News

POST TYPE

ALSO IN NEWS

ပန်ကန်ပြားပျံ လမ်းမပေါ် သွားနေလို့ ရဲလိုက်ဖမ်း၊ အနုပညာရှင် တစ်ဦးရဲ့ တင်ဆက်မှုဖြစ်
06-Aug-2016

အိုင်ယာလန်နိုင်ငံ ဂိုရီမြို့မှာ လူတွေ အကုန်လုံး အံ့အားသင့် သွားတဲ့ဖြစ်စဉ် တစ်ခု ဖြစ်ခဲ့ပါတယ်။ ပန်းကန်ပြားပျံ တစ်စင်း လမ်းမပေါ်မှာ မောင်းပြီး ရွေ့လျားနေလို့ ဖြစ်ပါတယ်။

ရဲတွေလည်း မနေသာတော့ဘဲ ပန်းကန်ပြားပျံ နောက်ကို ကားနဲ့ လိုက်ရပါတော့တယ်။

အဲဒီအရာကို မိတော့ ရဲတွေက စစ်ဆေးတဲ့အခါ အထဲက ဘာဂြိုဟ်သားမှ ထွက်မလာခဲ့ဘဲ ဒေသခံ အနုပညာရှင် အလီကီမယ်အလီ ဖန်တီးထားတဲ့ အနုပညာလက်ရာ တစ်ခုမှန်း သိသွားကြပါသတဲ့။

အဆိုပါ ယာဉ်ဟာ လျှပ်စစ်စကူတာ ယာဉ်လေး နှစ်ခုကို ငုံကာ တပ်ဆင်ထားတာ ဖြစ်ပြီးတော့ မီးခိုးထွက်တဲ့စ က်ကလေးနဲ့ လေဆာတွေ တပ်ထားတာ ဖြစ်ပါတယ်။

ဒီအရာကို ဖန်တီးခဲ့တဲ့ အသက် ၅၃ နှစ်အရွယ် အနုပညာရှင်ကတော့ အဲဒါရဲ့ဘေးကို ခင်ဗျား လာကြည့်မယ်ဆိုရင် ဒါဟာ အသက်ဝင်နေတယ်လို့ ခင်ဗျား မြင်ရလိမ့်မယ်လို့ ပြောကြားပါတယ်။

အဆိုပါ ပန်းကန်ပြားပျံကို လာမယ့် လမှာ ပြသမယ့် လျှပ်စစ်ပစ္စည်းနဲ့ အနုပညာပြပွဲမှာ ထည့်သွင်း မောင်းနှင် ပြသသွားမှာ ဖြစ်ပါသတဲ့။                

Ref : UPI



  • VIA