးနှင့် ဆက်စပ်သော ငွေကြေးခဝါချမှုများနှင့် ပတ်သက်၍ သံသယဖြစ်ဖွယ် ငွေကြေး လွှဲပြောင်းမှုများကို စိစစ်နေဆဲဖြစ်ကြောင်း ငွေကြေးဆိုင်ရာ စုံစမ်းထောက်လှမ်းရေး ရဲတပ်ဖွဲ့မှ ရဲအုပ်ကျော်ကျော်ဝင်းက ပြောကြားသည်။

လက်ရှိအစိုးရသက်တမ်း တစ်နှစ် ကျော်အတွင်း ငွေကြေးခဝါချမှုနှင့်ဆက် နွှယ်သည့် အမှုပေါင်း ၉၃ မှုကို နိုင်ငံတော် သမ္မတရုံး၊ နိုင်ငံတော် အတိုင်ပင်ခံရုံးနှင့် ပြည်ထဲရေး ဝန်ကြီးဌာနတို့က ဦးဆောင်ဖွဲ့စည်းပေးထားသည့် စိစစ်ရေးအဖွဲ့ထံ လွဲပြောင်းပေးခဲ့ပြီး ဖြစ်သော်လည်း စစ်ဆေးရန်ကျန်နေသည့် ၃၇ မှုနှင့်ပတ်သက်၍ ငွေကြေးဆိုင်ရာ စုံစမ်းထောက်လှမ်းရေး ရဲတပ်ဖွဲ့မှ ပြောရေးဆိုခွင့်ရှိသူ ၎င်းက  အထက်ပါအတိုင်း ပြောကြားခဲ့ခြင်းဖြစ်သည်။

“အနှစ်ချုပ် စာရင်းတွေ လုပ်ပြီးမှ အားလုံး သိရမယ်၊ အဲဒီအချိန်မှ အသေးစိတ် သိရမှာပါ”ဟု ရဲအုပ်ကျော်ကျော်ဝင်းက ရှင်းပြသည်။

စစ်ဆေးပြီးစီးခဲ့သော ဖြစ်စဉ်များတွင် မူးယစ်ဆေးဝါး ကုန်သွယ်မှုများမှ သံသယဖြစ်ဖွယ် ငွေကြေးကူးပြောင်းသော အမှုအရေအတွက် အများဆုံး ပါဝင်နေကြောင်း  ငွေကြေးခဝါချမှု စုံစမ်းစစ်ဆေးရေး စီစစ်ရေးအဖွဲ့၏ အဖွဲ့ဝင်ဖြစ်သည့် အထူးစုံစမ်းစစ်ဆေးရေး ဦးစီးဌာနထံမှလည်း သိရသည်။

“စစ်ဆေးပြီးတာရော စစ်ဆေးဖို့ ကျန်တာရော အသေးစိတ် အခြေအနေတွေကို ပြောပြခွင့် မရှိပါဘူး၊ မပြီးပြတ်သေးတဲ့ ငွေကြေးခဝါချမှု ပြဿနာ နောက်ဆက်တွဲ အမှုတွေ ကျန်နေသေးတယ်၊ မူးယစ်ဆေးဝါးနဲ့ ဆက်နွယ်တာ အများဆုံး ပါတယ်ဆိုတာပဲ ပြောနိုင်သေးတယ်”ဟု အထူးစုံစမ်းစစ်ဆေးရေး ဦးစီးဌာနမှ ရဲအရာရှိတစ်ဦး ပြောကြားသည်။

ယင်းသို့ ငွေကြေးခဝါချမှုသည် ကြီးမားသော စီးပွားရေးဆိုင်ရာ ကျင့်ဝတ်၏ မသမာမှုများဖြစ်ပြီး အခွန်မဆောင်ထားသည့် တရားမဝင်သော နည်းလမ်းမှတစ်ဆင့် ရရှိခဲ့သော ငွေကြေးနှင့် ပစ္စည်းများကို အသွင်ပြောင်းခြင်း၊ ဖုံးကွယ်ခြင်း တရားမဝင် လွဲပြောင်းခြင်းဖြင့် တရားဝင် အနေအထားသို့ ရောက်ရှိရန် မသမာသောနည်းလမ်းဖြင့် ဆောင်ရွက်ခြင်းဖြစ်ကြောင်း  ငွေကြေးဆိုင်ရာ စုံစမ်းထောက်လှမ်းရေး ရဲတပ်ဖွဲ့မှူး ရဲမှူးကြီး ကျော်ဝင်းသိန်းက ပြောကြားဖူးသည်။

၂၀၁၅ ခုနှစ်အတွင်းက မင်္ဂလာဒုံ မြို့နယ်တွင် ပိုင်ရှင်မဲ့ တွေ့ရှိခဲ့သော စံချိန်တင် မူးယစ်ဆေးဝါးများနှင့် ပတ်သက်သော ကုလားတန် ဖွံ့ဖြိုးရေး ကုမ္ပဏီကို ငွေကြေးခဝါချမှု ရှိသည်ဟု စစ်ဆေးတွေ့ရှိ ခဲ့ခြင်းကြောင့် ပြည်ထဲရေး ဝန်ကြီးဌာနက တရားစွဲဆိုကာ ယင်းကုမ္ပဏီက ပိုင်ဆိုင်ထားသော ရေလုပ်ငန်းသုံး မော်တော်ယာဉ်များ၊ ဘဏ်အကောင့်ဖြင့် စုဆောင်းထားငွေများ အပါအဝင် အိမ်၊ ခြံ၊ မြေတို့ကို သိမ်းယူ၍ လေလံတင် ရောင်းချခဲ့ပြီး နိုင်ငံတော် ဘဏ္ဍာအဖြစ် သိမ်းဆည်းခဲ့ဖူးသည်။

“တို့နိုင်ငံမှာ ငွေဖြူအဖြစ် ပြောင်း လဲနေတဲ့ ငွေကြေးခဝါချဖို့ ကြိုးပမ်းနေတဲ့ လုပ်ငန်းတွေ အများအပြား ရှိတယ်၊ အထူးသဖြင့် မူးယစ်ဆေး ရောင်းဝယ်မှုကနေ ပြောင်းလဲ စီးဆင်းလာတဲ့ ငွေကြေး ပြဿနာပေါ့”ဟု တရားလွှတ်တော်ရှေ့နေ တစ်ဦးက မှတ်ချက်ပြုသည်။

ငွေကြေးခဝါချမှု တိုက်ဖျက်ရေး ဥပဒေပုဒ်မ ၄၃ တွင် မည်သူမဆို ငွေကြေး ခဝါချမှုကို ကျူးလွန်ကြောင်း ပြစ်မှုထင်ရှားပါက ၎င်းကို ၁၀ နှစ်အထိ ထောင်ဒဏ် ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံး ဖြစ်စေ ချမှတ်နိုင်ပြီး ပြစ်မှုကျူးလွန်သူသည့် ကုမ္ပဏီ (သို့) အဖွဲ့အစည်း ဖြစ်ပါက ယင်းကုမ္ပဏီ (သို့) အဖွဲ့အစည်းကို  ကျပ် သန်း ၅၀ဝ အထိ ချမှတ်နိုင်ပြီး ယင်းအမှုတွဲ၌ အကျိုးခံစားခွင့် ရရှိသူများကိုလည်း ထောင်ဒဏ် ခုနစ်နှစ် အထိချမှတ်ရမည်ဟု ဖော်ပြထားသည်။

ငွေကြေးခဝါချမှု တိုက်ဖျက်ရေး ဥပဒေနှင့် အကျုံးဝင်သည့် အခြားပြစ်မှုများမှာ အကြမ်းဖက်မှုအပေါ် ငွေကြေး ထောက်ပံ့ခြင်း၊ လူကုန်ကူးမှု၊ လူမှောင်ခိုမှု၊  မူးယစ်ဆေးဝါးနှင့် စိတ်ကိုပြောင်းလဲစေ သောဆေးဝါးများကို တရားမဝင်ကုန်ကူးမှု၊ လက်နက်များတရားမဝင်ကုန်ကူးမှု၊  ခိုးရာပါပစ္စည်းနှင့် အခြားပစ္စည်း တရား မဝင်ကုန်ကူးမှု၊ အဂတိလိုက်စားမှုနှင့် လာဘ်ပေးလာဘ်ယူမှု၊ ငွေကြေးအတု ပြုလုပ်မှုစသော ပြစ်မှုများကို ငွေကြေးခဝါချ မှုအဖြစ် အစိုးရက သတ်မှတ်ထားသည်။ 

J-17