News

POST TYPE

ARTICLE

ဗိုလ်ချုပ်တစ်သောင်း အပြည့်လောင်းသော်
08-Jul-2018



နောက်အနှစ် ၂၀ မှာ မြန်မာပြည်ဟာ စင်ကာပူကိုမကျော်ရင် ဘယ်သူ တရားခံဖြစ်မယ်ထင်လဲ။ အများစုက စင်ကာပူကို ကျော်မယ်လို့ပြောခဲ့တဲ့ အမေစုကို အပြစ်တင်ကြမှာပေါ့။

တကယ်တော့မဟုတ်။ တကယ့်တရားခံတွေက ဗိုလ်ချုပ်ရုပ်တုကို ကန့်ကွက်ကြတဲ့လူတွေပဲ။ ဘာလို့ ကန့်ကွက်လဲဆိုတော့ တဘောင်တစ်ခုကို မကြားဖူးလို့နေမှာ။

အခုရက်ပိုင်း ထိုင်းကလေးတွေနဲ့အပြိုင် ခေတ်စားနေတာကတော့ ဗိုလ်ချုပ်အောင်ဆန်းကြေးရုပ်ပေါ့။ တကယ်တော့လည်း ဗိုလ်ချုပ်အောင်ဆန်းရုပ်တုတွေ ခေတ်စားလာတာ ၂၀၁၂ လောက်ကတည်းကပဲ။ ဒါပေမဲ့ ၂၀၁၆ နောက်ပိုင်းမှာတော့ ပိုခေတ်စားလာတယ်။

ဘယ်လောက်ခေတ်စားလဲဆိုရင်... အရင်ခေတ်က ကြံ့ခိုင်ရေးတွေလမ်းခင်းပေးသလိုကို ခေတ်စားတာ။ တချို့မြို့နယ်တွေကျတော့ လမ်းကို တစ်ခြမ်းပဲ ခင်းပြီး ကမ္ပည်းထိုးတယ်။ အခုဆို ဗိုလ်ချုပ်လည်း အဲ့လိုပဲပေါ့။

အခုဗိုလ်ချုပ်ကတော့ အဲ့လိုမဟုတ်ပါဘူး။ သူ့ကိုတော့ လူတိုင်းက စေတနာရှိကြတယ်။ တစ်ဝက်ပဲ မထုဘူး။ အပြည့်ထုတယ်။ ပြည့်လွန်းလို့ အချို့ရပ်ကွက်တွေဆို ဗိုလ်ချုပ်ရုပ်တုက နှစ်ခုဖြစ်နေတာတောင် ရှိတယ်။ ဘာလို့လဲဆိုတော့ ဗိုလ်ချုပ်ကို မဲဆွယ်ဖို့ပဲ အသုံးပြုတာမှ မဟုတ်တာ။

အခုလို ဗိုလ်ချုပ်ရုပ်တွေများနေတာကို ဗိုလ်ချုပ်သာသိရင် ဘယ်လောက်ဝမ်းသာလိုက်မလဲ။ သူ့ရုပ်တုတွေအများကြီးရှိနေတာကိုမြင်ရင် တော်တော်သဘောကျမှာ။ ငါ့ကို ပြည်သူတွေ တော်တော်ချစ်ကြပါလားလို့တွေးပြီး ပျော်နေမယ်ထင်တယ်။

ပြီးတော့ ဗိုလ်ချုပ်ဟာလည်း လီနင်တို့၊ စတာလင်တို့စာတွေ ဖတ်ခဲ့သူမို့ သူတို့ကို သဘောကျမှာပဲ။ဆိုဗီယက်ယူနီယံကြီး ရှိတုန်းကဆိုရင်လည်း လီနင်ရဲ့ရုပ်တုတွေက နေရာအနှံ့။ အဲ့ဒါတွေကိုတောင် ဗိုလ်ချုပ်က အားကျခဲ့ရင်အားကျခဲ့မှာ။ အခုဆို ဗိုလ်ချုပ်တို့ သဘောကျခဲ့တဲ့ လီနင်အတိုင်း ဗိုလ်ချုပ်ရုပ်တုတွေ နေရာအနှံ့။ အဲ... ဆိုဗီယက်ကြီးပြိုကွဲတော့ လီနင်လည်း မြေခတာပေါ့လေ။

ဖြစ်နိုင်ရင်တော့ ဗိုလ်ချုပ်ရုပ်တုတွေကို လမ်းတိုင်းမှာ ထားသင့်တယ်လို့တောင်မြင်မိတယ်။ ဒီတော့မှပဲ ဗိုလ်ချုပ်ကိုနေ့တိုင်းမြင်ပြီး ဗိုလ်ချုပ်ပြောခဲ့တဲ့စကားတွေကို ကြားယောင်နေမှာမဟုတ်လား။ ပြောတဲ့အတိုင်း လိုက်လုပ်တာ မလုပ်တာကတော့ တစ်ပိုင်းပေါ့လေ။ ဗိုလ်ချုပ်ကို နေတိုင်းမြင်ရတော့ အားလည်းရှိတာပေါ့။ ပြီးတော့ ဗိုလ်ချုပ်ရုပ်တုနေရာမှာ ဒီအတိုင်းပဲလည်း မထားသင့်ဘူး။ ဗိုလ်ချုပ်ပြောခဲ့တဲ့ မိန့်ခွန်းတွေကို လော်စပီကာကြီးနဲ့ နေ့တိုင်းဖွင့်သင့်တယ်။ ဒါမှ ဗိုလ်ချုပ်ပြောခဲ့တာတွေကို မှတ်မိမှာမဟုတ်လား။

တကယ်တော့ လမ်းတိုင်းမှာထားတာထက်စာရင်တော့ အိမ်တိုင်းမှာ ဗိုလ်ချုပ်ရုပ်တုရှိရင်တော့ အကောင်းဆုံးပေါ့လေ။ အဲ့လို အိမ်တိုင်းမှာ ဗိုလ်ချုပ်ရုပ်တုထားလို့လည်း ပြည်သူတွေ ပိုပြီးမဆင်းရဲသွားပါဘူး။ ဆင်းရဲလွန်းလို့ ဗိုလ်ချုပ်ရုပ်တု မဝယ်နိုင်ဘူးဆိုရင်လည်း ပရဟိတအဖွဲ့တွေ ရှိတာပဲ။ အိမ်တိုင်းကို ဗိုလ်ချုပ်ရုပ်တုတွေဝေပေးပေါ့။ ဒါမှမဟုတ်လည်း အခု အစိုးရကလည်း ဗိုလ်ချုပ်ရဲ့သမီး ဒေါ်အောင်ဆန်းစုကြည်ဦးဆောင်နေတာပဲ။ အစိုးရကိုယ်တိုင် ဦးဆောင်ပြီး အိမ်တိုင်း ဗိုလ်ချုပ်ရုပ်တုမထားမနေရ အမိန့်ထုတ်လိုက်ရင် ပိုအဆင်ပြေတာပေါ့။

အိမ်မှာတောင် ဘုရားစင်တွေ ထားကြသေးတာပဲ။ တချို့ဆို နတ်တွေလည်း ထားကြတယ်လေ။ အိမ်တွင်းအုန်းကလည်း ရှိကြတာပဲ။ ဗိုလ်ချုပ်အတွက် တစ်နေရာပေးလိုက်လို့ ပိုပြီးမထူးပါဘူး။ ဒါဆို အခု အစိုးရလုပ်နေတဲ့ ဒေါ်အောင်ဆန်းစုကြည်လည်း သဘောကျမှာ အမှန်ပဲ။

အခုမှ ဗိုလ်ချုပ်ရုပ်တုကို အုံနဲ့ကျင်းနဲ့လုပ်ကြတာကို အချို့က အမြင်မကြည်ဘူး။ ဘာလို့လဲဆိုတော့ အရင်စစ်အစိုးရခေတ်တစ်လျှောက်လုံး ဗိုလ်ချုပ်ကို ပျောက်ကွယ်အောင်လုပ်ခဲ့ကြတာကိုး။ အဲ့တုန်းက စိတ်ထဲမှာပဲကိန်းအောင်းခဲ့ရတဲ့ဗိုလ်ချုပ်ကို ချစ်ခင်မြတ်နိုးလေးစားအားကျစိတ်တွေဟာ အခုမှပဲပွင့်ထွက်လာခွင့်ရှိတော့တယ်။ ပွင့်ထွက်လာတော့လည်း အုံနဲ့ကျင်းနဲ့ ပွင့်ထွက်လာရတာဆိုတော့ တချို့မကြည်သူတွေကတော့ အပိုတွေလုပ်နေတယ်ထင်မှာပဲလေ။

ဘယ်သူတွေ ဘယ်လိုပဲထင်ထင် ကိုယ်လုပ်ချင်ရာကို ဆက်လုပ်ရမှာပဲလေ။ အဲ့ဒါကြောင့် ကယားမှာ ဗိုလ်ချုပ်ရုပ်တုမထားဖို့ ကန့်ကွက်ကြတဲ့လူတွေကို တရားစွဲတာကိုလည်း သဘောကျတယ်။ ဗိုလ်ချုပ်ရုပ်တု ကယားမှာထားဖို့ ဆက်လုပ်မှာကိုလည်း ထောက်ခံမိတယ်။ ကယားမှာတင်မက နေပြည်တော်မှာလည်း ဗိုလ်ချုပ်ရုပ်တုထားမယ်လို့ ကြားတယ်။ အဲ့ဒါကိုလည်း ထောက်ခံတာပဲ။

ဒါပေမဲ့ တစ်ခုတော့ရှိတယ်။ ဗိုလ်ချုပ်က မြို့တွေပေါ်မှာ ပိုများနေတယ်။ ဖြစ်နိုင်ရင် တောရွာတွေမှာလည်း လုပ်သင့်တယ်။ စိုပြေတို့ရွာမှာဆို ဗိုလ်ချုပ်ရုပ်တုမရှိသေးဘူး။ ရွာကဆင်းရဲတော့ သိန်းရာချီလည်း အကုန်မခံနိုင်ဘူးလေ။

ဖြစ်သလိုလုပ်လိုက်လို့ရပေမယ့် ဖေ့စ်ဘွတ်ခ်ပေါ် တက်လာတဲ့ပုံတွေလို ခေါင်းကြီးကိုယ်သေး ဗိုလ်ချုပ်၊ အရပ်ပုတဲ့ဗိုလ်ချုပ်၊ ရုပ်ဆိုးတဲ့ဗိုလ်ချုပ်ပုံတွေဖြစ်ကုန်မှာစိုးရိမ်မိတယ်။ ဒါကြောင့် အစိုးရ ဘယ်တော့လာလှူမလဲလို့ စောင့်နေတာ။ မြို့ပေါ်တွေကို ဦးစားပေးရတယ်ထင်ပါရဲ့။

တချို့ကတော့ပြောကြတယ်။ ဗိုလ်ချုပ်ရုပ်တု လုပ်တာဟာ အစိုးရပိုက်ဆံနဲ့မဟုတ်ပါဘူးတဲ့။ မှန်ပါတယ်။ ဒါပေမဲ့ ဗိုလ်ချုပ်ရုပ်တုလုပ်ရအောင်ဆိုပြီး အစိုးရဖွဲ့ခွင့်ရတဲ့ပါတီက အလှူငွေကောက်မှတော့ တိုက်ကွန်းသူဌေးကြီးတွေကလည်း လှူပြီလေ။ ဒါကြောင့် စိုပြေတို့ရွာဘက်ကိုလည်း ဗိုလ်ချုပ်လာခဲ့ပါဦးလို့ ဖိတ်ခေါ်ပါရစေ။

တချို့ကလည်း အစိုးရက ဗိုလ်ချုပ်အတွက်ပဲ လုပ်နေတယ်ဆိုပြီး အပြစ်တင်ကြတယ်။ တကယ်တော့လည်း မတင်သင့်ပေ။ အဲ့လိုတင်သူတွေဟာ တဘောင်ကိုမကြားဖူးတဲ့လူတွေမို့သာ အပြစ်တင်ကြတာ။

တဘောင်တစ်ခုရှိပါတယ်။ အဲ့တဘောင်ကို ကြားဖူးသူတော်တော်ရှားတယ်။ အာဏာရပါတီက လူတချို့နဲ့ အမေစုတို့လောက်ပဲ သိမယ်ထင်တယ်။ စိုပြေတောင်မှ ပါတီဝင်တစ်ယောက်ပြောပြလို့ကြားဖူးတာ။

တဘောင်ပေါ်တာ တော်တော်ကြာပြီပြောတယ်။ ဘယ်လောက်ကြာပြီလဲတော့ မသိဘူး။

“ဗိုလ်ချုပ်တစ်သောင်း အပြည့်လောင်းသော် ပြည်ကြီးမြန်မာ စည်ပင်သာ၍ စင်ကာပူကို ကျော်လတ္တံ” တဲ့။

ဒီစာထဲကအတိုင်းဆို ဗိုလ်ချုပ်ပုံကြေးရုပ်တွေ သွန်းလောင်းရမယ်ကို ဆိုလိုတာဖြစ်မယ်။ ဗိုလ်ချုပ်ကို ကမ္ဘာ့ဖလားပွဲမှာ လောင်းခိုင်းတာမဟုတ်လောက်ဘူး။ အခုဆို မြန်မာပြည်မှာ ဗိုလ်ချုပ်ရုပ်တုတွေ ဘယ်လောက်ရှိနေပြီလဲဆိုတာ သေချာမသိပေမယ့် တော်တော်တော့များနေလောက်ပြီ။ တစ်သောင်းတော့ မပြည့်လောက်သေးဘူး။ ဒီနှုန်းအတိုင်းသာ ဗိုလ်ချုပ်ကြေးသွန်းရုပ်တွေကို ဆက်လက်လုပ်ဆောင်မယ်ဆိုရင် အနှစ် ၂၀ အတွင်း အရုပ်တစ်သောင်းတော့ ပြည့်မှာပဲ။ ဒါဆို မြန်မာပြည်ကြီးဟာ တဘောင်ထဲကအတိုင်း စင်ကာပူကိုကျော်မှာပဲ။

အဲ့တော့ တဘောင်ကိုကြားဖူးနေတဲ့လူတွေဟာ ဗိုလ်ချုပ်ရုပ်တု တစ်သောင်းပြည့်အောင် မြန်မြန်လုပ်နေကြရတာ။ ဒါကို ကန့်ကွက်နေကြတယ်ဆိုတော့ မြန်မာပြည်ကြီး စင်ကာပူကိုကျော်မှာ မလိုလားတဲ့လူ တွေပဲဖြစ်ရမယ်။

ဒါကြောင့် နောင်အနှစ် ၂၀ မှာ မြန်မာပြည်စင်ကာပူကိုမကျော်ရင်တော့ ကန့်ကွက်သူတွေအပြစ်ပဲ။ တစ်ခုတော့ရှိတယ်။ တဘောင်ကို ဘယ်ကကြားရလဲဆိုရင် သဘင်သည်၊ ကလေးနဲ့ အရူးတွေဆီကြားရလေ့ရှိတယ်တဲ့။

စိုပြေ