News

POST TYPE

ARTICLE

မြန်မာ့တပ်မတော် အကြီးစား စစ်ရေးလေ့ကျင့်မှုနောက်ကွယ်
13-Feb-2018 tagged as တပ်မတော်


ဇေဝင်းနောင်ဘာသာပြန်သည်

ဆယ်စုနှစ် နှစ်စုကျော်အတွင်း ပထမဆုံး ကြည်း၊ ရေ၊ လေ သုံးပွင့်ဆိုင် စစ်ရေးလေ့ကျင့်မှုကို ကျယ်ပြန့်သော ရှုထောင့်မှ သုံးသပ်ကြည့်ရန် လိုအပ်သည်။

ဖေဖော်ဝါရီလ ၂ ရက်နေ့မှ ၄ ရက်နေ့အထိ မြန်မာ့တပ်မတော်သည် ဆယ်စုနှစ် နှစ်စုကျော်အတွင်း ပထမဆုံး ကြည်း၊ ရေ၊ လေ သုံးပွင့်ဆိုင် စစ်ရေးလေ့ကျင့်မှု ပြုလုပ်ခဲ့သည်။ တပ်မတော်၏ ပြုမူဆောင်ရွက်ချက်များအပေါ် နိုင်ငံတကာက စိစစ်စောင့်ကြည့်မှုများ ဆက်ရှိနေသည့်ကြားမှ ယခုစစ်ရေးလေ့ကျင့်မှုသည် ခေတ်မီ တပ်မတော်ဖြစ်လာစေရေး ရည်မှန်းချက်ကို အားဖြည့်ပေးသည့် လှုပ်ရှားမှုဖြစ်သည်။

မြန်မာ့တပ်မတော်သည် အင်အား ၄ သိန်းဝန်းကျင်ရှိပြီး စာအုပ်ကြီးအတိုင်းဆိုရလျှင် အရှေ့တောင်အာရှမှ အင်အား အကောင်းဆုံး စစ်တပ်များ အနက်မှတစ်ခုဟု ဆိုနိုင်သော်လည်း စွမ်းဆောင်ရည်ပိုင်းအရ ကြည့်လျှင်မူ အိမ်နီးချင်းနိုင်ငံအချို့ထက် သိသိသာသာ နောက်ကျလျက်ရှိသည်။ ထိုအခြေအနေမှန်ကို အသိအမှတ်ပြုသည့်အနေနှင့် မြန်မာ့ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် မကြာသေးမီက သူ့အသုံးအနှုန်းအရဆိုပါက “Standard Army” ဖြစ်လာစေရန် ဖွံ့ဖြိုးရေးနှင့် ဖွဲ့စည်းတည်ဆောက်ပုံပိုင်း ခေတ်မီအောင် ဆောင်ရွက်ရေးကို အာရုံစိုက်လာခဲ့ပြီး၊ လက်နက်သစ်များ ဝယ်ယူခြင်း၊ ပြည်ပစစ်တပ်များနှင့် ဆက်ဆံရေး ထူထောင်ခြင်း အပါအဝင် ခြေလှမ်းမျိုးစုံ လှမ်းလာခဲ့သလို စစ်သား စုဆောင်းရေးနှင့် လေ့ကျင့်သင်ကြားရေး ကဲ့သို့သော နယ်ပယ်များတွင် အဆင့်မြှင့်တင်နိုင်ရန်လည်း ကြိုးစားလာခဲ့သည်။

ရာစုနှစ်ဝက်အတွင်း မြန်မာနိုင်ငံ၏ ပထမဆုံး အရပ်သား ဦးဆောင်သော အစိုးရရွေးကောက်ပွဲနိုင်ပြီး တက်လာခြင်း၊ ရခိုင်ပြည်နယ်မှ ဘင်္ဂါလီများအပေါ် ဆက်ဆံမှုနှင့်ပတ်သက်ပြီး နိုင်ငံတကာက စိစစ်စောင့်ကြည့်လာခြင်းတို့ကြောင့် လုပ်ငန်းစဉ်အချို့ ရှုပ်ထွေးသွားသည့်တိုင် တပ်မတော်သည် ယနေ့အထိ အဆိုပါ ရည်မှန်းချက်များကို ဆက်လက် အကောင်အထည် ဖော်နေဆဲဖြစ်သည်။ ယင်းတွင် ကဏ္ဍမျိုးစုံပါဝင်ပြီး လုပ်ဆောင်ဆဲ ကိစ္စဖြစ်သည့်တိုင် စစ်ရေးလေ့ကျင့်မှု သို့မဟုတ် ကြည်း၊ ရေ၊ လေ တပ်များ၏ အထိမ်းအမှတ် အခမ်းအနားများတွင် တပ်မတော်၏ စွမ်းဆောင်ရည်ပိုင်းနှင့် ပတ်သက်ပြီး နိုင်ငံတကာက အာရုံစိုက်မိလေ့ ရှိသည်။ ဥပမာပေးရလျှင် ပြီးခဲ့သည့် ဒီဇင်ဘာလက လေတပ် နှစ် (၇၀) ပြည့် အခမ်းအနားမျိုးဖြစ်သည်။

ပြီးခဲ့သည့် ရက်သတ္တပတ်ကုန် သတင်းခေါင်းကြီးများတွင် နောက်ထပ် နေရာယူစရာ လှုပ်ရှားမှုတစ်ရပ်မှာ ဆင်ဖြူရှင်ဟု အမည်ပေးထားသော ဆယ်စုနှစ် နှစ်စုကျော်အတွင်း ပထမဆုံး အကြီးစား ကြည်း၊ ရေ၊ လေ ပူးပေါင်းစစ်ရေး လေ့ကျင့်မှုကို အကောင်အထည် ဖော်နိုင်ခဲ့ခြင်းဖြစ်သည်။ တရုတ်၊ ထိုင်းတို့နှင့် စစ်ဆင်နွှဲခဲ့ခြင်းကြောင့် ထင်ရှားသော ဆင်ဖြူရှင်မင်း၏ အမည်ပေးထားသည့် အဆိုပါ စစ်ရေးလေ့ကျင့်မှုမှာ သုံးရက်ကြာမြင့်ခဲ့ပြီး အနောက်တောင် တိုင်းစစ်ဌာနချုပ် ပုသိမ်တပ်နယ်တွင် ပြုလုပ်ခဲ့ခြင်းဖြစ်သည်။

ပြည်တွင်း သတင်းရင်းမြစ်များ၏ ဖော်ပြမှုအရ စစ်ရေးလေ့ကျင့်မှုတွင် စစ်သည် ၈၀၀၀ ကျော် ပါဝင်ခဲ့ကြပြီး မြေဧကငါးသိန်းခန့်တွင် ဖြန့်ကြက်လှုပ်ရှားခဲ့ခြင်း ဖြစ်သည်။ စစ်သည်များနှင့် ကြည်း၊ ရေ၊ လေ စစ် လက်နက်ကိရိယာများကို နှစ်လခန့် အချိန်ယူ ပြင်ဆင်ခဲ့ခြင်း ဖြစ်သည်ဟုဆိုသည်။ ယင်းကဲ့သို့ အကြီးစား စစ်ရေးလေ့ကျင့်မှုမျိုးကို ၁၉၉၆ ခုနှစ်က နောက်ဆုံး ပြုလုပ်ခဲ့ခြင်းဖြစ်သည်။ စစ်ရေးလေ့ကျင့်မှုအတွင်း လက်နက်ကြီးများ ပစ်ခတ်ခြင်း၊ လေယာဉ်ဖြင့် ဗုံးကြဲခြင်း၊ ကမ်းတပ်စီးနင်းခြင်းများ ပါဝင်ခဲ့သည်။

စစ်ရေးလေ့ကျင့်သည့် ကာလအတွင်း ကာကွယ်ရေး ဦးစီးချုပ်က မီဒီယာများကို ပြောကြားခဲ့ရာတွင် မြန်မာကဲ့သို့သော နိုင်ငံငယ်များမှာ စစ်အင်အား နည်းနေပါက ဆူပါပါဝါ နိုင်ငံကြီးများ၏ စော်ကားနှောင့်ယှက်မှုကို ရင်ဆိုင်ရနိုင်သည်ဟုပြော ကြားခဲ့သည်။ “Standard Army” ရည်မှန်းချက်ကိုလည်း တိုက်ရိုက် ရည်ညွှန်းသွားခဲ့ပြီး တိုင်းပြည် စစ်တပ်၏ စွမ်းဆောင်ရည် အကန့်အသတ် ရှိနေမှုကို ယခုလေ့ကျင့်မှုက ဖော်ပြနေပြီး Standard Army တစ်ခု ဖြစ်လာရန် လိုနေသေးကြောင်း၊ လက်နက်၊ လေ့ကျင့်မှု၊ ဖွဲ့စည်းတည်ဆောက်မှုပိုင်းများ ပိုမိုကောင်းမွန်လာရန် အချိန် အများကြီး ယူရဦးမည်ဖြစ်ကြောင်း ဝန်ခံပြောကြားသွားခဲ့သည်။

Ref: The Diplomat, What's Behind Myanmar's Big New Military Exercise? by Prahshanth Parameswaran