News

POST TYPE

ARTICLE

ထရမ့် - ကင် ထိပ်သီးနှင့် တရုတ်အခန်းကဏ္ဍ မေးခွန်းကြီးသုံးခွန်း
13-Jun-2018 tagged as



အမေရိကန်နှင့်မြောက်ကိုရီးယား၏ သမိုင်းဝင်ဆွေးနွေးပွဲတွင် တရုတ်၏အခန်းကဏ္ဍသည် နှစ်ဖက်စလုံးက လက်ရှောင်ချင်ကြသည့် အကြောင်းအရာဖြစ်သည်။

ဘေဂျင်းသည် ပြုံယမ်း၏ တစ်ဦးတည်းသောအရေးပါသည့် ကာလရှည်မဟာမိတ်ဖြစ်သလို ဝါရှင်တန်၏ အားအကောင်းဆုံး ကာလရှည် မဟာဗျူဟာပြိုင်ဘက်လည်းဖြစ်သည်။

ထိုကြောင့်ပင် ဒေါ်နယ်ထရမ့်နှင့် ကင်ဂျုံအန်းအကြားရရှိသည့် သဘောတူညီချက် တစ်စုံတစ်ရာ အထမြောက်အောင်မြင်နိုင်ခြင်းရှိ၊ မရှိ ဆုံးဖြတ်ရာတွင် တရုတ်က အဓိကအခန်းကဏ္ဍမှ ပါဝင်နေသည်။ 

ခေါင်းဆောင်နှစ်ဦး၏ ဇာတ်ခုံပေါ်မှ သရုပ်ဆောင်မှုများကိုသာ အဓိကမီးမောင်းထိုးပြနေချိန်တွင် ဇာတ်ခုံနောက်ကွယ်တွင် ပုံးလျှိုးနေသော အဓိကဇာတ်ကောင်တစ်ဦး ရွှေ့မည့်အကွက်နှင့် ခင်းကျင်းမည့်ဇာတ်လမ်းကိုလည်း မေ့လျော့မထားရန် အရေးကြီးသည်ဟု ဆိုနိုင်သည်။ နောက်ကွယ်မှ အဓိကဇာတ်ကောင် တရုတ်နှင့် ပတ်သက်သောမေးခွန်းကြီးသုံးခွန်း အဖြေရှာကြည့်ရန် လိုအပ်နေသည်။

တရုတ်လိုချင်တာဘာလဲ

တစ်လုံးတည်းပြောရလျှင် “တည်ငြိမ်မှု” ဖြစ်သည်။

အခြားနည်းလှည့်ပတ်ပြောရလျှင် တရုတ်သည် သူ့နယ်စပ်တွင် အန္တရာယ်များလှသော နျူကလီးယားမူဝါဒမျိုး ထပ်မမြင်ချင် မတွေ့ချင်တော့ဟု ဆိုရမည်ဖြစ်သည်။

မြောက်ကိုရီးယား၏ မိမိကိုယ်ကိုယ် အထင်ရောက်မှုနှင့် ယုံမှား သံသယ လွန်ကဲမှုကိုလည်း ကောင်းကောင်းကြီး နားလည်ထားသည်။ ဝါရှင်တန်မှ ထင်သလိုလုပ်တတ်သောသမ္မတကိုလည်း မယုံကြည်နိုင်သေး။

စစ်ဘက်ဆိုင်ရာ အတွက်လွဲမှု၊ တင်းမာမှုဆီသို့ ဦးတည်သွားစေနိုင်သော နောက်ထပ်စကားလုံး စစ်ပွဲမျိုးကိုလည်း တရုတ်ဘက်စိုးရိမ်နေသည်မှာ ထင်ရှားပါသည်။

ထိုအချက်များကို ထည့်တွက်လိုက်လျှင် သံတမန်ရေးနှင့် တွေ့ဆုံဆွေးနွေးမှုလမ်းကြောင်းပေါ် ပြန်ရောက်လာခြင်းသည်ပင် တရုတ်ဘက်ကကြည့်လျှင် အဆင်ပြေသည့်ကိစ္စဟု မှတ်ယူစရာရှိနေသည်။

ကင်ဂျုံအန်းက သူခက်ခက်ခဲခဲရယူထားရသော နျူကလီးယား အရန်အတားကို တစ်ဖက်သတ် သူ့သဘောနှင့်သူ လွယ်လွယ်စွန့်လွှတ်လေမလားဆိုသော ဖြစ်တန်စွမ်းမှာမူ နည်းပါးလွန်းနေသည်။ ဥပမာ-ကိုရီးယား ကျွန်းဆွယ်တစ်ဝိုက်ရှိ အမေရိကန်စစ်အင်အားလျှော့ချပေးမည် စသဖြင့် ကင်ကသာ ထရမ့်ဆီမှ အလျှော့ပေးမှုတစ်စုံတစ်ရာ ကတိရလျှင်ပင် တရုတ်အတွက် အမြတ်ဟုဆိုနိုင်သည်။

မြောက်ကိုရီးယားအပေါ် တရုတ်ဩဇာဘယ်လောက်လွှမ်းမိုးသလဲ

အပြည့်အဝမဟုတ်သော်လည်း အတိုင်းအတာတစ်ခုအထိ ကြီးကြီးမားမား လွှမ်းမိုးမှုရှိသည်ဟု ပြောနိုင်သည်။

မြောက်ကိုရီးယား၏ပြင်ပကမ္ဘာနှင့် ကုန်သွယ်ရေး ၉၀ ရာခိုင်နှုန်းမှာ တရုတ်နှင့် ကုန်သွယ်ခြင်းဖြစ်သည်။ သို့သော်လည်း ယခုဆွေးနွေးပွဲ စားပွဲဝိုင်းပေါ် မြောက်ကိုရီးယားကို တရုတ်က ဆွဲတင်ခဲ့ခြင်းမဟုတ်။

တရုတ်သည် သူ့အိမ်နီးချင်းအပေါ် အတင်းကျပ်ဆုံးအရေးယူ ပိတ်ဆို့မှုများ ချမှတ်မှုတွင် လက်မှတ်ထိုးပေးခဲ့သည်ဆိုသော်လည်း မြောက်ကိုရီးယားကို ပို၍အထီးကျန်စေပါက၊ နျူကလီးယားအရန်အတားကို ပိုမိုအားကိုးရန် တွန်းပို့သလိုဖြစ်စေမည်ဟုလည်း သတိပေးမှုများရှိခဲ့သလို အတတ်နိုင်ဆုံး ကာကွယ်ပေးခဲ့သူဖြစ်သည်။ 

တရုတ်၏ အရေးယူပိတ်ဆို့မှုများသည် အဓိကအားဖြင့် တရုတ်၏ ရည်ရွယ်ချက်များ အထမြောက်ရန်အတွက်သာဖြစ်သည်။ အကန့်အသတ်ဖြင့် အရေးယူပိတ်ဆို့ခြင်းမှာ တရုတ်အကျိုးစီးပွားများကို လုံးလုံးလျားလျား မျက်ကွယ်မပြုရန် မြောက်ကိုရီးယားကို သတိပေးခြင်းသာဖြစ်သည်။

တရုတ်က မြောက်ကိုရီးယားကို အရမ်းကာရော မနှိပ်ကွပ်ခြင်းမှာ အကြောင်းရှိသည်။ မြောက်ကိုရီးယားလက်ထဲ နျူကလီးယားလက်နက်ရှိနေခြင်းအပေါ် ပူပန်ရသည်ထက် မြောက်ကိုရီးယားစီးပွားရေးပြိုလဲပြီး တရုတ်ပြည်ထဲသို့ မြောက်ကိုရီးယားသား အမြောက်အမြား ခိုလှုံလာခြင်း အပါအဝင် နယ်စပ်တွင် ဝရုန်းသုန်းကားဖြစ်မည့် အခြေအနေများ ဖြစ်လာမည်ကို တရုတ်က ပိုစိုးရိမ်သည်။

ကင်ကလည်း ထရမ့်နှင့် စင်ကာပူတွင် လာတွေ့ခြင်းမှာ သူ့ အကွက်နှင့်သူ ဖြစ်သည်။ အထူးသတိပြုရမည်မှာ ကင်သည် ထရမ့်နှင့် မတွေ့မိ တရုတ်သမ္မတ ရှီကျင့်ဖျင်နှင့် လွန်ခဲ့သော သုံးလက ပထမဆုံးအကြိမ် တွေ့ဆုံခဲ့သလို နောက်တစ်ကြိမ်လည်း ထပ်တွေ့ထားသည် ဆိုသောအချက်ဖြစ်သည်။

ထရမ့်နှင့် ကင်တွေ့မည်ဟု ကြေညာချက်ထွက်အပြီးတွင်မှ တရုတ်က ကင်ကို နှစ်ကြိမ်တိုင်တိုင် ခေါ်တွေ့ခဲ့ခြင်းဖြစ်သည်။ ယင်းမှာ တရုတ်သည် ဘေးထွက်ထိုင်နေရမည်ဆိုသောကြောင့် သံတမန်ရေးအရ ပျာယာခတ်သွားခဲ့ခြင်းလားဟု မေးခွန်းထုတ်မှုများရှိနေသည်။ တရုတ်က မြောက်ကိုရီးယားအပေါ် ပိတ်ဆို့ထားမှုများ ချက်ချင်းဆိုသလို ဖြေလျှော့လာသည်ဟုလည်း သုံးသပ်မှုများရှိနေသည်။ 

ထရမ့်ကလည်း တရုတ်ဝင်စွက်သည်ဆိုသည့် သဘောမျိုးပြောထားတာရှိနေသည်။ “ကျုပ်ပြောရရင် နည်းနည်းတော့ စိတ်ပျက်မိတယ်။ ဘာလို့လဲဆိုတော့ ကင်ဂျုံအန်းက သမ္မတရှီနဲ့လည်းတွေ့ပြီးရော ကင်ဂျုံအန်းရဲ့ ရပ်တည်ချက် သဘောထားနည်းနည်းပြောင်းသွားတယ်။ အဲဒါတော့ ကျုပ်မကြိုက်ဘူး” ဟု ထရမ့်က ဝေဖန်ခဲ့ဖူးသည်။

ထိပ်သီးဆွေးနွေးပွဲရလဒ် မအောင်မြင်လျှင် တရုတ်ဘာဆက်လုပ်မလဲ

တရုတ်ဘက်ကကြည့်လျှင် အမေရိကန်နှင့် မြောက်ကိုရီးယား အကြားသဘောတူစာချုပ်၊ လမ်းပြမြေပုံ၊ တစ်ရင်းတစ်နှီးလက်ဆွဲနှုတ်ဆက်မှု၊ အကြမ်းဖျင်း အစီအစဉ် ဘာမဆိုအောင်မြင်သည်ဟု ယူဆနိုင်သည်။ ဆွေးနွေးပွဲဆက်လုပ်ဖြစ်လျှင်ပင် တရုတ်က ကျေနပ်ဖွယ်ရှိနေသည်။

တရုတ်ရှုထောင့်ကကြည့်လျှင် ငယ်ရွယ်သောမြောက်ကိုရီးယားခေါင်းဆောင်နှင့်ပတ်သက်ပြီး စိတ်ဝင်စားစရာအချက်မှာ နျူကလီးယား ဖျက်သိမ်းရေးကိစ္စ ဆွေးနွေးမှုမဟုတ်ဘဲ ပြည်တွင်းစီးပွားရေး ပြုပြင်ပြောင်းလဲရန် ကြိုးပမ်းမှုများသာဖြစ်သည်။

ပြီးခဲ့သည့်လက ဘေဂျင်းသို့ လာရောက်ခဲ့သော မြောက်ကိုရီးယားအကြီးတန်းကိုယ်စားလှယ်အဖွဲ့သည် တရုတ်၏ ပြည်တွင်းစီးပွားရေး ဖွံ့ဖြိုးမှုများကို လေ့လာလိုကြောင်း ပြောကြားခဲ့သည်ဟု တရုတ်နိုင်ငံခြားရေး ဝန်ကြီးဌာနက တရားဝင်ထုတ်ပြန်ထားသည်။

ဤသည်ပင် တရုတ်လိုလားသောပုံစံဖြစ်သည်။

မြောက်ကိုရီးယားနှင့် သူ၏သိပ်များများစားစားမရှိလှသော နျူကလီးယားလက်နက်များအရေးသည် ဘယ်တော့မှ မဆုံးနိုင်သည့် လက်နက်ဖျက်သိမ်းရေးညှိနှိုင်းပွဲများတွင် လိပ်ခဲတည်းလည်းဖြစ်နေသည်ကို မြင်ရသည်မှာ တရုတ်ဘက်ကကြည့်လျှင် ပြဿနာမဟုတ်ပေ။ မြောက်ကိုရီးယားတွင် အခြေခံအဆောက်အအုံများ တည်ဆောက်ရေးနှင့် ကုန်သွယ်ရေးတိုးချဲ့ခြင်းဖြင့် တရုတ်စီးပွားရေးလုပ်ငန်းများ ကိုယ့်အလုပ် ကိုယ်လုပ်နိုင်ရေးကသာ အဓိကကျနေသည်။

ယင်းမှာ တင်ပို့ရန် ဖန်တီးထားသော “တရုတ်အိပ်မက်” ဖြစ်ပြီး၊ တည်ငြိမ်မှုဖြင့် သာယာဝပြောရေးကို ရှည်ကြာသော အာဏာရှင်စနစ်အောက်တွင် အစီအမံကောင်းဖြင့် ဆောင်ရွက်ခြင်းကလည်း အဆင်ပြေသည့်ကိစ္စဟု ယူဆဖွယ်ရှိနေသည်။

“ဒီဆွေးနွေးပွဲမှာ နျူကလီးယားအရေး အဆင်ပြေတိုးတက်သည်ဖြစ်စေ၊ မတိုးတက်သည်ဖြစ်စေ တရုတ်က ပိုအရေးကြီးတဲ့ ရေရှည်မဟာဗျူဟာချထားပြီးသားပါ။ ဒါကတော့ မြောက်ကိုရီးယားစီးပွားရေး တိုးတက်အောင် ကူညီဖို့နဲ့ အထီးကျန် အပယ်ခံနိုင်ငံ ဘဝကနေ ပုံမှန်တံခါးဖွင့် နိုင်ငံတစ်နိုင်ငံဖြစ်လာရေးမှာ ကူညီပေးဖို့ပါ” ဟု ဘေဂျင်းရှိ ကာနက်ဂျီ- ဆင်ဟွာစင်တာမှ မြောက်ကိုရီးယားအရေးကျွမ်းကျင်သူ ကျိုးတောင်က သုံးသပ်သည်။

ထိပ်သီးဆွေးနွေးပွဲ အဆင်မပြေဖြစ်ပြီး အမေရိကန်ကအကန့် အသတ်ဖြင့်တိုက်ခိုက်မည်ဟု ခြိမ်းခြောက်သည့်အဆင့် ပြန်ရောက်သွားလျှင်ပင် တရုတ်ကသူ့ သူ့အစီအစဉ်အတိုင်း သူဆက်သွားမည်သာ ဖြစ်သည်။ (နောက်ဆုံးရသတင်းများအရ ဆွေးနွေးပွဲပြေလည်သော် လည်းခန့်မှန်းထားကြသည့်အတိုင်း ယေဘုယျဆန်သောသဘောတူညီချက်များနှင့်သာ ပြီးသွားခဲ့သည်)

နျူကလီးယားလက်နက်ပိုင်သွားပြီဖြစ်သည့် မြောက်ကိုရီးယားသည် ယခုအခါ သံကြီးတမန်ကြီးအသွင်ဆောင်နိုင်ရန် ကြိုးစားနေသည်။ မြောက်ကိုရီးယား၏ ထိန်းထိန်းသိမ်းသိမ်းဖြစ်လာသည့် အပြုအမူသည် တရုတ်ကိုကန်ပြီး အမေရိကန်ကို ကပ်ရန်ကြိုးပမ်းခြင်းမဟုတ်ဘဲ ဆွေးနွေးမှု အဆင်မပြေဖြစ်လာခဲ့လျှင်ပင် ကင်ကို မည်သူမျှ လက်ညှိုးမထိုးဘဲ ထရမ့်ကိုသာ လက်ညှိုးထိုးကြမည်ကို သိထား၍ဖြစ်သည်။

“အမေရိကန်သာ ဆွေးနွေးပွဲက ထွက်သွားပြီး အဆုံးစွန်ဖိအားပေးတဲ့ လှုပ်ရှားမှုကိုပြန်လုပ်ရင် သံတမန်ရေးကျဆုံးမှုအတွက် တရုတ်က အမေရိကန်ကိုပဲ အပြစ်တင်မှာ” ဟု ကျိုးတောင်က သုံးသပ်သည်။

တရုတ်က အေးအေးဆေးဆေး ဘေးမှာထိုင်ကြည့်နေခြင်းသာ ဖြစ်သည်။ စင်ကာပူထိပ်သီးဆွေးနွေးပွဲ ဘယ်လိုရလဒ်ထွက်ထွက် တရုတ်အတွက် အကျိုးမယုတ်ပေ။ ဩဇာတိုးဖို့သာ ရှိနေသည်။

ဇေဝင်းနောင်

  • TAGS