ရခိုင်ပြည်နယ်၊ စစ်တွေမြို့နယ် အတွင်းရှိ ပြည်သူအချို့သည် အရေးကြီးအကြောင်းတစ်စုံတစ်ရာမရှိဘဲ အလည် အပတ်နှင့် ဘုရားဖူးထွက်ခွာသူများရှိ သည့်အတွက် လူစုလူဝေးဖြစ်ပေါ်ပြီး ကိုဗစ်-၁၉ ရောဂါကူးစက်မှု အများအပြား ဖြစ်ပေါ်နိုင်ကြောင်း မြို့နယ်အထွေထွေ အုပ်ချုပ်ရေးဦးစီးဌာနက သတိပေးထား သည်။

ကိုဗစ်-၁၉ နှင့် ပတ်သက်ပြီး ချမှတ် ထားသော စည်းမျည်းစည်းကမ်းများကို လိုက်နာမှုအားနည်းကာ ရောဂါ ဖြစ်ပွားမှု နှုန်းများလာပါက လိုအပ်မည့် စည်းကမ်း အချို့ကို ထပ်မံချမှတ်မည်ဟု ကျန်းမာ ရေးနှင့် အားကစားဝန်ကြီးဌာန ပြည်ထောင်စု ဝန်ကြီး ဒေါက်တာမြင့်ထွေးက ပြောကြား သည်။

ပဲခူးတိုင်းအတွင်း အသက်အကြီးဆုံး ကိုဗစ်ပိုးတွေ့လူနာ အသက် ၁ဝဝ အရွယ်အဘွားအိုသည် ရောဂါပျောက်ကင်းသွားပြီဖြစ်၍ ဆေးရုံဆင်းခွင့်ပြုလိုက်ပြီဖြစ်ကြောင်း ပဲခူးတိုင်းကျန်းမာရေးဦးစီးဌာနထံမှ သိရသည်။ ရေတာရှည်မြို့နယ် သိုင်းနယ်အုပ်စု ချောင်းမကြီးကျေးရွာမှ အသက် ၁၀၀ အရွယ်အဘွားအို ရောဂါသက်သာ ပျောက်ကင်းပြီဖြစ်၍ ပိုးတွေ့ပြီ ၁၀ ရက်အကြာ ဒီဇင်ဘာလ ၁၆ ရက်နေ့တွင် တောင်ငူဆေးရုံကြီးမှ ပြန်ဆင်းခွင့် ပြုလိုက်ခြင်းဖြစ်သည်။

‌ဆောင်းတွင်းကာလ၌ နေရောင်ခြည် ရရှိ မှုကျဆင်းခြင်း၊ ညတာရှည် သဖြင့် လူအများ အိပ်ရာထနောက်ကျခြင်း၊ နေ့တာ တိုခြင်း စသည်တို့ကြောင့် နေရောင်ခြည်မှပါလာသော သဘာဝဗီတာမင်ဒီ ရရှိမှုအခွင့်အလမ်းကို ဆုံးရှုံးကြရ သည်။ ထို့ပြင် COVID-19 ရောဂါ ကူးစက် ကာလဖြစ် သည့်အတွက် Stay at Home ရသဖြင့် ယခု ၂၀၂၀ ပြည့်နှစ် ဆောင်းရာသီတွင် ဗီတာမင်ဒီ ဓာတ်ချို့တဲ့မှုများ မလွဲမသွေ ဖြစ်လာနိုင်ပါသည်။ ထို့ကြောင့် ယခုနှစ် ဆောင်းရာသီတွင် ဗီတာမင်ဒီ မချို့တဲ့ စေရန်အတွက် ဗီတာမင်ဒီဓာတ်ပါရှိသော ဖြည့်စွက်စာများကို ထည့်သွင်းစားသောက်ပေးသင့်ပါသည်။

ရန်ကုန်မြို့ မရမ်းကုန်းမြို့နယ်၊ ကမ္ဘာအေးတိပိဋကမဟာဂန္ဓာရုံကျောင်းတိုက်ရှိ သံဃာနဲ့ လူပုဂ္ဂိုလ် ၁၇၂ဦး ကိုဗစ်ရောဂါပိုး ကူးစက်ခံထားရတယ်လို့ သိရပါတယ်။

သူမှာ အားကိုးစရာအမေ့ဆီပဲ ပြေးငိုဖို့ကျန်တော့တယ်။ သူ့ကိုအချစ်ဆုံးဆိုတဲ့ အဘွားကလည်း ဆေးရုံမှာ။ သူ့မိခင်ဆီကို ဖုန်းလေးကိုင်ရင်း ပြေးမယ်လုပ်တော့ သူ့မိခင်က သူ့ကို တစ်ခါမှ မကြည့်ဖူးတဲ့ အကြည့်နဲ့ကြည့်တယ်။ မင်းလုပ်လို့ တို့တွေခုလို အခက်တွေ့ နာမည်ပျက်နေရပြီ ဆိုပြီး ပြောနေတဲ့ အကြည့်နဲ့။ “ အမေသားကို အဲ့ လိုမကြည့်ပါနဲ့နော် “ ဆိုပြီး အိမ်အောက်ပြေးဆင်းသွားတော့ အဖေဖြစ်သူက လှေကားရင်း မှာ “ ကြည့်လိုက်စမ်း မင်းပုံနဲ့ တက်လာတယ် ဖေ့ဘုတ်မှာ မင်းကူခဲ့တဲ့သူတွေ ဘယ်မှာလဲ မင်းဘက် တစ်ယောက်မှ မရှိကြဘူး ငါတို့လည်း အရှက်ကွဲပြီ မင်းသွားတိုင်လို့ဖြစ်တာကွ သိလား” ဆိုပြီး အော်ဆူနေတော့ အဘွားက နှလုံးရောဂါနဲ့မို့ နှလုံးကထဖောက်တယ်။

ကျောက်ဆည်မြို့ရှိ မုန့်တိုက်တစ်ခုမှ ကိုဗစ်-၁၉ ပိုးတွေ့လူနာနှင့် ထိစပ်သူမိသားစုဝင်များ၊ ဆိုင်ဝန်ထမ်းများကို ဒီဇင်ဘာ ၁၂ ရက်နေ့က RDT Test ဖြင့် စစ်ဆေးရာ ၁၇ ဦးတွင် ပိုးတွေ့ကြောင်း ဆေးရုံတာဝန်ရှိသူများထံမှ သိရသည်။

စီးပွားရေးပြန်လည် နာလန်ထူနေသော နေရာများ သို့မဟုတ် ကိုဗစ်-၁၉ကို ထိန်းချုပ်ထားနိုင်သည့်ဒေသများတွင် ဦးစားပေးပြီး ကာကွယ်ဆေးထိုးသင့်ပါက ထိုးမည်ဟု နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကပြောကြားသည်။

၂၀၂၀ ပြည့်နှစ်၊ ပါတီစုံအထွေထွေရွေးကောက်ပွဲ၌ ရန်ကုန်တိုင်းဒေသကြီးတွင် တာဝန်ထမ်းဆောင်ခဲ့သူ ၉၅ ဦး ကိုဗစ်-၁၉ ရောဂါ ကူးစက်ခံခဲ့ရပြီး ၆ ဦး သေဆုံးခဲ့ကြောင်း ရန်ကုန်တိုင်းဒေသကြီးရွေးကောက်ပွဲကော်မရှင်အဖွဲ့ခွဲ ရုံးထံမှသိရသည်။

ကိုဗစ်-၁၉ ဓာတ်ခွဲနမူနာ တစ်သိန်းရှစ်သောင်းကျော်ကို ကိုးရက်အတွင်း ရယူစစ်ဆေးခဲ့ရာ အတည်ပြုလူနာ တစ်သောင်းနှစ်ထောင်ကျော် တွေ့ရှိခဲ့ ကြောင်း ကျန်းမာရေးနှင့်အားကစားဝန်ကြီးဌာန၏ နေ့စဉ်စာရင်းများအရ သိရသည်။

ဧရာ၀တီတိုင်းအစိုးရအဖွဲ့ဝင် စည်ပင်သာယာရေး၀န်ကြီး ဦးကျော်မြင့်မှာ ကိုဗစ်ရောဂါတွေ့ခဲ့တယ်လို့ ဧရာ၀တီတိုင်းအစိုးရအဖွဲ့ကနေသိရပါတယ်။ "ရွေးကောက်ပွဲကိစ္စနဲ့လပွတ္တာမြို့ကိုသွားရင်းနဲ့ ရုံးက တဆင့်ကူးစက်တာ။ ကျန်းမာရေးကောင်းမွန်တယ်"လို့ တိုင်းအစိုးရအဖွဲ့ပြောရေးဆိုခွင့်ရှိသူ ဦး၀င်းဌေးက ပြောပါတယ်။

ကိုဗစ်-၁၉ ရောဂါကာကွယ် စည်းကမ်းများကို ပြည်သူများအကြား လိုက်နာမှု အားကောင်းစေရေး ရန်ကုန်တိုင်းဒေသကြီး အစိုးရအဖွဲ့မှ တင်းကျပ်စွာ ဆောင်ရွက်ပေးရန် ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေး ကပြောကြားသည်။

စစ်တွေဆေးရုံကြီးမှာ ဒီဇင်ဘာ ၈ ရက်နေ့ မနက်ပိုင်းက ကိုဗစ်အတည်ပြုလူနာတစ်ဦး သေဆုံးခဲ့တာကြောင့် ရခိုင်ပြည်နယ်အတွင်း ကိုဗစ်အတည်ပြု လူနာသေဆုံးမှုမှာ ၃၁ ဦးအထိ ရှိလာပြီဖြစ်ကြောင်း ပြည်နယ်ပြည်သူ့ကျန်းမာရေး ဦးစီးဌာန လက်ထောက်ညွှန်ကြားရေးမှူး ဒေါက်တာစိုးဝင်းပိုင်က ပြောပါတယ်။

ရန်ကုန်မြို့တော်ဝန် ဦးမောင်မောင်စိုး ကိုဗစ်- ၁၉ ရောဂါကူးစက်ခံထားရပြီး တောင်ဥက္ကလာပမြို့နယ်ရှိ ကိုဗစ်ထိန်းချုပ်ကုသရေး ဆေးရုံတွင် တက်ရောက်ကုသမှုခံယူနေကြောင်း ဒေါက်တာကျော်စွာဦးထံမှ သိရသည်။

ပဲခူးတိုင်း ရေတာရှည်မြို့နယ် သိုင်းနယ်အုပ်စု ချောင်းမကြီးကျေးရွာတွင် ရန်ကုန်မှပြန်လာသူများနှင့် ထိတွေ့မှု ရှိခဲ့သည့် အသက် ၁၀၀ နှစ်အရွယ် အဘွားအိုတစ်ဦးတွင် ကိုဗစ်-၁၉ရောဂါပိုး စစ်ဆေးတွေ့ရှိထားသည်ဟု ရေတာရှည်မြို့နယ် ပြည်သူ့ကျန်းမာရေးဦးစီးဌာနမှ ဒေါက်တာ ညှီန္ဒဆွေက ပြောကြားသည်။