News

POST TYPE

ARTICLE

မြောင်းဆယ်လုပ်သားမှ အရာရှိဖြစ်လာသူ
10-Jul-2018



မန္တလေးမြို့တော်စည်ပင်အနေနှင့် တာဝန်နှင့် လုပ်ပိုင်ခွင့်ထက် ကျော်လွန်လုပ်ဆောင်ခဲ့သူများကို ရာထူးမှထုတ်ပယ်သည်အထိ အရေးယူခဲ့သလို တာဝန်ကျေပွန်လွန်းသူတစ်ဦးကိုလည်း ပြန်တမ်းဝင်အရာရှိ ရာထူးတိုးပေးလိုက်သည်။

သူ့အမည်က ဦးစိုးဝင်း၊ သန့်ရှင်းရေးဌာန ဒုကြီးကြပ်ရေးမှူးရာထူးမှ ပြန်ကြားရေးနှင့်ပြည်သူ့ဆက်ဆံရေး ဦးစီးဌာနတွင် ဆက်သွယ်ရေး - ၁ ရာထူးဖြင့် တိုးမြှင့်ခန့်ထားလိုက်ခြင်းဖြစ်သည်။

မန္တလေးမြို့တော် စည်ပင်သာယာရေးကော်မတီ၊ သန့်ရှင်းရေးဌာနတွင် ဒုကြီးကြပ်ရေးမှူး တာဝန်ယူထားသူ ဦးစိုးဝင်းတစ်ယောက် ဇူလိုင်လမှစတင်ကာ ရာထူးတိုးသွားခြင်းလည်း ဖြစ်သည်။ 

အစိုးရဝန်ထမ်းတစ်ဦးအနေနှင့် ရာထူးတိုးခြင်းမှာ အထူးအဆန်းတော့မဟုတ်။ သို့သော် ဦးစိုးဝင်း ရာထူးတိုးသည့်ပုံစံက ထူးဆန်းသည်။

မန္တလေးမြို့တော် စည်ပင်သာယာရေးကော်မတီတွင် တာဝန်ထမ်းဆောင်နေသော ဝန်ထမ်းများသည် ရာထူးတစ်ဆင့်တိုးမြှင့်ရန်အတွက် ရေးဖြေစာမေးပွဲ၊ လူတွေ့နှုတ်ဖြေများ ဖြေဆိုရသည်။ ထိုစာမေးပွဲများ အောင်မြင်မှ ရာထူးတိုးမြှင့်ခံရသည်။ ဦးစိုးဝင်းကတော့ ထိုစာမေးပွဲနှစ်ခုစလုံးကို ဖြေရန်မလို။

လုပ်သက် ၄၂ နှစ်အတွင်း ကြိုးစားလုပ်ဆောင်ခဲ့သည်များကို ဂုဏ်ပြုသည့်အနေနှင့် ကော်မတီဝင်များ အစည်းအဝေးထိုင်ကာ ဆုံးဖြတ်ချက်ချပြီး ရာထူးတိုးမြှင့်ပေးခြင်းဖြစ်သည်။ 

ယခုကဲ့သို့ ရာထူးတိုးမြှင့်ခြင်းသည် လက်ရှိအစိုးရလက်ထက်တွင် ပထမဆုံးအကြိမ်ဖြစ်သည်။ သို့သော် ဦးစိုးဝင်းအတွက်ကမူ စတုတ္ထအကြိမ်မြောက် ရာထူးတိုးခဲ့ခြင်းပင်။

မြောင်းလုပ်သားဘဝဖြင့် အလုပ်စတင်ဝင်ရောက်ခဲ့သော ဦးစိုးဝင်းသည် လက်ရှိအချိန်အထိ ရာထူးငါးကြိမ်တိုးခဲ့သည်။ ယင်းတို့အနက် တစ်ကြိမ်သာရာထူးတိုးစာမေးပွဲဖြေဆိုခဲ့ရပြီး ကျန်လေးကြိမ်မှာ သူ၏လုပ်ဆောင်မှုကိုကြည့်ကာ တိုးမြှင့်ခံခဲ့ရသည်ချည်းပင်။ 

ယခုတစ်ကြိမ်တိုးသည့်ရာထူးက ဘွဲ့ရပညာတတ်များသာရရှိသည့် ပြန်တမ်းဝင်အရာရှိ ရာထူး။

“ဒီတစ်ကြိမ် အသိအမှတ်ပြုခံရတာက ကျွန်တော့်ဘဝအတွက် တန်ဖိုးမဖြတ်နိုင်ဘူး”ဟု ဦးစိုးဝင်းက ဂုဏ်ယူဝင့်ကြွားဟန်ဖြင့် ပြောသည်။

ပိန်ပိန်ပါးပါးပုံစံရှိသော ဦးစိုးဝင်းသည် အသက် ၆၀ ပြည့်ရန် လပိုင်းမျှသာလိုတော့သည်။ မကြာမီ သက်ပြည့်ပင်စင်ယူရတော့မည်ဖြစ်သောကြောင့် ရာထူးတိုးရန် မမျှော်လင့်ခဲ့။ ရာထူးတိုးတော့မည်ဆိုသည့် သတင်းများ၊ ပြောစကားများ ကြားနေခဲ့သည်မှာ ခုနစ်လခန့်ပင်ရှိပြီ။ 

ပင်စင်ယူရန် လပိုင်းမျှသာလိုတော့သော်လည်း ယခုလိုရာထူးတိုးခြင်းက ဦးစိုးဝင်းအတွက် အားတစ်ခုပင်။ အဘယ့်ကြောင့်ဆိုသော် ပင်စင်ယူပြီးချိန်တွင် ထုတ်ယူသုံးစွဲရမည့် ပင်စင်လစာလည်း တိုးသွားမည်ဖြစ်သောကြောင့်ပင်။ နောက်တစ်ခုရှိသေးသည်။ လုပ်သက်ကို ရရှိသည့်လစာဖြင့် မြှောက်၍ရသည့် လုပ်သက်ဆုကြေးလည်း တိုးသွားသည်။

“ရာထူးတိုးတော့ ပင်စင်လစာလည်းတိုးသွားတယ်။ Gratuity လည်းတိုးတယ်။ လုပ်သက်ဆုလေးလည်း တိုးတာပေါ့”ဟု ကွမ်းယာမြုံ့နေသော ဦးစိုးဝင်းက ရှင်းပြသည်။

ဘွဲ့ရများသာ အရာရှိဖြစ်သော မန္တလေးမြို့တော်စည်ပင်သာယာရေးကော်မတီတွင် ဦးစိုးဝင်းအနေနှင့် ဆယ်တန်းစာမေးပွဲပင် အောင်မြင်သူမဟုတ်။ 

မိသားစုက ဆယ်တန်းစာမေးပွဲကို ပြန်ဖြေစေချင်သည်။ မောင်စိုးဝင်းက မဖြေလို။ ထို့ကြောင့် စာသင်သွားသည့်ပုံစံနှင့် အိမ်ကထွက်သည်။ စည်ပင်ကသတ်မှတ်ထားသည့်နေရာရောက်လျှင် ဝတ်လာသည့်အင်္ကျီကိုလဲကာ ဦးထုပ်ကို ခပ်ငိုက်ငိုက်ဆောင်းပြီး မြောင်းဆယ်သည်။ လုပ်အားခက တစ်ရက်လျှင် သုံးကျပ်ရှစ်ဆယ့်ငါးပြား။ 

မြောင်းဆယ်၊ အမှိုက်ကျုံးသည့်အလုပ်ကို နေ့စားဖြင့်လုပ်ကိုင်ရာမှ လခစားဝန်ထမ်းဖြစ်စေရန်အတွက် ရာထူးတိုးစာမေးပွဲဝင်ဖြေသည်။ စာမေးပွဲအောင်သောအခါ အမြဲတမ်းဝန်ထမ်းခန့်အပ်ခံရသည်။ ရာထူးက ကျွမ်းကျင်-၄။ 

မြောင်းလုပ်သားဘဝဆိုသည်က နံနက် ၇ နာရီ မှ မွန်းတည့် ၁၂ နာရီအထိ မြက်ရှင်း၊ ချုံခုတ်ရသည်။ လယ်ယာမြေဖော်ထုတ်ရသည်။ လမ်းလယ်ကျွန်းများတွင် သစ်ပင်စိုက်ရသည်။ နေ့လယ်ပိုင်းတွင် ရုံးတက်ရသည်။

ကျွမ်းကျင်-၄ ရာထူးဘဝတွင် ဌာနတူလက်နှိပ်စက်စာရေးမနှင့် အိမ်ထောင်ကျပြီး သားနှစ်ယောက်ထွန်းကားသည်။ ဝန်ထမ်းလစာနှင့် မိသားစုလေးယောက်အတွက် သုံးစွဲခဲ့ရသည်။ အဆိုပါရာထူးဖြင့် ကိုးနှစ်ကျင်လည်ခဲ့ပြီးနောက် ဒုလက်ထောက်ကြီးကြပ်ရေးမှူး၊ ထို့နောက် လက်ထောက်ကြီးကြပ်ရေးမှူးမှသည် ဒုကြီးကြပ်ရေးမှူးအဆင့်ထိ အဆင့်ဆင့် ရာထူးတိုးလာခဲ့သည်။

ရာထူးအဆင့်ဆင့် ပြောင်းခဲ့သော်လည်း ဦးစိုးဝင်းကတော့ အကျင့်မပြောင်း။ တစ်နေကုန် ဆိုင်ကယ်တစ်စီးနှင့် လုပ်ငန်းခွင်များသို့ သွားရောက်ကြီးကြပ်သည်။ နေ့လယ်ထမင်းစားချိန်တွင်သာ အိမ်သို့ခဏပြန်သည်။

ဒုကြီးကြပ်ရေးမှူး ဦးစိုးဝင်းသည် ဟိတ်ဟန်လည်းမရှိ။ လက်အောက်ငယ်သားများနှင့် တရင်းတနှီးနေသောကြောင့် ဦးစိုးဝင်းအတွက် ရုံးခန်းလေးတစ်ခုလုပ်ပေးသည်။ ၇၉ လမ်းနှင့် လမ်း ၃၀ ထောင့်ရှိ မြို့နယ်ရုံးတွင် သုံးထပ်သားပြားများနှင့် ကန့်ပေးထားသည်။ ထိုအခန်းလေးထဲတွင် ဘုရားစင်တစ်ခု၊ ပန်ကာတစ်လုံး၊ စားပွဲတစ်လုံး၊ ကုလားထိုင်သုံးလုံးနှင့် တန်းလျားသေးတစ်ခုရှိသည်။

ဒုကြီးကြပ်ရေးမှူးတစ်ဦးအတွက် အဆောင်အယောင်ဟုဆိုကာ ရုံးကစီစဉ်ပေးထားသည်။ ဦးစိုးဝင်းကတော့ ထိုအခန်းတွင် ဖင်ပူအောင်မနေ။ ခါတိုင်းကဲ့သို့ပင် လမ်းပေါ်တွင်သာ။ 

လုပ်ပိုင်ခွင့်များရရှိထားသော်လည်း အခွင့်အရေးမယူ။ မြောင်းဆယ်၊ အမှိုက်ကျုံးမြဲပင်။ အခြားသောလုပ်ငန်းတာဝန်များ ပေးသော်လည်း လက်မခံ။ အပိုဝင်ငွေရနိုင်သည်ကို သိသော်လည်း ယောင်၍ပင်စိတ်မကူး။ ငွေရေးကြေးရေးနှင့်ပတ်သက်၍ နာမည်ထိခိုက်မှာကို စိုးရိမ်သည်။

ဦးစိုးဝင်း ရရှိထားသောရာထူးသည် ငွေရနိုင်မည့်လုပ်ငန်းတာဝန်များကို ထမ်းဆောင်ရခြင်းဖြစ်သော်လည်း ဦးစိုးဝင်းကမူ မြောင်းဆယ်၊ အမှိုက်ကျုံးလုပ်ငန်းကိုသာ ကြီးကြပ်သည်။ အခြားလုပ်ငန်းတာဝန်များအတွက် အရာရှိတစ်ဦးကို တာဝန်ပေးစေသည်။

“ကိုယ်က မှန်မှန်ကန်ကန်လုပ်ပေမယ့် အောက်ခြေက တိုင်လိုက်မယ်ဆိုရင် တာဝန်ရှိတဲ့သူခံရမှာ။ ဒါ့ကြောင့် ကျွန်တော် လုံးဝမလုပ်ဘူး”ဟု ဦးစိုးဝင်းက ပြောသည်။

ရသည့်လစာနှင့် ကုန်ဈေးနှုန်းကို အန်မတုနိုင်၍ မလောက်ငသော်လည်း ဖြစ်သလိုစားသည်။ သားများ၏ပညာရေးအတွက် ကျူရှင်မထားနိုင်သော်လည်း သူ့ကိုယ်ကျင့်တရားကို ထိခိုက်မခံ။ မြောင်းဆယ်၊ အမှိုက်ကျုံးခြင်းကြောင့် လူညစ်ပတ်ခြင်းထက် နာမည်တွင် အမည်းစက်ထင်မည်ကို ပိုကြောက်သည်။ ငွေကြေးကျပ်တည်းသည့် အချိန်များတွင်တော့ မလုပ်ခဲ့ရသည့် ကားဝပ်ရှော့လုပ်ငန်းကို တမ်းတမိသည်ဟု ဆိုသည်။

ငွေရေးကြေးရေးနှင့်ပတ်သက်သည့်လုပ်ငန်းများကို ခေါင်းရှောင်သော်လည်း မြောင်းဆယ်၊ အမှိုက်ကျုံးလုပ်ငန်းကိုတော့ တာဝန်ကျေအောင်လုပ်ဆောင်သည်။ မြောင်းဆယ်၊ အမှိုက်ကျုံးလုပ်ငန်းလုပ်ခြင်းအားဖြင့် မြောင်းသန့်ရှင်းခြင်း၊ လမ်းပေါ်တွင်ရေမဝပ်ခြင်းတို့ကြောင့် ပြည်သူများစိတ်ချမ်းသာရသလို မြို့တော်လည်း သာယာသည်။ သန့်ရှင်းရေးဝန်ထမ်းများအနေနှင့်လည်း ကုသိုလ်ရသည်ဟု ဦးစိုးဝင်း ယုံကြည်သည်။

မန္တလေးမြို့တော် စည်ပင်သာယာရေးကော်မတီ၏ လုပ်ငန်းများဖြစ်သည့် ကျူးကျော်အိမ်များ ဖျက်ပေးခြင်း၊ လေလွင့်တောင်းရမ်း စားသောက်သူများဖမ်းဆီးခြင်း၊ ဂေါက်ကွင်းသန့်ရှင်းခြင်း၊ မြက်စိုက်ခြင်း စသည့်လုပ်ငန်းများကိုလည်း ဦးစိုးဝင်းက ကြီးကြပ်ပေးခဲ့ရသည်။

ဦးစိုးဝင်း လုပ်သက်တစ်လျှောက် ဂုဏ်ယူရသည့်လုပ်ငန်းတစ်ခုရှိသည်။ ထိုလုပ်ငန်းမှာ ကျုံးတောင်ဘက်နှင့် အနောက်ဘက်ခြမ်းတွင် ပလက်ဖောင်းခင်းခြင်းနှင့် လက်ရန်းတပ်ခြင်းဖြစ်သည်။ မန္တလေးမြို့တော် စည်ပင်သာယာရေးကော်မတီတွင် ဦးစိုးဝင်းထက်တော်သော၊ အတွေ့အကြုံရှိသော အင်ဂျင်နီယာများစွာရှိသော်လည်း လုပ်ငန်းကြီးကြပ်ရန် ဦးစိုးဝင်းကို တာဝန်ပေးသည်။

ပစ္စည်းများချခြင်း၊ သိမ်းခြင်းကို ကြည့်ရှုရသည်။ လုပ်ငန်းကိုကြီးကြပ်ရသည်။ နေ့ရောညပါ လုပ်ရသောကြောင့် မန္တလေးမြို့တော်ဝန်ကိုယ်တိုင်ကပင် အသိအမှတ်ပြုရသည်အထိ။

“ကျွန်တော့်နာမည်ကို မသိဘူး။ မျက်မှန်နဲ့ဆရာတဲ့။ ဘာလုပ်လုပ် မျက်မှန်နဲ့ဆရာခေါ်လိုက်ပါ။ စိတ်ချရတယ်ဆိုပြီး ကျွန်တော့်ကို တိုက်ရိုက်ခိုင်းတာ”ဟု ဦးစိုးဝင်းက ဂုဏ်ယူဟန်ဖြင့် ပြောသည်။

သန့်ရှင်းရေးဝန်ထမ်းများအနေနှင့် ယခင်အစိုးရမင်းများလက်ထက်က အသိအမှတ်ပြုခြင်းကို မခံရ။ ယခုအစိုးရလက်ထက်တွင် အသိအမှတ်ပြုခံရသည်။ သင်္ကြန်ကာလတွင်း တစ်နိုင်ငံလုံးမှ လူအများပျော်ရွှင်စွာ ရေကစားကြသည့်အချိန်တွင် သန့်ရှင်းရေးဌာနမှဝန်ထမ်းများက လမ်းပေါ်ရေမလျှံစေရန် ပြုလုပ်ပေးရသလို အမှိုက်များ တောက်လျှောက်ရှင်းလင်းသည်။ တစ်နေကုန်လုပ်ရသည်။ နောက်ဆုံးရက်တွင် မိုးလင်းပေါက်လုပ်ရသည်။ သင်္ကြန်အပြီးတွင် ဝန်ထမ်းများကို အခမ်းအနားဖြင့် ချီးမြှင့်ခဲ့ခြင်းဖြစ်သည်။

ယခုနှစ်သင်္ကြန်ကာလအပြီးတွင်လည်း ဦးစိုးဝင်းအပါအဝင် လက်အောက်ဝန်ထမ်းများသည် စွမ်းဆောင်ရည်ဆု ချီးမြှင့်ခံရသည်။ ဦးစိုးဝင်းဘဝတွင် ၂၀၁၄ ခုနှစ်က မန္တလေးမြို့တော်စည်ပင်သာယာရေးကော်မတီက ချီးမြှင့်သည့် ဝန်ထမ်းကောင်းဆု၊ ၂၀၁၈ ခုနှစ်၊ ဇန်နဝါရီလက နိုင်ငံ့ဝန်ထမ်းကောင်းဆုတို့ ရရှိခဲ့သည်။ ထိုသို့ ချီးမြှင့်ခြင်းကို ဦးစိုးဝင်းအလွန်ကျေနပ်သည်။ ထိုသို့ ချီးမြှင့်ခံရသောကြောင့် အစည်းအဝေးဆုံးဖြတ်ချက်အရ ရာထူးတိုးခံရသည်ဟု ယုံကြည်သည်။

ခေတ်အဆက်ဆက်၊ အစိုးရအဆက်ဆက် အထက်အရာရှိများ ပြောင်းလဲသွားသော်လည်း ဦးစိုးဝင်းက တာဝန်ဝတ္တရားများ မပျက်ကွက်ခဲ့။ ထို့ကြောင့် အထက်အရာရှိများကိုယ်တိုင် ရာထူးတိုးပေးခဲ့ခြင်းဖြစ်သည်။ တိုက်ဆိုင်သည်က အထက်အရာရှိကြီးများက မျက်နှာသာပေးသော်လည်း ရာထူးတစ်ခါတိုးဖို့အရေး ကြန့်ကြာတတ်သည်။ အဆင့်တူဝန်ထမ်းများ၏ နှိမ်ခြင်း၊ တန်းတူဆက်ဆံမခံရခြင်းကိုလည်း ကြုံဖူးသည်ဟု ဆိုသည်။

ဦးစိုးဝင်းကမူ မတုန်မလှုပ်။ ဘွဲ့ရပညာတတ်မဟုတ်သောသူနှင့် အခြားအရာရှိများ၏ ကွာဟချက်ကို လက်ခံသည်။ လုပ်ဆောင်ချက်ကြောင့် ရာထူးတိုးခံရသည့်ဘဝကို နားလည်သည်။

ဘယ်လိုပင်ဖြစ်ပါစေ။ ဦးစိုးဝင်းက အလုပ်ကို တန်ဖိုးထားသည်။ ရိုးသားမှုဂုဏ်ကို မြတ်နိုးသည်။ သူ့တွင်ရှိသောအမွေကို မန္တလေးမြို့တော်စည်ပင်သာယာရေးကော်မတီ၊ ရာဖြတ်ဌာနတွင် လုပ်ကိုင်နေသော သားအငယ်ကိုပေးချင်သည်။  

ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် ဆက်သွယ်ရေး-၁ ရာထူးတိုးမြှင့်ခံရသော ဦးစိုးဝင်းသည် လုပ်ငန်းလိုအပ်ချက်အရ သန့်ရှင်းရေးဌာနတွင် တွဲဖက်တာဝန်ထမ်းဆောင်နေရဆဲပင်။ 

နောင် ငါးလကြာပြီးချိန်တွင် ဦးစိုးဝင်းတစ်ယောက် လုပ်သက်ပြည့်ပင်စင်ယူရတော့မည်။ သို့သော် မန္တလေးမြို့တော်စည်ပင်သာယာရေးကော်မတီရှိ ဌာနတစ်ခုက တာဝန်ထမ်းဆောင်ရန် ကမ်းလှမ်းထားသည်။ အကယ်၍ အလုပ်မရှိပါက ဘာသာရေးအလုပ်ကိုသာ လုပ်တော့မည်ဟုဆိုသည်။

ပင်စင်မယူခင် ငါးလတာကာလအတွင်း မန္တလေးမြို့တော်ရှိ လမ်းမများပေါ်တွင် မြောင်းဆယ်၊ အမှိုက်ကျုံးလုပ်ငန်းများကို ဦးစိုးဝင်းတစ်ယောက် ကြီးကြပ်နေသည်ကို တွေ့မြင်ရဦးမည်မှာအမှန်ပင်။

အေးစုမွန်