News

POST TYPE

BUSINESS

မြန်မာ့ဆန်စပါးဥပဒေ စတင်ရေးဆွဲ
11-Jun-2018 tagged as ဥပဒေ ဆန် စပါး

ရန်ကုန်၊ ဇွန် ၁၀

မြန်မာနိုင်ငံတွင် လက်ရှိအချိန်အထိ ဆန်စပါးနှင့်ပတ်သက်သည့် ဥပဒေမရှိသေးသောကြောင့် ဆန်စပါးကဏ္ဍ ဖွံ့ဖြိုးတိုးတက်စေရန်အတွက် ဆန်စပါးဥပဒေကို စတင်ရေးဆွဲလျက်ရှိကြောင်း မြန်မာနိုင်ငံ ဆန်စပါးအသင်းချုပ်ထံမှသိရသည်။ 

မြန်မာ့ဆန်စပါးဥပဒေ ထွက်ပေါ်လာပါက ဗဟိုဦးဆောင်အဖွဲ့ ဖွဲ့စည်းမည်ဖြစ်ပြီး ယင်းအဖွဲ့က ပြည်ပတင်ပို့မည့် တန်ချိန်ပမာဏ၊ ပြည်တွင်းစားသုံးမည့်ပမာဏ၊ အရန်ဆန်ထားရှိမည့်ပမာဏ၊ ပြည်တွင်းဆန်ဈေးတည်ငြိမ်မှုနှင့် စားသုံးသူ၊ ထုတ်လုပ်သူ၊ ရောင်းချသူများအတွက် နိုင်ငံတကာနှင့်အညီ မှန်ကန်သည့်ဆုံးဖြတ်ချက်များ ချမှတ်ဆောင်ရွက်ပေးမည်ဖြစ်ကြောင်း ယင်းအသင်းချုပ်ထံမှ သိရသည်။ 

“တောင်သူလယ်သမား အကျိုးစီးပွား ကာကွယ်ရေးဥပဒေနဲ့ လယ်ယာမြေဥပဒေတော့ရှိတယ်။ ဒါပေမဲ့ သီးနှံတစ်ခုချင်းရဲ့ ဥပဒေ၊ ဆန်စပါးဥပဒေက မရှိသေးဘူး။ စတော့ဆွဲနေပြီ။ မူကြမ်းအဆင့်တောင် မရောက်သေးပါဘူး။ ဥပဒေနဲ့ပတ်သက်ပြီး ဝန်ကြီးဌာနတွေနဲ့ ဥပဒေပြုတဲ့အဖွဲ့တွေကို ဆက်တိုက်တွေ့ပြီး ရှင်းလင်းဆွေးနွေးသွားမှာပါ”ဟု မြန်မာနိုင်ငံ ဆန်စပါးအသင်းချုပ် ရုံးအဖွဲ့မှူး ဦးမြင့်လွင်က ပြောကြားသည်။ 

ဇွန်လ ၈ ရက်နေ့က မြန်မာ့ဆန်စပါး ဥပဒေ (မူကြမ်း) ရေးဆွဲတင်ပြနိုင်ရေး၊ ဆောင်ရွက်သင့်သည့် လုပ်ငန်းစဉ်များနှင့် ပတ်သက်၍ အမျိုးသားလွှတ်တော် တောင်သူလယ်သမားရေးရာ ကော်မတီ၊ စိုက်ပျိုးရေး၊ မွေးမြူရေးနှင့် ရေလုပ်ငန်းဖွံ့ဖြိုးရေး ကော်မတီအဖွဲ့ဝင်များနှင့် တွေ့ဆုံဆွေးနွေးမှုများပြုလုပ်ခဲ့ပြီး ဥပဒေရေးဆွဲပြီးစီးမည့်အချိန်ကို ကြိုတင်ခန့်မှန်း၍ မရသေးကြောင်း ၎င်းက ပြောဆိုသည်။

မြန်မာ့ဆန်စပါးဥပဒေတွင် သီးနှံအာမခံစနစ်၊ ဆန်စပါးအရည်အသွေးနှင့် စံချိန်စံညွှန်း ၊ အကျိုးတူကန်ထရိုက် လယ်ယာစနစ် (Contract Farming)၊ ဆန်စပါးတင်ပို့ရောင်းချခြင်းနှင့် စိုက်ပျိုးထုတ်လုပ်ခြင်းများအတွက် တိကျသည့်မူဝါဒများ ထွက်ပေါ်လာမည်ဖြစ်ပြီး ပြည်တွင်းဆန်ဈေး မတည်ငြိမ်ခြင်း၊ ဈေးကစားခြင်းများကိုလည်း ထိန်းချုပ်ကာကွယ်နိုင်မည်ဖြစ်ကြောင်း ဆန်ကုန်သည်များက သုံးသပ်ပြောကြားသည်။ 

J-11