News

POST TYPE

BUSINESS

တရုတ်ကုမ္ပဏီနှင့်ပူးပေါင်း၍ ဆန်စပါးမျိုးစေ့ထုတ်လုပ်ငန်းများ စတင်ဆောင်ရွက်
24-Jul-2018 tagged as တရုတ် ဆန်စပါး

ရန်ကုန်၊ ဇူလိုင် ၂၃

မိုးစပါးရာသီအတွင်း တွံတေးမြို့နယ်ရှိ လယ်မြေရှစ်ဧကပေါ်တွင် မြန်မာနိုင်ငံ လယ်ယာစီးပွားရေး အများပိုင်ကော်ပိုရေးရှင်း (MAPCO) နှင့် တရုတ်နိုင်ငံမှ Beijing KangDibao ကုမ္ပဏီတို့ ပူးပေါင်း၍ ဆန်စပါးမျိုးစေ့ထုတ်လုပ်ငန်းများကို စတင်ဆောင်ရွက်လျက်ရှိကြောင်း MAPCO ထံမှ သိရသည်။

တွံတေးမြို့နယ်ရှိ လယ်မြေရှစ်ဧကတွင် ယခုနှစ် မိုးစပါးရာသီအတွင်း တရုတ်နိုင်ငံမှ အထွက်တိုးစပါး ၉ မျိုး၊ ပြည်တွင်း မှ ရက် ၉၀ မျိုးစပါး ၊ ဆင်းသုခစပါး ၂ မျိုး အပါအဝင် စုစုပေါင်းစပါး ၁၁ မျိုးကို စမ်းသပ်စိုက်ပျိုးလျက်ရှိပြီး ဒေသတွင်း စားနပ်ရိက္ခာ ဖူလုံရေးအတွက် ပူးပေါင်းဆောင်ရွက်ကြခြင်းဖြစ်ကြောင်း MAPCO ထံမှ သိရသည်။

ယခုစမ်းသပ်စိုက်ပျိုးထုတ်လုပ်သည့် မျိုးစေ့ထုတ်လုပ်ငန်း၏ စီးပွားရေးအရ တွက်ခြေကိုက်မှုအခြေအနေပေါ် မူတည်၍ တစ်ဆင့်ပြီးတစ်ဆင့် တိုးချဲ့ဆောင်ရွက်သွားရန် နှစ်ဖက်အဖွဲ့အစည်းများ သဘောတူညီထားပြီးဖြစ်ကာ စမ်းသပ်စိုက်ပျိုးမှုအတွက် လိုအပ်သည့်နည်း ပညာနှင့် လုပ်ငန်းသုံးအထောက်အကူပြုပစ္စည်းများကို တရုတ်နိုင်ငံမှ Beijing KangDibao က စီစဉ်ပံ့ပိုးပေးပြီး မြေနေရာနှင့် မျိုးစေ့ထုတ်ပညာရှင်များ၏ နေထိုင်သွားလာရေးကို MAPCO က တာဝန်ယူဆောင်ရွက်ပေးကြောင်း ယင်းကုမ္ပဏီထံမှ သိရသည်။

ထို့ပြင် MAPCO အနေနှင့် ရခိုင်ပြည်နယ်တွင် မိုးစပါးစိုက်ဧကတစ်ရာဖြင့် ဆန်စပါးမျိုးစေ့ထုတ် လုပ်ငန်းများကိုလည်း စတင်ဆောင်ရွက်လျက်ရှိပြီး မျိုးကောင်းမျိုးသန့်ထုတ်လုပ်ငန်းများကို အခြားနိုင်ငံတကာအဖွဲ့အစည်းများနှင့် ပူးပေါင်းဆောင်ရွက်နိုင်ရန်အတွက်လည်း ညှိနှိုင်းဆွေးနွေးမှုများ ဆောင်ရွက်လျက်ရှိကြောင်း MAPCO ထံမှ သိရသည်။

J-11