ပလိပ်မြို့မှ အမျိုးသမီးတစ်ဦး ကိုဗစ်-၁၉ပိုးတွေ့ပြီးနောက် ၎င်းနှင့်ထိတွေ့သူနှစ်ဦးနှင့်အုပ်ချုပ်ရေးမှူးထံမှ ဓာတ်ခွဲနမူနာများရယူကယနေ့(အောက်တိုဘာ ၁၁)စစ်ဆေးထား​သည်ဟု ကာယကံရှင်များက ပြောဆိုသည်။

မကွေးတိုင်း နတ်မောက်မြို့နယ်အတွင်း ပိုးတွေ့လူနာ ၂၆ ဦးထပ်တိုးလာပြီးနောက် ကျေးရွာသုံးရွာတွင် အသွားအလာကန့်သတ်လိုက်ကြောင်း နတ်မောက်မြို့နယ်ဆရာဝန်ကြီး ဒေါက်တာဝင်းစည်သူက ပြောကြားသည်။

COVID-19 အတည်ပြုလူနာ ၉၈၇ ဦးထဲတွင် အနံ့မရရှိသူ ၃၀၀ အထိပါ၀င်ကြောင်း ကျန်းမာရေးနှင့်အားကစား၀န်ကြီးဌာနက ထုတ်ပြန်သည်။

မကွေးတိုင်း အဝင်အထွက်ဂိတ် ၁၉ခုတွင် ကုန်တင်ယာဉ်မောင်းနှင့်ယာဉ်နောက်လိုက်များ ကိုဗစ်-၁၉ပိုးရှိမရှိ Test Kits များဖြင့် စတင်စစ်ဆေးနေပြီဟု မကွေးတိုင်းကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာခင်မောင်သန်းက ပြောကြားသည်။

စစ်ကိုင်းမြို့တွင် ကုန်တင်ယာဉ်မောင်းနှင့်ယာဥ်နောက်လိုက်များကို ကိုဗစ်-၁၉ ပိုး ရှိ၊မရှိ စစ်ဆေးလျက်ရှိရာ ကုန်တုင်ယာဥ်မောင်းတစ်ဦး ကူးစက်ခံထားရသည်ကိုတွေ့ရကြောင်း စစ်ကိုင်းမြို့နယ်အထွေထွေအုပ်ချုပ်ရေးဦးစီးဌာနထံမှ သိရသည်။

ရန်ကုန်မြောက်ပိုင်းခရိုင်၊ ထန်းတပင်မြို့နယ်တွင် ရဲတပ်ကြပ်ကြီးတစ်ဦးနှင့် ၎င်း၏ဇနီးဖြစ်သူူတို့မှာ ကိုဗစ်-၁၉ ရောဂါပိုး ကူးစက်ခံရကြောင်း ရန်ကုန်တိုင်းဒေသကြီးရဲတပ်ဖွဲ့မှူးရုံးထံမှ သိရှိရသည်။

အင်းစိန်မြို့နယ်တွင် COVID-19 ရောဂါပိုးကူးစက်ခံရသည့်အရေအတွက်များပြားလာပြီး Positive လူနာများ၏ contact person များ၊ အနံ့ပျောက်သူများကို Quarantine Center များဖွင့်လှစ်ထားရှိ စောင့်ရှောက်မှုပေးလျက်ရှိရာ ယခုအခါ အထက ၃ ကိုလည်း Quarantine Center အဖြစ်ထပ်မံတိုးချဲ့ဖွင့်လှစ်မည်ဖြစ်ကြောင်း အင်းစိန်မြို့နယ် တိုင်းဒေသကြီးလွှတ်တော်ကိုယ်စားလှယ်ဦးဝေဖြိုးဟန်က ပြောကြားသည်။

မန္တလေးတိုင်း ရမည်းသင်းမြို့နယ် သဲကွဲကုန်တင်ယာဉ် ကျန်းမာရေးဆိုင်ရာစစ်ဆေးရေးဂိတ်၌ ဆေးစစ်မှုခံယူခဲ့သည့် ကုန်တင်ယာဉ်မောင်း နှင့်ယာဉ်နောက်လိုက် ၆၀၀ ကျော်အနက် ခြောက်ဦးထံတွင် ရောဂါပိုးတွေ့ရှိခဲ့ကြောင်း ရမည်းသင်းမြို့နယ် အထွေထွေအုပ်ချုပ်ရေးမှူးရုံးထံမှ သိရသည်။

မြန်မာနိုင်ငံ သတင်းမီဒီယာကောင်စီ ဥက္ကဋ္ဌ ဟံသာဝတီဦးအုန်းကြိုင် ကိုဗစ်-၁၉ ရောဂါပိုးကူးစက်ခံထားကြောင်း သတင်းမီဒီယာကောင်စီဝင်တစ်ဦးက အတည်ပြုပြောကြားသည်။

သာကေတမြို့နယ်ရှိ Covid-19 Contact Person များကို Steel King ကန့်သတ်စောင့်ကြည့်ရေးစင်တာ ၁ တွင် အောက်တိုဘာ ၄ ရက်နေ့မှ စတင်ထားရှိမည်ဖြစ်ကြောင်း Covid-19 ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီထံမှ သိရသည်။

မကွေးဆေးရုံတွင် ဆေးကုသမှုခံယူနေသော ကြာကန်ကျေးရွာမှ ပိုးတွေ့အတည်ပြုလူနာငါးဦး သက်သာပျောက်ကင်းသွား၍ အောက်တိုဘာ၂ ရက်နေ့က ဆေးရုံမှဆင်းခွင့် ပေးလိုက်သည်ဟု မကွေးတိုင်း ကျန်းမာရေးဦးစီးဌာနထံမှ သိရသည်။

ရန်ကုန်တိုင်းဒေသကြီးအစိုးရအဖွဲ့နှင့် ကျန်းမာရေးနှင့် အားကစားဝန်ကြီးဌာနတို့၏ လမ်းညွှန်မှုဖြင့် COVID-19 ရောဂါ ကုသရေးအတွက် ကမ္ဘောဇဘဏ်က ဦးဆောင်၍ ငွေကျပ်သိန်း ၇၀၀၀ ကနဦးမတည်ကာ ကုတင် ၅၀၀ ပါဝင်သည့် အင်းယားလိတ်ကိုဗစ်စင်တာကိုYangon Convention Center (YCC) တွင် စတင်တည်ဆောက်နေကြောင်း ယင်းဘဏ်ကသတင်းထုတ်ပြန်ထားသည်။

ရှမ်းပြည်နယ်(တောင်ပိုင်း)၊ ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့တွင် ရန်ကုန်မြို့မှပြန်လာသူနှစ်ဦးထံမှ ကိုဗစ်ရောဂါပိုးကို တွေ့ရှိခဲ့သည်။ ရောဂါပိုး တွေ့ရှိသူ နှစ်ဦးထဲမှ အမျိုးသားတစ်ဦးမှာ ပန်းရောင်းသူဖြစ်ပြီး ၎င်းမှာ ရန်ကုန်မှ ပင်းတယမြို့သို့ ပြန်ရောက်လာသဖြင့် ကိုဗစ်ရောဂါ ရှိမရှိ စစ်ဆေးခဲ့သည်။

စစ်ကိုင်းတိုင်းတွင် ယမန်နေ့ညမှ ယနေ့နံနက်အထိ ကိုဗစ်-၁၉ ပိုးတွေလူနာ ၂၈ ဦးတိုးလာခဲ့ကြောင်း စစ်ကိုင်းတိုင်း ကိုဗစ်-၁၉ ထိန်းချုပ်ရေးနှင့်အရေးပေါ်တုံ့ပြန်ရေးကော်မတီထုတ်ပြန်ချက်အရသိရသည်။

အင်းစိန်မြို့နယ်၏ COVID-19 ပိုးတွေ့လူနာသစ် ၄၆ ဦးထဲတွင် အခြေအနေမဲ့/စိတ်မနှံ့သူတစ်ဦးပါဝင်ကြောင်း တိုင်းဒေသကြီးလွှတ်တော်ကိုယ်စားလှယ် ဦးဝေဖြိုးဟန်ကပြောကြားသည်။