News

POST TYPE

ARTICLE

အာရှ၏ စောင့်ကြည့်ရမည့် လူငယ်နိုင်ငံရေးသမား လေးယောက်
13-Oct-2018

အင်ဒိုနီးရှား

ဂရေ့စ် နာတာလီ (Grace Natalie)

ယခင် သတင်းဂျာနယ်လစ်နှင့် တီဗီသတင်း အစီအစဉ်တင်ဆက်သူ ဂရေ့စ်နာတာလီသည် အင်ဒိုနီးရှားနိုင်ငံ၏ Indonesian Solidarity Party (Partai Solidaritas Indonesia, or PSI) ပါတီကို ထူထောင်သူတစ်ဦးဖြစ်သည်။ သူသည် ပါတီခေါင်းဆောင် တာဝန်ကိုယူထားသည်။ သူ့ပါတီကို PSI ပါတီ သို့မဟုတ် ခေတ်သစ်လူငယ်ပါတီဟူ၍လည်း ခေါ်ကြသည်။ 

လာမည့် ၂၀၁၉ ခုနှစ်တွင် ကျင်းပမည့် အင်ဒိုနီးရှားနိုင်ငံရွေးကောက်ပွဲတွင် PSI ပါတီ၏ အလားအလာမှာ အလွန်ကောင်းနေသည်။ လူငယ်အားလုံးကို ကိုယ်စားပြုထားသောကြောင့် လူငယ်အများစုက ဂရေ့စ်ကို မဲပေးကြလိမ့်မည်ဟု မျှော်လင့်ထားသည်။ တိုင်းပြည်၏ မဲပေးနိုင်သော အသက် ၁၇ နှစ်မှ ၂၄ နှစ် အတွင်း လူငယ်အရေအတွက်မှာ မဲပေးနိုင်သူအရေအတွက်၏ သုံးပုံတစ်ပုံခန့်ရှိနေသည်။ PSI ပါတီဝင် ၄ သိန်းကျော်ရှိသည်။ ယင်းတို့အနက် သုံးပုံနှစ်ပုံမှာ အသက် ၃၅ နှစ်အောက် လူငယ်တွေဖြစ်ကြသည်။ 

PSI ပါတီသည် ထူးခြားသည့် ပါတီဖြစ်သည်။ သူတို့ပါတီအတွက် ရုံးမရှိ။ ရုံးခန်းလည်းမငှား။ ပါတီအတွက် အရေးကြီးသည့်ကိစ္စများ ဆွေးနွေးစရာရှိလျှင် အိမ်တွေမှာ ခေါ်ပြီး ဆွေးနွေးတိုင်ပင်ကြသည်။ သူတို့ပါတီသည် အလှူငွေများဖြင့် ရပ်တည်သည်။ သူတို့အကြောင်း Facebook ပေါ်တွင် ပြောသည်။ YouTube ကတစ်ဆင့် ထုတ်ပြန်ကြေညာသည်။ ဆိုရှယ်မီဒီယာကို ကြော်ငြာအဖြစ် ကောင်းကောင်းအသုံးချသည်။

“ပွင့်လင်းပြီး ထင်သာမြင်သာရှိအောင် ကျွန်မတို့ပါတီလောက် ဘယ်ပါတီမှ လုပ်ဆောင်ပေးနိုင်မှာ မဟုတ်ပါဘူး” ဟု သူက ဆိုသည်။

မလေးရှား

နူးရူး အစ်ဇာ အန္နဝါ (Nurul Izzah Anwar)

လက်ရှိလည်း ပါလီမန်တွင် အဖွဲ့ဝင်တစ်ဦးဖြစ်သည်။ People’s Justice Party တွင် ဒုတိယ ဥက္ကဋ္ဌတာဝန်ကို ယူထားသည်။ မလေးရှားနိုင်ငံတွင် Keadilan သို့မဟုတ် PKR ပါတီဟု လူသိများသည်။ အန္နဝါသည် ပါတီခေါင်းဆောင်တစ်ဦး ဖြစ်လာရန် တစ်ပြေးနေသည်။

သူ၏ မိဘများကလည်း အဆင့်မြင့်အရာရှိများဖြစ်ပြီး နိုင်ငံရေးနောက်ခံကောင်းကြသူများဖြစ်သည်။ အန္နဝါကလည်း နိုင်ငံရေးအမွေကို ဆက်ခံနိုင်သူဟု ဆိုရမည်။ အန္နဝါသည် Trans-Pacific Partnership Agreement Caucus နှင့် the Women's Caucus အဖွဲ့အစည်းများကိုလည်း ထူထောင်ထားပြီး တာဝန်ယူထားသည်။ သူတို့အဖွဲ့အစည်းသည် မလေးရှားနိုင်ငံ၏ နိုင်ငံရေးတွင် အမျိုးသမီးများ ပါဝင်လာရေးအတွက် ကြိုးပမ်းဆောင်ရွက်ပေးလျက်ရှိသည်။

မလေးရှားနိုင်ငံ၏ ပါလီမန်တွင် အမျိုးသမီးများ၏ ပါဝင်နိုင်မှုနှုန်းမှာ ၁၅ ရာခိုင်နှုန်းသာရှိသဖြင့် ၃၀ ရာခိုင်နှုန်းခန့်အထိ ပါဝင်လာမှုရှိစေရန် သူတို့ ကြိုးပမ်းဆောင်ရွက်နေကြောင်း အန္နဝါကဆိုသည်။ သူက အမျိုးသမီးများ နိုင်ငံရေးတွင် ပါဝင်လာစေရန်အတွက်လည်း မနေမနားကြိုးပမ်းဆောင်ရွက်နေသည်။

အသက် ၃၈ နှစ်ခန့်သာ ရှိသေးသည့် အန္နဝါသည် သတင်းမီဒီယာလွတ်လပ်ခွင့်ကို ထောက်ခံသူတစ်ဦးလည်းဖြစ်ကာ -

“မလေးရှားမှ လိုအပ်နေတာက တက်ကြွပြီး အားမာန်အပြည့်ရှိတဲ့ မီဒီယာတွေပါ။ အင်တိုက်အားတိုက်လုပ်နိုင်တဲ့ သတင်းသမားတွေလည်း အများကြီးလိုတယ်။ ပြည်သူတွေကို အမြဲနိုးကြားအောင် လုပ်ဆောင်နိုင်မယ့် မီဒီယာမျိုးတွေလိုတယ်” ဟု သူကဆိုသည်။

ထိုင်း

သနာသုန် ယန်ဂရွန်ဂရောင်ကစ် (Thanathorn Juangroongruangkit)

သူ့ကို ပြင်သစ်မှ အီမန်နျူရယ်မက်ခရွန်၊ ကနေဒါမှ ဂျပ်စတင်ထရူးဒိုးတို့နှင့် နှိုင်းယှဉ်ကြသည်။ သူသည် ယခင်က လုပ်ငန်းတစ်ခု၏ CEO အဖြစ် တာဝန်ယူခဲ့သည်။ ၂၀၁၈ ခုနှစ်အစောပိုင်းကမှ ထိုင်းနိုင်ငံတွင် Future Forward Party ဆိုပြီး ကောက်ထောင်ခဲ့သည်။ သူလည်း လူငယ်တစ်ယောက်ပီပီ လူငယ်အများစု ထောက်ခံမှုကို ရရှိလိမ့်မည်ဟု မျှော်လင့်ထားသည်။ လက်ရှိလည်း ပါတီ၏ခေါင်းဆောင်တာဝန်ကို ယူထားရသည်။

“ထိုင်းနိုင်ငံဟာ နိုင်ငံရေး စိတ်ဝမ်းကွဲမှုတွေဖြစ်နေတာ ဆယ်စုတစ်စုလောက်ကို ကြာနေပြီ။ ဒါကြောင့် အကျိုးဆက်အနေနဲ့ စီးပွားရေး၊ လူမှုရေးတွေ ပျက်စီးခဲ့ရတယ်။ နိုင်ငံရေးဆိုတာလည်း နှစ်ခြမ်းကွဲပြီးတော့ အပြန်အလှန် လေလုံးတွေကြားမှ ခရီးမရောက်ခဲ့ဘူး”ဟု သူက ထောက်ပြဝေဖန်ခဲ့သည်။

“ဘက်တိုင်းမှာ မပေါင်းစည်းနိုင်ဘူးဆိုတဲ့ အနေအထားတွေမရှိဘူး။ ဘက်ပေါင်းစုံမှာ သက်ရောက်နေတဲ့ ဒဏ်ရာတွေကို ကုစားဖို့လိုပြီ” ဟုလည်း သူက ပြောသည်။

သနာသုန်သည် Facebook ကတစ်ဆင့် စစ်အစိုးရအပေါ် ဝေဖန်ပြောဆိုနေမှုများကြောင့် အရေးယူခံနေရသည်။ ထိုင်းနိုင်ငံ စစ်အစိုးရက ထုတ်ပြန်ထားသည့် ဥပဒေအရ ဆက်သွယ်ရေးဆိုင်ရာ ပုဒ်မနှင့် ငြိပြီး ထောင်ဒဏ် ၅ နှစ်ခန့် ကျခံရမည့်အပြင်၊ သူ့ပါတီ အတွက်ပါ အခက်အခဲများတွေ့နေသည်။ မည်သို့ဆိုစေ သူလည်း ပါတီခေါင်းဆောင်လူငယ်တစ်ဦးအပြင် ပွင့်လင်းသော ထောက်ပြဝေဖန်မှုများကြောင့် လူကြိုက်များလာသည့် အနာဂတ်အတွက် အလားအလာရှိသူတစ်ဦးဖြစ်သည်။ 

မလေးရှား

ဆယတ် ဆက်ဒစ် (Syed Saddiq)

အာဆီယံတွေ့ဆုံပွဲအခမ်းအနားတွင် လူငယ်ဝန်ကြီးတစ်ဦးအနေနှင့် လူတိုင်းစိတ်ပါဝင်စားခြင်းကို ခံရသူဖြစ်သည်။ ဆက်ဒစ်သည် လက်ရှိလည်း မလေးရှားနိုင်ငံတွင် လူငယ်နှင့် အားကစားဝန်ကြီးအဖြစ် တာဝန်ယူထားရသူဖြစ်သည်။ သူက လူငယ်များကို -

“အစဉ်အလာဘောင်ထဲက ထွက်ပြီးတွေးလိုက်ပါ။ အမြဲတမ်း စိတ်ဆန္ဒပြင်းပြနေပါစေ။ နည်းလမ်း ဟောင်းတွေနဲ့ အစဉ်အလာတွေကို ဘေးဖယ်ထားလိုက်ပါ” ဟု ရဲရဲတောက်ပြောခဲ့သူ တစ်ယောက်လည်း ဖြစ်သည်။ 

သူ့ကို ယခုနှစ် ဇူလိုင်လကမှ အသက်အငယ်ဆုံးဝန်ကြီးအဖြစ် ခန့်အပ်တာဝန်ပေးခဲ့ခြင်းဖြစ်သည်။ သူက ယခုဆိုလျှင် အသက် ၂၅ နှစ်သာရှိသေးသည်။ International Islamic University မှ ဥပဒေဘွဲ့ရထားပြီး၊ အောက်စ်ဖို့ဒ်တက္ကသိုလ်သို့လည်း သွားတက်ကာ Public Policy ပညာရပ်ကို Master ဘွဲ့ရအောင် ကြိုးစားသင်ယူခဲ့သည်။ 

သူသည် အာရှ ဗြိတိသျှ ပါလီမန် ဒီဘိတ်ပွဲတွင်လည်း သုံးကြိမ်တိုင် အာရှ၏ စကားပြောအကောင်းဆုံး နိုင်ငံရေးသမားဆု ရရှိထားသူဖြစ်သည်။ သူ့ထက် အတွေ့အကြုံများပြီး ၂၀၀၉ မှ ၂၀၁၃ ခုနှစ်တိုင် လူငယ်နှင့် အားကစားဝန်ကြီးဖြစ်ခဲ့သူ ဒါတွတ် ဆီရီ ရာဇာလီအား Muar မဲဆန္ဒနယ်မြေတွင် အနိုင်ရပြီး ဝန်ကြီးတာဝန်ကို ရအောင်ယူနိုင်ခဲ့သော ထူးခြားသည့် ပါရမီရှင် လူငယ်တစ်ဦးဖြစ်သည်။ 

E-01

(Ref: World Economic Forum)