News

POST TYPE

BUSINESS

SME လုပ်ငန်းများကို ဒိန်းမတ်အစိုးရ ငွေကြေးနှင့် နည်းပညာထောက်ပံ့မည်


ရန်ကုန်၊ ဇန်နဝါရီ ၂၅

ပြည်တွင်းရှိ အသေးစားနှင့် အလတ်စား (SME) လုပ်ငန်းများကို ဒိန်းမတ်အစိုးရက ငွေကြေးထောက်ပံ့နိုင်ရေးအတွက် ဇန်နဝါရီလ ၂၅ ရက်နေ့က စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေး ဦးစီးဌာနနှင့် မြန်မာနိုင်ငံဆိုင်ရာ ဒိန်းမတ်သံရုံးတို့ ပူးပေါင်းဆောင်ရွက်ရေးဆိုင်ရာ နားလည်မှုစာချွန်လွှာ (MoU) လက်မှတ် ရေးထိုးခဲ့သည်။ 

စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာနနှင့် မြန်မာနိုင်ငံဆိုင်ရာ ဒိန်းမတ်သံရုံးတို့သည် တာဝန်ယူမှုအပြည့်ရှိသည့် စီးပွားရေးကျင့်ထုံးများတွင် ရင်းနှီးမြှုပ်နှံပြီး စီမံကိန်းများ ဖော်ဆောင်နိုင်ရန် Responsible Business Fund (RBF)ရန်ပုံငွေပူးပေါင်းဆောင်ရွက်မှုအတွက် MoU လက်မှတ်ရေးထိုးခဲ့ခြင်းဖြစ်ပြီး ယင်း RBF မှတစ်ဆင့် မြန်မာစီးပွားရေးလုပ်ငန်းရှင်များအတွက် ကျပ်ငွေ ၁၂ ဒသမ ၅ ဘီလီယံ ထောက်ပံ့ပေးသွားမည်ဖြစ်ကြောင်း ယင်းလက်မှတ်ရေးထိုးပွဲ သဘောတူညီချက်အရ သိရသည်။ 

အဆိုပါ RBF ရန်ပုံငွေ ပူးပေါင်းဆောင်ရွက်ရေးဆိုင်ရာ သဘောတူလက်မှတ်ရေးထိုးပွဲကို ရန်ကုန်မြို့၊ မရမ်းကုန်းမြို့နယ် ၇ မိုင် အမှတ် (၅) သလ္လာဝတီလမ်းရှိ အသေးစားနှင့် အလတ်စားလုပ်ငန်းများ ဖွံ့ဖြိုးတိုးတက်ရေးဌာနတွင် ရေးထိုးခဲ့ကြခြင်းဖြစ်သည်။ 

“SME တွေရဲ့ ထုတ်ကုန်တွေ ပိုပြီး တိုးတက်ဖို့နဲ့ တာဝန်ယူမှုအပြည့်ရှိတဲ့ စီးပွားရေးလုပ်ငန်းတွေဖြစ်လာဖို့ ဒိန်းမတ်အစိုးရနဲ့ စာချုပ်ချုပ်တာဖြစ်ပါတယ်။ ဒီစာချုပ်အရ SME လုပ်ငန်းကဏ္ဍ ၇ ခုကို ငွေကြေးနဲ့ နည်းပညာပံ့ပိုးပြီး ဆက်လက်ပြီးတော့လည်း ၂၀၂၀ ပြည့်နှစ်အထိ ပူးပေါင်းဆောင်ရွက်ဖို့ နှစ်နိုင်ငံသဘောတူတာပါ”ဟု စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာန ညွှန်ကြားရေးမှူးချုပ် ဒေါ်အေးအေးဝင်းက ပြောကြားသည်။ 

RBF မှ စွမ်းအင်အလေအလွင့် လျော့နည်းရေး၊ ရေအရင်းအမြစ်အသုံးချမှု၊ စွန့်ပစ်ပစ္စည်းနှင့် အညစ်အကြေးများ အသုံးချမှု စသည့်ကဏ္ဍများအတွက် စီမံကိန်းကုန်ကျငွေ၏ ၆၅ ရာခိုင်နှုန်းအထိ ထောက်ပံ့ပေးမည်ဖြစ်ကြောင်း၊ ကျန်းမာရေးနှင့် လုံခြုံရေးလုပ်ငန်းစဉ်များ၊ အစားအသောက် ဘေးအန္တရာယ်ကင်းရှင်းရေး၊ ကြီးကြပ်ခြင်းနှင့် ကွပ်ကဲခြင်းနည်းပညာများ၊ လက်တွေ့နှင့် နည်းပညာရပ်ဆိုင်ရာနည်းလမ်းများ စသည့်ကဏ္ဍများကို စီမံကိန်းကုန်ကျငွေ၏ ၈၀ ရာခိုင်နှုန်းအထိ ထောက်ပံ့ငွေထုတ်ပေးရန် သတ်မှတ်ထားကြောင်း ၎င်းက ပြောဆိုသည်။ 

ဒိန်းမတ်အစိုးရအနေနှင့် RBF အစီအစဉ်ကို ၂၀၁၇ ခုနှစ် အောက်တိုဘာလက မြန်မာနိုင်ငံတွင် စတင်ဆောင်ရွက်ခဲ့ခြင်းဖြစ်ပြီး ၂၀၁၇ ခုနှစ် အောက်တိုဘာလက ထောက်ပံ့ငွေပေးနိုင်ရန် သတ်မှတ်ထားသည့် ကဏ္ဍ ၇ ခုကို အဆိုပြုလွှာများ ခေါ်ယူခဲ့ရာ အဆိုပြုလွှာပေါင်း ၁၉၀ အထိ လျှောက်ထားမှုရှိခဲ့ကြောင်း၊ ယင်းအဆိုပြုလွှာ ၁၉၀ ထဲမှ လုပ်ငန်း ၁၈ ခုကို ထောက်ပံ့ငွေကြေးထုတ်ပေးရန် RBF Board အဖွဲ့က ဆုံးဖြတ်ခဲ့ကြောင်း Responsible Business Fund Myanmar ကြီးကြပ်ကွပ်ကဲရေးမှူး Mr.Reddy က ပြောကြားသည်။ 

၂၀၁၈ ခုနှစ်နှင့် ၂၀၁၉ ခုနှစ်တွင်လည်း ထောက်ပံ့ငွေကြေးထုတ်ပေးနိုင်ရန် တစ်နှစ်လျှင် သုံးကြိမ်စီ အဆိုပြုလွှာများ ခေါ်ယူသွားမည်ဖြစ်ပြီး လျှောက်ထားမည့် ကုမ္ပဏီများသည် SME ဌာနတွင် မှတ်ပုံတင်ထားရမည်ဖြစ်ကာ လုပ်ငန်းသက်တမ်း အနည်းဆုံး ၂ နှစ်နှင့် အမြဲတမ်းဝန်ထမ်း ၆၀၀ နှင့်အောက် သို့မဟုတ် ရင်းနှီးမတည်ငွေ ကျပ် ၁ ဘီလီယံအောက် ရှိရမည်ဖြစ်ကြောင်း၊ ထောက်ပံ့ငွေကြေးနှင့်ပတ်သက်၍ အီးမေးလ် [email protected] နှင့် ဖုန်း ဝ၉ - ၂၅၈၁၁၃၇၃၇၊ ဝ၉ - ၉၇၉၃၂၇၇၄၄၊ ဝ၉ - ၄၀၂၆၄၂၅၇၉ တို့ထံ အသေးစိတ် ဆက်သွယ်မေးမြန်းနိုင်ကြောင်း ၎င်းက ပြောဆိုသည်။ 

SME ​ချေးငွေများ အကူအညီများနှင့်ပတ်သက်၍ မည်သည့်အချိန်ချေးမည်ဆိုသည့် ညွှန်ကြားချက်များထွက်သော်လည်း အချို့သောညွှန်ကြားချက်များဆိုလျှင် အခက်အခဲရှိကြောင်း ငါးပိ၊ ငါးခြောက် ငံပြာရည် ထုတ်လုပ်ရောင်းဝယ်သူများအသင်း အတွင်းရေးမှူး ဦးထွန်းစိန်က ပြောကြားသည်။

“မွေးမြူရေးလုပ်ငန်းတွေအတွက် အာမခံမရှိရင် မြန်မာ့မခံလုပ်ငန်းက အာမခံပေးမယ်ပြောတယ်။ ဒါပေမဲ့ မြန်မာ့အာမခံက လူကိုကြည့်ပြီးပေးမှာလား။ လူကြီးကတော့ SME တွေအတွက် ချေးပေးမယ်ပြောတယ်။ အစိုးရဆီကလူတွေလည်း မလာဘူး။ စာရွက်ပဲ ထွက်လာတယ်။ ကျွန်တော်တို့လုပ်ငန်းတွေအနေနဲ့ ငွေကြေးရရင် လုပ်ငန်းတွေတိုးချဲ့လည်ပတ်ဖို့ အဆင်ပြေပါတယ်။ ချေးပေးမယ်ဆိုရင် သွားချေးလိုက်မယ်။ တစ်ခုပါပဲ ညွှန်ကြားချက်ကို တိတိကျကျလေး ထုတ်စေချင်ပါတယ်”ဟု ၎င်းက အကြံပြုပြောဆိုသည်။

J-11