News

POST TYPE

ABOUT US

မတူညီမှုများနှင့် အောင်မြင်သူ
22-Jan-2017 tagged as ကော်ဖီ

ခေတ်မီဟိုတယ်ကြီး၏ အနောက်ဘက် အဝါရောင် ခပ်ညစ်ညစ်စာအုပ်များ အထပ်ထပ်ပုံထားရာလမ်း။ ခေတ်အဆက်ဆက် စာပေယဉ်ကျေးမှု ထွန်းကားရာ နယ်မြေ။ ထိုနေရာ ၃၁ လမ်းတွင် ဉာဏ်ကြီးရှင်လည်း ရှိသည်။ စာပေလမ်းကြားတွင် အိုင်တီပညာရှင်တစ်ဦး ဖွင့်ထားသည့် ကော်ဖီဆိုင်။ 

မတူညီသည့် အသက်မွေးဝမ်းကျောင်း နှစ်ခုကို ချိတ်ဆက်လုပ်ဆောင်နေသူ၊ မြန်မာကော်ဖီအဖြစ် ရှမ်းတောင်မြင့် ကော်ဖီ Genius အမှတ်တံဆိပ်ကို ပြည်ပနိုင်ငံသို့ မိတ်ဆက်ပေးသူမှာ ဦးငွေထွန်း ဖြစ်သည်။

မြန်မာစာရေးသားသည့်စနစ် ယူနီကုတ်စာလုံး ဖောင့်တီထွင်ရာတွင် ပါဝင်ခဲ့ပြီး ဆော့ဖ်ဝဲရေးသားသည့် အိုင်တီပညာရှင်သည် ကော်ဖီထုတ်လုပ်သည့် လုပ်ငန်းပိုင်ရှင်လည်း ဖြစ်လာသည်။ အခြေခံမတူညီသည့် လုပ်ငန်းနှစ်မျိုးကို တစ်ပြိုင်နက် လုပ်ကိုင်နေသူ ...။

ကြီးပွားရေးတက်ကျမ်းများ၌ အလုပ်အောင်မြင်စေရန် လမ်းညွှန်ချက်များတွင် လက်ရှိလုပ်နေသည့် အလုပ်နှင့် နီးစပ်သည့် အလုပ်ကိုသာ ပြောင်းရွှေ့ပြီး တိုးတက်အောင် ကြိုးစားရန် ဆိုထားလေ့ ရှိသည်။ 

ဦးငွေထွန်းကမူ ယင်းကဲ့သို့ မဟုတ်ချေ။ ဆော့ဖ်ဝဲအပိုင်း၊ ဒီဇိုင်းနှင့် Networking အပိုင်းများကို အဓိကထား ရေးဆွဲသော အိုင်တီလုပ်ငန်းပိုင်းတွင်လည်း ကျွမ်းကျင်သူ ဖြစ်နေပြီး ထိုအလုပ်လုပ်နေရင်း တစ်ဖက်မှာလည်း ကော်ဖီအကြောင်းနှင့် ပတ်သက်ပြီး စူးစမ်းလေ့လာမှုများကို ပြုလုပ်နေသူ ဖြစ်သည်။ 

ဦးငွေထွန်းအတွက် ကော်ဖီလုပ်ငန်း ဖြစ်ပေါ်လာစေမည့် စေ့ဆော်ချက်နှစ်ချက် ရှိသည်။ ယင်းကို သူက ယခုလို ပြောပြသည်။ 

“စိုက်ပျိုးရေး လုပ်ချင်တာရယ်၊ ပြည်တွင်းမှာ ကိုယ်တိုင်က နိုင်ငံခြားဖြစ်တွေပဲ ဝယ်သုံးနေရတယ်။ ဒါကိုတားချင်လို့။ နောက်တစ်ခုက Export လုပ်လိုက်လို့ အပယ်ခံတွေကိုပဲ စားနေရတယ်။ အဲဒါမကြိုက်လို့”
 
အဆိုပါ အချက်များအပြင် တောင်သူများ ဆင်းရဲမှု ပပျောက်ပြီး ဝင်ငွေရနိုင်သည့်  နည်းလမ်းကလည်း စိုက်ပျိုးရေးသာ ရှိသောကြောင့် ထိုလုပ်ငန်းကို ကူညီလိုရင်း ကော်ဖီထုတ်ရန် ဆန္ဒရှိလာခြင်း ဖြစ်သည်။ 

ထိုသို့ စိုက်ပျိုးရေးလုပ်ငန်းကို ရွေးချယ်ပြီးနောက်ပိုင်း ကော်ဖီကို ရွေးချယ်ခဲ့သည်။ ကိုယ်ကာယ၊ ရုပ်ခန္ဓာထက် စိတ်ကူးစိတ်သန်း အတွေးအကြံများနှင့် တွေးတောကာ အလုပ်လုပ်ရသူများက ကော်ဖီကိုပို၍ သောက်ကြသဖြင့် ကော်ဖီလုပ်ငန်းကို စိတ်ဝင်စားလာပြီး လေ့လာခဲ့သည်။ 

ယင်းနောက်ပိုင်း ကော်ဖီစိုက်ပျိုးလေ့ ရှိသည့် တောင်ပေါ်ဒေသ၊ မြေပြန့်ဒေသ အနှံ့အပြားကို သွားရောက်လေ့လာခဲ့သည်။ 

ကော်ဖီ ရှာပုံတော် ထွက်နေစဉ် ရှမ်းပြည်နယ်တောင်ပိုင်း ရွာငံသို့ ရောက်ရှိချိန်တွင် တောင်မြင့်ပြီး ဒေသခံ ပအို့ဝ်၊ ဓနု လူမျိုးများ၏ လူနေမှု စရိုက်လဏ္ခာများကို ကြိုက်နှစ်သက်သည့်အတွက် ယင်းနေရာကို ကော်ဖီစိုက်ပျိုးရန် ရွေးချယ်ခဲ့ကြောင်း ဦးငွေထွန်းက ဆိုသည်။

ထို့နောက် ကော်ဖီအမည်ကို စဉ်းစားပုံကို ဦးငွေထွန်းက ယခုကဲ့သို့ ပြောပြသည်။

“ကံကိုမျှော်ပြီး လုပ်နေမယ့်သူတွေအစား ဉာဏ်ကိုမျှော်ပြီး လုပ်တဲ့သူတွေ များများဖြစ်လာစေချင်တာနဲ့ ဉာဏ်ကြီးရှင်လို့ အမည်ပေးထားတာ”

ဉာဏ်ကြီးရှင်က လွယ်လွယ်ကူကူ ဖြစ်လာခြင်း မဟုတ်ချေ။ ရွာငံဒေသ ကော်ဖီစိုက်ပျိုးသူများနှင့် ဦးငွေထွန်း ရင်းရင်းနှီးနှီးနေကာ စိုက်ပျိုးရေးက အကျိုးအမြတ်များအကြောင်း ဆွေးနွေးပြောကြားရသည်။ စိုက်ပျိုးရေးကို စနစ်တကျ လုပ်ကိုင်တတ်ရန်၊ သြဂဲနစ်သီးနှံ ဖြစ်ရန် ပညာပေး စည်းရုံးရပြီး တောင်သူများနှင့် ရင်းနှီးမှု ရယူရသည်။ 

မြန်မာ့ကော်ဖီ ထုတ်လုပ်ရန်အတွက် ဦးငွေထွန်းက ရွာငံဒေသခံများနှင့်အတူ ပူးပေါင်းလုပ်ဆောင်သည်။ ပူးပေါင်းလုပ်ဆောင်သူများတွင် တောင်သူ၊ ထုတ်လုပ်သူ၊ ကုန်ပစ္စည်းထုတ်သူ၊ တင်ပို့သူ၊ ရောင်းချသူများ ပါဝင်သည်။ ယင်းနောက်ပိုင်း ကော်ဖီစေ့၊ ကော်ဖီမှုန့်နှင့် အသင့်သောက်သုံးနိုင်သော ကော်ဖီမှုန့်အတောင့် (Capsules) များကို ထုတ်လုပ်သည်။

ကော်ဖီပင်ကို ကိုယ်တိုင်စိုက်ပြီးမှ ကော်ဖီထုတ်လုပ်ပါက ယခုကဲ့သို့ နှစ်အနည်းငယ်အတွင်း အောင်မြင်လာမည် မဟုတ်ဟု သူက ဆိုသည်။ 

ကော်ဖီလုပ်ငန်းကို ၂၀၁၂ ခုနှစ်က စတင်အကောင်အထည်ဖော်ခဲ့သည်။ 

၂ နှစ် အကြာတွင် Genius ကော်ဖီဆိုင်ကို ၃၁ လမ်း (အထက်) တွင် ဖွင့်လှစ်ခဲ့သည်။ ကော်ဖီလုပ်ငန်း တဖြည်းဖြည်း ကျယ်ပြန့်လာပြီး ၂၀၁၅ ခုနှစ်တွင် တာမွေ၌ ကော်ဖီဆိုင်နှင့် သုတေသနဓာတ်ခွဲခန်း Third Wave Coffee Initiative ဖွင့်လှစ်ခဲ့သည်။ 

သြဂဲနစ်စနစ်ဖြင့် စိုက်ပျိုးထုတ်လုပ်ကြောင်း အသိအမှတ်ပြုလက်မှတ်ကို ရယူရန်အတွက် ရွာငံမြို့နယ် လယ်ကိုင်းကျေးရွာတွင် ဒေသခံ ဓနုတိုင်းရင်းသား တောင်သူ ၅၀ ဦးဖြင့် ဧကခုနစ်ဆယ်၌ သဘာဝအတိုင်း စိုက်ပျိုးထားသည့် သရက်၊ ထောပတ်နှင့် ပိန္နဲပင်များကြား ကော်ဖီပင်များကို စိုက်ပျိုးကြသည်။ 

ယင်းအတွက် အမေရိကနှင့် ဥရောပနိုင်ငံများ၏ စံချိန်စံညွှန်းများအတိုင်း လိုက်နာကြောင်း Control Union မှ ကွင်းဆင်းစစ်ဆေးချက်များဖြင့် ၂၀၁၆ ဇူလိုင်လတွင် သြဂဲနစ်စနစ်ဖြင့် စိုက်ပျိုးထုတ်လုပ်ကြောင်း အသိအမှတ်ပြု လက်မှတ်ကို လက်ခံရရှိခဲ့သည်။

နိုင်ငံတကာအဆင့်မီ ယင်းသြဂဲနစ် အသိအမှတ်ပြုလက်မှတ်ကို ရယူရန်အတွက် အချိန် ၂ နှစ် ကြာခဲ့သည်။ မြန်မာနိုင်ငံတွင် ကော်ဖီထုတ်လုပ်မှုအတွက် ပထမဦးဆုံး ရရှိသော နိုင်ငံတကာ အသိအမှတ်ပြု သြဂဲနစ်ဆိုင်ရာ လက်မှတ်အမျိုးအစား ဖြစ်သည်။

ဉာဏ်ကြီးရှင် ရှမ်းတောင်မြင့် ကော်ဖီလုပ်ငန်းက Genius နာမည်ဖြင့် ကော်ဖီဆိုင် နှစ်ဆိုင် ဖွင့်လှစ်ထားသည်။ ပူးပေါင်းဖွင့်လှစ်ထားသည့် ဆိုင်လေးဆိုင် ရှိပြီး စင်ကာပူ၊ ချင်းမိုင်နှင့် ဘန်ကောက်တို့တွင်လည်း ကော်ဖီဆိုင်များ ဖွင့်လှစ်ထားသည်။

ဉာဏ်ကြီးရှင် ကော်ဖီက သြဂဲနစ် လက်မှတ်ရ ကော်ဖီအမည်ဖြင့် ဆူပါမားကက်များ၊ သစ်သီးဝလံဆိုင်များ၊ ကော်ဖီဆိုင်များနှင့် လက်ဆောင်ပစ္စည်း ရောင်းချသော ဆိုင်များတွင် ကော်ဖီစေ့၊  ကော်ဖီမှုန့်နှင့် အသင့်သောက်သုံးနိုင်သော ကော်ဖီမှုန့်အတောင့် (Capsules) များကို ရောင်းချနေသည်။ 

Genius ကော်ဖီမှ သြဂဲနစ် လက်မှတ်ရရှိထားသည့် ကော်ဖီထုပ်မှာ အစိမ်းရောင်ထုပ် ဖြစ်သည်။ ရိုးရိုးအမျိုးအစားမှာမူ အနီရောင်ဖြစ်ပြီး ဈေးနှုန်းကွာခြားမှု ရှိသည်။

အဆိုပါ ကော်ဖီမှုန့်များကို၂၀၁၅ ခုနှစ်တွင် ဟောင်ကောင်၊ ၂၀၁၆ ခုနှစ်တွင် စင်ကာပူသို့ ရောင်းချခဲ့ပြီး ၂၀၁၇ ခုနှစ်ထဲတွင် ဥရောပနိုင်ငံများနှင့် အမေရိကန်နိုင်ငံများကို တင်ပို့ရောင်းချမည် ဖြစ်ကြောင်း ဉာဏ်ကြီးရှင် ကော်ဖီလုပ်ငန်း တည်ထောင်သူနှင့် ပိုင်ရှင်ဖြစ်သူ ဦးငွေထွန်းက ရှေ့လုပ်ငန်းစဉ်များ အကြောင်းကိုပါ  စဉ်းစားရင်းဆိုသည်။

ကော်ဖီလုပ်ငန်းမှ အမြတ်ငွေ ၁၀ ရာခိုင်နှုန်းကို ရွာငံဒေသခံများအတွက် ပြန်လည်အသုံးပြုသည်။ ငွေကြေးတိုက်ရိုက်မပေးဘဲ တိုင်းရင်းသားများကို ကျန်းမာရေး၊ ပညာရေး၊ ကော်ဖီစိုက်ပျိုးရေးနှင့် ပတ်သက်သည့် နည်းပညာများ အကြောင်း သင်တန်းပေးခြင်းများ ပြုလုပ်ပေးကြောင်း သူက ဆိုသည်။ 

ဉာဏ်ကြီးရှင် ကော်ဖီလုပ်ငန်းနှင့် အစာအာဟာရဆိုင်ရာ သိပံ္ပနှင့် နည်းပညာ (Fosta Myanmar) အသင်းတို့ ပူးပေါင်းပြီး ရွာငံဒေသခံများကို သင်တန်းပေးသည်။ အာရေးဘီးက (ကုန်းမြင့်ကော်ဖီ) အမျိုးအစားကို စိုက်ပျိုးခြင်း ဖြစ်သည်။ ပနားမားနိုင်ငံမှ အပင်မျိုးစေ့ကိုလည်း စိုက်ပျိုးသည်။

ရှမ်းပြည်နယ်တောင်ပိုင်းတွင် ဖွင့်လှစ်ထားသည့် Genius Coffee Estate တွင် ကော်ဖီစိုက်ပျိုးမည့် ဒေသခံ တောင်သူများကို အခမဲ့သင်တန်းအဖြစ် ကော်ဖီမျိုးစေ့၊ အရိပ်ရအပင်နှင့် နည်းပညာပေးပြီး ကော်ဖီ စိုက်ပျိုးခိုင်းကြောင်း Genius က ဖွင့်လှစ်သည့် ကော်ဖီစိုက်ပျိုးရေးဆိုင်ရာ သင်တန်းတက်ရောက်ဖူးသူတစ်ဦး ဖြစ်သူ ဦးကြည်ရအောင်က ဆိုသည်။ 

“သြဂဲနစ်လည်း မှန်ပါတယ်။ ပေးတာ အခမဲ့ပါ။ အသီးပေါ်ရင် သူတို့ဆီ လာသွင်းပေးဖို့ပဲ ပြောပါတယ်။ ဈေးကိုတော့ ပေါက်ဈေးအတိုင်း ပေးပါတယ်” ဟု ၎င်းက သူ့အတွေ့အကြုံကို ပြန်လည်ပြောကြားသည်။ 

ဦးငွေထွန်းသည် Genius ကော်ဖီ လုပ်ငန်းနှင့်အတူ သဘာဝအခြေခံခရီးသွား လုပ်ငန်းကိုပါ တွဲဖက်လုပ်ဆောင်သူ ဖြစ်သည်။

သဘာဝ အခြေခံခရီးသွားလုပ်ငန်း အဖြစ် သြဂဲနစ် ကော်ဖီစိုက်ပျိုးရေးနှင့် ပတ်သက်ပြီး လေ့လာရေး Study Tour ကိုလည်း ရွာငံရှိ Genius ကော်ဖီစိုက်ပျိုးရေးခြံနှင့်ဆိုင်တွင် လေ့လာနိုင်မည်။ ကော်ဖီအပင်မှစပြီး ကော်ဖီရသည်အထိ လေ့လာနိုင်မည် ဖြစ်သည်။ တောင်သူများနှင့်လည်း စကားပြောနိုင်မည်။ ယင်းအပြင် အနီးနားရှိ ရေပြာအိုင်၊ အစုအဖွဲ့ပိုင် သစ်တောနှင့် လိမ္မော်ခြံများကိုလည်း သွားရောက်လေ့လာနိုင်မည် ဖြစ်သည်။ 

ထိုလုပ်ငန်းအပြင် ကော်ဖီမှုန့်အကျန် စွန့်ပစ်ပစ္စည်းမှ ဆပ်ပြာပြုလုပ်သည်။ နောက်ပိုင်းတွင် ဟိုတယ်များမှ ထွက်သည့် တစ်ခါသုံး ဆပ်ပြာများနှင့် အသီးအနှံများရောပြီး Recycle ပြန်သုံးနိုင်သည့် ဆပ်ပြာပြန်ထုတ်မည်ဟု သူက ဆိုသည်။

ယခု သူလုပ်ကိုင်နေသော နည်းလမ်းများသည် Third Wave Coffee နည်းလမ်း ဖြစ်သည်။ ကမ္ဘာကျော် Starbucks ကော်ဖီကို ၁၉၇၁ ခုနှစ်တွင် အမေရိကန်ပြည်ထောင်စု ဝါရှင်တန်တွင် စတင်တည်ထောင်ခဲ့ရာ နှစ်ပေါင်း ၅၀ ကျော်မျှ သက်တမ်းကြာမြင့်ပြီ ဖြစ်ပြီး ယင်း၏ နည်းလမ်းသည် Second Wave တွင်ပင် ရှိသေးကြောင်း သူက သုံးသပ်ပြသည်။ 

သူ ကျွမ်းကျင်လုပ်ကိုင်နေသော အလုပ်တစ်ခုနှင့် သဘောသဘာဝချင်း မနီးစပ် မတူညီသည့် အခြားအလုပ်အမျိုးအစား တစ်ခုကို လုပ်ဆောင်အောင်မြင်နေသူ ၎င်းက ယခုလို ထပ်မံပြောဆိုလိုက်သေးသည်။

“ကျွန်တော် ဒီကော်ဖီ စီးပွားရေးမှ မဟုတ်ဘူး၊ တခြားမတူတဲ့ စီးပွားရေးတစ်ခုကို လုပ်ရင်လည်း အချိန်တိုအတွင်းမှာ အောင်မြင်မှာပဲ” 

ဥမ္မာလွင်