News

POST TYPE

ABOUT US

မြေအောက်ခန်းက ကျောင်းမှသည်
03-Sep-2017 tagged as ပရဟိတ

တိုင်းပြည်တစ်ခု ဖွံ့ဖြိုးတိုးတက်မှုများ ဆောင်ရွက်သည့်အခါတွင် ဆောက်လုပ်ရေး လုပ်ငန်းများစွာ  ပေါ်ပေါက်လာသည်။ မြို့ပြကြီးများ တည်ဆောက်သည့် ဆောက်လုပ်ရေးလုပ်ငန်းများ ဖြစ်လာသည့်အခါ ထိုဆောက်လုပ်ရေး လုပ်ငန်းများကို အမှီပြုပြီး လုပ်စားရသော ရွှေ့ပြောင်းလုပ်သား လူတန်းစားများလည်း ပေါ်လာသည်။ အလုပ်အကိုင်မကောင်းရာ တောမြို့များတွင် နေထိုင်သူများက အဆိုပါ ဆောက်လုပ်ရေး လုပ်ငန်းခွင်များတွင် ကာလရှည် အလုပ်လာ လုပ်ကြရတတ်သည်။ အိန္ဒိယနိုင်ငံသည် ဖွံ့ဖြိုးတိုးတက်မှု အရှိန်ရလာသည့်အခါ အလားတူ ပြည်တွင်းရွှေ့ပြောင်းလုပ်သားများက ဖွံ့ဖြိုးရေး စီမံကိန်းကြီးများသို့ အလုပ်လာလုပ်ကြသည်။ ထိုအခါ မိသားစုများပါ ခေါ်လာကြသည်။ လုပ်ငန်းခွင်များနားတွင် စုပေါင်းနေထိုင်ကြပြီး မိသားစုအလိုက် ဆောက်လုပ်ရေးလုပ်သားများ အဖြစ် ဝင်ရောက်အလုပ်လုပ်ကြပါသည်။ ထိုသို့ ရွှေ့ပြောင်းသွားလာ လုပ်ကိုင်စားသောက်မှုတွင် ကလေးငယ်များလည် ပါဝင်လာသည်။ မိဘများနှင့်အတူ ပါလာကြခြင်း ဖြစ်ပါသည်။ အဆိုပါ ရွှေ့ပြောင်းလုပ်သားများ၏ သားသမီး ကလေးများသည် အခြားအတည်တကျ နေထိုင်သည့် မိသားစုမှ ရင်သွေးများကဲ့သို့ ကျောင်းနေရခြင်း အစရှိသော ကလေးတို့၏ အခွင့်အရေးများ ဆုံးရှုံးရပါသည်။ အိန္ဒိယနိုင်ငံ ဂူရူဂရာမ်မြို့ ဆောက်လုပ်ရေး လုပ်ငန်းခွင်များထဲမှ ကလေးများကိုတော့ ကူညီနေသူ ရှိပါသည်။ သျှီပါဆိုနယ်ဆိုသည့် လူမှုရေးလုပ်သား  အမျိုးသမီးတစ်ဦး၏ တက်ကြွစွာ ဆောင်ရွက်မှုဖြင့် အဆင်ပြေကြပါသည်။ 

နည်းပညာကုမ္ပဏီများ၊ ကော်ပိုရေးရှင်း ရုံးခန်းများ ဖြစ်လာမည့် အဆောက်အဦအသစ်များကြားတွင်  ဘာဂီယာဟု အမည်ပေးထားသည့် ကျောင်းကလေးတစ်ဆောင် ရှိပါသည်။ လူနေအိမ်ရာတစ်ခု၏ မြေအောက်ခန်းကို အခန်းဖွဲ့ထားပြီး ကျောင်းလုပ်ထားခြင်း ဖြစ်သည်။ ဆိုက်ထဲမှ လုပ်သားများ၏ သားသမီးများ လာတက်ရသောကျောင်း ဖြစ်ပါသည်။ ထိုကျောင်းကို ၂၀၀၇ ခုနှစ်တွင် စတင်တည်ထောင်ခဲ့ခြင်း ဖြစ်သည်။ နှစ်စဉ် အနည်းဆုံး ကျောင်းသားသစ် ၅၀ ခန့်ကို သေချာလေ့ကျင့်သင်ကြားပေးပြီး အစိုးရ အသိအမှတ်ပြု ကျောင်းများသို့ အပ်နိုင်ခဲ့ပါသည်။ ရွှေ့ပြောင်းလုပ်သား မိသားစုမှ ကလေးများကို အားကစား၊ စာပေနှင့် အခြားယဉ်ကျေးမှုဆိုင်ရာ လှုပ်ရှားမှုများတွင် ပါဝင်နိုင်အောင် ကျောင်းစာအပြင် ထပ်မံသင်ကြားပေးပါသည်။ ဆရာဝန်များ၊ အနုပညာရှင်များ၊ အားကစားသမားများကို ဖိတ်ကြားပေးပြီး ကလေးများအတွက် အစီအစဉ်များ လုပ်ပေးသည်။ 

သျှီပါဆိုနယ်၏ ခင်ပွန်းသည် အိန္ဒိယစစ်တပ်တွင် အထူးတပ်ဖွဲ့ဝင်တစ်ဦးအဖြစ် တာဝန်ထမ်းဆောင်ခဲ့ရသည်။ ထိုစဉ်ကတည်းက သျှီပါသည် တပ်မိသားစုများ၏ လူမှုဖူလုံရေးဆိုင်ရာများအတွက် အလုပ်လုပ်ခဲ့ရဖူးသည်။ ထိုကဲ့သို့သော အတွေ့အကြုံများက နောက်ပိုင်း လူမှုရေးလုပ်သား ဖြစ်လာသောအခါ များစွာအထောက်အကူ ဖြစ်စေပါသည်။ ၃ နှစ် သားအရွယ် သူမ၏ သားငယ်လေး ခွဲစိတ်ခံရသောအခါ ဘဝအပေါ်ထားသည့်အမြင် ပြောင်းသွားခဲ့သည်။ တိုတောင်းသော ဘဝအတွင်း မည်ကဲ့သို့ အသက်ရှင်ကြမည်နည်း။ အများအကျိုးအတွက် အသက်ရှင်ရသည်က ပိုပြီးအဓိပ္ပါယ် ပြည့်ဝပါပေသည်။ 

စေတနာ့ဝန်ထမ်း ၂၀ လောက်၏ အကူအညီဖြင့် သျှီပါဆိုနယ်တို့ ကျောင်းကလေးသို့ ရွာနီးချုပ်စပ်က ကလေးများလည်း လာတက်ကြသည်။ စာမသင်လိုတော့သည့် အသက်ပိုကြီးသော လူငယ်များအတွက် အသက်မွေးဝမ်းကျောင်းပညာရပ်များ သင်ပေးသည်။ သျှီပါဆိုနယ်သည် စိတ်နှစ်ပြီး ကလေးများအတွက် ဆောင်ရွက်ပေးသည်။ ကလေးများနှင့် မိသားစုများတွင် မြင်သာသော အပြောင်းအလဲများကို ဖန်တီးပေးနိုင်ခဲ့ပါသည်။ “ကလေးခြောက်ယောက်နဲ့ ကျွန်မအိမ်ရှေ့မှာ စတင်ခဲ့တာ ဖြစ်ပါတယ်။ ခုတော့ ကလေးပေါင်း ၂၀၀ ကျော်နဲ့ ဘာဂီယာကျောင်းလေး လည်ပတ်နေပါပြီ။ လူ့အဖွဲ့အစည်းထဲမှာ ပါဝင်လည်ပတ်မနေနိုင်တဲ့ ကံနည်းရှာသူ ကလေးများ အတွက် ကျောင်းဖွင့်ထားတာပါ။ အလုပ်မရှိသည့် အမျိုးသမီးများအတွက် အချုပ်အလုပ်သင်တန်းကိုလည်း ဖွင့်ထားပေးသည်မှာ သုံးနှစ်ရှိချေပြီ။ နည်းပညာကုမ္ပဏီများ အခြေစိုက်ရာ ဒေသအဖြစ် မြို့ကြီးက ကွန်ကရစ်အဆောက်အအုံများဖြင့် ထွန်းကားလာချိန်တွင် ကျေးလက်နေ ဒေသခံပြည်သူများ ဘဝက မဖွံ့ဖြိုးဘဲ ကျန်ရစ်ခဲ့ရသည်ကို ပြုစုပေးသည့် အစီအစဉ်များ လုပ်ခြင်းပေတည်း။ ထိုကျောင်းကလေး၏ စက်ချုပ်သင်တန်းမှ ထွက်လာသော ထုတ်ကုန်များကို နိုင်ငံခြားသား ခရီးသွားဧည့်သည်များ ဝယ်ယူသည့် ဈေးကွက်သို့ တင်ပို့ရောက်ချပေးသည်။ လမ်းဘေးကလေးများအတွက် ကျောင်းတစ်ကျောင်းကိုပင် ခွဲပြီးဖွင့်ထားသည်။ သျှီပါဆိုနယ်တို့ ဖွင့်ထားသည့် ကျောင်းများမှ အရည်အချင်းမီသည့် ကလေးများကို မွေးထုတ်ကာ အစိုးရ အသိအမှတ်ပြု အတန်းအောင်ပေးသော ကျောင်းများသို့ ချိတ်ဆက်ပေးသည်။ ကျောင်းပြင်ပ ပညာရေးမှသည် ကျောင်းများက လက်ခံနိုင်သည့်အဆင့် ဖြစ်လာအောင် ရွှေ့ပြောင်းကလေးများ၊ လေလွင့်ကလေးများကို လေ့ကျင့်ပေးနေခြင်း ဖြစ်ပါသည်။ 

“နေ့စဉ်ဘဝမှာ ကျွန်မတို့ ကောင်းအောင်နေထိုင်တယ် ဆိုတာ ကိုယ့်ကြောင့် သူများတွေ ဘယ်လိုအကျိုးဖြစ်ထွန်းစေတာပဲ ဖြစ်ပါတယ်။ ပေးကမ်းခြင်းရဲ့ ပျော်ရွှင်မှုက ရိုးရှင်းပါတယ်။ ဒီပျော်ရွှင်မှုကို အစားမထိုးနိုင်ပါဘူး။ ဒါကို စမ်းကြည့်ကြစေချင်ပါတယ်” ဟု ၎င်း ကဆိုသည်။ 

ငွေကြေးမတတ်နိုင်သူ ကလေးများအတွက် ကျောင်းဖွင့်ထားခြင်း ဖြစ်ရကား ကျောင်းအတွက်  ဝင်ငွေကား ခက်ခဲလှသည်။ ဖောင်ဒေးရှင်းများ၊ NGO များ၏ လိုအပ်ချက်များနှင့် ကိုက်ညီအောင် အလှူငွေရှာရခြင်း၊ စီးပွားရေး လုပ်ငန်းများ၏ CSR ခေါ် ဒေသဖွံ့ဖြိုးရေးအတွက် ပြန်လည်လှူဒါန်းသည့် ရန်ပုံငွေများကို ရရှိအောင် ဆောင်ရွက်ရခြင်း ကျောင်းရေရှည်ရပ်တည်ရေးအတွက် စီစဉ်ရခြင်းတို့က စိမ်ခေါ်မှုများ ရှိပါသည်။ သျှီပါနှင့် စေတနာ့ ဝန်ထမ်းများကတော့ မိဘဆင်းရဲသဖြင့်၊ ဒေသက မဟုတ်သဖြင့် ကျောင်းတက်ရန် အခက်အခဲရှိသူများ မျှော်လင့်ချက် မပျောက်ရလေအောင်၊ ဘဝတွင် ရွေးချယ်စရာ များပြားရလေအောင် ကြိုးစားဆဲဖြစ်သည်။ 

သန့်ဇင်စိုး