News

POST TYPE

ABOUT US

လိပ်ပြာသစ်ပင်
25-Mar-2018



ဇမ်ဘီယာနိုင်ငံ၏ အပူဒဏ်အောက်တွင် အေးမြသော သစ်ပင်တစ်ပင်က စိမ်းလန်းစွာ အကူအညီပေးလျက်ရှိသည်။ အမည်က လိပ်ပြာသစ်ပင် Butterfly Tree တဲ့။ အခွင့်အလမ်းနည်းလွန်းလှသော အာဖရိကကလေးငယ်များ၏ ဖွံ့ဖြိုးတိုးတက်ရေးအတွက် ဆောင်ရွက်ပေးနေခြင်းဖြစ်သည်။ များပြားလှစွာသော ဖွံ့ဖြိုးရေးအစီအစဉ် အဖွဲ့အစည်းများစွာထဲက အဆိုပါအစီအစဉ်ကို အဘယ့်ကြောင့် မှတ်တမ်းတင်အပ်သနည်းဟုဆိုသော် လိပ်ပြာသစ်ပင်သည် အများကလှူဒါန်းကြသော အလှူငွေ၏ ရာနူန်းပြည့်နီးပါးကို လိုအပ်သူ ဒေသခံကလေးငယ်များ ခံစားရနိုင်စေရေး စီစဉ်ပေးထားသောကြောင့် ဖြစ်သည်။ များသောအားဖြင့် ဖွံ့ဖြိုးရေး၊ အကူအညီပေးရေး အဖွဲ့အစည်းများ၏ သုံးသော လုပ်ငန်းလည်ပတ်စရိတ်က ရရှိသော အလှူငွေ၏ ၃၀ ရာခိုင်နှုန်းခန့် ရှိတတ်သောကြောင့် ဖြစ်ပါသည်။ 

ပရဟိတအစီအစဉ် လိပ်ပြာသစ်ပင်ကို တည်ထောင်သူ အမျိုးသမီးသည် ဇမ်ဘီယာနိုင်ငံကို ရောက်လာတော့ အကူအညီပေးရန် ရောက်လာခြင်း မဟုတ်ပေ။ ကွယ်လွန်သွားပြီဖြစ်သော ထိုစဉ်က ခင်ပွန်းနှင့်အတူ စီးပွားရေးကိစ္စလာခဲ့ခြင်း ဖြစ်သည်။ ရွာတစ်ရွာကို သွားလေ့လာကြည့်သည်။ မိသားစုတိုင်း HIV ဆိုင်ရာ ကူးစက်ထိခိုက်မှုနှင့် ကြုံနေရသည်ကို တွေ့လိုက်ရသည်။ ကလေးအယောက် တစ်ထောင်ရှိသော ကျောင်းတွင် ၄၅၀ က မိဘမဲ့များ ဖြစ်ကြသည်။ ထိုကိစ္စက လာရောက်လေ့လာသူအမျိုးသမီး၏ ရင်ကို ထိရှသွားခဲ့သည်။ သူတို့အတွက် တစ်ခုခုတော့ လုပ်မှရတော့မည်ဟု ဆုံးဖြတ်လိုက်ပေသည်။ 

အဆိုပါ ပရဟိတအစီအစဉ်ကို တည်ထောင်သူမှာ ဂျိန်းကာယီဘီလီဆိုသည့် အမျိုးသမီးဖြစ်သည်။ စတင်တည်ထောင်ခဲ့ကတည်းက ယခုအထိ ၁၁ နှစ်တိုင်အောင် မိဘမဲ့ကလေးများ၊ ကျေးလက်ဒေသနေ ကလေးများအတွက် ဆက်တိုက်ဆိုသလို အကူအညီများ ပေးနေခဲ့ခြင်းဖြစ်သည်။ သူမ၏ စိတ်နှစ်ဇွဲသန်ဆောင်ရွက်မှုကြောင့် ထောင်ပေါင်းများစွာသော ဘဝများကို ကူညီမြှင့်တင်နိုင်ခဲ့ကာ ထိရောက်မှုများလည်း ရှိခဲ့ပါသည်။ အဆိုပါ ပရဟိတအစီအစဉ်၏ အခြေခံသဘောထားက ရှင်းပါသည်။ အလှူရှင် လှူလိုက်သမျှသည် အောက်ခြေပြည်သူ လိုအပ်နေသူများထံသို့ အပြည့်အဝတိုက်ရိုက်ရောက်ရှိရမည်ဟူ၍ ဖြစ်ပါသည်။ ကြားထဲက အကူအညီပေးရေး လုပ်သားအတွက်စရိတ်၊ စီမံခန့်ခွဲရေးစရိတ်များကို လုံးဝမသုံးပါ။ ယနေ့အထိ ရေဆိုးသန့်စင်ရေး လုပ်ငန်းများစွာကို ဆောင်ရွက်ခဲ့ပြီး သောက်သုံးရေအတွက်လည်း ရေတွင်း ၂၁ တွင်းဖြင့် လုပ်ငန်းလည်ပတ်နေကာ လူတစ်သောင်းခန့်၏ ဘဝများအတွက် သက်သောင့်သက်သာ ဖြစ်စေခဲ့ပါသည်။

ရေရှည်တည်တံ့ပြီး လုပ်ငန်းလည်ပတ်နိုင်သော စားနပ်ရိက္ခာဆိုင်ရာ အစီအစဉ်များကို ဂျိန်းက ဦးဆောင်လျက် ဇမ်ဘီယာတွင် ဆောင်ရွက်လျက်ရှိသည်။ တကယ်တမ်း ဇမ်ဘီယာသည် ကမ္ဘာပေါ်တွင် စားနပ်ရိက္ခာအခက်အခဲအဖြစ်ဆုံး တတိယမြောက်နိုင်ငံဖြစ်ကာ အာဖရိက၏ အဆင်းရဲဆုံးနိုင်ငံများထဲမှ တစ်ခုဖြစ်သည်။ ဂျိန်းသည် ကလေးငယ်များ၏ အာဟာရကို ဦးတည်သော ပရဟိတအစီအစဉ်များကို ဖော်ဆောင်လျက်ရှိသည်။ မိဘမဲ့ကလေးနှင့် နွမ်းပါးဒေသနေကလေး ၂၀၀၀ လောက်အတွက် နေ့စဉ်အာဟာရကို စီမံခန့်ခွဲထူထောင်ပေးထားသည်။ ရေရှည်တည်တံ့သော စီးပွားရေးဖြစ်စေရန်အတွက်လည်း နွမ်းပါးသောမိသားစုများအတွက် မျိုးစေ့နှင့် ဓာတ်မြေဩဇာ ထောက်ပံ့ခြင်းများ ဆောင်ရွက်ပေးပါသည်။ 



ဂျိန်းသည် ကလေးများသာမက ဆယ်ကျော်သက် အထက်တန်းကျောင်းသားများအထိ ကူညီနိုင်ရန် ပညာသင်ဆု စပွန်ဆာပေးသော အစီအစဉ်လည်း ပြုလုပ်ထားသည်။ မူလတန်းကြိုမှသည် Grade 12 အထိ ပညာရေးထောက်ပံ့ကူညီမှုများ ဆောင်ရွက်ပေးပါသည်။ ထိုကျောင်းသားများ ဘွဲ့ရသည်အထိ ပညာသင်ကြားပေးသေးသည်။ ပညာတတ်ဖြစ်ပြီဆိုလျှင်တော့ ရပ်ရွာအကျိုးပြုလုပ်ငန်းများ ပြန်လည်ဆောင်ရွက်ရမည်ဟု ကတိကဝတ်တော့ ပေးရသည်။ ကလေးများအတွက် အာဟာရ၊ ပညာရေးနှင့် ရေရှည်အတွက် စဉ်းစားကာ ကလေးမိဘများ၏ အနာဂတ်ဝင်ငွေအတွက်ပါ အစီအစဉ်များ ဆက်တိုက်ဆောင်ရွက်လျက်ရှိသည်။ ဂျိန်းနှင့် သူမ၏ အစီအစဉ်သည် ကျောင်း ၃၅ ကျောင်းကို ထောက်ပံ့လျက်ရှိကာ အထူး ပညာရေးအစီအစဉ်များကိုလည်း ထည့်သွင်းလည်ပတ်လျက်ရှိသည်။
မုဆိုးမများ၊ သက်ကြီးရွယ်အိုများအတွက်လည်း ဂေဟာများ တည်ထောင်ပေးထားသည်။ ၎င်းတို့အတွက် နေအိမ် ၈၂ လုံးတည်ထောင်ထားကာ မိခင်နှင့်ကလေးကျန်းမာရေး၊ ဆေးဝါးအကူအညီတို့ ပေးလျက်ရှိသည်။ ဆေးဝါးအကူအညီအတွက်လည်း ဆေးခန်း ၁၂ ခုဖွင့်လှစ်ထားပါသည်။ ငှက်ဖျားရောဂါ ကာကွယ်ရေးအစီအစဉ်များအတွက် ရန်ပုံငွေ ထောက်ပံ့ပေးနေကာ ဆေးစိမ်ခြင်ထောင်များ၊ ငှက်ဖျားစမ်းသပ်မှု ဆေးပစ္စည်းများ၊ ပညာပေးအစီအစဉ်များစွာဖြင့် လုပ်ငန်းလည်ပတ်နေပေသည်။ သူမ တစ်ချိန် မလုပ်တော့သည့်ကာလတွင် ဖွံ့ဖြိုးရေး အစီအစဉ်များ မရပ်တန့်သွားစေရန် လူငယ်များနှင့် ပူးပေါင်းပြီး ရေရှည်အစီအစဉ်များ ဆောင်ရွက်နေလျက်ရှိပါသည်။

သန့်ဇင်စိုး