News

POST TYPE

ADVERTORIAL

အင်တာနက်သုံးရင်း အပိုဝင်ငွေရှာနိုင်မယ့် နည်းလမ်း (၃) ခု
18-Nov-2017

အင်တာနက် သုံးတယ်ဆိုတာ ပိုက်ဆံကုန်တဲ့ကိစ္စလို့ လူတော်တော်များများက သိထားကြပေမယ့် တကယ်တော့ လုပ်တတ်၊ ကိုင်တတ်ရှိမယ်ဆိုရင် အွန်လိုင်းပေါ်ကနေပဲ အပိုဝင်ငွေရှာလို့ရမယ့် နည်းလမ်းတွေ ရှိနေပါတယ်။ ဒီနည်းလမ်းတွေကတော့ ချက်ချင်း၊လက်ငင်း သိန်းနဲ့ချီပြီးရှာလို့ရမယ့်နည်းလမ်းတွေ မဟုတ်ပေမယ့် ကိုယ်ပိုင်ကျွမ်းကျင်မှုလည်းရှိမယ်၊ ကြိုးကြိုးစားစားလည်း လုပ်မယ်ဆိုရင်တော့ တဖြည်းဖြည်းနဲ့ အားကိုးလောက်တဲ့ ဝင်ငွေမျိုးဖြစ်လာနိုင်တဲ့ နည်းတွေပဲဖြစ်ပါတယ်။

၁။ Freelancer 

သင့်မှာ ဘာသာပြန်တာ၊ စာရေးသားတာ၊ ဗွီဒီယို တည်းဖြတ်တာ၊ Graphic Design ရေးဆွဲတာ စတဲ့ကျွမ်းကျင်မှုမျိုးတွေထဲက တစ်ခုခု ရှိထားတယ်ဆိုရင် အင်တာနက်ကနေတစ်ဆင့် အိမ်မှာနေရင်း အလွတ်တမ်းကျွမ်းကျင်သူ(Freelancer) တစ်ဦးအဖြစ် ရပ်တည်လို့ ရပါတယ်။ ဒီလို Freelancer တစ်ဦးအဖြစ် ရပ်တည်မယ်ဆိုရင် ကိုယ်လုပ်ကိုင်မယ့် အလုပ်အမျိုးအစားအလိုက် လိုအပ်မယ့် ကွန်ပျူတာ၊ အင်တာနက်နဲ့ အခြားပစ္စည်းတွေကို လိုအပ်မှာပဲ ဖြစ်ပါတယ်။ လိုအပ်တဲ့ပစ္စည်းတွေရှိပြီဆိုရင် အင်တာနက်ပေါ်ကနေ အလုပ်အပ်မယ့်သူတွေ ရှာဖွေရမှာဖြစ်ပါတယ်။ ကိုယ့်ရဲ့လူမှုကွန်ယက် အကောင့်ကနေပဲ ကိုယ့်ကိုယ်ကိုယ် ကြော်ငြာပြီး Client တွေရှာဖွေဖို့လိုအပ်သလို Freelancer တွေနဲ့ အလုပ်အပ်ချင်သူတွေကို ချိတ်ဆက်ပေးနေတဲ့ ဝက်ဘ်ဆိုဒ်တွေ၊ Facebook Group တွေကို ဝင်ရောက်ပြီးတော့လည်း ရှာဖွေရမှာ ဖြစ်ပါတယ်။

၂။ Blogger / Social Influencer

Facebook ပေါ်မှာ ခရီးသွားဖို့ လမ်းညွှန်ရေးတဲ့ Travel Blogger တွေ၊ အလှပြင်နည်းတွေ ပြသ၊ ရေးသားတဲ့ Beauty Blogger တွေလို Blogger တွေနဲ့ ကဏ္ဍအလိုက် ပရိသတ်အများကြီးအပေါ် လွှမ်းမိုးမှုရှိတဲ့ Social Influencer တွေဟာ နာမည်ကျော် Cele လည်းဖြစ်သလို၊ ဝင်ငွေလည်း တကယ်ရကြပါတယ်။ သူတို့လိုဖြစ်ဖို့ဆိုရင်တော့ လိုအပ်ချက်တွေက နည်းနည်းမြင့်ပါတယ်။ ကိုယ်ဝါသနာပါပြီး ကျွမ်းကျင်တဲ့ကဏ္ဍ တစ်ခုခုမှာ နှံ့စပ်မှုရှိဖို့လိုသလို၊ လူတွေ စိတ်ဝင်စားအောင်၊ ကိုယ့်ကို ခင်မင်အောင်လည်း ရေးတတ်၊ သားတတ်၊ နေတတ်၊ ထိုင်တတ်ဖို့ လိုအပ်ပါတယ်။ ဒါပေမဲ့ သင့်မှာသာ အရည်အချင်း ရှိမယ်ဆိုရင် ဒါဟာလည်း အင်တာနက်ပေါ်ကနေ ဝင်ငွေရှာဖွေဖို့အတွက် ရွေးချယ်လို့ရနိုင်တဲ့နည်းလမ်းတစ်ခုပဲ ဖြစ်ပါတယ်။

၃။ Online Store 

ဒီနည်းလမ်းကတော့ အထူး ကျွမ်းကျင်မှု တစ်မျိုးမျိုး မလိုအပ်ပါဘူး။ ဒါပေမဲ့ဈေးရောင်း၊ ဈေးဝယ်တတ်တဲ့ အမြင်နဲ့ အရင်းအနှီး အနည်းငယ်ရှိဖို့တော့ လိုပါတယ်။ အွန်လိုင်းစတိုး ဖွင့်တယ်ဆိုတဲ့နေရာမှာ သူများတွေ အွန်လိုင်းမှာရောင်းနေတဲ့ပ စ္စည်းမျိုးတွေကိုပဲ လိုက်ရောင်းမယ်ဆိုရင်တော့ ထူးထူးခြားခြား အောင်မြင်မှာမဟုတ်ပါဘူး။ လူတွေ သိပ်သတိမပြုမိသေးဘဲ လူအများစု ကြိုက်မယ့်၊ လိုအပ်မယ့်ပစ္စည်းမျိုးကို ဈေးကွက်ထဲမှာရှာဖွေတတ်ဖို့ လိုပါတယ်။ အွန်လိုင်းစတိုးဆိုတာနဲ့ နိုင်ငံခြားကနေ ပစ္စည်းမှာပြီးပဲ ရောင်းရမယ်လို့လည်း ပုံသေမှတ်မထားသင့်ပါဘူး။ ပြည်တွင်းမှာပဲ လက်ကားဝယ်ပြီး လက်လီပြန်ရောင်းရင် ကိုက်မယ့် ပစ္စည်းမျိုးတွေလည်း ရှိပါတယ်။ လက်ရှိမှာတော့ အွန်လိုင်းစတိုး ဖွင့်မယ်ဆိုရင် Facebook ပေါ်မှာ Page ထောင်ပြီးရောင်းတာက အမြန်ဆုံးနဲ့ အလွယ်ဆုံး နည်းလမ်းပါပဲ။ ဒါကြောင့် Facebook မှာ Page ထောင်တာ၊ များများ ရောင်းရအောင် Boost လုပ်တာတွေကိုတော့ အရင် လေ့လာထားဖို့ လိုပါတယ်။
 
ဒါတွေကတော့ အွန်လိုင်းကနေ ဝင်ငွေရှာလို့ ရနိုင်တဲ့နည်းလမ်းတွေ အများကြီး ရှိတဲ့အထဲက လက်ရှိ မြန်မာနိုင်ငံရဲ့ အခြေအနေနဲ့ အဆင်ပြေနိုင်ဆုံး နည်းလမ်း ၃ ခုကိုဖော်ပြခဲ့တာပဲ ဖြစ်ပါတယ်။ အွန်လိုင်းပေါ်ကနေ ဝင်ငွေရှာဖို့အတွက် အရေးကြီးဆုံး လိုအပ်ချက်က အင်တာနက်လိုင်းဆိုတာတော့ အထူး ပြောဖို့လိုမယ်မထင်ပါဘူး။ အင်တာနက်လိုင်းက ကောင်းဖို့လိုသလို ဈေးနှုန်းကလည်း သက်သာမှ တွက်ချေကိုက်မှာပါ။ ဒီအတွက်ဆိုရင်တော့ Ooredoo ရဲ့ 4G နက်ဝပ်နဲ့ ဖလန်းဖလန်း အစီအစဉ်တို့ကို စိတ်ချ လက်ချသုံးဖို့ အကြံပေးချင်ပါတယ်။ ဘာကြောင့်လဲဆိုတော့ Ooredoo ရဲ့ 4G ကွန်ယက်ဟာဆိုရင် လက်ရှိမြန်မာနိုင်ငံရဲ့ အမြန်ဆုံးနဲ့ အကြီးဆုံးကွန်ယက်ဖြစ်ပြီး စဉ်ဆက်မပြတ် တိုးချဲ့မှုတွေ လုပ်ဆောင်လျက်ရှိသလို ဖလန်းဖလန်း အင်တာနက် Package ကလည်း 1 MB ကို ၅ ကျပ်သာ ကျသင့်တဲ့ လက်ရှိ ဈေးကွက်ထဲမှာ အသက်သားဆုံး အစီအစဉ်ဖြစ်နေလို့ပါပဲ။


  • VIA