News

POST TYPE

ARTICLE

သီရိလင်္ကာမှ အမျိုးကိုကာကွယ်ရန် သမ္မတဖြစ်လာသူ
22-Dec-2019


(၁)
သီရိလင်္ကာသည် ပေါ်ပြူလာဖြစ်သူကို တိုက်ထုတ်သည့် ဒီမိုကရေစီ နိုင်ငံများတွင် အစောဆုံးပါဝင်ခဲ့သည့် နိုင်ငံဖြစ်ပါသည်။ အိန္ဒိယတွင် လူမျိုးရေးဝါဒပြင်းထန်သော နီရန်ဒါမိုနီ၏ အစိုးရက အုပ်ချုပ်သည့် သက်တမ်း ၇ လခန့်သာရှိသေးသည့်အချိန် သမ္မတထရမ့်လက်ထက် မတိုင်မီ ၂ နှစ်ခန့်လိုသေးသည့်အချိန် ၂၀၁၅ ခုနှစ်က သီရိလင်္ကာသည် သမ္မတမဟိန္ဒာရာဂျာပတ်စား (Mahinda Rajapaksa) ၏ အစိုးရကို ဖြုတ်ချခဲ့ပါသည်။

ယခုအခါ လွန်ခဲ့သည့်တစ်ပတ်က သီရိလင်္ကာသည် သမ္မတဂိုတာ ဘာယာ၊ ရာဂျာပတ်စားကို သမ္မတအဖြစ် ရွေးကောက်တင်မြှောက်ခြင်းဖြင့် သမ္မတမဟိန္ဒာရာဂျာပတ်စား၏ အစိုးရကို ပြန်လည်အသက်သွင်းလိုက်သလို ဖြစ်ခဲ့ရပါသည်။ 

သမ္မတကိုဖြုတ်ချခဲ့သဖြင့် အကြီးအကျယ်နစ်နာခဲ့သောအစိုးရ အဖွဲ့အဆောက်အအုံတစ်ခုလုံးမှာ ပြိုကျပျက်စီးရသည်နှင့်အတူ ယခုအခါ ပြန်လည်တည်ဆောက်ရေးအတွက် လုံးပန်းနေကြရပါသည်။ ယခုသမ္မတ အသစ်မှာ သမ္မတအဟောင်း၏ ညီအငယ်ဆုံးဖြစ်သည်။ အပြင်းအထန် ဖြစ်ပွားခဲ့သော ပြည်တွင်းစစ်ကြောင့် နစ်နာဆုံးရှုံးမှုကြီးမားခဲ့ရသော သီရိလင်္ကာနိုင်ငံသည် ယခုအခါ တစ်ကပြန်စပြီး ညီညွှတ်ရေးလုပ်ငန်းများကို ဆောင်ရွက်ရန် ဦးတည်လျက်ရှိပါသည်။

(၂)
၂၀၀၉ ခုနှစ်က သူ၏ ပထမသက်တမ်း ၄ နှစ်ရချိန်တွင် သမ္မတ ရာဂျာပတ်စားသည် တိုက်ဂါးသူပုန်များကို ရက်ရက်စက်စက်နှိမ်နင်းခဲ့ပါသည်။ Libration Tigers of Tamil Ealam အဖွဲ့က တမီးလ်လူမျိုးစုအတွက် လွတ်လပ်ရေးတိုက်ပွဲ ဆင်နွှဲနေခဲ့သည်မှာလည်း နှစ်ပေါင်း ၃၀ ကြာမြင့်ခဲ့ပါသည်။ တမီးလ်များက လက်နက်ချကြသောအခါ သမ္မတရာဂျာပတ်စားသည် ဆင်ဟာလီ(Sinhalese) လူမျိုးတို့ကို ကာကွယ်သူအဖြစ် ဂုဏ်ယူခဲ့ပါသည်။ ဆင်ဟာလီလူမျိုးတို့မှာ ဗုဒ္ဓဘာသာ ကိုးကွယ်သူအများစုဖြစ်ပါသည်။ ထို့ကြောင့် ဆင်ဟာလီလူမျိုးစု၏ ထောက်ခံမှုကိုရခဲ့ပြီး ၂၀၁၀ ခုနှစ်တွင် ဒုတိယအကြိမ် ထပ်မံအရွေးခံခဲ့ ရပြန်ပါသည်။

သူသမ္မတဖြစ်ချိန်တွင် သမ္မတတစ်ဦးသည် နှစ်ကြိမ်ထက်ပို၍ တာဝန်မထမ်းဆောင်ရသောဥပဒေကို ပြင်ဆင်ခဲ့ပြီး သီရိလင်္ကာနိုင်ငံ၏ အသုံးပြုသည့်ငွေပေါ်တွင် သူ၏ရုပ်ပုံကိုပုံနှိပ်ကာ သီရိလင်္ကာနိုင်ငံ၏ နိုင်ငံအကြီးအကဲတို့အပေါ် ကန့်သတ်ချက်များကို ပယ်ဖျက်ခဲ့ပါသည်။

သူ၏အာဏာကို ဗြောင်ယူထားခြင်း၊ သူတာဝန်ယူသောကာလမှာ ပိုက်ဆံကို မြောက်မြားစွာသုံးစွဲခြင်းတို့မှာ တရုတ်ပြည်မှ ချေးငွေများကြောင့် ဖြစ်ပါသည်။ ရာဂျာပတ်စားသည် ငွေများစွာဆုံးရှုံးမှုများ ဖြစ်ပေါ်စေခဲ့သည်။ သူပြုတ်ကျခြင်းမှာ ကောင်းကင်ဘုံမှ နတ်ဘုရားများက ချီးမြှင့်ခြင်းဖြစ်ပြီး ဖိနှိပ်မှုများမှလွတ်ကင်းခြင်း၊ လူမျိုးစုရေးရာပဋိပက္ခများကြောင့် အဆင့်အတန်းခွဲခြားခြင်းဒုက္ခများမှ ကင်းဝေးရခြင်းဖြစ်ပါသည်။

သမ္မတအသစ် ဂိုတာဘာယာ၏ လက်ထက်တွင် ဘာတွေကြုံရဦးမည်ကို တွေးတော၍ ဝန်လေးနေကြပါသည်။ သူ့အစ်ကို၏ အစိုးရအဖွဲ့တွင် ကာကွယ်ရေးဝန်ကြီးအဖြစ် ပါဝင်ခဲ့ပြီး သမ္မတအသစ်မှာ တမီးလ်လူမျိုးများကို တိုက်ခဲ့စဉ်က ခေါင်းဆောင်ပါဝင်ခဲ့သူဖြစ်သည်။ ကုလသမဂ္ဂ၏ ခန့်မှန်းချက်အရ တမီးလ်လူမျိုး ၄၀,ဝ၀၀ ခန့် တိုက်ပွဲ၏ နောက်ဆုံးနေ့များတွင် သေကျေခဲ့ကြပါသည်။

ထိုစစ်ပွဲတွင် ပါဝင်ခဲ့သူတစ်ဦးက “ကျွန်တော်တို့အားလုံး ဒူးထောက်ပြီး တောင်းပန်သင့်ပါတယ်၊ ကျွန်တော်တို့ လုပ်ခဲ့တာတွေဟာ ခွင့်လွှတ်နိုင်စရာတွေ မဟုတ်ပါဘူး”ဟု ဆိုသည်။ 
“သူတို့ဟာ ကျွန်တော်တို့လုပ်သမျှ ခံခဲ့ရတာပါ၊ ကျွန်တော်တို့ဟာ သနားညှာတာခြင်း မရှိခဲ့ကြဘူး၊ ကျွန်တော်တို့ဟာ အရူးတွေလိုပါပဲ”ဟု ရှေ့တန်းတွင် တာဝန်ထမ်းခဲ့သူတစ်ဦးက ဝန်ခံသည်။
ဂိုတာဘာယာသည် တမီးလ်သူပုန်များက ငြိမ်းချမ်းစွာလက်နက်ချလာခြင်းအပေါ် အားလုံးကိုရှင်းလင်းသုတ်သင်ရန် အမိန့်ပေးခဲ့သည်ဟု ကွန်မန်ဒါတစ်ယောက်က ပြောပြသည်။ သူ၏ တမီးလ်လူမျိုးများအပေါ် ဆက်ဆံမှုကို အနောက်နိုင်ငံများနှင့် ကုလသမဂ္ဂကဝေဖန်ခဲ့ကြသည်။ 

သို့သော် ဆင်ဟာလီလူမျိုးစုတို့ကမူ သူတို့ကယ်တင်ရှင်အဖြစ် သဘောထားခဲ့ကြသည်။ သူ့အိမ်သူ အိမ်သားများက သူ့ကိုရုပ်ရှင် ဇာတ်ဆောင် အာနိုးအဖြစ် Terminator ဟု ချစ်စနိုးခေါ်ခဲ့ကြသည်။ 

၂၀၁၀ နောက်ပိုင်းတွင် မဟိန္ဒာနှင့် ဂိုတာဘာယာတို့က ဗုဒ္ဓဘာသာ အစွန်းရောက်ဘုန်းတော်ကြီးများက တိုင်းရင်းသားတို့အပေါ် အနိုင်ကျင့် နှိမ်နင်းခြင်းတို့ကို အားပေးအားမြှောက်ပြုခဲ့ကြသည်။
တမီးလ်လူမျိုးများ ပြီးပြန်သောအခါ သူတို့သည် မွတ်စလင်များကို အဓိကပစ်မှတ်ထားခဲ့ကြပြန်သည်။ နိုင်ငံတွင် သန်း ၂၀ မျှရှိသည့် လူဦးရေထဲမှာ လူဦးရေ ၂ သန်းခန့်မှာ မွတ်စလင်များဖြစ်ကြပါသည်။ Bodu Bala Sena  ခေါ် ဗုဒ္ဓ၏ စွမ်းပကားဟုခေါ်သည်။ ခေါင်းတုန်းပြောင် အောင်ရိတ်ထားကြသော ထိုအဖွဲ့သည် ဗုဒ္ဓကို ကာကွယ်ရေးအမည်ခံပြီး ရာဂျာပတ်စားက ထိုအုပ်စုကို နိုင်ငံ၏ဘာသာရေးကိုကာကွယ်သော အဖွဲ့အနေနှင့် ချီးမြှောက်ရာ ပြဿနာများရှိခဲ့ပါသည်။

ထိုအချိန်တွင် နိုင်ငံအတွင်း၌ အဖြူရောင်ဗင်ကားနှင့် ဆန့်ကျင်သူများကို ဖမ်းဆီး၍ ပျောက်ကွယ်သွားကြသော အဖြစ်အပျက်များရှိခဲ့သည်။ Lasantha Wickrematunge ဆိုသော သီရိလင်္ကာ၏ လစ်ဘရယ်ကျသော သတင်းစာအယ်ဒီတာမှာ အလွန်အကျွံ လုပ်သူများကို သတင်းစာမှ မနားတမ်းဝေဖန်ခဲ့ရာ အလုပ်အသွားတွင် ဆိုင်ကယ်ပေါ်မှမျက်နှာဖုံးစွပ်ထားသော လူသတ်သမားတစ်စု၏ သတ်ဖြတ်ခြင်းကို ခံလိုက်ရသည်။

၂၀၁၅ ခုနှစ် ရွေးကောက်ပွဲကာလတုန်းကမူ သူ၏ပါတီတွင်းမှ လူများမှာ အတိုက်အခံတို့နှင့် ပူးပေါင်းကြသည်။ သို့သော် သူတို့အစိုးရဖွဲ့ပြီး မကြာမီမှာပင် ဩဇာအာဏာ၏ဒဏ်ကို မခံနိုင်ဘဲသူတို့အချင်းချင်း စိတ်ဝမ်းကွဲပြားသွားကြသည်။ 

အတိုက်အခံပါတီတွင်မူ သမ္မတစရီစန်နာ (Maithrapala Sirisena) နှင့် သူ၏ဝန်ကြီးချုပ် ရာနီး (Ranil Wickremesinghe) တို့ မပြေမလည် ဖြစ်ကြရာမှ အစိုးရပျက်သည်အထိ ဖြစ်ခဲ့ရသည်။
သူတို့ပြဿနာမှာ သေး၍ပျောက်မသွားဘဲ ၂၀၁၈ ခုနှစ်တွင် နိုင်ငံရေးအကျပ်အတည်းနှင့် ရင်ဆိုင်ခဲ့ရသည်။ ထိုစဉ်က သမ္မတမှာ ရာဂျာပတ်စားနှင့် ရင်းနှီးမှုကိုရယူ၍ မဟာမိတ်ဖွဲ့ခဲ့ရာမှ စတင်သည်။ ဝန်ကြီးချုပ်ကို ရုတ်တရက်အလုပ်ဖြုတ်လိုက်ပြီး ဝန်ကြီးချုပ်ရာထူးကို မဟိန္ဒာရာဂျာပတ်စားသို့ ပေးရန်ကမ်းလှမ်းသည်။ သို့သော်လည်း တရားရုံးက ထိုသို့လုပ်ခြင်းကို လက်မခံ၍ ပျက်ခဲ့ရသည်။

ထိုအချိန်တွင် ဘုရားရှိခိုးကျောင်းနှင့် ဇိမ်ခံဟိုတယ်တို့တွင် ဧပြီလ ၂၁ ရက်နေ့က (Easter Sunday) ဗုံးပေါက်ကွဲမှုဖြစ်ပွားခဲ့သည်။ လူပေါင်း ၂၅၀ သေကျေပျက်စီး၍ လူ ၅၀၀ ကျော် ဒဏ်ရာရခဲ့ကြသည်။ 

အိုင်အက်စ် 


  • VIA