News

POST TYPE

ARTICLE

အိန္ဒိယနှင့် ဘုရားကျောင်းဆောင်ဆောက်ခွင့်
15-Dec-2019


(၁)
နိုဝင်ဘာ ၉ ရက်နေ့က အိန္ဒိယတွင် အငြင်းပွားနေသော ဟိန္ဒူတို့၏ အထွတ်အမြတ်ထားရာနေရာတွင် ရာမကျောင်းဆောင်တည်ဆောက်ခွင့်ကို အိန္ဒိယအမြင့်ဆုံး တရားလွှတ်တော်က ချပေးလိုက်ပါသည်။ ဤနေရာသည် မွတ်စလင်တို့၏ မားစ်ဂျစ်ဗလီတည်ရှိခဲ့ရာ နေရာလည်းဖြစ်ပါသည်။ ၁၉၉၂ ခုနှစ်က ထိုဗလီကို လူအုပ်စုဖြင့် ဝိုင်းဝန်းဖြိုချခဲ့ပါသည်။ ဟိန္ဒူများက သူတို့အောင်ပွဲအဖြစ် စနေနေ့က မီးရှူးမီးပန်းများ ပစ်ဖောက်ကာ ကြိုဆိုလိုက်ကြပါသည်။ 

ရာမာယနပုံပြင်များဖြင့် အမြတ်တနိုးဖြစ်ခဲ့ရသော ရာမမင်းသား၏ မွေးဖွားရာနေရာသည် အိန္ဒိယမြောက်ပိုင်း အယုဒ္ဓယမြို့တွင် ရှိပါသည်။
(၂)
ရာမကျောင်းဆောင်တည်ဆောက်မည့် မြေနေရာသည် မင်းသားရာမ၏ မွေးဖွားရာနေရာအစစ် ဖြစ်သည်ဟု ဟိန္ဒူတို့က ယုံကြည်ကြသည်။ သို့ပါသော်လည်း ထိုမြေနေရာနှင့်ထိုနေရာ၏ ပိုင်ဆိုင်မှုမှာ အငြင်းပွားလျက်ရှိသည်။ (Babri Masjid) ခေါ် အစ္စလာမ်တို့ ဘုရားဝတ်ပြုကြရာ ဗလီသည် ထိုနေရာတွင် ၁၅၂၈ ခုနှစ်ကတည်းက တည်ရှိခဲ့ရာ ၁၉၉၂ ခုနှစ် ဟိန္ဒူလူအုပ်က ဝင်ရောက်ဖျက်ဆီးမှ ဗလီပျောက်ကွယ်သွားခဲ့ပါသည်။ ဟိန္ဒူနှင့်မွတ်စလင်တို့သည် ထိုမြေကို သူပိုင်၊ ငါပိုင်အငြင်းပွားနေကြသည်မှာ ဆယ်စုနှစ်ပေါင်းများစွာ ကြာခဲ့ပါသည်။ အိန္ဒိယတရားရုံးက ဟိန္ဒူတို့ကို အနိုင်ပေးဆုံးဖြတ်လိုက်သောအခါ ဟိုက်ကုပ်ပြင်ပမှ ရှေ့နေဟိန္ဒူလူမျိုးတို့က တစ်ခဲနက် အော်ဟစ်ဩဘာပေးခဲ့ကြပါသည်။

၁၉၈၀ ပြည့် အလယ်ပိုင်းကစ၍ Vishwa HinduParishad ac: tmPm& BharatiyaJanata Party ၏ ညီအစ်ကိုပါတီမှ ထိုမြေကို ရရှိရေးအတွက် စတင်ဆော်ဩခဲ့ကြပါသည်။ ၁၉၉၀ပြည့်နှစ်တွင် ထိုဒေသမှ ဘီဂျေပီပါတီခေါင်းဆောင်က ဟိန္ဒူမြေကွက်အဖြစ် ဘုရားကျောင်းဆောင် ဆောက်လုပ်ရန် မော်တော်ယာဉ်ဖြင့် တစ်နိုင်ငံလုံး လှည့်လည်တောင်းဆိုခဲ့ကြပါသည်။ သူတို့က မွတ်စလင်အုပ်ချုပ်သူဘုရင်များ၏ လွှမ်းမိုးမှုကို အဆုံးသတ်စေရမည်ဟု ကြွေးကြော်ခဲ့ကြပါသည်။

၁၉၉၂ ဒီဇင်ဘာလ ၆ ရက်နေ့တွင် ဘီဂျေပီခေါင်းဆောင်များက ဦးစီးလျက် ဗလီကျောင်းကို ဝင်ရောက်ဖျက်ဆီးကြပါသည်။ ထိုသို့ဖျက်ဆီး အကြမ်းဖက်မှုကြောင့် လူဦးရေ ၂၀၀၀ ကျော်မျှ သေကျေခဲ့ရပါသည်။

ထိုသို့ရာမကျောင်းဆောင်တည်ဆောက်ရေး၊ မာစဂျစ်ဗလီဖျက် သိမ်းရေးကို လုပ်ဆောင်ရင်း ဘီဂျေပီပါတီသည် ရေပန်းစားခဲ့ပါသည်။ ၁၉၈၄ ခုနှစ်က ပါလီမန်တွင် ၅၈၄ နေရာရှိသည့်အနက် ၂နေရာသာရှိခဲ့ရာမှ ၁၉၉၈ ခုနှစ်တွင် အမျိုးသားအစိုးရအဖွဲ့ ဖွဲ့နိုင်လောက်အောင် အင်အားကြီး မားခဲ့ပါသည်။ ၁၉၉၈ ခုနှစ်ကတည်းက လူတိုင်းသည် မိမိယုံကြည်ရာကို ကိုးကွယ်ပိုင်ခွင့်ရှိသည်ဟု ကြေညာခဲ့သော အိန္ဒိယပြည်တွင် ရာမဘုရား ကျောင်းဆောက်လုပ်ရေးမှာလည်း လုပ်ရှားမှုတစ်ခုအဖြစ် တဖြည်းဖြည်း ကြီးထွားလာခဲ့ပါသည်။

ထို့ကြောင့် စနေနေ့က တရားရုံး၏ ဆုံးဖြတ်ချက်အရ ဤမြေနှင့် ကျောင်းနေရာကို ဟိန္ဒူပိုင်မြေအဖြစ် သတ်မှတ်လိုက်ခြင်းကြောင့် လိမ်လည်လှည့်စားမှု၊ ဥပဒေမဲ့မှုများနှင့်ပတ်သက်ပြီး ဝေဖန်စရာများ ပေါ်ပေါက်လာပါသည်။

တရားရုံးက အိန္ဒိယပြည် ရှေးဟောင်းသုတေသနက တူးဖော်ချက်များအရ ထိုနေရာတွင် ၁၂ ရာစုနှစ်က တည်ဆောက်ခဲ့သော ဟိန္ဒူဘုရားရှိခိုးကျောင်းတစ်ခုရှိသည်ကို တွေ့ခဲ့ရသည်ဟုဆိုပါသည်။ ထို့ပြင် တရားရုံးက သူအခြေခံချခဲ့သည်အချက် (၆)ချက်ကို ဖော်ပြရာတွင် ၁၉၄၉ ခုနှစ်က ဤနေရာတွင် ဟိန္ဒူတို့၏ နတ်ဘုရားရုပ် ရုတ်တရက်ပေါ်ထွက်လာသည်။ ၁၉၉၂ ခုနှစ်တွင် ဖျက်ဆီးခဲ့သောအဖြစ်အပျက်တို့မှာ တရားဥပဒေကို ချိုးဖောက်သော ဖြစ်ရပ်များပင်ဖြစ်ပါသည်။ ထို့ကြောင့် ဤဆုံးဖြတ်ချက်သည် ထိုတရားဥပဒေချိုးဖောက်သော လုပ်ရပ်များကို အသိအမှတ်ပြုရာရောက်သည်။

တရားရုံးက ဤနေရာသည် မင်းသားရာမ မွေးဖွားရာနေရာဖြစ်သည် ဟူသောအချက်ကို အသိအမှတ်ပြုလိုက်သည်ဟု သမိုင်းဆိုင်ရာအထောက်အထားတစ်ခုမှမရှိဘဲ ဆုံးဖြတ်လိုက်ခြင်းမှာလည်း မှတ်သားစရာ ကောင်းသည်။ ဤမြေကို ပိုင်ဆိုင်မှုနှင့် ဖြစ်ပေါ်လာပုံသမိုင်းကြောင်း အားလုံးကို မျက်ကွယ်ပြု၍ ဆုံးဖြတ်ခြင်းဖြစ်သည်။
တရားရုံးက ဤသို့ဆုံးဖြတ်ချက်မှာ ဘီဂျေပီပါတီ၏ ဒုတိယသက်တမ်းအတွင်း အကြီးအကျယ် အနိုင်ရလိုက်သည့် နီရန်ဒါမိုဒီ၏ ဟိန္ဒူလူမျိုးကြီးဝါဒ ထွန်းကားနေစဉ်တွင် ပေါ်ထွက်ခဲ့ခြင်း ဖြစ်ပါသည်။

ဩဂုတ်လက မွတ်စလင်အများစုနေထိုင်ရာ ကက်ရှမီးယားနယ်ကို လွတ်လွတ်လပ်လပ်အုပ်ချုပ်ခွင့်ပေးထားရာမှ ၎င်းကို ပြန်လည်ရုပ်သိမ်း ခဲ့ပါသည်။ ဟိန္ဒူအမျိုးသားရေးဝါဒ (RSS- Rashtriya Swayamsevak Sangh) ၏ တောင်းဆိုချက်အရ လုပ်ဆောင်ခဲ့ခြင်းဖြစ်ပါသည်။ RSS ၏ လွှမ်းမိုးမှုသည် တရုတ်ပြည်တွင် ကွန်မြူနစ်စနစ် လွှမ်းမိုး၍ ကွန်မြူနစ်တို့ လုပ်ချင်ရာကို လုပ်ဆောင်နိုင်သည့်သဘောမျိုးကို ဆောင်ပါသည်။

RSS သည် ၂၀၂၅ ခုနှစ်တွင် နှစ်တစ်ရာပြည့်ပွဲကို ကျင်းပရန် ဆော်ဩနေရာ ၎င်းအချိန်မတိုင်မီ ရာမဘုရားရှိခိုးကျောင်းသည်လည်း ဆောက်လုပ်ပြီးစီးမည်ဖြစ်ပါသည်။ အကယ်စင်စစ် ဘာစဂျစ်ဗလီကိုဖျက်ဆီးပြီးကတည်းက ရာမဘုရားကျောင်းကို တည်ဆောက်ရန် စိုင်းပြင်းနေခဲ့ကြပြီ ဖြစ်ပါသည်။ ဤဆောက်မည့်ဘုရားကျောင်းပုံစံသည် ထိုနေရာ၌ တည်ဆောက်ပြထားပြီး ဖြစ်ပါသည်။ တစ်ပြည်လုံးက အုတ်ခဲများကိုဘုရား ကျောင်းတည်ဆောက်ရန် သယ်ဆောင်လာကြရာ (Shri Ram) ဟု ရေးသားထားသော အုတ်ခဲချပ်များမှာ စုပုံထားပြီးဖြစ်ပါသည်။

ဗလီကျောင်းတည်ရှိခဲ့ရာနေရာကို လက်နက်ကိုင်ရဲသားများ စောင့်ကြပ်လျက်ရှိပါသည်။ ဘုရားကျောင်းကိုလာကြသူများကို ရဲက လုံခြုံရေးအတွက် ရှာဖွေစစ်ဆေးမှုများ ပြုလုပ်လျက်ရှိသည်။ ဗလီတည်ရှိခဲ့သည့်နေရာကို ကြည့်လိုသော်လည်း မကြည့်နိုင်တော့။ ဗလီတည်ရှိခဲ့သည့် လက္ခဏာအားလုံးကို ဖျက်ဆီးပြီးဖြစ်သည်။

ရာမကျောင်းမှာ နှစ်ထပ်ဖြစ်ပြီး ၂၆၈ ပေ နှင့် ဒသမ ၅ ပေ ရှည်လျားမည်ဖြစ်ပြီး ပေ ၁၄၀ ကျယ်ကာ အမြင့် ၁၂၈ ပေမြင့်ပါလိမ့်မည်။

အိန္ဒိယပြည်၏ လွတ်လပ်ရေးခေါင်းဆောင် နေရူးက လွတ်လပ်ရေး ရပြီးချိန်တွင် သံမဏိဖြင့်တည်ဆောက်ထားသောစက်ရုံများ၊ ဆည်မြောင်းကြီးများဖြင့် ဘုရားရှိခိုးကျောင်းများ တည်ဆောက်သလိုတည်ဆောက်ပြီး ခေတ်မီသောအိန္ဒိယနိုင်ငံဖြစ်ပေါ်လိမ့်မည်ဟု နိမိတ်ဖတ်ခဲ့သည်။ မစ္စတာ မိုဒီ၏တရားရုံးဆုံးဖြတ်ချက်ချအပြီး ပြောသောစကားမှာ အိန္ဒိယသည် အရုဏ်ဦးအသစ်သို့ ရောက်ရှိပြီးဖြစ်သည်။ မျိုးနွယ်သစ်တို့က အိန္ဒိယ ပြည်အသစ်တည်ဆောက်ကြလိမ့်မည်ဟု ဆိုသည်။ သို့ပါသော်လည်း ဤရာမဘုရားကျောင်းသည် ရာဇဝတ်မှု မကင်းသောနည်းများဖြင့် ဟိန္ဒူများက တည်ဆောက်ကြခြင်း ဖြစ်ပါသည်။

အိန္ဒိယတွင် ဆစ်ခ်လူမျိုးများလည်းရှိပြီး ၎င်းတို့ကို ဟိန္ဒူပါတီက သူတို့ညီနောင်ကိုးကွယ်သည့် ဘာသာတူအဖြစ် ဟိန္ဒူတို့၏ ထီးအောက်သို့ ဝင်ရောက်စေလိုသည်။ သို့ပါသော်လည်း ဆစ်ခ်တို့က သူတို့ကိုးကွယ်သည့် ဘာသာရှိပြီးဖြစ်ရာ ဟိန္ဒူတို့နှင့် ပူးပေါင်းရန် ဝန်လေးကြသည်။ အိန္ဒိယကို ဟိန္ဒူနိုင်ငံတော်အဖြစ် တည်ဆောက်မှာကို မပတ်သက်လိုကြချေ။
၁၉၈၃ မှ ၁၉၉၃ အထိ လက်နက်ကိုင်၍ ဆစ်ခ်နိုင်ငံကို သီးသန့် တည်ထောင်ရန် ကြိုးစားမှုများမှာ မအောင်မမြင်ဖြစ်ခဲ့ပါသည်။ လက်နက် ကိုင်ဝါဒကို စွန့်လွှတ်ပြီး ဆစ်ခ်တို့က ကနေဒါ၊ ဗြိတိန်နှင့် အမေရိကန်တို့လို နိုင်ငံနှင့်သာ ပူးပေါင်းနေထိုင်လိုကြသည်။

RSS ရည်မှန်းသလို အိန္ဒိယနိုင်ငံကို ဟိန္ဒူနိုင်ငံလုံးလုံး ဖြစ်ပွားရေးကို ဆန့်ကျင်နေကြသူများမှာ ကက်ရှ်မီးယားမှ မွတ်စလင်များအနောက် မြောက်ပိုင်းနှင့်အတူ တစ်နိုင်ငံလုံးမှ ခရစ္စယာန်များတို့ဖြစ်သည်။ တောင်ပိုင်းအိန္ဒိယနိုင်ငံသားများက သူတို့ဟိန္ဒူဝါဒမှာ မြောက်ပိုင်းသားတို့နှင့် မတူဟူ၍အယူရှိသည်။

(၃)
အိန္ဒိယကဲ့သို့ သမိုင်းအစဉ်အလာကြီးပြီး ဘာသာကြီးအနည်းဆုံး ၃ခု၏ မြစ်ဖျားခံရာ နိုင်ငံမှ ဗဟိုချမှတ်လိုသော လမ်းစဉ်သည် တိုင်းပြည်အနှံ့ ဩဇာအာဏာသက်ရောက်ရန် ခက်ခဲပါသည်။ မစ္စတာမိုဒီကဟိန္ဒူဝါဒ ကြီးစိုးသော အိန္ဒိယဖြစ်စေလိုသည်။ RSS ၏ ဟိန္ဒူတို့၏ မိခင်သဖွယ် သားသမီးတို့၏ အယူဝါဒရေးရာများကိုပိုင်ဆိုင်လိုသည့် အိန္ဒိယကိုသဘောတူညီမှုများဖြင့်သာ တစုတစည်းတည်းဖြစ်အောင် ထိန်းသိမ်းထားနိုင်သည်။ ဤလိုကိစ္စအတွက် အင်အားသုံး၍ မရနိုင်ပါ။

■ ကိုသန်းလွင်

Ref: The Transfornation of India is nearly complete, by Hartosh Singh Bal, New York Times November 11 2019


  • VIA