News

POST TYPE

ABOUT US

သံမဏိဝန်ကြီးချုပ် သို့မဟုတ် အန်ဂလာ မာကယ်လ်
11-Dec-2016 tagged as

အမည်အပြည့်အစုံမှာ အန်ဂလာဒေါ်ရိုသီ မာကယ်လ် (Angela Dorothea Merkel) ဖြစ်သည်။ ၁၉၅၄ ခုနှစ် ဇူလိုင်လ ၁၇ ရက်နေ့တွင် မွေးဖွားသည်။ ဂျာမနီနိုင်ငံ၏ နိုင်ငံရေးသမား တစ်ဦးဖြစ်ပြီး လက်ရှိ ဂျာမနီနိုင်ငံတွင် ဝန်ကြီးချုပ်အဖြစ် တာဝန် ထမ်းဆောင်လျက် ရှိသည်။ သူမသည် ခရစ်ယာန် ဒီမိုကရက်တစ် ယူနီယံ (CDU) ၏ ခေါင်းဆောင် တစ်ဦးလည်းဖြစ်သည်။

ယခင်က သိပ္ပံသုတေသန ပညာရှင် တစ်ဦးဖြစ်ပြီး Physical Chemistry ဘာသာရပ်တွင် ဒေါက်တာဘွဲ့ကို ရရှိသူ တစ်ဦးလည်း ဖြစ်သည်။ ၁၉၈၉ ခုနှစ်မှ နိုင်ငံရေး လောကအတွင်း ခြေချခဲ့သည်။ ၁၉၉၀ ပြည့်နှစ်တွင် အရှေ့ ဂျာမနီနိုင်ငံ အစိုးရအဖွဲ့တွင် ပြောရေးဆိုခွင့်ရှိသူ တစ်ဦးအဖြစ် စတင် တာဝန်ထမ်းဆောင်ခဲ့သည်။

၂၀ဝ၅ ခုနှစ်က ဂျာမနီနိုင်ငံ၌ ကျင်းပသည့် ရွေးကောက်ပွဲတွင် CDU က တင်သွင်းသည့် ပထမဆုံး အမျိုးသမီး ဝန်ကြီးချုပ် ဖြစ်လာခဲ့ရသည်။

ဘဝအစ

မာကယ်လ်ကို ၁၉၅၄ ခုနှစ်တွင် ဂျာမနီနိုင်ငံ ဟမ်းဘတ်မြို့တွင် မွေးဖွားသည်။ ဖခင်မှာ ဟော့စ်ကာ့စ်နာ ဖြစ်သည်။ ဘာလင်သား ဘုန်းတော်ကြီး တစ်ဦးလည်း ဖြစ်သည်။ မိခင်မှာ ဟာလင်းဖြစ်ပြီး ဒန်းဇစ်သူဖြစ်ကာ အင်္ဂလိပ်နှင့် လက်တင်စာပြသည့် ဆရာမ တစ်ဦးဖြစ်သည်။

မာကယ်လ်တွင် မွေးချင်း နှစ်ယောက် ရှိသည်။ မောင်ဖြစ်သူ မားကပ်စ်ကာ့စ်နာသည် ရူပဗေဒ ပညာရှင် တစ်ဦးဖြစ်ပြီး ညီမဖြစ်သူ အိုင်ရင်းကာ့စ်နာမှ ဆရာဝန် တစ်ဦးဖြစ်သည်။

အရှေ့ ဂျာမနီတွင် ကြီးပြင်းလာရသူ ဖြစ်သဖြင့် မာကယ်လ်သည် ဆိုရှယ်လစ်ပါတီ (Social Unity Party) အဖွဲ့ဝင် တစ်ဦးလည်း ဖြစ်ခဲ့သည်။ ကျောင်းသူ ဘဝတွင် ရုရှားစကားကို ကောင်းစွာ သင်ယူခဲ့ရသဖြင့် ကျွမ်းကျင်စွာ ပြောဆိုနိုင်သည်။ ကျောင်းပြီးသည့် အခါတွင်လည်း ရုရှားစကားနှင့် သင်္ချာဘာသာရပ်တို့တွင် ထူးချွန်စွာ အောင်မြင်ခဲ့သည်။

Leipzig တက္ကသိုလ်မှ ကျောင်းပြီးသည်။ ထို တက္ကသိုလ်တွင် ၁၉၇၃ ခုနှစ်မှ ၁၉၇၈ ခုနှစ်အထိ ရူပဗေဒ ဘာသာရပ်ကို တက်ရောက် သင်ကြားခဲ့သည်။

၁၉၈၉ ခုနှစ်တွင် ဘာလင် တံတိုင်းကြီး ပြိုကျ ပျက်စီးသွားပြီးနောက် မာကယ်လ် တစ်ယောက် ဒီမိုကရေစီ လှုပ်ရှားမှုများတွင် ဝင်ရောက် ပါဝင်ခဲ့သည်။ ပါတီသစ်ဖြစ်သည့် Democratic Awakening နှင့် ပူးပေါင်းခဲ့သည်။ အရှေ့ဂျာမနီတွင် ပထမဆုံး ရွေးကောက်ပွဲ ကျင်းပချိန်တွင် Lothar de Maiziere အစိုးရ၏ ပြောရေးဆိုခွင့်ရှိသူ တစ်ဦး ဖြစ်လာသည်။ ၁၉၉၀ ပြည့်နှစ်တွင် Democratic Awakening ပါတီသည် အရှေ့ဂျာမနီ CDU ပါတီနှင့် ပူးပေါင်း လိုက်သောကြောင့် CDU ပါတီဝင် ဖြစ်လာခဲ့ရသည်။

နိုင်ငံရေးသမား ဘဝအစ

မာကယ်လ်သည် ၁၉၉၀ ပြည့်နှစ် ရွေးကောက်ပွဲတွင် ဝင်ရောက် ရွေးကောက်ခံသည်။ ကက်ဘိနက်တွင် အမျိုးသမီးနှင့် လူငယ်ဆိုင်ရာ ဝန်ကြီး ဖြစ်လာသည်။ ဝန်ကြီးချုပ် ဟဲလ်မွတ်ခိုးလ် လက်အောက်တွင်  တာဝန် ထမ်းဆောင်ခဲ့ရခြင်း ဖြစ်သည်။ ၁၉၉၄ ခုနှစ်တွင် ပတ်ဝန်းကျင်နှင့် နျူကလီးယား လုံခြုံရေးဝန်ကြီးအဖြစ် ရာထူးတိုးပေးခြင်း ခံရသည်။ နိုင်ငံရေးလုပ်ငန်းများကို ထဲထဲဝင်ဝင် ပါဝင် ဆောင်ရွက်ခွင့် ရလာသည့်သဘော ဖြစ်သည်။ ခိုးလ်၏ အစိုးရအဖွဲ့တွင် အသက် အငယ်ဆုံး အမျိုးသမီးဝန်ကြီး ဖြစ်သဖြင့် ဝန်ကြီးချုပ် ခိုးလ်က “ကောင်မလေး”ဟု ချစ်စနိုး ခေါ်လေ့ရှိသည်။

ခေါင်းဆောင်နေရာ ရောက်လာ

၁၉၉၈ ခုနှစ် ရွေးကောက်ပွဲတွင် ခိုးလ်အစိုးရအဖွဲ့သည် ရှုံးနိမ့်သွားခဲ့သည်။ မာကယ်လ်သည် CDU ပါတီ၏ အထွေထွေ အတွင်းရေးမှူးအဖြစ် ရွေးကောက် တင်မြှောက်ခြင်း ခံလိုက်ရသည်။ ၁၉၉၉ ခုနှစ် ပြည်နယ် ခုနစ်ခုတွင် ဝင်ရောက် ယှဉ်ပြိုင်ရာ ခြောက်ခုတွင် အနိုင် ရရှိခဲ့သည်။ သို့သော် ၂၀ဝ၅ ခုနှစ် နိုဝင်ဘာ ၂၂ ရက်နေ့မှ ဝန်ကြီးချုပ် ဖြစ်လာခဲ့ရသည်။

ကိုယ်ရေးဘဝ

၁၉၇၇ ခုနှစ်၊ အသက် ၂၃ နှစ်တွင် မာကယ်လ်သည် ရူပဗေဒကျောင်းသား တစ်ဦးဖြစ်သူ အူးရစ် မာကယ်လ်နှင့် လက်ထပ်ခဲ့သည်။ ထို့ကြောင့် အန်ဂလာ မာကယ် ဖြစ်လာခဲ့ရသည်။ ၁၉၈၂ ခုနှစ်တွင် သူတို့ အိမ်ထောင်ရေး တစ်ခန်း ရပ်သွားသည်။ တရားဝင် ကွာရှင်းခဲ့ကြသည်။ လက်ရှိ ခင်ပွန်းမှာ Quantum Chemist ပါမောက္ခတစ်ဦး ဖြစ်သူ Joachim Sauer ဖြစ်သည်။
သူတို့နှစ်ဦး ၁၉၈၁ ခုနှစ်မှ တွေ့ခဲ့ကြခြင်းဖြစ်ပြီး ၁၉၉၈ ခုနှစ် ဒီဇင်ဘာလ ၃၀ ရက်နေ့တွင် တိုးတိုးတိတ်တိတ် လက်ထပ်ခဲ့ကြသည်။ သူတို့တွင် သားသမီး တစ်ဦးမျှ မရခဲ့ကြပေ။ သို့သော် ခင်ပွန်းဖြစ်သူ Sauer တွင် ယခင် အိမ်ထောင်နှင့် သား နှစ်ဦး ထွန်းကားခဲ့သည်။

မာကယ်လ်သည် ဘောလုံး အလွန် ဝါသနာပါသည်။ Bundestag အစည်းအဝေး တက်နေသည့် ကာလတွင်ပင် ဘောလုံးပွဲ ထုတ်လွှင့်ချက်ကို နားထောင်နေသူ ဖြစ်သည်။ ဂျာမနီ ဘောလုံးပွဲများကိုလည်း တက်ရောက် ကြည့်ရှု အားပေးလေ့ ရှိသည်။

၂၀၁၄ ခုနှစ် ဇန်နဝါရီ ၆ ရက်နေ့က ဆွစ်ဇာလန် နိုင်ငံတွင် စကိတ်စီးစဉ် လဲကျပြီး တင်ပါးဆုံရိုး အက် သွားခဲ့သည်။ မာကယ်လ်သည် ၁၉၉၅ ခုနှစ်တွင် ခွေးလိုက်ခံရပြီးကတည်းက ခွေး ကြောက်တတ်သည်။ ၂၀ဝ၇ ခုနှစ်တွင် ရုရှားသမ္မတ ပူတင်သည် မာကယ်လ်ကို လာတွေ့စဉ်က သူ၏ လာဘရာဒေါ ခွေးကို သတင်း မီဒီယာ တွေ့ဆုံပွဲကို ခေါ်လာခဲ့သဖြင့် ပြဿနာ တက်ခဲ့ရသည်။ နောက်မှ ပူတင်က မာကယ်လ် ခွေး ကြောက်တတ်မှန်း မသိသဖြင့် ခေါ်လာမိခဲ့ခြင်းဖြစ်ကြောင်း၊ ကြောက်အောင် ချောက်စေလိုသည့် ဆန္ဒမရှိကြောင်း ထုတ်ပြောသည်။ သို့သော် မာကယ်လ်က ပူတင် သတင်းစာ ရှင်းလင်းပွဲကို ခွေးခေါ်လာခြင်းမှာ သူ့ကိုယ်သူ ယောကျာ်းပီသကြောင်း ပြသလို၍ဖြစ်ကြောင်း၊ သူက သူ့အားနည်းချက်ကို လူ သိမည် စိုးရိမ်သောကြောင့်ဖြစ်ကြောင်း မာကယ်လ်က ဝေဖန်ခဲ့သည်။

မာကယ်လ်သည် သိပ္ပံပညာရှင် တစ်ဦးဖြစ်သလို  အမျိုးသမီး နိုင်ငံရေးသမား တစ်ဦးလည်း ဖြစ်သည်နှင့်အညီ ဗြိတိန် ဝန်ကြီးချုပ်ဟောင်း မာဂရက် သက်ချာနှင့် နှိုင်းယှဉ်ခြင်း ခံရသူလည်း ဖြစ်သည်။ မာဂရက် သက်ချာကို “Iron Lady”ဟု တင်စား ခေါ်ဝေါ်ကြသလို သူ့ကိုလည်း “Iron Frau”ဟု တင်စား ခေါ်ဝေါ်ခဲ့ကြသည်။ မာကယ်လ်ကို ဂျာမန်တွေက Mutti ဟုလည်း ခေါ်ကြသည်။ Mutti သည် ဂျာမန်လို အမေဆိုသည့် သဘောဖြစ်သည်။ သူ့ကို သံမဏိ ဝန်ကြီးချုပ်ဆိုသည့် သဘောဖြင့် “Iron Chancellor”ဟုလည်း ခေါ်ဝေါ် သုံးစွဲကြကြောင်း တွေ့ရသည်။

သူမသည် ဂျာမနီနိုင်ငံ၏ ပထမဆုံး အမျိုးသမီး ဝန်ကြီးချုပ် ဖြစ်သလို အရှေ့ဂျာမနီဘက်မှ တက်လာသည့် နိုင်ငံရေးသမား တစ်ဦးလည်းဖြစ်သည်။ သို့သော် သူ့ကို မွေးဖွားခဲ့သည်မှာ အနောက်ဂျာမနီတွင်ဖြစ်သည်။ ဒုတိယ ကမ္ဘာစစ် အပြီးတွင် ဂျာမနီနိုင်ငံ၏ အငယ်ဆုံး အမျိုးသမီး ဝန်ကြီးချုပ် ဖြစ်လာခဲ့ရပြီး ပညာရှင် တစ်ဦးလည်း ဖြစ်ခဲ့သည်။ သူ့ ယခင် တိုင်းပြည်ကို အုပ်ချုပ်ခဲ့သူများသည် ဥပဒေ ပညာရှင်၊ စီးပွားရေး ပညာရှင်၊ သမိုင်း ပညာရှင်နှင့် စစ်တပ် အရာရှိများ ဖြစ်သော်လည်း သူက ရူပဗေဒ ပညာရှင် တစ်ဦး ဖြစ်နေသည်မှာ ထူးခြားသည်ဟု ဆိုရမည်။

မောင်ခေတ်
(Ref, Biography of Leaders, 2016)

  • TAGS