News

POST TYPE

CRIME & ACCIDENT

အမျိုးသမီးတစ်ဦးနှင့် ဖက်အိပ်နေသည့် ခင်ပွန်းကို အမှုဖွင့်
တောင်ငူ၊ ဇွန် ၁၂

ပဲခူးတိုင်း ရေတာရှည်မြို့နယ် သာဂရမြို့ကျေးရွာတစ်ရွာတွင် ဇွန်လ ၁၁ ရက်နေ့ ည ၉ နာရီခွဲခန့်က ခြင်ထောင်ထဲ၌ အခြားအမျိုးသမီးတစ်ဦးနှင့် ဖက်အိပ်နေသည့် ခင်ပွန်းကို ဇနီးဖြစ်သူက တစ်လင်တစ်မယားစနစ် ဥပဒေနှင့် အမှုဖွင့်လှစ်ခဲ့ကြောင်း သာဂရနယ်မြေရဲစခန်းထံမှ သိရသည်။

“သားဖြစ်သူက အမေကို သူ့အဖေ နောက်မိန်းမယူထားတယ်ဆိုပြီး သွားအသိပေးခဲ့တာပါ”ဟု သာဂရနယ်မြေရဲစခန်းမှ တာဝန်ရှိသူတစ်ဦးက ပြောကြားသည်။

သာဂရမြို့ကန်သာယာ ရပ်ကွက်နေ အသက် ၃၉ နှစ်အရွယ် အမျိုးသမီးနှင့် ခင်ပွန်း ဦးဇော်လင်း (၄၁ နှစ်) တို့သည် မေလအတွင်းက စကားများရန်ဖြစ်ခဲ့သည့်အတွက် ဇနီးဖြစ်သူသည် အဒေါ်ဖြစ်သူထံ သွားရောက်နေထိုင်ခဲ့ပြီး ခင်ပွန်းဖြစ်သူ၏ ဖောက်ပြန်သည့်သတင်းကြား၍ ဇွန်လ ၁၁ ရက်နေ့က သွားရောက်ရှာဖွေရာမှ အသက် (၃၅ နှစ်) အရွယ် အမျိုးသမီးတစ်ဦးနှင့် ခြင်ထောင်ထဲ၌ ဖက်အိပ်နေသည်ကိုတွေ့ရှိခဲ့ကြောင်း သာဂရနယ်မြေရဲစခန်းထံမှ သိရသည်။

အဆိုပါအမှုနှင့် ပတ်သက်ပြီး ဦးဇော်လင်းကို သာဂရနယ်မြေစခန်းက (ပ) ၃၄/ ၂၀၁၈ တစ်လင်တစ်မယားစနစ် ဥပဒေပုဒ်မ ၁၃ ဖြင့် ဖမ်းဆီးအမှုဖွင့်လှစ်ထားကြောင်း အဆိုပါရဲစခန်းထံမှ သိရသည်။

R-15