News

POST TYPE

ALSO IN NEWS

ကြောင်အော်သံနဲ့တူနေတဲ့အမျိုးသမီး သီချင်းမဆိုဖို့တရားရုံးအမိန့်ချ
13-May-2018

ဗြိတိန်နောဝစ်ချ်ဒေသခံ ဟီသာဝက်ဘ်ဆိုသူအမျိုးသမီးဟာ သီချင်းဆိုတဲ့အခါ ကြောင်ရေနစ်စဉ် အော်တဲ့အသံနဲ့တူတာမို့ သီချင်းမဆိုဖို့အတွက် တရားရုံးက အမိန့်ချလိုက်ပါတယ်။ အသက် ၄၈ နှစ်အရွယ် အဆိုပါ အမျိုးသမီးကို အိမ်အပြင်က ကြားနိုင်လောက်တဲ့အသံနဲ့ အော်မဆိုဖို့အတွက် တရားရုံးက အမိန့်ချခဲ့တာ ဖြစ်ပါတယ်။ ဒါပေမဲ့ ဒီလိုအမိန့်ချလိုက်မှုကို အဆိုပါအမျိုးသမီးက လျစ်လျူရှုခဲ့ပါတယ်။ အမျိုးသမီးဟာ သူမရဲ့မြေညီထပ်အခန်းမှာ သီချင်းကို ကျယ်လောင်စွာ ဆိုတယ်လို့ ပြောလာသူကတော့ အိမ်နီးချင်းဖြစ်သူ ပေါလ်ဘားဖို့ဒ်ဖြစ်ပါတယ်။

“တကယ်ပြောတာပါဗျာ။ သူ့အသံက ကြောင်တစ်ကောင် ရေနစ်နေသလိုပဲ”လို့ သူကဆိုပါတယ်။ ဘားဖို့ဒ်ဟာ အဆိုပါ အမျိုးသမီးသီချင်းဆိုနေစဉ် အသံသွင်းထားပြီး ထိုအသံကို တရားရုံးမှာ ဖွင့်ပြခဲ့ပါတယ်။ ထို့နောက်မှာတော့ တရားသူကြီးက အိမ်ပြင်ကို အသံထွက်အောင် သီချင်းမဆိုပါနဲ့လို့ အမိန့်ချခဲ့တာဖြစ်ပါတယ်။

F-02