News

POST TYPE

BUSINESS

ရန်ကုန်စတော့အိတ်ချိန်း စာရင်းဝင်ကုမ္ပဏီ စံသတ်မှတ်ချက်များ ဖြေလျှော့မည်
30-Jan-2018



ရန်ကုန်၊ ဇန်နဝါရီ ၂၉

ဈေးကွက်ဖွံ့ဖြိုးမှု အားနည်းနေသည့် ရန်ကုန်စတော့အိတ်ချိန်းတွင် စာရင်းဝင်ကုမ္ပဏီများ ပိုမိုဝင်ရောက်လာနိုင်ရန်အတွက် စတော့အိတ်ချိန်းစာရင်းဝင် ကုမ္ပဏီ စံသတ်မှတ်ချက်များကို ဖြေလျှော့မည်ဖြစ်ကြောင်း ငွေချေးသက်သေခံလက်မှတ်လုပ်ငန်း ကြီးကြပ်ရေးကော်မရှင် (SECM) မှ အကြီးတန်းအရာရှိတစ်ဦးက ပြောကြားသည်။

စတော့အိတ်ချိန်းသို့ စာရင်းဝင်ကုမ္ပဏီအဖြစ် ဝင်ရောက်လိုသောကုမ္ပဏီသည် ရန်ကုန်စတော့အိတ်ချိန်းသို့ စာရင်းဝင်ရန် လျှောက်ထားသည့်နေ့တွင် ထည့်ဝင်ပြီး မတည်ရင်းနှီးငွေအနည်းဆုံး ကျပ်သန်း ၅၀၀ ရှိထားရခြင်းနှင့် လျှောက်ထားသည့်နေ့မတိုင်မီ အနည်းဆုံး ၂ နှစ်တာကာလအတွင်း လုပ်ငန်းအမြတ်ရရှိထားရမည်ဟူသော အချက်များအပါအဝင် အချက် ၁၇ ချက်နှင့်ကိုက်ညီမှသာ စာရင်းဝင်နိုင်မည်ဖြစ်ကြောင်း၊ ယင်းအချက်များထဲမှ အချို့အချက်များကို ဖြေလျှော့ပေးရန် စိစစ်လျက်ရှိကြောင်း ၎င်းက ရှင်းပြသည်။

“အဓိကက စတော့အိတ်ချိန်းဝင်ချင်တဲ့ ကုမ္ပဏီတွေရှိတယ်။ ဒါပေမဲ့ ဒီသတ်မှတ်ချက်တွေထဲက တချို့နဲ့မကိုက်ညီတာနဲ့ ကြုံနေရတာတွေရှိတော့ တချို့အချက်တွေကို ဖြေလျှော့ပေးဖို့လုပ်နေတယ်”ဟု ၎င်းက ပြောဆိုသည်။

လက်ရှိအချိန်တွင် စတော့အိတ်ချိန်းသို့ ဝင်ရောက်ရန်အတွက် လာရောက်ဆွေးနွေးနေသည့် ကုမ္ပဏီနှစ်ခုအထက်ရှိနေပြီး ယခုနှစ်အတွင်းတွင်လည်း ကုမ္ပဏီသစ်တစ်ခု ရန်ကုန်စတော့အိတ်ချိန်းသို့ ဝင်ရောက်နိုင်မည်ဖြစ်ကြောင်း SECM ထံမှ သိရသည်။

လက်ရှိအချိန်တွင် ရန်ကုန်စတော့အိတ်ချိန်း၌ ပထမမြန်မာ ရင်းနှီးမြှုပ်နှံမှုကုမ္ပဏီ (FMI)၊ မြန်မာသီလဝါ အထူးစီးပွားရေးဇုန် အများပိုင်ကုမ္ပဏီ (MTSH)၊ မြန်မာနိုင်ငံသားများဘဏ် (MCB)၊ ပထမပုဂ္ဂလိကဘဏ် (FPB) နှင့် TMH တယ်လီကွန်းအများပိုင်ကုမ္ပဏီတို့က ရှယ်ယာများ အရောင်းအဝယ်လုပ်ဆောင်လျက်ရှိသည်။

J-01