News

POST TYPE

ADVERTORIAL

V7 သည်လည်း FullViewTM Display နှင့် 24MP ဖုန်းတစ်လုံးဖြစ်ကြောင်း သတင်းများထွက်ပေါ်လာ
16-Nov-2017


Vivo အနေအဖြင့် မကြာမီအချိန်အတွင်း ပြည်တွင်းဈေးကွက်သို့ တင်သွင်းရောင်းချရန် ရှိလာသည့် ထုတ်ကုန်သစ်မှာ V7 ဖြစ်ကြောင်း သိရပါသည်။ အဆိုပါ V7 သည် V7+ နည်းတူပင် FullViewTM Display ကိုပင် အသုံးပြုလာမည်ဖြစ်ကြောင်းလည်း သိရပါသည်။

 

Vivo ၏ အစဉ်အလာအရ ယခု ထပ်မံဖြန့်ချိမည့် V7 သည် ယခင်က ဖြန့်ချိခဲ့သော V7+ ထက် ပိုမိုဈေးနှုန်းသက်သာမည့် ဖုန်းတစ်လုံး ဖြစ်မည်မှာ အသေအခြာ ဖြစ်သော်လည်း ဈေးနှုန်း မည်မျှ ကွာခြားသွားမည်၊ အရည်အသွေးပိုင်း မည်မျှကွာခြားသွားမည် ဆိုသည်ကိုမူ သတင်းအတိအကျ ထုတ်ပြန်ထားခြင်း မရှိသေးပေ။

 

သို့ရာတွင် V7 ကို FullViewTM Display ဖြင့် ထုတ်လုပ်ထားကြောင်း သတင်းများ ထွက်ပေါ်လာခဲ့သောကြောင့် အဆိုပါ ဖုန်းနှစ်လုံး၏ အရည်အသွေးပိုင်းမှာ များစွာကွာခြားမှု မရှိနိုင်ဟု ခန့်မှန်းရပါသည်။ ထို့အပြင် V7 ၏ အရှေ့ကင်မရာ mega pixel ပမာဏမှာလည်း 24MP အထိ ထောက်ပံ့ပေးထားကြောင်း သိရှိရပါသည်။

 

V7 အနေဖြင့် FullViewTM Display ကို အသုံးပြုထားသောကြောင့် fingerprint scanner မှာ အပြောင်းအလဲမရှိဘဲ ကျောဘက်တွင်သာ ထည့်သွင်းထားပြီး Face Access ကိုလည်း အပြောင်းအလဲမရှိ အသုံးပြုနိုင်မည်ဟု ခန့်မှန်းရပါသည်။

 

လက်ရှိအချိန်ထိ V7 သည် V7+ ထက် မည်မျှ တန်ဖိုးလျော့နည်းသွားမည်ကို မသိရှိရသေးဘဲ အချို့သော အစိတ်အပိုင်းများတွင်သာ အနည်းငယ် အပြောင်းအလဲ ရှိသွားမည်ဖြစ်ကြောင်း သိရှိရပါသည်။    

 

Vivo သည် ၎င်းတို့၏ ထုတ်ကုန်များကို လူငယ်ကြိုက်ဖြစ်သည့် Selfie ကင်မရာအရည်အသွေး ကောင်းမွန်မှု၊ Hi-Fi အသံထွက် ရယူနိုင်မှု၊ Game Mode စသည့် ထောက်ပံ့မှုများကို ဦးစားပေး ထုတ်လုပ်လျက်ရှိသည့် smartphone brand တစ်ခု ဖြစ်ပါသည်။       



  • VIA