News

POST TYPE

ARTICLE

မင်္ဂလာဒုံ NLD အမတ်တစ်ဦး ဒေသခံအများအပြားကို တရားစွဲ
10-Jan-2019


လေးထောင့်ကန်ကျေးရွာမှ ဓမ္မာရုံနှင့် ဆက်စပ်နေသော အငြင်းပွားဖွယ်မြေနေရာကို ပြသနေသော တရားလိုတစ်ဦးဖြစ်သူ ဦးအောင်ကျော်ဦး

မင်္ဂလာဒုံမြို့နယ်မှ အမျိုးသား ဒီမိုကရေစီအဖွဲ့ချုပ် (NLD) ကိုယ်စားပြု အမတ်တစ်ဦးသည် ၎င်း၏ မဲဆန္ဒနယ်အတွင်းရှိ ပါတီဝင်တချို့ အပါအဝင် ဒေသခံ ၁၇ ဦးကို အသရေဖျက်မှု အပါအဝင် အမှုနှစ်ခုဖြင့် တိုင်ကြားတရားစွဲဆိုထားသည်။

ရန်ကုန်တိုင်းဒေသကြီး လွှတ်တော် မင်္ဂလာဒုံ မဲဆန္ဒနယ်အမှတ် (၂) ကိုယ်စားလှယ် ဒေါ်သန္တာမိုးက လေးထောင့်ကန်ကျေးရွာမှ ဒေသခံ ၁၅ ဦးကို ပြီးခဲ့သည့်နှစ် အောက်တိုဘာလက ထောက်ကြန့်နယ်မြေ ရဲစခန်းတွင် နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် လုံခြုံမှုကို ကာကွယ်ပေးရေး ဥပဒေပုဒ်မ ၁၀ ဖြင့် အမှုဖွင့်ခဲ့သည်။

ထိုလအတွင်းမှာပင် အသေရေဖျက်မှု ပုဒ်မ ၅၀၀ ဖြင့် တရားရုံးသို့ ဦးတိုက်စွဲဆိုရာတွင်လည်း ပထမအမှုမှ စွပ်စွဲခံရသူအများအပြား ပါဝင်ခဲ့သည်။

လေးထောင့်ကန်ကျေးရွာမှ တရားစွဲခံရသည့် ပါတီဝင် ၆ ဦးထဲတွင် ၅၇ နှစ်အရွယ် ဦးမြင့်ကျော်လည်း ပါဝင်သည်။

“ပုဒ်မ ၅၀၀ အမှုက ရုံးချိန်း ၆ ချိန်းရှိပါပြီ။ အဲဒီ ပုဒ်မအမှုက အာမခံရတယ်။ ပုဒ်မ ၁၀ အမှုကလာမယ့် ၁၅ ရက်နေ့မှာ တရားရုံးကိုရုံးတင်ပြီး အာမခံမပေးရင် ကျွန်တော်တို့အချုပ်နဲ့ တရားရင်ဆိုင် ရမယ်လို့ (ရဲက) ပြောတယ်”ဟု ၎င်းကရှင်းပြသည်။

၆၅ နှစ်အရွယ် ဒေါ်တင်တင်ဝင်းကလည်း ၎င်းတို့ မဲပေးရွေးချယ်လိုက်သည့် လူထုကိုယ်စားလှယ်က ဖြစ်ရပ်တစ်ခုနှင့်ပတ်သက်ပြီး နှစ်ကြိမ်တိုင်ကြား တရားစွဲခြင်းကြောင့် ခံပြင်းမိသည်ဟုပြောသည်။

ပထမအမှုကို ပြန်လည် ရုပ်သိမ်းသွားမည်ဟု မျှော်လင့်နေချိန်တွင် အာမခံရနိုင်ခြေနည်းသည့် ပုဒ်မဖြင့် ထပ်မံစွဲဆိုမှုကြောင့် စိတ်မကောင်းဖြစ်ရသည်ဟုဆိုသည်။

“ကျွန်မတို့တစ်စုလုံးကို တရားစွဲတာ ဘာအကြောင်းအရာကြောင့်မှန်းကို မစဉ်းစားတတ်သေးဘူး။ ကျွန်မတို့က သူ့နောက်ကိုလိုက်ပြီး ဓာတ်ပုံရိုက်နေတာလည်းမဟုတ်၊ သူ့မကောင်းကြောင်း ရပ်ကွက် အထဲ လှည့်လည်ပြောဆိုနေတာလည်းမဟုတ်။ ဖြစ်လာပြီဆိုတော့ ကျွန်မတို့က ရင်ဆိုင်ရုံပဲရှိတယ်။ အမှန်တရား ပေါ်ပေါက်တဲ့အထိ ကျွန်မတို့ရင်ဆိုင်သွားမယ်”ဟု ၎င်းကဆိုသည်။

အမှုဖြစ်စဉ်

ရွှေဟိန်းထက်ကုမ္ပဏီနှင့် ဒေသခံတို့ကြား အငြင်းပွားနေသည့် မြေလွတ်မြေရိုင်း ၄ ဧကကျော်နှင့်ပတ်သက်ပြီး ရပ်ကျေးအဆင့် မြေယာစိစစ်ရေး ကော်မတီက ကွင်းဆင်းစစ်ဆေးရာမှ အမှုများစတင်ခဲ့သည်။

မြေယာစိစစ်ရေး ကော်မတီတွင် ယခုတရားလိုဖြစ်နေသူ လွှတ်တော်အမတ်လည်း ပါဝင်သည်။ မြေယာ အငြင်းပွားမှုနှင့်ပတ်သက်ပြီး ဒေသခံတို့၏တိုင်စာများတွင် လွှတ်တော်အမတ်နှင့် မိသားစုဝင်များကို ပုဂ္ဂိုလ်ရေးတိုက်ခိုက်မှုများ ပါဝင်နေသည်ဟု လွှတ်တော်အမတ် ဒေါ်သန္တာမိုးက Myanmar Now သို့ ပြောသည်။

စွပ်စွဲမှုများတွင်သာ ကူးနိုင်ငံရေးသမား၊ မိုးကျရွှေကိုယ်များဖြစ်သည်၊ ပါတီဝင်ကြခြင်းမှာလည်း ရွှေဟိန်းထက်ကုမ္ပဏီက စီစဉ်ညွှန်ကြားမှုကြောင့်ဖြစ်သည် ဟူသောအချက်များ ပါဝင်ကြောင်း လွှတ်တော်အမတ်က ပြောသည်။

“အခုကျွန်မတရားစွဲလိုက်တဲ့သူတွေက ကျွန်မနဲ့ ကျွန်မတို့ မိသားစုဝင်တွေကို သွားပုပ်လေလွှင့်တိုင်ကြားတဲ့အပြင် ဒေသဖွံ့ဖြိုးရေးလုပ်ငန်းတွေကို လုပ်ကိုင်ရာမှာလည်း လိုက်နှောင့်ယှက်နေတာ ပြည်သူတိုင်း သိတယ်။ ဘာလုပ်လုပ် သူတို့က လှည့်ပတ်တိုင်နေကြတာပဲ။ ဒီလိုပြည်သူအများအကျိုးကို ဆောင်ရွက်လို့မရအောင် လုပ်နေတဲ့လက်တစ်ဆုပ်စာ ပြည်သူကို ကျွန်မက တရားစွဲဆိုရခြင်းဖြစ်တယ်”ဟု ဒေါ်သန္တာမိုးက ဆိုသည်။

တရားစွဲခံထားရသည့်သူ ၁၇ ဦးကို ဒေါ်သန္တာမိုးအပြင် သူ၏အစ်ကိုဖြစ်သူ ဦးအောင်ကျော်ဦးကလည်း အဆိုပါပုဒ်မများဖြင့်ပင် သီးခြား အမှုဖွင့် တရားစွဲဆိုထားသည်။

ပုဂ္ဂိုလ်ဆိုင်ရာ လွတ်လပ်၊ လုံခြုံမှုပုဒ်မ ၁၀ သည် ပြစ်မှုထင်ရှားပါက ထောင်ဒဏ် ၆ လမှ ၃ နှစ်အထိ၊ ငွေဒဏ် ၃ သိန်းမှ ၁၅ သိန်းအထိ ချမှတ်နိုင်သည်။

ပုဒ်မ ၅၀၀ သည် ပြစ်မှုထင်ရှားပါက ထောင်ဒဏ် ၂ နှစ်အထိ ချမှတ်နိုင်သည်။

ပါတီတွင်းအသံတချို့

ပါတီဌာနချုပ်မှ ဦးဥာဏ်ဝင်း၊ ဒေါက်တာ မျိုးညွန့်တို့ထံမှ မှတ်ချက်ရယူရန် ကြိုးစားသော်လည်း ၎င်းတို့နှင့် ဆက်သွယ်၍မရသေးပေ။

ပါတီ၏ရန်ကုန်တိုင်းဒေသကြီး အလုပ်အမှုဆောင်အဖွဲ့ အတွင်းရေးမှူး ဦးထွန်းမြင့်က ထိုအမှုများမှာ သင့်လျော်မှုမရှိကြောင်း ဒေါ်သန္တာမိုးကိုပြောဆိုခဲ့ပြီး ဒေသခံတို့ကိုမေတ္တာဖြင့်သာ ဆက်ဆံရန်တိုက် တွန်းခဲ့သည်ဟုဆိုသည်။

“ပြီးခဲ့တဲ့နှစ် ဒီဇင်ဘာလက မင်္ဂလာဒုံမြို့နယ်မှာ တိုင်းအဆင့်၊ ခရိုင်အဆင့်၊ မြို့နယ်အဆင့် အလုပ်အမှုဆောင်အစည်းအဝေးမှာ ကျွန်တော်က ဒေါ်သန္တာမိုးကို အဲ့ဒီလို မေတ္တာရပ်ခံဖူးတယ်။ တရားဝင်စာနဲ့ ညွှန်ကြားချက်မျိုးတော့ မထုတ်ခဲ့ပါဘူး”ဟု ၎င်းကဆိုသည်။

ပါတီ၏ မင်္ဂလာဒုံမြို့နယ် အလုပ်အမှုဆောင်အဖွဲ့ဥက္ကဋ္ဌ ဒေါ်ညွှန့်မေသာက ထိုသို့တရားစွဲဆိုခြင်းက တားမြစ်၊ ပိတ်ပင်ပိုင်ခွင့်မရှိကြောင်း၊ ညှိနှိုင်းခြင်းဖြင့် သာဆောင်ရွက်နိုင်ကြောင်းပြောသည်။

ပါတီ အထက်အဆင့်ထံမှ တရားဝင် ညွှန်ကြားဟန့်တားခြင်းမရှိဟု တရားလိုလွှတ်တော်အမတ်က ဆိုသည်။

ထက်ခေါင်လင်း (Myanmar Now)