News

POST TYPE

ARTICLE

ပူလေသတည်း
12-May-2019



(က)

ရန်ကုန်ပူချက်က “အူ” ထွက်လို့နေသည်။ လူတွေနေလို့ ထိုင်လို့မရအောင်ကို ပူလှသည်။ “ပူ”သည် ဟု ဆိုတာထက် “လောင်မြိုက်” နေသည်ဟုခံစားရသည်။ တကယ့်ကိုအရှိန်ပြင်းပြင်းနှင့် လောင်မြိုက်ခံနေကြရသည်။ မြို့တော်ရန်ကုန်ရှိ အခြားအခြားသော “ငါ၊ သူတစ်ပါး၊ ယောကျာ်း၊ မိန်းမ” တို့အိမ်တွေထက် ဆာသော်ဒိုးတို့အိမ်က ပို၍ပူပါလေ၏ ခင်ဗျာ။

“မင်းအိမ်ထက် ငါ့အိမ်က ပိုဟော့တယ် ... ငါ အိမ်ပိုဟော့တယ်” 

“ဆာဆာခမ်းလှိုင်” ဆိုပြီး သီချင်းညည်းရပေတော့မည်။ ဟုတ်၏။ မှန်၏။ ပူ၏။ ကျွန်ုပ်တို့အိမ်က ရန်ကုန်မြို့တော်မှာ အများသူငါထက် ပို၍ပူတော်မူ ပါ၏။ အဘယ်ကြောင့်ဆိုသော် “သဘာဝပတ်ဝန်းကျင်” ကို အမှန်တကယ့်ကို ချစ်ခင်မြတ်နိုးတန်ဖိုးထားသူ ဖြစ်သည့် ဆာသော်ဒိုး၏ အိမ်မှာ “အဲကွန်း” ခေါ် “လေအေးပေးစက်” တပ်မထားလို့ပါ။

သည့်အပြင် “ရေခဲသေတ္တာ” လည်းမထားပါ။ အကြောင်းနှင့် အကျိုးကားရှိပါလေ၏ ခင်ဗျာ။ မကြာမကြာနေအိမ်သို့ ကမ္ဘာအရပ်ရပ်မှ “ရိုက်ကူးရေး” သမားများ မျက်စိလည် လမ်းမှားပြီးရောက်ရောက် လာတတ်ကာ ကျွန်ုပ်ပုံရေးနေတာ၊ စာရေးနေတာများကို Documentary (ခေါ်) မှတ်တမ်းတိုလေးများ ရိုက်ကူးတတ်ကြပါလေ၏။

သူတို့ သူတို့ အိမ်ပေါ်ရောက်လာလျှင် “ယူအာ ဝဲလ်ကမ်း”ဟု အပေါက်ဝမှ ကြိုဆိုရင်း သောက်ရေ အိုးစင်မှ “ရိုးရိုးရေ” တစ်ခွက်စီခပ်တိုက်ပါ၏။ ပြီးတော့ “ယပ်တောင်” တစ်ချောင်းစီပေးကာ “ကိုယ်တိုင်ခတ်” စနစ်ဖြင့် အေးမြစေပါ၏။ ၎င်းတို့က “ပူ” ၍ထင့် ဟိုကြည့် သည်ကြည့် လုပ်လေရာ ကျွန်ုပ်ကလည်း “အိမ်မှာ လေအေးစက်နှင့် ရေခဲသေတ္တာမထားပါ”ဟု ဂုဏ် ယူဝင့်ကြွားစွာ ပြောဖြစ်ပါ၏။ 

“ဘာဖြစ်လို့လဲ မစ္စတာ ဆာသော်ဒိုးရဲ့”

“ဘာဖြစ်ရမလဲဗျ၊ ကျွန်ုပ်တို့ ကမ္ဘာကြီး သက်ရှည် ကျန်းမာဖို့ပေါ့”

“အိုး ... ရက်စ် ...ဗဲရီးဂွတ်ဒ် ... ဟူး ... ဝှူး...”

သူတို့ “ရက်စ်” တွေ “ဗဲရီးဂွတ်ဒ်” တွေပြောရင်း သက်ပြင်းပူတွေ မှုတ်ထုတ်နေတတ်ကြတာတော့ တစ်ပုံစံတည်းဗျာ။

(ခ)

ယခု ၂၁ ရာစု ကမ္ဘာကြီးဟာ ယခင့်ယခင် အရင့်အရင်ကထက် ပို၍ ပို၍ သာ၍ သာ၍ လွန်၍ လွန်၍ အပူလုံးတွေ ထပ်ဆောင်းကြွနေခဲ့တာကြာပါလေပြီ။ သဘာဝပတ်ဝန်းကျင်တွေဟာလည်း 

“လူလုပ်ပယောဂ” တွေကြောင့် ဆတက်ထမ်းပိုးဆို သလိုပျက်စီးလာတာ ယိုယွင်းလာတာ ကြောက်ခမန်းလိလိ အခြေအနေပါ။ သည့်အတွက် လူတစ်ဦးချင်းစီ ကိုယ်တတ်နိုင်သည့်ဘက်ကနေ ကမ္ဘာကြီးကောင်းဖို့ ကူညီရမယ်မဟုတ်လား။

“အိုဇုန်းလွှာ” ကြီးမှာ အပေါက်တွေဖြစ်နေခဲ့တာကြာပါပြီ။ နေစကြဝဠာနှင့် မြေကမ္ဘာအကြားကာရံ တားဆီးပေးထားသည့် အနှီ “အိုဇုန်းလွှာ” မှာ ဒဏ်ရာရကာ “ပေါက်” နေပါလေပြီ။ လူသားတို့၏ နေအိမ်မှာ နိစ္စဓူဝသုံး “အဲကွန်း” များနှင့် “ရေခဲသေတ္တာ” တို့မှ ထွက်ရှိသည့် “ဓာတ်ငွေ့” မှာ အနှီ “အိုဇုန်းလွှာ” ပေါက်တာကို ထပ်ဆင့်ကာ “ချဲ့” ပေးပါသတဲ့ ခင်ဗျ။ ကမ္ဘာမြေပေါ်က နေအိမ်တွေရှိ အဲသည် လေအေးစက်နှင့် ရေခဲသေတ္တာတို့က ထွက်ပေါ်လာသည့် ဓာတ်ငွေ့ထုအစုစုကြောင့် “အိုဇုန်းလွှာ” အပေါက်ကြီး ပို၍ ပို၍ကျယ်လာကာ “နေရောင်ခြည်” ပူပြင်းပြင်းကြီးတွေ ကမ္ဘာမြေပေါ်ကို “တိုက်ရိုက်” ကျလေပြီတကား။

“ဆာသော်ဒိုးက အရင် အမေရိကန်ဒုသမ္မတ “အယ်လ်ဂိုး” နဲ့ တူတယ်။ သဘာဝပတ်ဝန်းကျင်ကို ထိန်းသိမ်းတတ်တယ် ... ဗဲရီးဂွတ်ဒ် ... ဟူး...”

ရိုးရိုရေသောက်ကာ ယပ်တောင် တဖျတ်ဖျတ် ခတ်ရင်း ချွေးသီး ချွေးပေါက်များကြားမှ “မဲတင်း” ကာ ကျွန်ုပ်အားချီးကျူးကြပါလေ၏။ 

(ဂ)

“ရန်ကုန်” တင်လားဆိုတော့ မဟုတ်။ မြန်မာတစ်ပြည်လုံး အပူလုံးကြွနေတာခင်ဗျာ။ တိုင်းနဲ့ပြည်နယ် အကုန်လုံး ဖေ့စ်ဘွတ်စ်ပေါ်မှာ “အပူပြိုင်” နေကြပါရောလား။ ဟိုအရင်အေးမြလှသည့် တောင်ပေါ်ဒေသများ လည်း အခုတော့ “အပူလုံးကြွနေလေပြီ”။ “အပူ”၏ အဓိက တရားခံကား “မြန်မာ့သစ်တောများ” ကို အပြောင်ရှင်းကာ ဒေါ်လာနှင့်လဲ၍ မိမိတို့၏ “အိတ်ကပ်” တွေထဲ ကိုယ်စီထည့်ခဲ့ကြသည့် “အမျိုးယုတ်တွေ” ပဲ ဖြစ်ပါ၏။

၁၉၈၈ ခုနှစ်မှစ၍ အတင်းအဓမ္မ ဘီလူးသရဲစီးကာ အဆင်အခြင်မယ့် ဉာဏ်နည်းအတွေးတိမ်စွာ “ခုတ်” ရောင်းခဲ့ကြသည့် လက်သည်တရားခံတို့မှာ ယခုအခါ မျိုးရိုးစဉ်ဆက် ဆယ်သက်စားမကုန် ဖြုန်းမကုန် စည်းစိမ်ပုံကြီးပေါ်မှာ။ ပြည်သူလူထုကား ဘာမဆိုင် ညာမဆိုင် “အပူ” ကို ဒဏ်ခတ်ခံနေကြရပါလေ၏။ ဟူး...။

(ဃ)

တာဝန်သိအစိုးရကောင်းတို့ အုပ်ချုပ်ခဲ့သော မိမိတို့၏ဘေးပတ်ဝန်းကျင်နိုင်ငံများတွင်ကား 

“သစ်တောကြီးများ” ဟီးထနေပါ၏။ Google map မှ ကြည့်လေရာ ကျွန်ုပ်တို့နိုင်ငံတွင် “ကျဲပါး” ခဲ့လေပြီ။ သစ်ပင်များ ပြန်စိုက်ကြပါစို့လား။ မိုးဦးကျစမှာ စိုက်ကြပါစို့ရဲ့။ လိုအပ်ပါက ကျွန်ုပ်အခန်းဝရန်တာတွင် 

“ပျိုး” ထားသော အပင်များကို လာယူကြပါ။ သရက်၊ ခရေ၊ ပုန်းညက်၊ မန်ကျည်း၊ ရဲယို၊ အုန္နဲ... စသည်ဖြင့် ဖြစ်၏။ 

“ကြက်ဆူပင်လား ... အဲ ... အဲဒါတော့ မပါဘူး ခင်ဗျ”

ဆာသော်ဒိုး (၂၈.၄.၂၀၁၉)