News

POST TYPE

ARTICLE

ဗိုလ်ချုပ်မဖြစ်သေးသည့် ဘောလုံးသမား

“ဟေ့... မင်းတို့ ဇာတ်ကားဘယ်လိုတုန်း။ မင်းဘောလုံးပြန်ကန်နေပြီလား”  

ကိုကျော်ကျော်မျိုး တစ်ယောက် ထိုသို့ အမေးခံရဖူးပေါင်းများပြီ။ ဇာတိမြေသို့ ပြန်လည်အခြေချ နေထိုင်နေသူ တစ်ယောက်ကို ပတ်ဝန်းကျင်က မေးနေကြသည့် မေးခွန်းအတွက် အဖြေမှာ မရှိသေး။

လူတိုင်းတွင် ဖြစ်ချင်သော ဆန္ဒများ ရှိကြမည်မှာ မလွဲပေ။ ကိုကျော်ကျော်မျိုးတွင်လည်း ဖြစ်ချင်သည့် ဆန္ဒတစ်ခု ရှိပါသည်။ အခြားသူနှင့် မတူသည်မှာ သူက ဗိုလ်ချုပ်ဖြစ်ချင်သူ။ 

ကိုကျော်ကျော်မျိုး ဆိုသည်က နိုင်ငံတစ်ဝန်း မျှော်လင့်နေသည့် ဗိုလ်ချုပ်ရုပ်ရှင်တွင် ဗိုလ်ချုပ်အောင်ဆန်းနေရာက သရုပ်ဆောင်မည့်သူ။ အသားညိုညိုနှင့် ဥပဓိရုပ်က ဗိုလ်ချုပ်နှင့် ထပ်တူမဟုတ်သော်လည်း ထပ်တူနီးပါးတူသူ။ ထို့ကြောင့်ပင် နိုင်ငံတစ်ဝန်းက ဗိုလ်ချုပ်နေရာ သရုပ်ဆောင်အဖြစ် ဝင်ရွေးခံသူများကြား နောက်ဆုံးပိတ် ရွေးချယ်ခံရသူ ဖြစ်သည်။

ကိုကျော်ကျော်မျိုးသည် ဘောလုံးအားကစားကို ၁၇ နှစ်ခန့် တစိုက်မတ်မတ် ကစားခဲ့သူ။ မြန်မာ့လက်ရွေးစင်အထိ ဖြစ်ခဲ့သူ။ လက်ရှိမြန်မာ့လက်ရွေးစင် တိုက်စစ်မှူး ကျော်ကိုကို၊ လက်ရွေးစင်ဟောင်း ရန်အောင်ဝင်းတို့မှာ နောက်တန်းကစားသမား ကိုကျော်ကျော်မျိုး၏ ကလေးဘဝ ဘောလုံးကွင်း အတွင်းက ပြိုင်ဘက်များ။ 

ကိုကျော်ကျော်မျိုး ဘောလုံးသမားအဖြစ် နောက်ဆုံးကစားခဲ့သည့် ကလပ်အသင်းက ယခုအခါ ရှမ်းယူနိုက်တက်ဟု အမည်ပြောင်းထားသည့် တစ်ချိန်က ကမ္ဘောဇ FC အသင်း ဖြစ်သည်။ ယင်းအချိန်က မြန်မာ့လက်ရွေးစင်အသင်းတွင် ပုံမှန်နေရာ ရနေသည့် နောက်တန်းကစားသမား ကိုကျော်ကျော်မျိုးသည် ဘောလုံးသမားတစ်ဦးအဖြစ် ထိပ်တန်းလစာကိုလည်း ရရှိခဲ့သူ ဖြစ်သည်။

အောက်ခြေမှ တက်လှမ်းလာခဲ့သည့် လူငယ်တစ်ဦး အနေနှင့်  မြန်မာဘောလုံးလောက ဆုကြေးစားစနစ် စတင်ခဲ့သည့်အချိန်တွင် ဘောလုံးအားကစားကိုပင် အသက်မွေးဝမ်းကျောင်းလုပ်ငန်း  အဖြစ် သတ်မှတ်ခဲ့ပြီး တစိုက်စိုက်မတ်မတ် ကြိုးစားခဲ့သည်ဟု သူက ဆိုသည်။ 

၂၀၁၂ ခုနှစ်သည် ကိုကျော်ကျော်မျိုးအတွက် အပြောင်းအလဲများစွာကို  သယ်ဆောင်လာသောနှစ် ဖြစ်ခဲ့သည်။ ဗိုလ်ချုပ်အောင်ဆန်းရုပ်ရှင် ရိုက်မည်ဆိုသည့် သတင်းစကားကို သူကြားသိခဲ့ရသောနှစ် ဖြစ်သည်။ 

ပထမတစ်ကြိမ် သရုပ်ဆောင်များ ရွေးချယ်ခဲ့စဉ်က လက်ရွေးစင်အသင်းနှင့်အတူ ပြိုင်ပွဲဝင်နေသည့် သူ့အတွက် ဝင်လျှောက်ရန် အခွင့်အရေးမရခဲ့။ သို့သော် ပထမရွေးချယ်ခဲ့သည့် သရုပ်ဆောင်များကို  စိတ်တိုင်းမကျသည့်အတွက် သရုပ်ဆောင်သစ်များ ဒုတိယအကြိမ် ပြန်လည်ရွေးချယ်ရာတွင် ကိုကျော်ကျော်မျိုးအတွက် အခွင့်အရေးတစ်ခု ဖြစ်လာခဲ့သည်။ 

ဗိုလ်ချုပ်အိပ်မက်ကို ထုဆစ်ရန် ကိုကျော်ကျော်မျိုး တစ်ယောက် သရုပ်ဆောင်အဖြစ် ဝင်ရောက်လျှောက်ထားခဲ့သည်။ မိခင်ကလပ်အသင်းကလည်း တစ်စုံတစ်ရာ ကန့်ကွက်ခြင်း မရှိသည့်အပြင် လစာကိုပင် ဆက်လက်ထောက်ပံ့ပေးခဲ့သည်။ ယခုအချိန်ထိလည်း ထောက်ပံ့ပေးထားသည်ဟု သူက ဆိုသည်။ သူ့ဇနီးကလည်း  အားပေးသည်။ ပတ်ဝန်းကျင်ကလည်း  အားပေးသည်။ ယင်းကာလများက သူတို့၏ အိမ်ထောင်သက်မှာ တစ်လကျော်ကျော် သာ ရှိသေးသည်။ 

ဗိုလ်ချုပ်နေရာက သရုပ်ဆောင်ရန် ရွေးချယ်ခံခဲ့ရပြီးနောက် သူတို့ဇနီးမောင်နှံ ပျော်ရွှင်ခဲ့ကြသည်။ 

အမှန်က ဗိုလ်ချုပ်ရုပ်ရှင်တွင် ပါဝင်ရိုက်ကူးရန် သွားလျှောက်ခဲ့သော်လည်း သူက သရုပ်ဆောင်အလုပ်ကို ဝါသနာမပါခဲ့။ ရွေးချယ်ရေးအဖွဲ့က သရုပ်ဆောင် ဝါသနာ ပါ မပါ မေးမြန်းခဲ့ရာ ‘ဗိုလ်ချုပ်နေရာ သရုပ်ဆောင်ချင်လို့’ ဟု အညာသား ကိုကျော်ကျော်မျိုးက ခပ်ပြတ်ပြတ်ပြန် ဖြေခဲ့သည်။ 

ဆုကြေးစား ဘောလုံးသမားတစ်ဦးအဖြစ် ထိုအချိန်တွင် လစာကောင်းရနေသည့် သူ့အတွက် သရုပ်ဆောင်အဖြစ် သွားအရွေးခံရာတွင် အခြားမျှော်လင့်ချက်များမရှိ၊ ဗိုလ်ချုပ်နေရာတွင် သရုပ်ဆောင်ချင်သည်ကသာ သူ၏ တစ်ခုတည်းသော ဆန္ဒဖြစ်သည်။ 

“ကာရိုက်တာက ဗိုလ်ချုပ်ကာရိုက်တာမို့ ကျွန်တော်ကူးသွားတာ၊ ဘာလို့လဲဆိုတော့ ဒါက ဖြစ်တောင့်ဖြစ်ခဲ၊ ရတောင့် ရခဲလေ”

ဗိုလ်ချုပ်နေရာက သရုပ်ဆောင် ဝင်အရွေးခံသည့် ကိုကျော်ကျော်မျိုး၏ စရိုက်ကိုလည်း သူ၏ စကားများက ဖော်ပြနေသည်။

“ကျွန်တော့် ပင်ကိုယ်စရိုက်ကိုက ဘုနဲ့ဘောက်ပဲ။ ဒဲ့တိုးပဲ၊ ကျွန်တော်မှန်တယ် ထင်ရင်၊ နောက် ကျွန်တော်တို့က အညာသားဆိုတော့ စကားအပြောအဆိုမှာ သိပ်အခက်အခဲ မရှိဘူး။ ကျုပ်နဲ့လည်း ပြောတတ်တယ်။ ကျွန်တော်နဲ့လည်း ပြောတတ်တယ်”

နောက်ဆုံးအဆင့် ရွေးချယ်မှုအပြီး သရုပ်ဆောင်မှုများ ပြုလုပ်ရာတွင် သူနှင့် တွဲဖက်သရုပ်ဆောင်ရသူက နာမည်ကျော် သရုပ်ဆောင် ထွန်းအိန္ဒြာဗို ဖြစ်သည်။ ပရိသတ်များစွာဖြင့် ဘောလုံးကစားခဲ့ရသည့် သူ့အတွက် နာမည်ကျော် သရုပ်ဆောင်များသည် သူလိုကိုယ်လိုပင် ဖြစ်ခဲ့သည်ဟု သူက ဆိုသည်။ 
“အခက်အခဲတွေလည်း ရှိတာပေါ့၊ တစ်ခါတစ်ခါ ကိုယ့်ကိုယ်ကိုယ် ပြန်သတိရရင်၊ စဉ်းစားရင်လေ ဟာ ငါတကယ်လုပ်ခဲ့တာတွေက လွယ်မှမလွယ်တာဆိုပြီး  ကိုယ်နဲ့ တစိမ်းသက်သက်ကြီး၊ အဲဒါကို  လူကြီးတွေရှေ့မှာ လုပ်ပြရတာ” ဟု သူက ယုံကြည်ချက်ဆန္ဒ တစ်ခုကြောင့် အားစိုက်ကြိုးပမ်းခဲ့ရပုံများကို သတိရ လွမ်းဆွတ်သံဖြင့် ပြောပြသည်။ 

ဗိုလ်ချုပ်ရုပ်ရှင် ရိုက်ကူးရန် ရွေးချယ်ခဲ့ရစဉ်က သူနှင့်အတူ ဒေါ်ခင်ကြည်နေရာသို့  ဝင်ရောက်အရွေးခံခဲ့သူမှာ မဇာခြည်လင်းဆိုသည့် ပုသိမ်မှ ကျောင်းဆရာမလေး ဖြစ်သည်။ သူလည်း အရွေးချယ်ခံရပြီး ကိုကျော်ကျော်မျိုးနှင့်အတူ ဗိုလ်ချုပ်နှင့် ဒေါ်ခင်ကြည်အဖြစ် တွဲဖက်သရုပ်ဆောင်ခဲ့ကြသည်။

“ဆရာမနဲ့တော့ အဆက်အသွယ် မရှိတော့ဘူး။ ဟိုတစ်ခါ ပြောတုန်းက စသလို နောက်သလိုနဲ့ သူကျောင်းအုပ်ဖြစ်သွားပြီ ပြောတယ်။ တကယ်ဖြစ်သွားပြီ ထင်တယ်။ သူက အဲဒီအချိန်တုန်းက မူလတန်းပြလေ” ဟု တစ်ချိန်က လုပ်ဖော်ကိုင်ဖက် အကြောင်း ပြောပြသည်။ 

သို့သော် သူတို့၏ ယုံကြည်ချက်ဖြင့် လျှောက်ခဲ့သည့်လမ်းမှာ ပန်းတိုင်သို့ မရောက်သေး။ သူတို့သာမက မြန်မာတစ်နိုင်ငံလုံး၊ ထိုထက်ဆိုရလျှင် ကမ္ဘာကပါ စိတ်ဝင်တစား စောင့်ကြည့်နားစွင့်နေခဲ့ကြသည့် ဗိုလ်ချုပ်ရုပ်ရှင်သည် ခုချိန်ထိ အဆုံးမသတ်နိုင်ခဲ့။ မည်သည့်အချိန် ပြန်စမည်ကိုပင် အတိအကျမပြောနိုင်။ ဗိုလ်ချုပ်ရာပြည့်ပွဲကိုပင် နိုင်ငံအနှံ့တွင် ခြိမ့်ခြိမ့်သဲ ကျင်းပခဲ့သေးသည်။ ယခုဆိုလျှင် ဗိုလ်ချုပ်သည်ပင် အသက် ၁၀၂ နှစ်တိုင် ရှိခဲ့ပြီ။ 

လက်ရှိအချိန်တွင်လည်း သူ့ကဲ့သို့ သရုပ်ဆောင်များနှင့် ဗိုလ်ချုပ်ရုပ်ရှင် ဖြစ်မြောက်ရေးအဖွဲ့များမှာ အဆက်အသွယ် ပြတ်သလောက် ဖြစ်နေပြီဟု ကိုကျော်ကျော်မျိုးက ဆိုသည်။  ဗိုလ်ချုပ်ရုပ်ရှင် ဆက်လက်ရိုက်ကူးရန် အဓိက လိုအပ်ချက်မှာ ရန်ပုံငွေအခက်အခဲ။ ဒါက သူနားလည်မိသလောက် ပြန်ပြောပြခြင်း ဖြစ်သည်။ 

ဗိုလ်ချုပ်ရုပ်ရှင် ဖြစ်မြောက်သည် မဖြစ်မြောက်သည်ကိုထား၊ ကိုကျော်ကျော်မျိုးကမူ ဗိုလ်ချုပ်ဇာတ်ရုပ်နှင့် ပတ်သက်ပြီး လုံးဝစိတ်နစ်ထားဆဲ ဖြစ်သည်။ ခင်မင်သည့် သူငယ်ချင်းများက ဗိုလ်ချုပ်ဟု ခေါ်ဆို၍ စနောက်ခြင်းကိုပင် မကြိုက်ကြောင်း ပွင့်ပွင့်လင်းလင်း တုံ့ပြန်တတ်သည်။ 

သို့သော် ဗိုလ်ချုပ်ရုပ်ရှင်အပေါ်  လူမှုကွန်ရက်မီဒီယာများ၌ ဝေဖန်မှု၊ ကဲ့ရဲ့မှုများကိုမူ ရှောင်လွဲ၍မရ။ ထို့အတွက်တော့ သူ စိတ်မကောင်း။ သူလုပ်ခဲ့သည့် အရာသည် မှန်ကန်ခဲ့သည်ဟု ယုံကြည်နေဆဲ ဖြစ်သည်။ 

မည်သို့ပင်ဖြစ်စေ ဗိုလ်ချုပ်ရုပ်ရှင်ကတော့ အဆုံးမသတ်နိုင်ခဲ့။ 

ထို့ကြောင့် ကိုကျော်ကျော်မျိုး တစ်ယောက် အိမ်ပြန်လမ်းကို လျှောက်ခဲ့ရပြန်သည်။ မန္တလေးတိုင်းဒေသကြီး၊ မြစ်ငယ်တွင် ယခုအခါ ဇနီးနှင့်အတူ သုံးလအရွယ်  သားလေးတစ်ယောက်နှင့်အတူ နေထိုင်လျက်ရှိပြီ ဖြစ်သည်။

ရုပ်ရှင်ရိုက်ရန် မသေချာသည့် အချိန်များတွင် ဘောလုံးပြန်ကန်ချင်ခဲ့သော်လည်း ကစားရင်း ထိခိုက်မှုရှိပါက ရိုက်ကူးရေးတွင် အခက်အခဲ ဖြစ်သွားမည်ကို စိုးရိမ်သည့်အတွက် သူ့စိတ်ကို  ထိန်းချုပ်ထားခဲ့ရသည်။ သို့သော်လည်း  သူ့ခြေလှမ်းများက မြက်ခင်းစိမ်းများဆီသို့ ဦးတည်သည်။
ယင်းမှာ ဗိုလ်ချုပ်အိပ်မက် တစ်ခန်းရပ်ထားရသည့် ကိုကျော်ကျော်မျိုးက လက်ရှိတွင်တော့ နန္ဒဝန်ကျေးရွာက ၁၃ နှစ်အောက် ကစားသမားများ၏ နည်းပြဘဝကို ရယူပိုင်ဆိုင်ထားခြင်းပင်။ 

ကလေးများ၏အမြင်တွင် သူတို့ကို နည်းပြနေသည်က သာမန်သူ မဟုတ်သည့်  ဗိုလ်ချုပ်အဖြစ် ရှုမြင်နေကြပြီးလိုသည်ထက် ပို၍ ကြောက်ရွံ့နေကြဟန် ရှိသည်ဟု ကိုကျော်ကျော်မျိုးက ဆိုသည်။ 

တစ်ချိန်က အရူးအမူးဖြစ်ခဲ့သည့်  ဘောလုံးလောကသို့ ကစားသမားတစ်ယောက်အဖြစ် ပြန်ဝင်ရန် ဖြစ်နိုင်ခြေ နည်းသော်လည်း နည်းပြတစ်ယောက်အဖြစ် ပြန်လာရန် ကိုကျော်ကျော်မျိုး တစ်ယောက် ပြင်ဆင်လျက်ရှိသည်။ 

“ကျွန်တော် နည်းပြလိုင်စင်လည်း တက် (ဖြေ) ထားတယ်၊ ဇာတ်ကားရိုက်ဖြစ်လို့ ပြီးသွားရင်လည်း ကျွန်တော် နည်းပြလောကထဲ ပြန်ဝင်မှာ၊ မရိုက်ဖြစ်တော့ရင်လည်း နည်းပြလောကထဲ ပြန်ဝင်မှာ” ဟု ကိုကျော်ကျော်မျိုးက ဆိုသည်။

ကိုကျော်ကျော်မျိုး တစ်ယောက် မြက်ခင်းစိမ်းများကို ကျောခိုင်းခဲ့ဖူးပြီ။ ဗိုလ်ချုပ်အိပ်မက်ကိုလည်း ထုဆစ်ရန် ကြိုးစားခဲ့ဖူးသည်။ အောင်မြင်ခြင်း မအောင်မြင်ခြင်းကို သမိုင်းက ဖော်ပြပါလိမ့်မည်။ 

သို့သော် ဗိုလ်ချုပ်အိပ်မက်ကိုကား ကိုကျော်ကျော်မျိုးတစ်ယောက် ယနေ့ထိ ဖမ်းဆုပ်ထားဆဲပင်။ မည်သို့ဆိုစေ တစ်ချိန်က နောက်တန်းကစားသမားလေး ကိုကျော်ကျော်မျိုးသည် ယနေ့တိုင် ဗိုလ်ချုပ်ဖြစ်မလာသေးပေ။ 

ကိုကျော်ကျော်မျိုးကတော့ ယခုလို ဆိုသည်။ 
“မရိုက်ဖြစ်ဘဲ ကြန့်ကြာနေတော့ ခံတော့ ခံစားရတာပေါ့၊ ပြောချင်တာက အလုပ်တစ်ခုကို တစိုက်မတ်မတ် အောင်မြင်ပြီးဆုံးအောင် လုပ်တာပဲ ကောင်းပါတယ်လို့၊ ရည်ရွယ်ချက်လေးတွေကိုလည်း အဲဒီလိုပဲ ထားသင့်ပါတယ်” 

မင်းမင်းစံ