News

POST TYPE

ARTICLE

မြန်မာနိုင်ငံမှ ရိုဟင်ဂျာကိစ္စနှင့် ပတ်သက်သည့် အမှန်တရား
07-Sep-2017 tagged as

ယခုဆောင်းပါးသည် ရခိုင်ပြည်နယ်တွင်းမှ ဖြစ်ပေါ်နေသော ဘင်္ဂါလီပြဿနာနှင့် ပတ်သက်၍ The Diplomat မဂ္ဂဇင်းပါ ဆောင်းပါးကို ဘာသာပြန်ဆိုထားခြင်း ဖြစ်ပြီး The Voice အနေနှင့် အငြင်းပွားဖွယ်ရာ ဖြစ်သည့် ရိုဟင်ဂျာဆိုသည့် အသုံးအနှုန်းကို သုံးစွဲလိုခြင်း မရှိသော်လည်း မူရင်းဆောင်းပါးအာဘော် ပျက်ယွင်းသွားမည် စိုးသောကြောင့် ဆောင်းပါးတွင် သုံးနှုန်းထားသည့်အတိုင်း ရိုဟင်ဂျာဟု သုံးနှုန်းထားကြောင်းနှင့် ယင်းသည် The Voice ၏ အာဘော်မဟုတ်ပါကြောင်း အထူးဖော်ပြလိုပါသည်။ ( အယ်ဒီတာ) 

Jasmine Chia ရေးသားသည့် The Diplomat မဂ္ဂဇင်းပါ The Truth About Myanmar's Rohingya Issue ဆောင်းပါးကို NLM ဘာသာပြန်သည်

ဤပြဿနာသည် အချို့က မကြာခဏ သရုပ်ဖော်နေကြခြင်းထက် ပိုမိုရှုပ်ထွေးသည်။

မြန်မာနိုင်ငံတွင် စစ်တပ်က နှစ်ပေါင်းငါးဆယ် အုပ်ချုပ်ခဲ့ပြီးနောက် ကြာမြင့်စွာ စောင့်ဆိုင်းခဲ့ရသော ရွေးကောက်တင်မြှောက်ခံ အစိုးရထံ အာဏာလွှဲပြောင်းမှု သို့မဟုတ် အသွင်ကူးပြောင်းမှုကို လုပ်ဆောင်လျက်ရှိသည်။ မြန်မာနိုင်ငံ၏ ဒုတိယအကြိမ်  လွတ်မြောက်မှုကို လွတ်လပ်ရေး ဗိသုကာ ဗိုလ်ချုပ်အောင်ဆန်း၏သမီးဖြစ်သူ အတိုက်အခံ NLD ပါတီ ခေါင်းဆောင် ဒေါ်အောင်ဆန်းစုကြည်က ဆောင်ကြဉ်းပေးခဲ့ခြင်း ဖြစ်သည်။ အဆိုပါ မြန်မာနိုင်ငံတွင် လာရောက်စုဝေးနေကြသော နိုင်ငံခြားမီဒီယာများက လတ်တလောအချိန်တွင် ရိုဟင်ဂျာခေါ် ဘင်္ဂါလီ ပြဿနာကို အထူးအာရုံစိုက် ဖော်ပြနေကြသည်။

New York Times သတင်းစာမှ နီကိုလပ်စ်  ခရစ္စတော့ဖ်၏ ဆောင်းပါးတွင် “မကြာမီ ကမ္ဘာက သတိထား စောင့်ကြည့်ကြတော့မည်။ ချစ်ခင်အပ်သော နိုဘယ်လ်ဆုရှင်သည် ၂၁ ရာစု အကျဉ်းစခန်းများနှင့် ပတ်သက်၍ အာဏာသုံး ထိန်းချုပ်နေသည်” ဟု ရေးသားထားသည်။ ဘင်္ဂါလီ ထောင်ပေါင်းများစွာသည် စစ်တွေရှိ အခြေအနေဆိုးသော ဒုက္ခသည် စခန်းများတွင် အတင်းအကျပ် နေရာချထားခြင်း ခံနေရသည်။ ၂၀၁၅ မေလက ထိုင်းနိုင်ငံကမ်းလွန်တွင် သောင်တင်နေသော ရိုဟင်ဂျာများကြောင့် နိုင်ငံတကာ အသိုင်းအဝိုင်း၏ လူသားချင်းစာနာမှု အမျက်ဒေါသများ ထွက်ပေါ်လာခဲ့သည်။ ရခိုင်ပြည်နယ်တွင် ဆိုးဝါးသော လူ့အခွင့်အရေး ချိုးဖောက်မှုများနှင့် ပတ်သက်၍ အစိုးရက အရေးယူဆောင်ရွက်မှု မရှိခြင်းကို အဆုံးသတ်ရန် နိုင်ငံတကာ အသိုင်းအဝိုင်းက အမြဲတမ်း တောင်းဆိုနေခဲ့သည်။

သို့ရာတွင် အစိုးရ တာဝန်ယူစေရန်အတွက် နိုင်ငံတကာက အာရုံစိုက် ဖိအားပေးလာမှုသည် ရခိုင်လူမျိုးများနှင့် ဘင်္ဂါလီများအကြား ကြီးထွားလာသော တင်းမာမှုများတွင် အမှုမဲ့အမှတ်မဲ့ ပါဝင်ပတ်သက်လာခဲ့ဖွယ် ရှိသည်။ ရိုဟင်ဂျာကိစ္စကို နိုင်ငံတကာက မှားယွင်းဖော်ပြနေကြသည်ဟု ယုံကြည်နေကြသော ရခိုင်အသိုင်းအဝိုင်းအတွင်း ခါးသီးမှုများ ပိုမိုပျံ့နှံ့လာနေသည်။

ဖြစ်ရပ်အများစုတွင် အခြေအနေကို မှားယွင်းဖော်ပြမှုများ ရှိခဲ့သည်။ ရခိုင်သမိုင်း ကျွမ်းကျင်သူ ဂျက်ကေးပီလိုင်ဒါက ၎င်း၏ လေ့လာဆန်းစစ်မှုစာတမ်း ‘ရိုဟင်ဂျာ- အမည်၊ ရွှေ့ပြောင်းမှု၊ ဝိသေသလက္ခဏာ ရှာဖွေမှု’ တွင် ‘ကမ္ဘာတစ်ဝန်းမှ ဆောင်းပါးရှင်များသည် ရိုဟင်ဂျာတို့၏ ဥပဒေဆိုင်ရာ၊ လူသားချင်းစာနာမှုဆိုင်ရာ အရေးကိစ္စ ဆွေးနွေးငြင်းခုံမှုများကို ချုံ့ပစ်ခြင်းအားဖြင့် လူမျိုး၊ သမိုင်းကြောင်း၊ ယဉ်ကျေးမှု လက္ခဏာ အစရှိသော ဘောင်ဝင်မှုဆိုင်ရာ အဓိကကျသော ကိစ္စရပ်များအပေါ် အလွယ်တကူ ချဉ်းကပ်နေကြသည်’ ဟု အကောင်းဆုံး မှတ်ချက်ပေးထားသည်။

ရိုဟင်ဂျာသမိုင်းကို အပေါ်ယံလျှပ်ကာ လေ့လာကြည့်လျှင်ပင် ရိုဟင်ဂျာဟူသည်မှာ လူမျိုးမဟုတ်ဘဲ နိုင်ငံရေးအရ စုဖွဲ့မှုတစ်ခု ဖြစ်သည်ကို ရှင်းရှင်းလင်းလင်း တွေ့နိုင်သည်။ မွတ်ဆလင်များသည် ၉ ရာစု ရခိုင်ဘုရင့်နိုင်ငံခေတ်ကတည်းက ရခိုင်ပြည်တွင် နေထိုင်ခဲ့သည့် အထောက်အထားများ ရှိသော်လည်း အများစုမှာ ၂၀ ရာစုခေတ်တွင် ဘင်္ဂလားပင်လယ်အော်ဘက်မှ (ထိုစဉ်က ဘင်္ဂလားဒေ့ရှ် မပေါ်သေးပဲ အိန္ဒိယနိုင်ငံ၏ အစိတ်အပိုင်းဖြစ်ခဲ့) ဗြိတိသျှကိုလိုနီ မြန်မာနိုင်ငံဘက်သို့ ဖြတ်ကူးဝင်ရောက်လာခဲ့ကြခြင်း ဖြစ်သည်။ ထင်ရှားသော မြန်မာစစ်အစိုးရ ဝေဖန်သူတစ်ဦးဖြစ်သည့် ဘင်နီဒစ်ရော်ဂျာက ရိုဟင်ဂျာများသည် ဘင်္ဂါလီမျိုးရင်း မွတ်ဆလင်များ ဖြစ်သည်ဟု ရှင်းပြခဲ့ဖူးသည်။ ယနေ့ခေတ် ရိုဟင်ဂျာအရေး ပညာရှင်များနှင့် နိုင်ငံတကာ အသိုင်းအဝိုင်းက ရိုဟင်ဂျာဟု ခေါ်ဝေါ်နေမှုသည် လူမျိုးဇာစ်မြစ်နှင့် လူမှုဆိုင်ရာ သမိုင်းများမှ ကြီးမားစွာ ကွဲထွက်နေကြောင်း ထင်ဟပ်နေပြီး ဝိသေသလက္ခဏာ တစ်ခုတလေကိုပင် ထောက်ပြရန် အခက်အခဲ ရှိသည်ဟု ကျွမ်းကျင်ပညာရှင် ဂျက်ကေးပီလိုင်ဒါက စောဒက တက်ထားသည်။

ဤသို့ သုံးသပ်ခြင်းသည် ရိုဟင်ဂျာများ၏  နိုင်ငံသား တောင်းဆိုမှုကို ငြင်းပယ်ရန် မဟုတ်ပါ။  သို့ရာတွင် ဘောင်ဝင်ရန် တောင်းဆိုနေမှုများသည် လက်ရှိနားလည်ထားကြသည်ထက် များစွာပိုမို ရှုပ်ထွေးကြောင်းကို ထောက်ပြခြင်း ဖြစ်သည်။ သံတမန်တစ်ဦးက “ကိစ္စရပ် အားလုံးမှာ မြန်မာလူထုနဲ့ ခင်ဗျားနဲ့ အမြင်တူလိမ့်မယ်။ ဒါပေမဲ့ ရိုဟင်ဂျာ ကိစ္စမှာတော့ လုံးဝ အမြင်တူမှာ မဟုတ်ဘူး” ဟု ပြောကြားသည်။ မေးစရာရှိသော အချက်မှာ မြန်မာလူထုနှင့် နိုင်ငံတကာ အသိုင်းအဝိုင်းအကြား ကြီးမားသော ကွဲလွဲမှု၏ အဓိကအချက်က ဘာဖြစ်မလဲ။ ရခိုင်ပြည်နယ်မှ မွတ်ဆလင်များ ရင်ဆိုင်နေရသော လူသားချင်းစာနာမှု ဘေးဒုက္ခများ ပပျောက်ရေးတွင် တိုးတက်မှု ရှိအောင် မည်သို့ ပြုလုပ်မလဲ စသော အချက်များ ဖြစ်သည်။

ယခုကိစ္စမှာ ဘောင်ဝင်မှု ပြဿနာပင် ဖြစ် သည်။ ရိုဟင်ဂျာအခေါ်အဝေါ်ကို နိုင်ငံတကာ အသိုင်းအဝိုင်းက အသုံးပြုမှုသည် ရခိုင်ပြည်နယ်တွင် မွတ်ဆလင် ဝိသေသ ထည့်သွင်းနေသည့် ဇာတ်လမ်းကို တရားဝင် ခိုင်မာအောင် ပြုလုပ်ရာ ရောက်နေသည်။ ပွင့်လင်းစွာ ပြောရမည်ဆိုလျှင် ရိုဟင်ဂျာသမိုင်း ပညာရှင်များသည် ဘောင်ဝင်မှုကိစ္စက အဓိက ဖြစ်နေခြင်းကိုပင် နားလည်သဘောပေါက်ခြင်း မရှိကြဟု ဆိုနိုင်သည်။ ယခုကဲ့သို့ အလွန်အရေးကြီးသော ဘောင်ဝင်မှုကိစ္စများအပေါ် နိုင်ငံတကာ အသိုင်းအဝိုင်းက နားလည်ခြင်းမရှိပဲ ချဉ်းကပ်နေမှုသည် ရခိုင်လူမျိုးများက နားလည်မှု လွဲမှားနေပြီး ဝိုင်းအာနေကြသည်ဟူသော ထင်မြင်မှုကို ဖြစ်ပေါ်စေသည်။ ဆစ်စလာ၊ ဝါလ်တန်၊ ဖြူသီတို့၏ Listening Project စာတမ်းတွင် ရခိုင်ပြည်နယ်မှ နိုင်ငံရေး တင်းမာမှုများ၏ အခြားတစ်ဖက်တွင် မွတ်ဆလင်အတုများ ဝင်လာမည့်အရေးကို အမှန်တကယ် ကြောက်ရွံ့နေသူ ရခိုင်လူမျိုးများ ရှိသည်ဟု ထောက်ပြထားသည်။

မြန်မာနိုင်ငံသည် ကောလာဟလများက မောင်းနှင်နေသော လူ့အဖွဲ့အစည်းအဆင့်တွင် ရှိနေသေးသည်။ ကျော်ရင်လှိုင်၏ မြန်မာမွတ်ဆလင်များအပေါ် ဗုဒ္ဓဘာသာဝင်များက အထင်လွဲမှားမှု လေ့လာခြင်းစစ်တမ်းကို မြို့ကြီး ၇ မြို့တွင် လူပေါင်း ၅၀၀ ခန့်အား တွေ့ဆုံမေးမြန်း ကောက်ယူခဲ့ရာ မွတ်ဆလင် ဆန့်ကျင်ရေး ဝါဒဖြန့်မှုသည် ပုံမှန်အမျိုးသားရေးလမ်းကြောင်း တစ်ခု ဖြစ်နေကြောင်း ထင်ရှားစွာ တွေ့ရသည်။ စစ်တမ်းဖြေဆိုသူ ၈၅ ရာခိုင်နှုန်းက မွတ်ဆလင်များကို မနှစ်သက်ခြင်း၏ အဓိက အကြောင်းရင်းမှာ တိုင်းပြည်ကို မွတ်ဆလင်နိုင်ငံ ဖြစ်အောင် ပြောင်းပစ်မည်ကို စိုးရိမ်သောကြောင့်ဟု ရှင်းပြခဲ့ကြသည်။ အဆိုပါ လမ်းကြောင်းသည် ရခိုင်ပြည်နယ်တွင် လူမျိုးရေး အကြမ်းဖက်မှုများ ဖြစ်ပွားမှုကြောင့် ပိုမိုကြီးထွား ကျယ်ပြန့်လာခဲ့သည်။

New York Times တွင် မွတ်ဆလင်နှင့် ဗုဒ္ဓဘာသာအကြား တင်းမာမှု သတင်းများကို ဖော်ပြရာတွင် ရခိုင်တို့၏ အမြင်ပါဝင်မှု အလွန်နည်းပါးနေသည်။ ခရစ္စတော့ဖ်ကို ဘာကြာင့်လဲဟု မေးမြန်းသောအခါ ပြဿနာမှာ အတိုအရှည် ညှိရသောကြောင့် ဖြစ်ပြီး ဖတ်ရှုသူ ဆုံးရှုံးမည်ကို စိုးရိမ်သောကြောင့် ဆယ်မိနစ်စာ မကျော်ချင်သောကြောင့်ဟု ဖြေကြားသည်။ ရိုဟင်ဂျာတို့၏ ဘောင်ဝင်ရေး တောင်းဆိုမှုများကို မဆင်မခြင် ဖော်ပြနေမှုသည် ပညာရပ်ဆိုင်ရာ အချက်အလက်မှန် ရှာဖွေမှုကိစ္စ အပေါ်တွင် သာမကပဲ လူသားချင်းစာနာသော ကူညီမှုများအပေါ်တွင်လည်း အမှန်တကယ် ရိုက်ခတ်မှုများ ရှိနေသည်။        

ဆက်လက်ဖော်ပြပါမည်။ 
Ref: The Truth About Myanmar’s Rohingya Issue by The Diplomat

  • TAGS