News

POST TYPE

ARTICLE

တရုတ်ကွန်မြူနစ်ပါတီ ကွန်ဂရက်နှင့် စောင့်ကြည့်ရမည့် စစ်ဘက်၊ အရပ်ဘက် ခေါင်းဆောင်ပိုင်း အပြောင်းအလဲ

ဇေဝင်းနောင် ရေးသားသည်။

တရုတ်သမ္မတ ရှီချင့်ဖျင်၏ ပထမ ငါးနှစ်တာ သက်တမ်းအတွင်း ပြုပြင်ပြောင်းလဲမှုများအနက် စစ်ဘက်ဆိုင်ရာ အပြောင်းအလဲမှာ အထင်ရှားဆုံးဖြစ်သလို တရုတ်ပြည်၏ဖြစ်လတ္တံ့သော နိုင်ငံရေးလားရာကိုလည်း ဖော်ပြနေသည်။

ရှီသည် ခိုင်မာ၊ ကျယ်ပြန့်သော စစ်ရေးပြုပြင်ပြောင်းလဲမှုအတွက် လက်တွန့်မနေခဲ့ဘဲ ပြည်သူ့လွတ်မြောက်ရေး တပ်မတော် (PLA) ကို အကြီးအကျယ် ပြောင်းလဲခဲ့သည်ကို ထင်ရှားတွေ့နိုင်သည်။

စစ်ဘက် ရာထူးနေရာများကို ရောင်းစားသည်အထိ အရှက်မဲ့သော ခြစားမှုများနှင့် ပတ်သက်နေသော ထိပ်တန်း ဗိုလ်ချုပ်ကြီးများကို ဖယ်ရှားခဲ့သည့်အပြင် တရုတ်စစ်ဘက်ကို ခေတ်မီအောင် ဆိုသော ရည်ရွယ်ချက်ဖြင့်ပါ ပြုပြင်ပြောင်းလဲခဲ့ခြင်းဖြစ်သည်။

ရှီ၏ ပြုပြင်ပြောင်းလဲရေးတွင် အဓိက ကျသည်မှာ PLA ၏ ဗိုလ်ချုပ်ကြီး များဌာနဟုခေါ်ကြသော ဌာနကြီးလေးခုကို ကန့်သတ်ခဲ့ခြင်းနှင့် အရပ်သားများ ဦးဆောင်သည့် ဗဟိုစစ်ကော်မရှင် (CMC) ၏ လုပ်ပိုင်ခွင့်ကိုလည်း လျှော့ချခဲ့ခြင်းဖြစ်သည်။

တရုတ်စစ်ဆင်ရေး ဖွဲ့စည်းပုံကိုလည်း ရုရှားစတိုင်၊ ကြည်းတပ်က အဓိက ကျသည့် ပုံစံမှာနေ၍ အနောက်တိုင်းစတိုင် ပူးတွဲ ကွပ်ကဲရေးပုံစံသို့ ပြောင်းလဲခဲ့ပြီး လူရွယ်များကို ထိပ်တန်း နေရာများတွင် လျင်လျင်မြန်မြန် ရာထူးတိုး ခန့်အပ်ခဲ့သည်။

တရုတ်အနာဂတ် ခေါင်းဆောင် စာရင်းထွက်ရှိမည့် လာမည့် တရုတ်ကွန် မြူနစ်ပါတီ အမျိုးသားကွန်ဂရက်သို့ တက်ရောက်မည့် စစ်ဘက်နှင့် ရဲဘက် ကိုယ်စားလှယ်များ စာရင်းကို ကြည့်လျှင် တရုတ်ပြည်သူ့သမ္မတနိုင်ငံ (RPC) သမိုင်းတစ်လျှောက် ထိပ်တန်း တာဝန်ရှိသူ အရေအတွက် အများဆုံး အနုတ်အသိမ်းလုပ်မှု တစ်ခုကို တွေ့မြင်နိုင်သည်။

ကွန်ဂရက်သို့ တက်ရောက်သည့် စစ်ဘက် ကိုယ်စားလှယ် ၃၀ဝ အနက် ၉၀ ရာခိုင်နှုန်းမှာ ပထမဆုံးအကြိမ် တက်ရောက်မည့်သူများ ဖြစ်နေခြင်းမှာ လုံးဝ ပုံမှန် မဟုတ်သည့်ကိစ္စ တစ်ရပ်ဟု ဆိုနိုင်သည်။ ထို့ပြင် ၁၈ ကြိမ်မြောက် ဗဟိုကော်မတီက တင်းပြည့်အဖွဲ့ဝင် စစ်ဘက်ကိုယ်စားလှယ် ၁၇ ရာခိုင်နှုန်း (၄၁ ဦးတွင် ၇ ဦး) သာ ၁၉ ကြိမ်မြောက်တွင် နေရာ ဆက်တည်မြဲမည့် အချက်မှာလည်း အဘယ်မျှ အပြောင်းအလဲ လုပ်ထားသည်ဆိုခြင်းကို ဖော်ပြနေသည်။

ယင်းမှာ တရုတ်ပြည်မကြီး သမိုင်းတွင် အကြီးမားဆုံး စစ်ဘက်ထိပ်တန်း ခေါင်းဆောင်းပိုင်း အပြောင်းအလဲဖြစ်သည်။

စစ်ဘက်ထိပ်တန်း ခေါင်းဆောင်သစ်များထဲတွင် ရှီ၏ ကာလရှည် မိတ်ဆွေများ ဖြစ်သော ဗိုလ်ချုပ်ကြီး ကျန်းယိုရှား၊ ဗိုလ်ချုပ်ကြီး လီကျိူးချန်၊ ရေတပ်ဗိုလ်ချုပ်ကြီး မြောင်းဝှာတို့ ပါဝင်လာဖွယ်ရှိနေသလို PLA ကြည်းတပ်၊ ရေတပ်၊ လေတပ်၊ မဟာဗျူဟာမြောက် အကူတပ်များမှ လောလောလတ်လတ် ရာထူးတိုးထားသော တပ်မှူးကြီးများ ပါဝင်လာမည်ဖြစ်သည်။ သမ္မတရှီအပေါ် သစ္စာရှိမည့်သူများကို ရွေးချယ်ထားခြင်းဟု ဆိုနိုင်သလို ယင်းမျိုးဆက်သစ် ဗိုလ်ချုပ်တို့၏ ခေတ်သစ် စစ်ရေးပညာ ကျွမ်းကျင်မှုနှင့် အတွေ့အကြုံမှာလည်း အထင်ကြီးလောက်ဖွယ်ရာ ဖြစ်သည်။ 

စစ်ဘက် ပြန်လည် ဖွဲ့စည်းမှုသည် ပိုမို ကျယ်ပြန့်သော ခေါင်းဆောင်ပိုင်း အပြောင်းအလဲအတွက်ပါ သဲလွန်စတစ်ရပ် ဖြစ်နေပြီးရှီ၏ ဩဇာအာဏာပိုမို ခိုင်မာစေရန် ရည်ရွယ်သော ဖြုတ်၊ ထုတ်၊ ရှင်း လုပ်ရပ်များကို ထပ်မံ မြင်တွေ့လာရဖွယ် ရှိနေသည်။

စစ်ဘက်ကို အခိုင်အမာ ထိန်းချုပ်ထားနိုင်ခြင်းနှင့်အတူ ရှီသည် ၁၉ ကြိမ်မြောက် ပါတီကွန်ဂရက်တွင် ခေါင်းဆောင်ပိုင်း အပြောင်းအလဲ အကြီးအကျယ်လုပ်ရန် ပြင်ဆင်ထားသည်။

၁၈ ကြိမ်မြောက် ဗဟိုကော်မတီမှ အဖွဲ့ဝင် ၃၇၆ ဦးအနက် ၂၃၈ ဦး (၁၀ ရာခိုင်နှုန်းခန့်) မှာ ခြစားမှုစွဲချက်များ၊ အခြား စည်းကမ်းဖောက်ဖျက်မှု စွဲချက်များဖြင့် ဖယ်ရှားခံခဲ့ရပြီးဖြစ်သည်။

ဖယ်ရှားခံခဲ့ရသူများထဲတွင် ပေါလစ်ဗျူရိုအဖွဲ့ဝင်တစ်ဦး (ချုံကင်းပါတီ အတွင်းရေးမှူး ဆုန်ကျန်းချိုင်)၊ တင်းပြည့်အဖွဲ့ဝင် ၁၉  ဦး။ အလှည့်ကျ အဖွဲ့ဝင် ၁၈ ဦး ပါဝင်ခဲ့သည်။

ထို့ပြင် အဖွဲ့ဝင် ၂၀ဝ ခန့် (ကော်မတီဝင် အရေအတွက်၏ ၅၃ ရာခိုင်နှုန်း) မှာ အနားယူပြီးသူများ သို့မဟုတ် မကြားမီ အနားယူတော့မည့်သူများဖြစ်ရာ ၁၉  ကြိမ်မြောက် ဗဟို ကော်မတီအတွက် ထည့်တွက်စရာ လိုတော့မည်မဟုတ်ပေ။ 

သို့ဖြစ်ရာ ၁၈ ကြိမ်မြောက်နှင့် ၁၉  ကြိမ်မြောက် ဗဟိုကော်မတီအကြား လူ အပြောင်းအလဲမှာ ၇၀ ရာခိုင်နှုန်းအထိ ရှိနိုင်ပြီး ၁၉၆၉ ယဉ်ကျေးမှု တော်လှန်ရေး အရှိန်အမြင့်ဆုံး အချိန်တွင် ကျင်းပခဲ့သော ၉ ကြိမ်မြောက် ပါတီကွန်ဂရက် နောက်ပိုင်း အကြီးဆုံး အပြောင်းအလဲ ဖြစ်လာနိုင်သည်။

အုပ်စုဖွဲ့သည့် ဓလေ့က အချို့သော ထင်ရှားသည့် ခေါင်းဆောင်များ ဖယ်ရှားခံခဲ့ရခြင်းကို ရှင်းပြရန် ကူညီပေးနိုင်သည်။ ရှီသည် ပါတီအပေါ် ပြည်သူတို့၏ ယုံကြည်မှု ပြန်တက်လာစေရေးအတွက် အကျင့်ပျက် ချစားမှု တိုက်ဖျက်ရေး လှုပ်ရှားမှုကို ပြင်းပြင်းထန်ထန် လုပ်ဆောင်ခဲ့သည်။

သို့သော်လည်း ကျယ်ပြန့်လွန်းလှသည့် ခြစားမှု တိုက်ဖျက်ရေး လှုပ်ရှားမှုကြီးသည် နိုင်ငံရေးရန်ဘက် အမြောက်အမြား မွေးထုတ်ပေးနိုင်သည် ဆိုခြင်းကိုတော့ ရှီနှင့် သူ၏ အဓိက မဟာမိတ် ခြစားမှု တိုက်ဖျက်ရေး အကြီးအကဲ ဝမ်ကျီးရှန်တို့ ကောင်းကောင်း နားလည်ထားကြသည်။

ရှီနှင့်ဝမ်အတွက် အကြီးဆုံး အန္တရာယ်မှာ ခြစားသည့် အရာရှိများ ဖယ်ရှားရင်း ဖွဲ့စည်းပုံဆိုင်ရာ ပြုပြင်ပြောင်းလဲမှု အရှိန်မြှင့်ရေး ဘက်မလှည့်နိုင်ဖြစ်မည့် ပြဿနာ ဖြစ်သည်။ ထို့ကြောင့်ပင် လူထုထောက်ခံမှုရရေးကို အသည်းအသန် ကြိုးစားနေကြခြင်းဖြစ်ပြီး ခေါင်းဆောင်ပိုင်း၏ လုပ်ရပ်တို့သည် တိုင်းပြည် အကျိုးအတွက် ဖြစ်သည်ဟု ပုံဖော်နိုင်ရန် အားထုတ်နေခြင်းဖြစ်သည်။

စစ်ဘက် ပြုပြင်ပြောင်းလဲမှုသည် စစ်ဘက်အပေါ် အရပ်ဘက်၏ ထိန်းချုပ်နိုင်စွမ်း ခိုင်မာစေရန် ရည်ရွယ်ခြင်းဖြစ်သလို ဖွဲ့စည်းပုံဆိုင်ရာ အပြောင်းအလဲ၊ မဟာဗျူဟာပိုင်း ပြုပြင်မွမ်းမံခြင်း ကဲ့သို့သော တပ်မတော်ကို ခေတ်မီအောင် ဆောင်ရွက်မှုများဘက်ကိုလည်း အလေးပေးရာ လာမည့်ကွန်ဂရက်တွင် အုပ်ချုပ်မှုပိုင်း ပိုကောင်းစေရန် ရည်ရွယ်သော ဖွဲ့စည်းပုံဆိုင်ရာ အပြောင်းအလဲများ ထပ်မံ မြင်တွေ့ရဖွယ်ရှိသည်။

ကိုယ့်လူကိုယ် နေရာပေးခြင်း

လက်ရှိ ပေါ်လစ်ဗျူရိုတွင်းမှ သမ္မတရှီ၏ လူယုံများဟု ဆိုနိုင်သည့် တရုတ်ကွန်မြူနစ်ပါတီ ဗဟိုကော်မတီ အထွေထွေရုံးအဖွဲ့ ညွှန်ကြားရေးမှူး လီကျန်းရှု၊ ဗဟိုအဖွဲ့အစည်းဆိုင်ရာဌာန ညွှန်ကြားရေးမှူး ကျောင်းလေကျီးတို့သည် တစ်ဆင့်ပိုမြင့်ပြီး တရုတ်ပြည်၏ ဩဇာအကြီးဆုံး အဖွဲ့အစည်းဖြစ်သော ပေါ်လစ်ဗျူရို အမြဲတမ်း ကော်မတီတွင်း ပါဝင်လာဖွယ် ရှိနေသည်။

ရှီတစ်ယောက် ကျီးကျန်ပြည်နယ်တွင် တာဝန်ယူခဲ့စဉ်က လက်သပ်မွေးခဲ့သူများဖြစ်သော၊ ဈေးကွက်ပြုပြင်ပြောင်းလဲရေးကို လိုလားသူများဟု ထင်ရှားသည့် လက်ရှိ ချုံကင်းပါတီ အတွင်းရေးမှူး ချန်မင်းအာ၊ ကျန်းဆုပါတီ အတွင်းရေးမှူး လီကျန်း၊ ပေကျင်းပါတီ အတွင်းရေးမှူး ချိုင်ကျီတို့သည်လည်း ပေါ်လစ်ဗျူရိုအသစ်တွင် နေရာရလာမည်ဖြစ်ပြီး ချန်နှင့် လီတို့မှာ အမြဲတမ်း ကော်မတီတွင်ပါ ပါဝင်လာနိုင်သည်ဟု သတင်းပြေးနေသည်။

ရှန်ဟိုင်းပါတီ အတွင်းရေးမှူး ဟန်ကျန်းနှင့် ဗဟိုစီးပွားရေး ကော်မတီရုံး ဒါရိုက်တာ လျူဟေးတို့ ကဲ့သို့သော စီးပွားရေးပညာရှင်များမှာလည်း ကွန်ဂရက်အပြီးတွင် တိုင်းပြည်၏ စီးပွားရေးမူဝါဒ ချမှတ်မှု အပိုင်းတွင် အဓိက ဆုံးဖြတ်ချက်ချရသူများ ဖြစ်လာဖွယ်ရှိနေသည်။

သမ္မတရှီနှင့် နီးစပ်မှုရှိခြင်းက ၎င်းတို့၏ နိုင်ငံရေး ရာထူး အဆင့်အတန်း လျင်လျင်မြန်မြန် မြင့်တက်လာစေရန် ကူညီပေးခဲ့သည်။ အသက် ကန့်သတ်ချက် အပါအဝင် ဖွဲ့စည်းပုံဆိုင်ရာ ဓလေ့များနှင့် စည်းမျဉ်းစည်းကမ်းများကတော့ ပြောင်းလဲဖွယ် မရှိပေ။

၁၉ ကြိမ်မြောက် ပါတီကွန်ဂရက်အပြီး နိုင်ငံ့ခေါင်းဆောင် အများစုမှာ ၁၉၅၀ ပြည့်လွန်နှစ်များတွင် မွေးဖွားသူများ ဖြစ်လာကြဖွယ်ရှိပြီး ပြည်နယ်နှင့်ဝန်ကြီးပိုင်းမှ အများစုမှာလည်း ၁၉၆၀ ပြည့်လွန်နှစ်များတွင် မွေးဖွားသူများ ဖြစ်လာဖွယ်ရှိသည်။

အမြဲတမ်းကော်မတီအပါဝင် ပေါ်လစ်ဗျူရိုသစ်တွင် ရှီ၏ရှေ့မှ ခေါင်းဆောင်များ လက်သပ်မွေးခဲ့သူ အနည်းငယ်သာ ပါဝင်မည့် အချက်ကတော့ မထူးဆန်းလှပေ။

ကျန်ဇီမင်း၏ လူယုံဟုဆိုနိုင်သည့် ရှုကျီးလျန်မှာရှီနှင့် ဆက်ဆံရေး ကောင်းသောကြောင့် ပေါလစ်ဗျူရိုအဖွဲ့ဝင်၊ CMC ဒုဥက္ကဋ္ဌအဖြစ် ဆက်ရှိနေနိုင်သည်။ 

ဆဋ္ဌမမျိုးဆက်တွင် ထင်ရှားသူဖြစ်သည့်၊ ဟူကျင်တောင်း လက်သပ်မွေးခဲ့သော ဟူချွန်းဟွာသည်လည်း ပေါလစ်ဗျူရို အမြဲတမ်း ကော်မတီတွင် ပါဝင်လာရန် ရေပန်းစားနေသည်။

အဓိက မေးခွန်း ထုတ်ရမည့်ကိစ္စမှာ ရှီချင့်ဖျင်အနေနှင့် ပြိုင်ဘက်များဖြင့် စုဖွဲ့ပြီး ပါတီအသိုက်အမြုံကို ညီညွတ်အောင် လုပ်နိုင်၊ မလုပ်နိုင်ဆိုသောကိစ္စဖြစ်သည်။

ရှိပြီးစည်းမျဉ်းများနှင့် ထုံးတမ်းများကို လိုက်နာခြင်း၊ ငြိမ်းချမ်းစွာ အာဏာလွှဲပြောင်းခြင်းတို့သည် နှောင်းခေတ်တရုတ်ပြည်၏ ဓလေ့ကောင်း တစ်ရပ်ဖြစ်သလို တိုင်းပြည်၏ အနာဂတ် အလားအလာအပေါ် သက်ရောက်မှုရှိသည့် ကိစ္စလည်းဖြစ်သည်။ လှုပ်ရှားမှု တစ်ခုချင်း၊ လုပ်ဆောင်ချက် တစ်ခုချင်းစီ၏ အောင်မြင်မှု၊ အရေးနိမ့်မှုထက် ယင်းရာထူးနေရာ ပြဿနာကို ရှီချင့်ဖျင်နှင့် သူ၏ လုပ်ဖော်ကိုင်ဖက်များ မည်သို့ ကိုင်တွယ်မည်ဆိုခြင်းက ၁၉ ကြိမ်မြောက် ကွန်ဂရက်တွင် စိတ်ဝင်စားစရာ အကောင်းဆုံးကိစ္စ ဖြစ်နေသည်ဟု ဆိုနိုင်သည်။      

Ref:BBC