POST TYPE

ARTICLE

နိုင်ငံရေးလေဟာနယ်အရေး တွေးကြသည်
19-Mar-2017 tagged as နိုင်ငံရေး NLD usdp

အစိုးရ အတိုက်အခံအဖြစ် ကာလရှည်ကြာ ခိုင်မာစွာ ရပ်တည်ခဲ့သည့် အင်အားစုကြီးက အာဏာရအစိုးရ ဖြစ်လာသည့်အခါ သူ့နေရာတွင် လစ်ဟာမှုကြီးက ထင်းခနဲ ကျန်ရစ်သည်။

ဒေါ်အောင်ဆန်းစုကြည် ခေါင်းဆောင်သည့် အမျိုးသားဒီမိုကရေစီအဖွဲ့ချုပ် (NLD) ပါတီက ယခုတွင် အစိုးရ ဖြစ်နေပြီး ယင်းအစိုးရကို ထင်ရာမစိုင်းနိုင်စေရန် ထိန်းကျောင်းနိုင်မည့် နိုင်ငံရေးအင်အားစု  ရှိမနေသည့်အရေး ဖြစ်သည်။

“USDP ကို ပွင့်ပွင့်လင်းလင်းပြောရရင် နိုင်ငံရေးပါတီတစ်ရပ် အနေနဲ့ကို မြင်ကြည့်လို့ကို မရသေးဘူး”
 
ယင်းသို့ ပြောဆိုလိုက်သည်က 
နိုင်ငံရေးတက်ကြွလှုပ်ရှားသူတစ်ဦး ဖြစ်သူ ဦးဝင်းချို ဖြစ်သည်။ 

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) သည် ငါးနှစ်တာ အစိုးရအဖွဲ့ကို ဦးဆောင်ခဲ့သည့် နိုင်ငံရေးပါတီတစ်ခု ဖြစ်ခဲ့ပြီး ပြီးခဲ့သည့် ရွေးကောက်ပွဲတွင် အပြတ်အသတ် အနိုင်ရရှိခဲ့သည့် NLD ပါတီထံသို့ အာဏာကို လွှဲပြောင်းပေးလိုက်သည်။

ယခုအချိန်တွင် အစိုးရ အတိုက်အခံများအနက် အင်အားအကြီးမားဆုံး အဖွဲ့အစည်းအဖြစ် ရှိနေသည်။

သို့သော်။

ယင်းအဖွဲ့အစည်းကိုပင် အတိုက်အခံ နိုင်ငံရေးပါတီတစ်ခုအဖြစ် လက်ခံ၍ မရသေးသူများ ရှိနေချိန်တွင် လစ်ဟာနေသည့် လေဟာနယ်ကို မည်သို့ ဖြည့်ကြမည် နည်း။ မည်သူတို့က ဖြည့်ကြမည်နည်း။ 

USDP အနေနှင့် စနစ်တစ်ခု အကူးအပြောင်းတွင် အလိုအလျောက် အစိုးရအဖွဲ့ကို တာဝန်ယူခဲ့ရသည့် အဖွဲ့အစည်းဖြစ်ပြီး နိုင်ငံရေးပါတီတစ်ခု ရှိသင့်ရှိထိုက်သည့် လုပ်ဆောင်မှုမျိုး၊ အရည်အချင်းမျိုး မရှိသေးဟု ဦးဝင်းချိုက ဆိုသည်။
“နိုင်ငံရေးပါတီတစ်ခု အနေနဲ့ ပြည်သူနဲ့ ပေါင်းစပ်ပြီး လုပ်ဆောင်တယ်ဆိုတဲ့ သဘာဝ၊ အဲဒါမရှိသေးတဲ့အတွက် နိုင်ငံရေးပါတီတစ်ရပ်အဖြစ် မမြင်သေးဘူး”

ဒီမိုကရေစီ နိုင်ငံတစ်ခုအဖြစ်နှင့် ရှေ့ဆက်သွားမည် ဆိုပါက အစိုးရကို ထိန်းကျောင်းတည့်မတ်ပေးမည့် အင်အားစု တစ်ရပ်တော့ အနည်းဆုံး ရှိနေရန် လိုအပ်ပါသည်။

သို့မဟုတ်ပါက လွတ်လပ်သည့် ရွေးကောက်ပွဲများ မည်သို့ ကျင်းပပေးစေကာမူ တစ်ပါတီကြီးစိုးသည့် ဒီမိုကရေစီစနစ်သာ ရှိနေမည်ဖြစ်ပြီး ယင်းပါတီအနေနှင့် အထိန်းအကွပ်မဲ့နေမည် ဖြစ်သည်။

အစိုးရ အတိုက်အခံ အင်အားစုသည် အစိုးရတစ်ရပ်ကဲ့သို့ပင် အရေးပါပြီး လက်ရှိအစိုးရကို ပြည်သူက အကြိုက်မတွေ့တော့ပါက အဆင်သင့် လက်လွှဲယူနိုင်ရန် အထိပင် စွမ်းရည်ပြည့်ဝနေရမည့်  အဖွဲ့အစည်းမျိုး ဖြစ်သည်။ 

တစ်နည်းအားဖြင့် နောင်တွင် အစိုးရ ဖြစ်ဖို့ရန် စောင့်ဆိုင်းနေသည့် အဖွဲ့အစည်း ဖြစ်ကြောင်း သင်္ဃန်းကျွန်းမြို့နယ်မှ ပြည်သူ့လွှတ်တော် ကိုယ်စားလှယ်ဟောင်း ဦးသိန်းညွန့်က ဆိုသည်။ 
“နောင်တစ်နေ့မှာ ပြည်သူ့ဆန္ဒအရ အလှည့်အပြောင်းလုပ်ရင် အစိုးရအဖွဲ့ နေရာကို ယူဖို့အတွက် အဆင်သင့် ပြင်ဆင်ထားရတယ်” ဟု ၎င်းက ဆိုသည်။

ဒီမိုကရေစီ ခိုင်မာပြီးသော နိုင်ငံများတွင် အတိုက်အခံပါတီတို့ အနေနှင့် လက်ရှိအစိုးရနှင့်အပြိုင် နောက်ကွယ်တွင် အစိုးရအသွင်ကို ကြိုတင်၍ ဖွဲ့စည်းထားရှိကြသည်။ ယင်းကို အရိပ်အစိုးရ (Shadow  Cabinet) ဟု ဝိသေသန တပ်ကြသည်။ 

အင်္ဂလန်ကဲ့သို့သော နိုင်ငံတွင် လေဘာပါတီနှင့် ကွန်ဆာဗေးတစ်ပါတီတို့က တစ်ဖွဲ့ အစိုးရ ဖြစ်ချိန်တွင် ကျန်တစ်ဖွဲ့က အရိပ်အစိုးရအဖြစ် ဖွဲ့စည်းထားခြင်းကြောင့် ရွေးကောက်ပွဲတွင် အစိုးရ အပြောင်းအလဲဖြစ်ပါက အစိုးရနေရာကို အခက်အခဲမရှိ ဝင်ရောက်တာဝန်ယူနိုင်သည်။

လက်ရှိ ဗြိတိန်ဝန်ကြီးချုပ် ဖြစ်သူ ထရီဇာမေသည် အတိုက်အခံဖြစ်ချိန်၌ အရိပ်အစိုးရအဖွဲ့တွင် ပြည်ထဲရေးရာ ကိစ္စများကို တာဝန်ယူခဲ့သည့် အမျိုးသမီး ဖြစ်သည်။

မြန်မာနိုင်ငံတွင် ယင်းသို့သော အနေအထားမျိုး ရှိမနေခြင်းက ကြီးမားသည့် အားနည်းချက်ဖြစ်ကြောင်း ဝါရင့်နိုင်ငံရေးသမားလည်း ဖြစ်သူ ဦးသိန်းညွန့်က ဆိုသည်။

ပြီးခဲ့သည့် နှစ်ပေါင်း ငါးဆယ်ကျော်ကာလ၊ တပ်မတော်ကြီးစိုးသည့် အစိုးရများ လက်ထက်တွင် ဒီမိုကရက်တစ် ဘက်တော်သားများ ဖြစ်သည့် အတိုက်အခံများ အနေနှင့် အစိုးရများ ပြုတ်ကျရေးကို လုပ်ဆောင်ရသော်လည်း ကိုယ်တိုင်အစိုးရ ဖြစ်သည့်အခါ မည်ကဲ့သို့ လုပ်ဆောင်မည် ဆိုသည့် ကြိုတင်ပြင်ဆင်မှုမျိုး မလုပ်နိုင်ခဲ့ကြ။ 

တပ်မတော်အစိုးရ၏ နည်းမျိုးစုံဖြင့် ဖိနှိပ်မှုများကြားထဲတွင် လုပ်ခွင့်လည်း မသာခဲ့ကြပေ။ 
“ဒါသဘာဝလည်း ကျတယ်၊ ဖိနှိပ်မှုကလည်း ပြင်းထန်နေတာကိုး” ဟု ဦးသိန်းညွန့်က ဆိုသည်။

ယခုမူ ဒီမိုကရေစီနည်းကျ ရွေးကောက်တင်မြှောက်ထားသည့် အရပ်သားအစိုးရ အုပ်ချုပ်သည့် ကာလဖြစ်ရာ အတိုက်အခံ နိုင်ငံရေး အင်အားစုများအပေါ် ဖိနှိပ်မည့် လက္ခဏာ မရှိတော့သလို ဖွဲ့စည်းပုံအခြေခံဥပဒေ အရပင် မြန်မာနိုင်ငံတွင် ကျင့်သုံးမည့် နိုင်ငံရေးစနစ်သည် ပါတီစုံ ဒီမိုကရေစီစနစ် ဖြစ်သည်။

သို့သော် နိုင်ငံရေး လေ့လာသုံးသပ်သူ အများစုကမူ လက်ရှိ မြန်မာ့နိုင်ငံရေး အခြေအနေတွင် အစိုးရကို အတိုက်အခံ လုပ်နိုင်သူ ပျောက်ဆုံးနေသည်ဟု ရှုမြင်ကြသည်။

အချို့က NLD အပေါ် မူအရပင် အတိုက်အခံ မလုပ်ကြသလို အချို့အနေနှင့် ပြည်သူတို့၏ နိုင်ငံရေး အသိအမြင်ကြောင့်ပင် အတိုက်အခံ မလုပ်ရဲကြခြင်းဖြစ်သည်။ အချို့အနေနှင့်လည်း NLD ကဲ့သို့သော  ပြည်သူအများစုအကြား အမြစ်တွယ်နေသော ပါတီကြီးမျိုးနှင့် မယှဉ်သာ၊ အားမတန်ခြင်းကြောင့် ဖြစ်သည်။

လက်ရှိအစိုးရသည် ဒေါ်အောင်ဆန်းစုကြည်၏ အစိုးရအဖွဲ့ဖြစ်ရာ အစိုးရ အတိုက်အခံလုပ်ရန်မှာ ဒေါ်အောင်ဆန်းစုကြည်ကိုပါ အတိုက်အခံလုပ်ရမည် ဖြစ်သည်။ သို့သော် လက်ရှိအခြေအနေများအရ ဒေါ်အောင်ဆန်းစုကြည်ကို ဝေဖန်ထောက်ပြရန်နှင့် ဆန့်ကျင်ရန်မှာ မလွယ်ကူကြောင်း နိုင်ငံရေးသမားများက နားလည်ကြသည်။

ပြီးခဲ့သည့် ၂၀၁၅ အထွေထွေရွေးကောက်ပွဲတွင် တစ်နိုင်ငံလုံး အတိုင်းအတာဖြင့် သောင်ပြိုကမ်းပြို အနိုင်ရရှိထားသည့်အပြင် မည်မျှပင် နိုင်ငံရေးဝါရင့်ပါစေ ဒေါ်အောင်ဆန်းစုကြည်၏ နောက်လိုက်မဟုတ်လျှင် ရွေးကောက်ပွဲတွင် နောက်ကောက်ကျ ကျန်ခဲ့ကြောင်း ပြည်သူတို့ထံမှ အဖြေထွက်ထားခြင်းကြောင့်  ဖြစ်သည်။

၂၀၁၅ ခုနှစ်၊ ရွေးကောက်ပွဲတွင် နိုင်ငံရေးပါတီပေါင်း ၉၀ ကျော် ဝင်ရောက်ယှဉ်ပြိုင်ခဲ့သည့်အနက် ပါတီ ၂၀ ကျော် မျှသာ လွှတ်တော်အသီးသီးသို့ ရောက်ရှိလာခဲ့ပြီး စုစုပေါင်း ရွေးကောက်ခံ ကိုယ်စားလှယ် တစ်ထောင့်တစ်ရာကျော် ရှိသည့်အနက် ၇၇ ရာခိုင်နှုန်းသည် NLD မှ ဖြစ်သည်။

တပ်မတော်အစိုးရလက်ထက်တွင် NLD ၏ အကြီးတန်း ပါတီဝင်အဖြစ် ရှိနေခဲ့သည့် ဝါရင့်နိုင်ငံရေးသမားလည်းဖြစ် ပထမငါးနှစ်တာ အစိုးရလက်ထက်တွင်း လွှတ်တော်မင်းသားကြီးဟု နာမည်ကျော်သည့် ဦးသိန်းညွန့် အပါအဝင် အခြား NLD ခေါင်းဆောင်ဟောင်းများ အနေနှင့် ပြီးခဲ့သည့် ရွေးကောက်ပွဲတွင် ရွေးချယ်ခြင်း မခံခဲ့ရတော့ပေ။

ယင်းကား ပြည်သူတို့အနေနှင့် ဒေါ်အောင်ဆန်းစုကြည်၏ တစ်မျက်နှာတည်းကိုသာ ထောက်ရှုမဲပေးခဲ့ကြခြင်း ဖြစ်သည်။ 

ဒေါ်အောင်ဆန်းစုကြည်ကို အတိုက်အခံပြုခြင်းသည် ပြည်သူကို ကျောခိုင်းခြင်းဟု သာမန်ပြည်သူတို့က ခပ်ကြမ်းကြမ်း မြင်တတ်ကြရာ ယင်းကပင် လက်ရှိ ဒေါ်အောင်ဆန်းစုကြည် အစိုးရကို အတိုက်အခံလုပ်ရန် ခက်ခဲသည့် အနေအထား ဖြစ်နေခြင်း ဖြစ်သည်။

“မြန်မာနိုင်ငံရဲ့ လက်ရှိအနေအထားကတော့ အတိုက်အခံကောင်းတွေ  အများကြီး လိုအပ်နေတယ်ပေါ့” ဟု ဒေါက်တာညိုညိုသင်းက ဆိုသည်။

ဒေါ်ညိုညိုသင်းသည်လည်း ပထမအကြိမ် လွှတ်တော်သက်တမ်းတွင် ရန်ကုန်တိုင်းဒေသကြီး လွှတ်တော်ကိုယ်စားလှယ် ဖြစ်ခဲ့ပြီး လွှတ်တော်ရေးရာ ကိစ္စများကို တက်ကြွစွာ ဆောင်ရွက်ခဲ့သူ ဖြစ်သော်လည်း ၂၀၁၅ ရွေးကောက်ပွဲတွင် NLD ပါတီကို မကျော်နိုင်ခဲ့ပေ။

အတိုက်အခံ အင်အားစုများ အစိုးရနှင့် အာဏာရပါတီ အနေနှင့် မိမိတို့ လုပ်သမျှ အရာရာကို အကောင်းမြင်နေတတ်သည့် ပြဿနာက ရှေ့ရောက်လာမည် ဖြစ်သည်။ 

အဆိုပါအချက်ကို ဒုတိယအကြိမ် ပြည်ထောင်စုလွှတ်တော် သက်တမ်းစတင်ပြီး မကြာခင်ပင် မြန်မာ့နိုင်ငံရေးမြေပုံတွင် တွေ့မြင်နိုင်သည်။

နိုင်ငံတော်အတိုင်ပင်ခံပုဂ္ဂိုလ်ဆိုင်ရာ ဥပဒေကို အာဏာရပါတီက တင်သွင်းလာခြင်း ဖြစ်သည်။ ဖွဲ့စည်းပုံ အခြေခံဥပဒေအရ ဒေါ်အောင်ဆန်းစုကြည်က သမ္မတလုပ်ခွင့် မရှိသည့်အခါ အခြေခံဥပဒေ၏ ဟာကွက်တစ်ခုကို နင်းကာ ယင်းဥပဒေကို သူ့နောက်လိုက်များက တင်သွင်းလာခြင်း ဖြစ်သည်။

တပ်မတော်က အပြင်းအထန် ကန့်ကွက်ခဲ့သော်လည်း ဒီမိုကရေစီနည်းအရပင် အဆိုပါ ဥပဒေသည် အတည်ဖြစ်လာခဲ့သည်။ 

ယင်းကား ဒီမိုကရေစီ အနိုင်ကျင့်မှုဟု တပ်မတော်သား လွှတ်တော်ကိုယ်စားလှယ်များက ထောက်ပြသည်။

ယင်းအပြင် ယခင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌလည်းဖြစ်၊ ပြည်ထောင်စုလွှတ်တော် နာယကလည်း ဖြစ်ပြီး တပ်မတော် အသိုင်းအဝိုင်းနှင့် အဖုအထစ်များ ရှိနေသည့်  သူရဦးရွှေမန်း ကိစ္စနှင့် ပတ်သက်၍လည်း ဒီမိုကရေစီ အနိုင်ကျင့်မှုဆန်ဆန် ထပ်မံဖြစ်ပေါ်ခဲ့သည်။ 

သူရဦးရွှေမန်းကို ဥက္ကဋ္ဌအဖြစ် တာဝန်ပေးထားသည့် ပြည်ထောင်စုလွှတ်တော်၊ ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်ကို ပြည်ထောင်စုလွှတ်တော်က  ဖွဲ့စည်းထားမှုနှင့် ပတ်သက်၍ ဖြစ်သည်။ 

ယင်းသည်လည်း ဒီမိုကရေစီ အနိုင်ကျင့်မှု ဖြစ်ကြောင်း တပ်မတော်သားများကပင် ထပ်မံပြောဆိုသည်။

ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီးနှင့် ပြည်နယ်လွှတ်တော်များတွင် တပ်မတော်သား ကိုယ်စားလှယ်များက ၂၅ ရာခိုင်နှုန်း ရှိနေကြပြီး အစိုးရကို အတိုက်အခံပြုရန်  အကြီးဆုံး အင်အားစုလည်း ဖြစ်နေသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP)သည် အဆိုပါ လွှတ်တော်သုံးရပ်တွင် စုစုပေါင်း ၁၀ ရာခိုင်နှုန်းသာရှိပြီး လက်ရှိလွှတ်တော် သက်တမ်းတွင် အစိုးရ အတိုက်အခံအဖြစ်  ထင်ရှားစွာ ရပ်တည်နေသည့် ရခိုင်အမျိုးသားပါတီမှာလည်း ၄ ရာခိုင်နှုန်းသာ ရှိသည်။

လက်ရှိအချိန်တွင် အစိုးရကို အတိုက်အခံလုပ်ရန် သင့်တော်သည့် အဖွဲ့အစည်းက USDP သာ ဖြစ်သော်လည်း သူတို့အနေနှင့် ကောင်းမွန်စွာ အလုပ်မလုပ်နိုင်သေးကြောင်း ဦးသိန်းညွန့်က ဆိုသည်။

USDP သည် အစိုးရ ဖြစ်ခဲ့ဖူးသော်လည်း အတိုက်အခံ မလုပ်ခဲ့ဖူးရာ ယင်းနှင့် ပတ်သက်၍ အတွေ့အကြုံ နည်းပါးသည်။ 

လွှတ်တော်တွင် ရွေးကောက်ခံ ကိုယ်စားလှယ် ဒုတိယအများဆုံး ရှိနေသည့်ပါတီ ဖြစ်သော်လည်း အစိုးရကို ထိန်းကျောင်းရာတွင် အားနည်းနေကြောင်း ၎င်းက ဆိုသည်။ ယင်းပါတီက လွှတ်တော်တွင် တင်သွင်းဆွေးနွေးသည့် မေးခွန်းများ၊ အဆိုများ၊ ဥပဒေကြမ်းများ၏ အခြေအနေကို သုံးသပ်ကာ ၎င်းက ယင်းသို့ ပြောဆိုခြင်း ဖြစ်သည်။

“ခြုံကြည့်လိုက်ရင်တော့ အတိုက်အခံပါတီကြီးတစ်ခု အနေနဲ့ ဒီနေ့ လစ်လပ်နေတဲ့ နိုင်ငံရေးဟာကွက်မှာ ခေါင်းဆောင်မှု ပေးနိုင်တာတော့ အားနည်းတယ်”

USDP အနေနှင့် ၂၀၁၅ ရွေးကောက်ပွဲတွင် ရှုံးနိမ့်ခဲ့ပြီးနောက် ပါတီ၏ ခေါင်းဆောင်ပိုင်းကို အပြောင်းအလဲများ လုပ်ဆောင်ခဲ့သည်။ သမ္မတဟောင်း ဦးသိန်းစိန် အပါအဝင် လူဟောင်းများက ပါတီအရေးကိစ္စများတွင် ထဲထဲဝင်ဝင် မပါတော့ဘဲ နာယကများ အဖြစ်သာ တာဝန်ယူကြကာ ဥက္ကဋ္ဌနှင့် ဗဟိုအလုပ်အမှုဆောင်အဖွဲ့ကို လူသစ်များဖြင့် ပြင်ဆင်ဖွဲ့စည်းလိုက်ခြင်း ဖြစ်သည်။

၎င်းတို့ကိုယ်တိုင်ကမူ လက်ရှိ အစိုးရ အတိုက်အခံပါတီအဖြစ် ရပ်တည်လျက်ရှိပြီး ယင်းအတွက် အကောင်းဆုံး အရည်အချင်းများ၊ အတွေ့အကြုံများ ရှိနေသည်ဟု ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ပဲခူးတိုင်းဒေသကြီး (အနောက်ခြမ်း) ၏ ဒုတိယဥက္ကဋ္ဌ ဦးအောင်ချိုဦးက ဆိုသည်။

ရွေးကောက်ပွဲတွင် အနိုင်မရရှိခြင်းကြောင့်သာ အတိုက်အခံပါတီ ဖြစ်နေသော်လည်း အစိုးရအဖွဲ့ကို တာဝန်ယူရန် အဆင်သင့်ရှိနေပြီး လာမည့် ၂၀၂၀ ရွေးကောက်ပွဲအတွက် စနစ်တကျ ပြင်ဆင်နေသည်ဟု ၎င်းက ဆိုသည်။

“ကျွန်တော်တို့ဘက်က Ready (အဆင်သင့်) ပဲ။ ပြောရရင် အခုနေ ပေးလည်း အခုနေအသင့်ပဲ”

သို့သော် USDP အနေနှင့် ပြည်သူ့ထောက်ခံမှု ရအောင် ဦးစွာလုပ်ရမည်ဖြစ်ပြီး ယင်းသို့လုပ်ရန် အတိတ်အရိပ်မည်းများမှ ရုန်းထွက်ရန်လိုအပ်သည်ဟု ဦးသိန်းညွန့်က ဆိုသည်။

USDP သည် အစဉ်အဆက် တပ်မတော်၏ ကျောထောက်နောက်ခံ အဖွဲ့အစည်းအဖြစ် ရှိနေခဲ့ခြင်း ဖြစ်သည်။ တပ်မတော်အစိုးရ လက်ထက်တွင် လူမှုရေးအသင်းအဖြစ် တစ်လျှောက်လုံး ရှိနေခဲ့ပြီး ၂၀၁၀ တွင်မှ တပ်မတော်အငြိမ်းစား အရာရှိများဦးဆောင်သည့် နိုင်ငံရေးပါတီတစ်ရပ် အဖြစ် ရုတ်တရက် အသွင်ပြောင်းခဲ့သည်။ ပြီးခဲ့သည့် ၂၀၁၅ ခုနှစ်၊ ရွေးကောက်ပွဲ ကာလတွင်လည်း တပ်မတော်အရာရှိများစွာ အငြိမ်းစားယူကာ ယင်းပါတီမှ ရွေးကောက်ပွဲ ဝင်ရောက်ယှဉ်ပြိုင်ခဲ့ကြသည်။

ယင်းသို့ တပ်မတော်၏အရိပ် လွှမ်းမိုးနေခြင်းအပေါ် ပြည်သူများက မနှစ်မြို့ပေ။

ဒီမိုကရေစီ လိုလားသူ ပြည်သူနှင့် နိုင်ငံရေးသမားများကမူ ဒီမိုကရက်တစ်စစ်စစ် ဖြစ်သည့် သီးခြားအတိုက်အခံ အင်အားစုတစ်ရပ်ကို မျှော်လင့်ကြခြင်း ဖြစ်သည်။ NLD လည်းမဟုတ်၊ USDP  လည်း မဟုတ်သည့် အားကောင်းမောင်းသန် နိုင်ငံရေးအင်အားစုတစ်ရပ် ဖြစ်သည်။ 

လောလောဆယ်အားဖြင့် နိုင်ငံရေးပါတီ ၉၀ ဝန်းကျင်တွင် ယင်းသို့အနေအထားမျိုး ရှိမနေပါ။ 

အမျိုးသားဒီမိုကရေစီပါတီသစ်ပါတီ (NNDP) ဥက္ကဋ္ဌလည်း ဖြစ်သည့်  ပြည်သူ့လွှတ်တော် ကိုယ်စားလှယ်ဟောင်း ဦးသိန်းညွန့်ကတော့ နိုင်ငံရေးတပ်ပေါင်းစု တစ်ခုကို အိပ်မက်မက်သည်။ နိုင်ငံရေးပါတီများ စုဖွဲ့သည့် တပ်ပေါင်းစု ဖြစ်သည်။

အင်အားအငယ်ကလေးများကို စုစည်း၍ အင်အားကြီးမားလာစေရန် ဖြစ်သည်။ 

“ရိုးရိုးသားသားပြောရင် ကျွန်တော် ၂၀၁၆၊ ခြောက်လပိုင်းလောက်အထိ အဲဒီအတွက် ကြိုးပမ်းဖို့ အင်မတန်မှ ဆန္ဒပြင်းပြခဲ့တယ်” ဟု ၎င်းက ဆိုသည်။

သူ့အိပ်မက်က ၁၉၅၆၊ ၆၀ ပြည့်နှစ်များက ပါလီမန် ဒီမိုကရေစီခေတ်တွင် ဖဆပလပါတီက ကြီးစိုးခြယ်လှယ်မှုများ ရှိနေချိန်တွင် အတိုက်အခံ အင်အားစုများ စုစည်းကာ ပမညတတပ်ပေါင်းစု အဖြစ် ဖွဲ့စည်းလိုက်သကဲ့သို့ ဖြစ်သည်။

ယင်းသို့ စုစည်းခြင်းအားဖြင့် ရွေးကောက်ပွဲတွင် မဲပိုရရှိကာ လွှတ်တော်တွင်းသို့ အင်အားကောင်းစွာ ဝင်ရောက်နိုင်မည် ဖြစ်သည်။

သို့သော် ယင်းသို့ စုဖွဲ့ရန်အတွက် လက်ရှိ မြန်မာ့နိုင်ငံရေးနယ်မြေတွင် ရေခံမြေခံကောင်းများ ရှိမနေပါ။ တည်ရှိဆဲ နိုင်ငံရေးပါတီများ၏ အနေအထားများကို ထဲထဲဝင် လေ့လာကြည့်သည့်အခါ မလွယ်ကူကြောင်း သဘောပေါက်ခဲ့ရသည်ဟု ၎င်းက ဆိုသည်။
“ကျွန်တော်ထင်တယ်၊ တော်တော်ခက်ခဲလိမ့်မယ် ထင်တယ်” ဟု ၎င်းက ဆိုသည်။

“အခု ဗမာပြည်နိုင်ငံရေးကတော့ သိတဲ့အတိုင်းပဲ၊ တပ်ပေါင်းစုဖွဲ့ဖို့ ဆိုတာက ဗမာပြည်နိုင်ငံရေးရဲ့ ရင့်ကျက်မှုနဲ့လည်း ဆိုင်တယ်။ အားလုံး ခေါင်းဆောင်လုပ်ချင်ကြတဲ့နိုင်ငံ၊ အားလုံး ဥက္ကဋ္ဌ လုပ်ချင်ကြတဲ့ နိုင်ငံမှာ တပ်ပေါင်းစုတစ်ခုပေါ်ဖို့ ကြိုးပမ်းရတာ သိပ်လွယ်မယ် မထင်ဘူး”

မကြာသေးခင်ကတော့ ထင်ရှားသည့် နိုင်ငံရေးသမားများဖြစ်သည့် ၈၈ မျိုးဆက် ခေါင်းဆောင်များက နိုင်ငံရေးပါတီသစ်တစ်ရပ် ပေါ်ထွက်ဖို့အရေး စိုင်ပြင်းနေကြပြီ ဖြစ်သည်။ 

ဦးကိုကိုကြီး အပါအဝင် ၁၉၈၈ ခုနှစ် အရေးတော်ပုံ တိုက်ပွဲဝင် မျိုးဆက်များနှင့် ယခင်ကျောင်းသားခေါင်းဆောင်များက ပါတီသစ်တစ်ရပ် ပေါ်ပေါက်ရေး လှုပ်ရှားနေခြင်း ဖြစ်သည်။

ပါတီအနေနှင့် အတိုက်အခံအဖြစ် ရပ်တည်သွားမည် မဟုတ်ကြောင်း ၎င်းတို့က ကြေညာထားသည်။

ပြည်သူများ၏ နိုင်ငံရေးရေချိန်နှင့် ဝေါဟာရကြောင့်ပင် အတိုက်အခံဆိုသည့် စကားလုံးသည် ရန်လိုသည့် အသွင်ဆောင်နေပြီး အတိုက်အခံ ဆိုသည်မှာ အစိုးရကို ပြဿနာရှာခြင်းနှင့် အမြဲတစေ ဝေဖန်တိုက်ခိုက်ခြင်း ဆိုသည့် အဓိပ္ပာယ်ကို လူအများက ဖွင့်ဆိုနေတတ်ခြင်းကြောင့်  ယင်းသို့ မသုံးစွဲလိုခြင်း ဖြစ်သည်ဟု ဆိုသည်။

“ဒါကြောင့်မို့ အတိုက်အခံဆိုတဲ့ စကားလုံးကို မသုံးချင်ဘဲနဲ့ နိုင်ငံရေးပါတီတိုင်း ပါတီတိုင်း လုပ်သင့်လုပ်ထိုက်တဲ့ နိုင်ငံရေး အလုပ်တွေပေါ့ဗျာ။ အစိုးရရဲ့ ကောင်းတဲ့လုပ်ရပ်တွေကို ထောက်ခံမှာ ဖြစ်သလို မှားတဲ့လုပ်ရပ်ကိုလည်း ထောက်ပြရမှာပဲ။ ဒါကလည်း ဒီပါတီအပေါ်မှာ အခြေမခံဘဲနဲ့ ပြည်သူ့မျက်နှာကိုပဲ ကြည့်တဲ့သဘောမျိုးပေါ့” ပါတီသစ်တစ်ရပ်  ပေါ်ပေါက်ရေး ဦးဆောင်သူတစ်ဦး ဖြစ်သည့် ၈၈ မျိုးဆက်မှ ဦးမင်းဇေယျက ဆိုသည်။

အတိုက်အခံနှင့် ပတ်သက်၍ အမြင်လွဲမှားမှုများ ရှိနေခြင်းနှင့် ပတ်သက်၍ နှစ်ပေါင်းများစွာ အတိုက်အခံပါတီအဖြစ် ရပ်တည်ခဲ့သည့် NLD ပါတီမှာ ပြောရေးဆိုခွင့်ရှိသူ ဦးဉာဏ်ဝင်းက အောက်ပါအတိုင်း ဆိုသည်။

အတိုက်အခံ ဆိုသည်မှာ အစိုးရကို ဆန့်ကျင်ရသည့် ကိစ္စလည်း ရှိသလို အချို့အစိုးရ လုပ်ရပ်များအပေါ် လက်ခံရသည်များလည်း ရှိသည်ဟု ဆိုသည်။ အစိုးရအပေါ် ကောင်းသည်များကို ကောင်းကြောင်း ပြောဆိုရန်နှင့် လိုအပ်သည်များကိုလည်း ထောက်ပြရမည်ဟု ၎င်းက ဆိုသည်။ 

“အဲဒီတော့ အမုန်းစိတ်တစ်ခုထဲနဲ့ ဆန့်ကျင်ဘက် ပြောနေတယ် ဆိုရင်တော့ အတိုက်ခံကောင်း မဟုတ်ဘူးပေါ့။ အတိုက်ခံကောင်းက ခုနကလို အကျိုးရှိအောင်၊ တိုင်းပြည်အကျိုးရှိအောင် စံထားပြီးတော့ လုပ်ရမယ်၊ အဲဒါပါပဲ”

အစိုးရအနေနှင့်လည်း အတိုက်အခံများ၏ ပြောစကားများကို သေချာနားထောင်ကာ စဉ်းစားပေးရမည် ဖြစ်ကြောင်း ၎င်းက ဆိုသည်။

ပါတီတည်ထောင်လိုခြင်းသည် ဒီမိုကရေစီ စံချိန်စံညွှန်းများနှင့် ကိုက်ညီသည့် နိုင်ငံရေးစနစ်ကို တည်ဆောက်ရန်နှင့် ပြည်သူများအကြား ဖြန့်ဝေရန်အတွက်ဖြစ်ပြီး နိုင်ငံအနေနှင့် မတူညီသည့် ဝါဒစုံ ထွန်းကားရန် လိုအပ်သည့်အပြင် ပြည်သူများ အနေနှင့်လည်း တစ်ဖက်ကို မုန်းတီး၍  အခြားတစ်ဖက်ကို ရွေးချယ်ခြင်းမျိုးထက် ပိုကောင်းသည့်ပါတီကို ရွေးချယ်နိုင်ရန် လိုအပ်ကြောင်း၊ ယင်းကပင် လက်ရှိလစ်ဟာနေသည့် နိုင်ငံရေးဟာကွက်ကို ဖြည့်ဆည်းခြင်းဟု  ဦးကိုကိုကြီးက ဆိုသည်။ 
“တကယ့်စံချိန်စံညွှန်း ပြည့်ဝတဲ့ ဒီမိုကရေစီအဆင့်အထိ ဆက်သွားမယ်ဆိုရင် ပြည်သူတွေကြားထဲမှာပါ တကယ့်ကို ရွေးချယ်စရာတွေ လိုပါတယ်”

၂၀၁၅ ရွေးကောက်ပွဲတွင် NLD ပါတီက အပြတ်အသတ် အနိုင်ရရှိခဲ့သည်။ ယင်းသည် ဒေါ်အောင်ဆန်းစုကြည် ကိုယ်တိုင်က လူကိုမကြည့်ဘဲ ပါတီကို ကြည့်၍ မဲပေးရန် ဆော်သြခဲ့ခြင်းကြောင့်လည်း ဖြစ်နိုင်သည်။ 

လက်ရှိတွင် ဒေါ်အောင်ဆန်းစုကြည်သည် ပါတီကို ခေါင်းဆောင်နိုင်မှု ပေးနေနိုင်သေးသည်ဖြစ်ရာ NLD အနေနှင့်လည်း သူ့နောက်တွင် ပြည်သူ့ထောက်ခံမှုက အင်နှင့်အားနှင့် ရှိနေဆဲဖြစ်သည်။

စစ်ကိုင်းတိုင်းဒေသကြီး တမူးမြို့နယ်မှ NLD ပါတီဝင် လူငယ်တစ်ဦးကမူ လက်ရှိအချိန်တွင် အတိုက်အခံ အင်အားစု တစ်ခုတော့ မဖြစ်မနေ လိုအပ်နေပြီ ဖြစ်ကြောင်း ရှုမြင်သည်။ သူ့အနေနှင့် လတ်တလောအချိန်အထိ NLD ကို အတိုက်အခံ လုပ်နိုင်သည့် အဖွဲ့အစည်းကို မမြင်သေး။

အစိုးရအနေနှင့် အပြောင်းအလဲ ခရီးတွင် ထင်သလောက် ခရီးမပေါက်သည်ကို သူက လက်ခံထားသည်။ ပြည်သူလူထုက ပြောင်းလဲချိန်တန်ပြီဟု နားလည်ခြင်းကြောင့် မဲပေးရွေးချယ်ခဲ့ခြင်း ဖြစ်ရာ ယင်းအတွက် လက်ရှိအစိုးရအပေါ် စိတ်ကျေနပ်မှုရမည် မဟုတ်ပေ။ 

သို့သော် အတိုက်အခံတို့ အနေနှင့် ပြည်သူ့ဘက်က အမှန်ရပ်တည်၍ ပြည်သူကို ရှေးရှုရန် လိုအပ်ကြောင်း ၎င်းက ဆိုသည်။

“နိုင်ငံရေးအရတော့ အတိုက်အခံက လိုအပ်ပါတယ်။ ဒေါ်စု ရှိ ရှိ၊ မရှိ ရှိပေါ့လေ။ ဒါပေမဲ့ ပြည်သူ့ဘက်က ရပ်တည်ပြီးတော့ တကယ် ပြည်သူကို ရှေးရှုပြီးမှ ရပ်တည်တဲ့ အတိုက်အခံမျိုး စစ်စစ်တော့ လိုအပ်တယ်”

အစိုးရအနေနှင့် ထင်သဘောက် ခရီးမပေါက်ခြင်းမှာ ဖွဲ့စည်းပုံအခြေခံဥပဒေကြောင့်ဟု ၎င်းက ထပ်မံပြောဆိုသည်။ အခြေခံဥပဒေအရ ကာကွယ်ရေး၊ ပြည်ထဲရေးနှင့် နယ်စပ်ရေးရာ ဝန်ကြီးဌာနတို့ကို တပ်မတော်က လွှမ်းမိုးထားဆဲဖြစ်သည်။ 

ယင်းက အစိုးရအတွက် အကျပ်အတည်း ဖြစ်စေသည်ဟု ယင်းလူငယ်က ဆိုသည်။ 
“ဒီအခြေခံဥပဒေ ပုံစံမျိုးနဲ့သာ သွားရင်တော့ ဘယ်အစိုးရတက်တက်ပါ၊ အတိုက်အခံပါတီ ရှိလို့ အဲဒီအတိုက်အခံပါတီက ရွေးကောက်ပွဲဝင်လို့ အောင်မြင်သွားရင်လည်း NLD လိုပဲ ဖြစ်သွားမှာပါပဲ”

လက်ရှိအချိန်တွင် အတိုက်အခံ အင်အားစု ရှိမနေခြင်းကြောင့် NLD ထဲမှ လူအချို့ကသာ အစိုးရကို ပြန်၍ အတိုက်အခံ လုပ်နေရသည်ဟု ဆိုသည်။ သို့သော် ပေါ်ပေါ်ထင်ထင်တော့ မဟုတ်။ အစိုးရအပေါ် အားမရသည်များ၊ မကျေနပ်သည်များကတော့ ပါတီဝင်များတွင်ပင် ရှိနေသည်ဟု ဆိုသည်။ 

ပဲခူးတိုင်းဒေသကြီး တောင်ငူမြို့နယ်မှ NLD ပါတီကို အစဉ်တစိုက် ထောက်ခံသူလည်းဖြစ်၊ ရှေ့နေတစ်ဦးလည်း ဖြစ်သည့် ဒေါ်သီတာမြင့်ကမူ သူ့အနေနှင့် အတိုက်အခံပါတီ မလိုအပ်ဟု ဆိုသည်။

ယင်းအပြင် လူထုထောက်ခံမှု အပြည့်အဝ ရရှိထားသည့် ဒေါ်အောင်ဆန်းစုကြည်၏ အရည်အချင်းနှင့် စိတ်ဓာတ်ကို ယှဉ်ပြိုင်နိုင်မည့်သူလည်း ပေါ်ထွက်လာမည်ဟုပင် မထင်ဟု သူကဆိုသည်။
“ကိုယ်က ထောက်ခံတဲ့သူဆိုတော့ ကိုယ့်ကိုအတိုက်အခံ လုပ်တာတော့ ဘယ်လိုလုပ် သဘောကျမတုန်း” ဟု သူက ဆိုသည်။ 

ဒေါ်အောင်ဆန်းစုကြည်အလွန် အခြေအနေကိုမူ မတွေးဆတတ်ဟု သူက ဆိုလေသည်။

သို့သော် အများစုက ဒေါ်အောင်ဆန်းစုကြည်အလွန် အခြေအနေကို လှမ်းမျှော်ကြသည်။ သူမရှိတော့လျှင် ပြည်သူက ဘယ်သူ့ကို ရွေးချယ်မည်နည်း။ NLD သည် ဒေါ်အောင်ဆန်းစုကြည်ကို အခြေခံသည့် အနေအထားတွင်ရှိရာ သူ့အလွန် အနေအထားသည် မည်သို့ရှိမည်နည်း။ 

ယင်းအတွက် စွမ်းရည်ပြည့်ဝ၍ မူဝါဒနှင့် ဖွဲ့စည်းပုံခိုင်မာသည့် နိုင်ငံရေးအင်အားစု တစ်ရပ်ကို မျှော်လင့်ကြခြင်း ဖြစ်သည်။ 

တက်ကြွလှုပ်ရှားသူ ဦးဝင်းချိုကမူ ဒေါ်အောင်စုကြည်အလွန် နိုင်ငံရေးသည် အကွဲကွဲအပြားပြားဖြင့် ရှိနေလိမ့်မည်ဟု သုံးသပ်သည်။

“အားလုံးဟာ ဒေါ်စုသာမရှိဘူး ဆိုရင် ကျန်တဲ့သူတွေထက် ပိုပြီးကောင်းအောင် ငါတော့လုပ်နိုင်တယ်လို့ ထင်ကြတဲ့ သူတွေချည်းပဲ”

ပြီးခဲ့သည့် အစိုးရလက်ထက်မှသည် ယနေ့အချိန်အထိ လွှတ်တော်လုပ်ငန်းစဉ်များတွင် ပါဝင်နေပြီး လွှတ်တော်ရေးရာများနှင့် အကျွမ်းတဝင် ရှိနေခဲ့သည့် တပ်မတော်သည်ပင် တတိယ အင်အားစု ဖြစ်လာနိုင်သည်ဟု ၎င်းက ခန့်မှန်းသည်။ တပ်မတော်သား ကိုယ်စားလှယ်များ အနေနှင့် ငါးနှစ်ကျော် ခြောက်နှစ်ကာလအတွင်း အချို့သော နိုင်ငံရေးပါတီ ဥက္ကဋ္ဌများထက်ပင် ဥပဒေရေးရာနှင့် လွှတ်တော်ကိစ္စတွင် ပို၍ ကျွမ်းကျင်နှံ့စပ်ပြီဟု ယူဆသည့်အတွက် ယင်းသို့ ခန့်မှန်းခြင်း ဖြစ်ကြောင်း  ၎င်းက ဆိုသည်။

သို့သော် လက်ရှိအချိန်တွင် ဒေါ်အောင်ဆန်းစုကြည် ရှိနေသေးသည် ဖြစ်ရာ အတိုက်အခံ အင်အားစုတစ်ရပ် နောက်ထပ် မလိုအပ်သေးဟု ၎င်းက ဆိုသည်။

အကယ်၍ NLD ပါတီကို မဖြစ်မနေ အတိုက်အခံလုပ်ရန် လိုအပ်ပါကလည်း ယင်းသို့ အတိုက်အခံ လုပ်ရမည့် သူသည် ဒေါ်အောင်ဆန်းစုကြည်သာ ဖြစ်သည်ဟု ဆိုသည်။

ရွေးကောက်ခံ ကိုယ်စားလှယ်များ၊ အစိုးရအဖွဲ့ဝင်များ အနေနှင့် လိုအပ်ချက်များ၊ ညံ့ဖျင်းမှုများ ရှိနေပါကလည်း လူထုအနေနှင့် ဒေါ်အောင်ဆန်းစုကြည် မျက်နှာကို ထောက်၍ မဲပေးခဲ့ခြင်းကြောင့် ၎င်းတို့ ကို ပြုပြင်ရန်မှာ သူ့မှာသာ တာဝန်ရှိကြောင်း ဦးဝင်းချိုက ဆိုလေသည်။

“NLD ရဲ့ အတိုက်အခံဟာ ဒေါ်စုပဲ။ အဲဒီလူတွေကို ကောင်းအောင်လုပ်ရမှာ၊ ထိန်းကျောင်းရမှာ ဒေါ်စုပဲ” 

အောင်မျိုးထက်

ABOUT AUTHOR

(အောင်မျိုးထက်)