News

POST TYPE

ADVERTORIAL

MODA ဖက်ရှင်မဂ္ဂဇင်း၏ စမတ်ဖုန်းဖြင့် ပထမဆုံး ရိုက်ကူးသည့် မျက်နှာဖုံး ရိုက်ကူးမှုကို HUAWEI P10 Plus ဖြင့် ဖန်တီး
31-Aug-2017
ရန်ကုန်၊ မြန်မာ

မြန်မာနိုင်ငံ၏ ရှေ့ဆောင်လမ်းပြ ဖက်ရှင်မဂ္ဂဇင်း ဖြစ်သော MODA မဂ္ဂဇင်းမှ HUAWEI P Series ၏ နောက်ဆုံးပေါ် HUAWEI P10 Plus ကို အသုံးပြုပြီး သြဂုတ်လ စာစဉ်အတွက် တစ်မူထူးခြားသော ရိုက်ကူးမှုကို ပြုလုပ်ခဲ့ပါသည်။ MODA က လုပ်ရိုးလုပ်စဉ်အတိုင်း အသုံးပြုနေသည့် DSLR ကင်မရာအစား HUAWEI P10 Plus ကို ကင်မရာအဖြစ် အသုံးပြုပြီး အရည်အသွေး ကောင်းမွန်သော မျက်နှာဖုံးကာဗာ ရိုက်ကူးမှုကို ပြုလုပ်ခဲ့ပါသည်။ 

 
ဓာတ်ပုံရိုက်ကူးရေးအတွက် တာဝန်ယူထားသည့် ဓာတ်ပုံပညာရှင် ကိုသီဟက “MODA မဂ္ဂဇင်းကနေ DSLR အစား စမတ်ဖုန်းကို အသုံးပြုပြီး ရိုက်ကူးမယ့် အစီအစဉ်အတွက် ကျွန်တော့်ကို ဆက်သွယ်လာတော့ ဒီရိုက်ကူးမှုကို တော်တော့်ကို စိတ်ဝင်စားသွားတယ်။ ဒါကဆန်းသစ်တီထွင်မှု ပုံစံသစ်တခု ဖြစ်နေတာကိုး။ ကျွန်တော်က အပြင်မှာလည်း HUAWEI သုံးနေကျဆိုတော့ သူ့မှာပါတဲ့ အလင်းအမှောင် visual setting တွေကို လွယ်လွယ်ကူကူ သုံးတတ်တဲ့အတွက် MODA ကချပေးတဲ့ Mysterious Night၊ Extraordinary နဲ့ Tech-Higher ဆိုတဲ့ Theme တွေကို ဓာတ်ပုံတစ်ပုံချင်းစီမှာ ပိုင်ပိုင်နိုင်နိုင် သုံးနိုင်ခဲ့တယ်။ DSLR ကင်မရာမှာက function တွေ အများကြီး ပါပေမယ့် HUAWEI P10 Plus ကလည်း Cover Shot တွေကို ပရိုဖက်ရှင်နယ်ကျကျ ရိုက်နိုင်လောက်အောင် ကောင်းပါတယ်။ ဒီဖုန်းရဲ့ လုပ်ဆောင်နိုင်မှုတွေက အကန့်အသတ် ရှိရင်တောင် လူတယောက်ရဲ့ တီထွင်ဖန်တီးမှုက အကန့်အသတ် မရှိဘူးလို့ ကျွန်တော် ယုံကြည်တယ်။ သြဂုတ်လထုတ် မဂ္ဂဇင်းထဲက ကျွန်တော်ရိုက်ထားတဲ့ ဓာတ်ပုံတွေကို အားပေးကြပါဦး” ဟု ပြောကြားသွားခဲ့ပါသည်။
 
HUAWEI P10 Plus ၏ ကင်မရာသည် ကျွမ်းကျင်ဓာတ်ပုံဆရာများ အသုံးပြုနိုင်သလို အပျော်တမ်း အသုံးပြုများ အတွက်လည်း လွယ်လွယ်ကူကူ အသုံးပြုနိုင်ပါသည်။ 
ဓာတ်ပုံရိုက်ကူးရေး ပြီးဆုံးသွားပြီ းနောက်တည်းဖြတ်မှု ပြုရာတွင် နဂိုမူလပုံ၏ အရည်အသွေးကို မကျဆင်းစေဘဲ တည်းဖြတ်နိုင်သည့် DNG Raw Format ကို အသုံးပြုနိုင်အောင်လည်း စီစဉ်ထားပါသည်။

HUAWEI P10 Plus တွင် အသုံးပြုထားသည့် Leica Summilux F/1.8 lens အသစ်အား အလင်းရောင် နည်းပါးသည့် အချိန်တွင် အသုံးပြုနိုင်ရန် စီစဉ်ထားပါသည်။ ဤဖုန်းတွင် ၁၂ Megapixel နှင့် ၂၀ Megapixel ရှိသည့် ကင်မရာနှစ်လုံး ပါဝင်ပြီး Optically Stabilized Color Sensor နှင့် Monochrome Sensor တို့ ပါရှိခြင်းကြောင့် Leica ကင်မရာ နည်းပညာ အသုံးပြုထားသောHUAWEI Smartphone Camera များ၏ ရုပ်ထွက်အရည်အသွေးအား ပိုမိုကောင်းမွန်စေပါသည်။ 


Huawei Technologies (Yangon) Co., Ltd ၏ Marketing Director ဖြစ်သူ မခင်ရတနာဝင်းကလည်း “ဒီဖုန်းတွေကို မေလမှာ စတင်ရောင်းချခဲ့ပြီးတော့ စမတ်ဖုန်းတွေက ကင်မရာတွေနေရာမှာ ဘယ်လိုအစားထိုး ဝင်ရောက်နေတယ်ဆိုတဲ့ အကြောင်းကို MODA မဂ္ဂဇင်း တည်ထောင်သူ မထင်ထင်နဲ့ ပြောဖြစ်ခဲ့တယ်။ အဲလိုပြောနေတုန်းHUAWEI P10 Plus ကို MODA မဂ္ဂဇင်း Cover Shoot မှာသုံးဖို့ ကြံရလို့ မထင်ထင်ကို ပြောကြည့်တော့ သူကလည်း ဒီစိတ်ကူးကို သဘောကျတယ်။ အဲဒါနဲ့ ဒီအစီအစဉ် ဖြစ်မြောက်အောင် ဘယ်သူတွေနဲ့ ဘယ်လိုပုံစံ ရိုက်ကြမလဲဆိုတာ လုပ်ဖော်ကိုင်ဖက်တွေနဲ့ အတူတူ ဆက်ဆွေးနွေးဖြစ်ကြတာပါ။ ဒါမျိုးက အရင်က မလုပ်ဖူးဘူးဆိုတော့ လုပ်ရတာ ပျော်ဖို့လည်း ကောင်းတယ်။ ရလာတ ဓာတ်ပုံတွေကို ကြည့်လိုက်ရင် HUAWEI P10 နဲ့ P10 Plus တွေဟာ အရည်အသွေးမြင့်တဲ့ ဓာတ်ပုံတွေကို ရိုက်နိုင်တယ်ဆိုတာ သိနိုင်ပါတယ်” ဟုပြောကြားသွားခဲ့ပါသည်။

“ဒီစမတ်ဖုန်းနဲ့ ရိုက်တဲ့ ဓာတ်ပုံတွေက ပုံထွက်ကောင်းတဲ့အတွက် သုံးတဲ့လူတွေ အားလုံး ကြိုက်မယ်လို့ ထင်ပါတယ်။ MODA မဂ္ဂဇင်းနဲ့ ပူးတွဲလုပ်ခဲ့တာက ဒီဖုန်းဟာ ဓာတ်ပုံဆရာတွေ Cover Shot တွေ ဖန်တီးတဲ့ နေရာမှာ သုံးလို့ရတယ် ဆိုတာကို ပြချင်လို့ပါ။ မဂ္ဂဇင်းထဲမှာပါတဲ့ ကာဗာနဲ့ ဖက်ရှင်ဓာတ်ပုံတွေကို ပရိသတ်တွေ ကြိုက်ကြမယ်ဆိုတာ သေချာပါတယ်” ဟု မခင်ရတနာဝင်းက ဆက်လက်ပြောကြားသွားခဲ့ပါသည်။

မှန်ဘီလူးနှစ်ခု ပါဝင်သည့် ၂၀ Megapixel ကင်မရာမှာ အသုံးပြုပုံ အမျိုးမျိုး ပါရှိပါသည်။ ဥပမာအားဖြင့် Subject အပေါ်တွင် Focus ယူပြီး နောက်ခံကို ဝါးအောင် စွမ်းဆောင်နိုင်သည့် Bokeh Effect ကို အသုံးပြုနိုင်သလို ဓာတ်ပုံထဲတွင် ပါသည့် အရာဝတ္ထုအားလုံးကို ကြည်လင်ပြတ်သားစွာ ပေါ်လွင်စေသည့် Auto Mode ကိုလည်း အသုံးပြုနိုင်ပါသည်။

 
သြဂုတ်လ၏ မျက်နှာဖုံးရှင်ဖြစ်သော ရုပ်ရှင်သရုပ်ဆောင် နန်းဆုဦးကလည်း “ဒီရိုက်ကူးမှုက နန်းဆုအတွက် ပထမဆုံးတွေ အများကြီးပဲ။ မိတ်ကပ်ဆရာ၊ Stylist၊ ဓာတ်ပုံဆရာ၊ ဒီဇိုင်နာ၊ Videographer တွေအားလုံးနဲ့ ပထမဆုံး တွေ့ဖူးတာပါ။ ဒါပေမယ့် ဒါတွေအားလုံးထဲကမှ ထူးထူးခြားခြား အဖြစ်ဆုံးကတော့ နန်းဆုကြိုက်တဲ့ Phone နဲ့ ဓာတ်ပုံရိုက်ရတာပါပဲ။ နန်းဆုအတွက် စမတ်ဖုန်းတစ်လုံးနဲ့ Cover Photo ရိုက်တာ ဒါက ပထမဆုံးပါပဲ။ ပြီးတော့ နန်းဆုက ဒီဖုန်းပဲ သုံးနေတာ ဆိုတော့ ဒီဖုန်းနဲ့ပဲ နေ့တိုင်း ဓာတ်ပုံတွေ ရိုက်ဖြစ်တဲ့အတွက် HUAWEI P10 Plus ရဲ့ အရည်အသွေးကို ယုံကြည်ပြီးသားပါ။ ဒီဖုန်းနဲ့ ဓာတ်ပုံရိုက်တိုင်း ပုံတွေက နန်းဆုလိုချင်သလို အမြဲတမ်းရတဲ့အတွက် စိတ်တိုင်းကျပါတယ်” ဟု ပြောခဲ့ပါသည်။

ရိုက်ကွင်းမှ ဓာတ်ပုံများနှင့် ပါဝင်သော အနုပညာရှင်များ၏ အင်တာဗျူးတို့ကို ကြည့်ရှုရန် ဤ Facebook စာမျက်နှာ https://www.facebook.com/artskyshow/posts/724208604455046 သို့မဟုတ် Pyone Play စာမျက်နှာ http://www.pyoneplay.com/show/Art-Sky/1fbdb6562e904ce9a3e73effcadeb47e/video/loajYxYzE6ioZuRa6Aoa4k9kYE65XRe4/21/7/2017-Art-Sky-(Seg-1) တွင် ကြည့်ရှုနိုင်ပါသည်။